Газдалган суусундуктар. Архивдик сүрөт

Боору жарабай калган. 1,5 литр коланы 10 мүнөттө ичкен киши каза болду

3640
(жаңыланган 11:23 25.09.2021)
22 жаштагы киши муздак суусундукту ичкенден алты сааттан кийин Пекиндеги ооруканага кайрылып, ичи катуу ооруп жана көөп жатканын айткан.

БИШКЕК, 25-сен. — Sputnik. Кытайдын жашоочусу бир жарым литр коланы 10 мүнөттө ичип, эртеси каза болуп калган. Бул тууралуу Daily Mail жазды.

22 жаштагы бала муздак суусундукту ичкенден алты сааттан кийин Пекиндеги ооруканага кайрылып, ичи катуу ооруп жана көөп жатканын айткан.

Дарыгерлер аны текшерип, боор оорусун жана пневматозду, тагыраагы, ашказандын кырларында газга толгон шишиктер пайда болгонун аныкташкан. Ошондой эле жүрөгү бат-баттан согуп, дем алуусу да ылдамдап, кан басымы төмөндөп кеткени байкалган.

12 сааттан кийин анализ эркек кишинин боору катуу жабыркаганын көрсөткөн. Бир аздан кийин абалы начарлап, ооруканага кайрылгандан 18 сааттан кийин көз жумган.

Кытайлык дарыгерлер бейтап коланы ашыкча ичкендиктен организминде көмүр кычкыл газы топтолуп калганын айтышты. Бул боорго кычкылтекти жеткирбей, өлүмгө кептеген. Медиктер кошумчалагандай, ичеги-карындагы газ боор менен бириккен тамыр аркылуу кирип кеткен.

Ал эми лондондук университеттин колледжинин биохимиги Натан Дэвистин айтымында, жигиттин өлүмүнө суусундук эле таасир этти деп айтууга болбойт. Себеби организмде газдардын топтолушуна алып келген бактериялык инфекция дагы болушу мүмкүн. Ал газдалган суусундуктарды ичүү өтө зыян эмес экенин, анын кесепетин узак мөөнөттө гана байкоого боло турганын түшүндүрдү. Дэвис кола тишти бузуп, сөөккө минералдардын сиңишин начарлатышы мүмкүн экенин кошумчалаган.

3640
Белгилер:
Кытай, жигит, суусундук, боор, өлүм
Тема боюнча
Коронавирустан айыккандар ден соолукка кантип кам көрүшү керек. Адистен 5 кеңеш
Торт, балмуздак, туз. Жүрөккө "бычак" азыктар аталды

Өзбекстанда алыстан башкарылчу ири калибрлүү пулемёт жасалды. Видео

85
Жаңы жасалган аскердик модулга заманбап электрондук-оптикалык жабдуулар коюлду. Келечекте бул техниканы сооттолгон автоунааларга жана башка аскердик машиналарга орнотуу пландалып жатат.

Өзбекстанда алыстан туруп башкарылчу ири калибрлүү пулемёт иштелип чыкты. Бул тууралуу өлкөнүн Коргонуу өнөр жайы боюнча комитети кабарлады.

Техникадан сыноо иретинде ок чыгарылып жаткан учурдун видеосу YouTube тармагына жүктөлгөн.

"Адистер конструкциялык жана техникалык документтерди даярдашты. Аскердик модуль заманбап электрондук-оптикалык жабдуулар менен камсыздалды", — деп айтылат кабарда.

Келечекте бул техниканы сооттолгон автоунааларга жана башка аскердик машиналарга орнотуу пландалып жатат.

 

85
Белгилер:
Өзбекстан, курал, Аскер, техника
Тема боюнча
"Кант" авиабазасына "аскердик интернет" коюлат. РФ министрлигинин чечими
Шприц кармап турган медицина кызматкери. Архив

Өзбекстанда коронавируска каршы 177 миң бала эмделди

20
(жаңыланган 14:07 28.10.2021)
Өзбекстанда коронавируска каршы балдарга эмдөө жүргүзүү боюнча алдыңкы орундарда Фергана (37 395 доза), Наманган (34 479 доза) жана Андижан (22 502 доза) облустары турат.

БИШКЕК, 28-окт. — Sputnik. Өзбекстанда коронавируска каршы 177 миң өспүрүм эмдөөдөн өттү. Бул тууралуу өлкөнүн Саламаттык сактоо министрлигине шилтеме берип Sputnik Өзбекстан агенттиги жазды.

Маалыматка караганда, коңшу өлкөдө 12 жаштан жогорку балдар бир айдан бери Pfizer препаратын алып жатат.

Эске салсак, Россиянын "Спутник V" вакцинасын 12-17 жаштагы балдарга колдонууга уруксат берүү үчүн июль айында препаратты сыноо башталган. Балдарга бир дозанын 10дон бир бөлүгү куюлган. Учурда жыйынтыгы күтүлүүдө.

20
Белгилер:
Өзбекстан, бала, коронавирус, вакцина
Тема:
Дүйнөгө жайылган коронавирус
Тема боюнча
ДССУ адамзат COVID-19ду кантип жеңсе болорун айтты
Гинцбург: "Спутник V" дельта-штаммдын бардык түрүнө туруштук берерин көрсөттү
Көмүр саткан жайларга рейд жүргүзүлүүдө

Чүйдө көмүр саткан жайларга рейд жүргүзүлүүдө. Сүрөт

15
(жаңыланган 16:57 28.10.2021)
Текшерүүгө Монополияга каршы жөнгө салуу мамлекеттик агенттиги менен Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

БИШКЕК, 28-окт. — Sputnik. Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө. Бул тууралуу Монополияга каршы жөнгө салуу мамлекеттик агенттиги кабарлады.

Рейды по урегулированию цен на уголь на топливных базах и стационарных точках объездной дороги Бишкека и в Сокулукском районе. 28 октября 2021 года
© Фото / пресс-служба ГААР при ПКР
Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө

Текшерүүгө аталган агенттиктен, Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

"Сатуучуларга көмүрдүн баасы көтөрүлбөшү керектиги тууралуу түшүндүрүү иштери жүргүзүлдү", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса жоопко тартылары боюнча эскертүү берилди.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон.

Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

15
Белгилер:
Чүй облусу, Бишкек, көмүр, баа, рейд
Тема боюнча
Бийлик Бишкек менен аймактарда көмүрдүн баасын бекитти. Канчадан ашпаш керек?