Женщина голосует на избирательном участке во время выборов президента Узбекистана.

Өзбекстанда президенттик шайлоонун үгүт иштери башталды

111
(жаңыланган 10:51 20.09.2021)
Коңшу өлкөдө быйылкы жылдын 24-октябрында президенттик шайлоо өтөт. Өзбек эли беш талапкердин арасынан өзүнө жаңы өлкө башчы тандайт.

БИШКЕК, 20-сен. — Sputnik. Өзбекстанда президенттик шайлоонун үгүт иштери башталды. Бул тууралуу Sputnik Өзбекстан агенттиги жазды.

Бул жолку шайлоого Борбордук шайлоо комиссиясы өлкөдө расмий түрдө иш алып барган беш партиянын тең талапкерлерин каттоого алды.

Өзбекстандын либерал-демократтар партиясы учурдагы президент Шавкат Мирзиёевдин талапкерлигин көрсөтүүдө. Ал өзүнүн "Жаңы Өзбекстан" деп аталган программасында коррупцияга каршы туруу жана көмүскө экономиканы кыскартууга басым жасай турганын айтты. Ошондой эле негизги өнөктөштөрү Кытай, Россия, АКШ жана Борбор Азия өлкөлөрү менен кызматташтыкты күчөтөрүн билдирди. Мындан тышкары, ЕАЭБ менен азыркыдан дагы тыгыз иштешүүнү көздөйт.

"Миллий тикланиш" партиясынын атынан чыгып жаткан 46 жаштагы Алишер Кадыров, тескерисинче, Өзбекстандын ЕАЭБ менен кызматташтыгын сындап келет. Ал өлкө башына келсе улуттук каада-салт жана баалуулуктарды сыйлабагандарды административдик жоопкерчиликке тартууну каалайт.

Өзбекстандын элдик-демократиялык партиясы бул ирет президенттикке аял кишинин талапкерлигин сунуштады. 60 жаштагы Максуда Варисова КМШ өлкөлөрү менен кызматташтыкты күчөтүүнү көздөп жатат. Ошондой эле тамак-аштын арзан, медицина менен билим берүүнүн акысыз болушу үчүн жан үрөмөкчү.

"Адолат" партиясынын 62 жаштагы лидери Бахром Абдухалимов эски саясатты жакшыртууга басым жасайт. Билим берүү жана жарандардын турак жай маселесин чечүүнү каалай турганын айтты.

Экологиялык партиянын өкүлү 46 жаштагы Нарзулло Обломурадов калкка таза суунун жеткиликтүүлүгүн 90 пайызга чейин көтөрүүнү, өлкөдөгү экологиялык абалды жакшыртууну кааларын айтты.

Ушул тапта шайлоого байкоочулук кылуу үчүн Өзбекстанга КМШ, ШКУ, ЕККУ сыяктуу биримдиктер жана эл аралык уюмдардын өкүлдөрү келе баштаганы белгилүү болду.

Коңшу өлкөдө быйылкы жылдын 24-октябрында президенттик шайлоо өтөт. Өзбек эли жогоруда айтылган беш талапкердин арасынан өзүнө жаңы өлкө башчы тандайт.

111
Белгилер:
Өзбекстан, Шавкат Мирзиеев, президенттик шайлоо, үгүт
Тема боюнча
Бишкекте россиялыктар Мамдуманын депутаттарын шайлоодо. Видео
Нарындын мэри шайлоодогу коррупциялык иштерге шектелип кармалды
Иран желеги. Архив

ЕЭК министри ЕАЭБ менен Ирандын макулдашуусунун пайдалуу жактарын айтты

33
(жаңыланган 15:10 07.12.2021)
ЕАЭБ менен Ирандын ортосундагы соода жүгүртүү өсүп жатат. Пандемияга чейинки статистика боюнча экспорт 47, импорт 67 пайызга жогорулаган.

БИШКЕК, 7-дек. — Sputnik. ЕАЭБ менен Ирандын ортосундагы убактылуу макулдашууну ишке ашыруу эки тараптын тең соода-сатыгына жакшы таасирин тийгизет. Бул тууралуу Евразия экономикалык комиссиянын (ЕЭК) соода боюнча министри Андрей Слепнев кабарлады.

ЕЭКтин маалымат кызматы билдиргендей, министр Ирандын Россиядагы элчиси Казем Жамали менен жолуккан.

