Социалдык тармактардын тиркемелери. Архив

Казакстан чет элдик социалдык тармактарга чектөө киргизүүнү көздөп жатат

92
(жаңыланган 13:34 15.09.2021)
Мыйзам долбооруна ылайык, чет элдик социалдык желелер менен мессенжерлер Казакстанда филиалдарын ачып, мамлекеттик каттоодон өтүшү зарыл жана аны өлкөнүн жараны жетектеши керек.

БИШКЕК, 15-сен. — Sputnik. Казакстанда депутаттар балдардын укуктарын коргоо боюнча өзгөртүү киргизилип жаткан мыйзамдын алкагында чет элдик социалдык тармактарга чектөө киргизүүнү көздөп жатат. Бул тууралуу Sputnik Казакстан агенттиги жазды.

Депутаттар мыйзам долбоорун биринчи окууда жактырышкан. Документте өзгөртүүлөр балдардын турак-жайга болгон укугун камсыздоого, үй-бүлөлүк мамилеге кызыкчылыктарын коргоого жана соцтармактагы укуктарга каршы келген контенттерден оолак кылууга багытталган.

Ага ылайык, чет элдик социалдык желелер менен мессенжерлер Казакстанда филиалдарын ачып, мамлекеттик каттоодон өтүшү зарыл. Ошол эле учурда филиалдын жетекчиси Казакстандын жараны болууга тийиш.

Эгер мыйзам күчүнө киргенден кийин соцтармактар каттоодон өтпөсө, ишмердүүлүгүнө чектөө киргизилет.

Казакстандын Маалымат жана социалдык өнүктүрүү министрлигинин вице-министри Кемелбек Ойшыбаев депутаттардын сунушун колдой турганын билдирген.

Ошондой эле өлкөдө балдарды кодулагандарга карата административдик чара колдонуу сунушталган. Депутаттар окуучулардын 12 пайызы күн сайын интернеттен терс маалыматтарга туш болорун белгилеген.

Жыйынга катышкан Казакстандын башкы прокурорунун орун басары Асет Чындалиев бул сунушту колдоого алган.

92
Белгилер:
Казакстан, социалдык тармак, чектөө, мыйзам, балдар, укук
Тема боюнча
Facebook КР дипломаттарына соцтармакты туура колдонуу жолдорун көрсөттү. Сүрөт
Токио көчөсүнүн биринде бараткан улгайган аялдар. Архивдик сүрөт

Японияда улгайгандардын саны рекорддук көрсөткүчкө жетти

42
(жаңыланган 11:06 20.09.2021)
Иш менен алек болгон пенсионерлердин да саны өсүп, 9 миллионго жеткен. Улгайгандар акыркы 17 жылдан бери жаштар менен теңтайлаша иштеп келе жатканы белгиленет.

БИШКЕК, 20-сен. — Sputnik. Японияда 65 жаштан жогору адамдардын саны алгачкы жолу 36,4 миллионго жетти, бул калктын 29,1 пайызын түзөт. Муну менен Япония кары-картаңдар жашаган өлкөлөр арасында дүйнөдө биринчи орунда турарын РИА Новости жазды. 

Бүгүн өлкөдө Карылар күнү белгиленип жатат. Бир жыл ичинде Японияда улгайгандардын саны 220 миңге өскөн.

Өлкөдө жалпы эркектердин 26 пайызын карыгандар түзөт, ал эми аялдардын 32 пайызы жашы өткөндөр экени айтылды.

Ошондой эле иш менен алек болгон пенсионерлердин да саны өсүп, 9 миллионго жеткен. Улгайгандар акыркы 17 жылдан бери жаштар менен теңтайлаша иштеп келе жатканы белгиленет.

42
Белгилер:
Япония, карылык, көрсөткүч
Тема боюнча
Дарыгер улгайгандар кантип туура эмделиши керектигин айтты
Күүлүү-күчтүү болуш үчүн улгайган адамдар кандай тамактанышы керек
Японияда бөтөлкөнү тепкен футбол машыктыруучусу жазаланып, оюндан куулду. Видео
Женщина голосует на избирательном участке во время выборов президента Узбекистана.

Өзбекстанда президенттик шайлоонун үгүт иштери башталды

31
(жаңыланган 10:51 20.09.2021)
Коңшу өлкөдө быйылкы жылдын 24-октябрында президенттик шайлоо өтөт. Өзбек эли беш талапкердин арасынан өзүнө жаңы өлкө башчы тандайт.

БИШКЕК, 20-сен. — Sputnik. Өзбекстанда президенттик шайлоонун үгүт иштери башталды. Бул тууралуу Sputnik Өзбекстан агенттиги жазды.

Бул жолку шайлоого Борбордук шайлоо комиссиясы өлкөдө расмий түрдө иш алып барган беш партиянын тең талапкерлерин каттоого алды.

Өзбекстандын либерал-демократтар партиясы учурдагы президент Шавкат Мирзиёевдин талапкерлигин көрсөтүүдө. Ал өзүнүн "Жаңы Өзбекстан" деп аталган программасында коррупцияга каршы туруу жана көмүскө экономиканы кыскартууга басым жасай турганын айтты. Ошондой эле негизги өнөктөштөрү Кытай, Россия, АКШ жана Борбор Азия өлкөлөрү менен кызматташтыкты күчөтөрүн билдирди. Мындан тышкары, ЕАЭБ менен азыркыдан дагы тыгыз иштешүүнү көздөйт.

"Миллий тикланиш" партиясынын атынан чыгып жаткан 46 жаштагы Алишер Кадыров, тескерисинче, Өзбекстандын ЕАЭБ менен кызматташтыгын сындап келет. Ал өлкө башына келсе улуттук каада-салт жана баалуулуктарды сыйлабагандарды административдик жоопкерчиликке тартууну каалайт.

Өзбекстандын элдик-демократиялык партиясы бул ирет президенттикке аял кишинин талапкерлигин сунуштады. 60 жаштагы Максуда Варисова КМШ өлкөлөрү менен кызматташтыкты күчөтүүнү көздөп жатат. Ошондой эле тамак-аштын арзан, медицина менен билим берүүнүн акысыз болушу үчүн жан үрөмөкчү.

"Адолат" партиясынын 62 жаштагы лидери Бахром Абдухалимов эски саясатты жакшыртууга басым жасайт. Билим берүү жана жарандардын турак жай маселесин чечүүнү каалай турганын айтты.

Экологиялык партиянын өкүлү 46 жаштагы Нарзулло Обломурадов калкка таза суунун жеткиликтүүлүгүн 90 пайызга чейин көтөрүүнү, өлкөдөгү экологиялык абалды жакшыртууну кааларын айтты.

Ушул тапта шайлоого байкоочулук кылуу үчүн Өзбекстанга КМШ, ШКУ, ЕККУ сыяктуу биримдиктер жана эл аралык уюмдардын өкүлдөрү келе баштаганы белгилүү болду.

Коңшу өлкөдө быйылкы жылдын 24-октябрында президенттик шайлоо өтөт. Өзбек эли жогоруда айтылган беш талапкердин арасынан өзүнө жаңы өлкө башчы тандайт.

31
Белгилер:
Өзбекстан, Шавкат Мирзиеев, президенттик шайлоо, үгүт
Тема боюнча
Бишкекте россиялыктар Мамдуманын депутаттарын шайлоодо. Видео
Нарындын мэри шайлоодогу коррупциялык иштерге шектелип кармалды

"Нокауттардын ханышасы". Шевченко UFC уюмун кантип багындырган. Видео

0
(жаңыланган 12:24 20.09.2021)
Аралаш мушташ спортун чагылдырган белгилүү ERA MMA интерактивдик журналы Валентина Шевченконун карьерасы тууралуу видео жарыялады.
"Таланттуу адам бардык жагынан таланттуу. Алардын бири Валентина Шевченко. Ал сүрөттү мыкты тартат, чимириле бийлейт, таамай атат жана бир нече тилде эркин сүйлөйт. Эң негизгиси ал күчтүү мушкер, атаандаштары ага туруштук бере албайт, кайталангыс кармаштары менен өзүнүн атын тарых бетине жаза алды", — деп айтылат видеодо.

Роликте Шевченконун бардык беттештери көрсөтүлгөн. ERA MMA сайты Шевченкону профессионалдык спортто жолу кантип башталып, UFC уюмунун чемпиондук курун кантип багындырганын баяндаган.

Мушкердин кезектеги беттеши 25-сентябрга белгиленген, ал америкалык Лорен Мерфи менен кез келмекчи.

0
Белгилер:
UFC, Валентина Шевченко, мушкер, карьера, видео
Тема боюнча
Валентина Шевченко ринг-гёрлз кыздарды жактап, Хабибдин сынына жооп кайтарды
Лас-Вегаста өткөн UFC турниринин урунттуу учурлары. Видео