Тараптар Евразия экономикалык биримдиги менен Ирандын ортосунда эркин соода жүгүртүүгө шарт түзгөн убактылуу келишим соода-экономикалык кызматташтыкты өнүктүрүүгө өбөлгө болорун белгилешкен.

Генеральный директор Российского экспортного центра Андрей Слепнёв во время пресс-подхода по итогам бизнес-диалога Россия – Африка в рамках Петербургского международного экономического форума 2019 (ПМЭФ-2019).
© Sputnik / Александр Гальперин
Евразия экономикалык комиссиянын (ЕЭК) соода боюнча министри Андрей Слепнев
"2021-жылдын январь-август айларында ЕАЭБ менен Ирандын ортосундагы соода жүгүртүү өткөн жылдын ушул мезгилине салыштырмалуу 60 пайызга өстү. ЕАЭБге мүчө мамлекеттердин экспорту 80 пайызга жогорулап, 1,12 миллиард доллардан 2 миллиардга чейин жетти. Импорттун көлөмү 30 пайызга көбөйүп, 803 миллион доллардан 1 миллиардга чыкты", — деди Слепнов.

Ошону менен катар ал соода жүгүртүү пандемияга чейинки статистика боюнча да өсүп жатканын баса белгиледи. 2019-жылкыга салыштырмалуу экспорт 47 пайызга, ал эми импорт 67 пайызга жогорулаган.

Соңунда ЕАЭБ министри менен Ирандын элчиси соода жүгүртүү тууралуу толук форматтуу макулдашуу түзүү боюнча сүйлөшүүлөрдүн жүрүшүн жогору баалап, өз ара иштешүүгө канааттануусун билдирген.

33
Белгилер:
Евразиялык экономикалык биримдик, Иран, макулдашуу, ЕЭК, министр, соода
Тема:
ЕАЭБдеги Кыргызстан
Тема боюнча
Министр Казакбаев Иранды өлкө экономикасына инвестиция жасоого чакырды
Кишилер Пекиндеги Кышкы Олимпиада оюндарынын логотибинен жанында

АКШ бийлиги Кытайда өтө турган Олимпиада оюндарына бойкот жарыялады

76
(жаңыланган 11:45 07.12.2021)
Жо Байдендин администрациясы 2022-жылдагы Олимпиада жана Паралимпиада оюндарына дипломатиялык дагы, расмий дагы делегация жөнөтпөй турган болду.

БИШКЕК, 7-дек. — Sputnik. АКШ бийлиги 2022-жылы Кытайда өтө турган кышкы Олимпиада оюндарына бойкот жарыялагандыктан, иш-чарага Американын бийлик өкүлдөрү катышпайт. Бул тууралуу Ак үйдүн маалымат катчысы Жен Псаки брифинг учурунда билдирди.

"Кытайдагы адам укугунун бузулушу жана Синьцзяндагы геноцидди эске алуу менен Байдендин администрациясы 2022-жылдагы Олимпиада жана Паралимпиада оюндарына дипломатиялык дагы, расмий дагы делегация жөнөтпөйт", — деди ал брифингде.

Ошол эле учурда бул бойкоттун АКШлык спортчуларга тиешеси жок экени айтылды.

"Ал эми Олимпиада оюндарына катышкан спортчуларыбызды 100 пайыз колдойбуз", — деди Псаки.

Эске салсак, Синьцзяндагы окуяларга байланыштуу АКШ, Улуу Британия жана Европа биримдиги Кытайга каршы санкция жарыялашкан. Алар Кытай бийлиги уйгурлар жана алар сыяктуу башка этникалык азчылыктардын укугун бузуп, эркине каршы эмгегин пайдаланып жатат деп айыптоодо. Пекин бул айыптоолордо айтылгандардын бардыгын төгүндөп келет. Кытай бийлиги Синьцзянга байланыштуу окуялар адам укугуна эмес, террорчулук жана сепаратизмге тиешелүү экенин билдирет.

76
Белгилер:
АКШ, Кытай, олимпиада, адам укугу, спорт, саясат, бойкот
Тема боюнча
Сүйүнүчтүү кабар! Лыжачы Максим Гордеев кышкы Олимпиадага катышууга лицензия алды
Кеңешбеков: кыргызстандыктар марафондук жарышта Олимпиадада медаль ала алат
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

0
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

0
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме