Талибан согушкерлери Пули-Чарки түрмөсүндө. Архивдик сүрөт

Талибдер өлүм жазасы менен кол кесүүнү кайрадан киргизүүнү ниеттенип жатат

171
(жаңыланган 11:36 25.09.2021)
Талибдердин мурдагы эрежеси боюнча, соттолгон кишини жабыркаган тараптын үй-бүлө мүчөсү башка аткан, ошондой эле уурулукка баргандардын колун кескен.

БИШКЕК, 25-сен. — Sputnik. Талибдер айрым кылмыштар үчүн айыпкерлерди эл алдында өлүм жазасына тартуу жана соттолгондордун колун кесүү эрежесин кайтарууну көздөп жатат. Бул тууралуу Associated Press агенттигине "Талибандын"* негиздөөчүлөрүнүн бири, молдо Нуруддин Тураби билдиргенин Sputnik радиосу жазды.

"Колду кесүү коопсуздукту камсыздоо үчүн өтө керек нерсе", — деп билдирген Тураби.

Анын айтымында, жаңы өкмөт мындай жазаны эл алдында колдонуу туурабы деген маселенин үстүндө иштеп жатат.

Мурда талибдер катаал жазаларды колдонушкан. Соттолгон кишини жабыркаган тараптын үй-бүлө мүчөсү башка аткан. Ошондой эле уурулукка баргандардын колун кескен.

2021-жылдын июнь айынан бери "Талибан"* кыймылы активдешип, августта Афганистанды толук каратып алган. Кийин Афганистанда 20 жылга созулган согуш аяктаганын билдирген. Убактылуу өкмөт куралып, ушу тапта Өзбекстан, Казакстан жана Кытай кызматташууга даяр экенин расмий жар салган. Ал эми Кыргызстан делегациясы гуманитардык жардам жеткирип барган

* — Кыргызстан, Россия жана башка бир катар мамлекеттерде тыюу салынган уюм.

171
Белгилер:
'Талибан' кыймылы, өлүм жазасы, жаза, айып
Тема:
Афган бийлиги менен талибдердин тиреши (262)
Тема боюнча
"Талибан"* Россияны БУУнун санкцияларынан бошотууга көмөктөшүүгө чакырды
Талибдер Россиянын жардамына үмүт артып турат. Чоо-жайы
Борбор Азияга таралуу коркунучу жок эмес... Талибдер убадасына турабы?
Кыргызстан жана Казакстан желектери. Архив

Нурсултан Назарбаев кыргыздардан эмне белек алганын айтты

162
(жаңыланган 11:42 22.10.2021)
Назарбаев мурдагы совет мамлекеттери белек беришүүнү жакшы көрөрүн айткан. Ошол эле учурда батыш өлкөлөрүндө мындай адат өөн учурай турганын белгилеген.

БИШКЕК, 22-окт. — Sputnik. Казакстандын алгачкы президенти Нурсултан Назарбаев "Штрихи к портрету. Откровение" даректүү тасмасында кесиптештери берген эсте калган белектер тууралуу айтып берди.

Видеону Елбасынын маалымат кызматынын YouTube каналы чыгарды.

"Батышта белек беришпейт. Мен аны билбей Клинтонго (Билл Клинтон — АКШнын мурдагы президенти) анын сүрөтү түшүрүлгөн килем алып баргам. Дубалга илет го дегем, кабыл алуучу жайына барсам жерге салып коюшуптур. Биз андайга жол бермек эмеспиз да. Совет маалындагы мамлекеттер белек бергенди жакшы көрүшөт. Мисалы, Бердымухамедов (Түркмөнстандын өлкө башчысы Гурбангулы Бердымухамедов) ахалтекин атын, өзбектер кийим менен буюмдарды, кыргыздар дагы аргымак тартуулашат", — деген Назарбаев.

Ал ошондой эле казак эли да башка кесиптештерине жаккан белек бергенге аракет кыларын кошумчалаган.

162
Белгилер:
Казакстан, Кыргызстан, Нурсултан Назарбаев, белек, аргымак
Тема боюнча
Назарбаев Путинди кантип таң калтырганын айтып берди. Маектин видеосу

Назарбаев Путинди кантип таң калтырганын айтып берди. Маектин видеосу

498
(жаңыланган 10:52 22.10.2021)
Казакстандын алгачкы президенти Нурсултан Назарбаев Россиянын өлкө башчысы Владимир Путин анын мөөнөтүнөн мурда отставкага кетишин кандай кабыл алганын эстеп, айтып берди.

"Штрихи к портрету. Откровение" даректүү тасмасынын бешинчи сериясын Елбасынын маалымат кызматынын YouTube каналы чыгарды. Анда Назарбаев алып баруучу менен маектешкен.

"Мындай нерселерди жайылтууга болбойт. Мен эч кимге айткан эмесмин. Кантсе да ири кошунабыз да, ошол күнү эртең менен Путинге чалдым, ал аябай таң калды. Мен "бүгүн кечинде жарыяланат, өз оозумдан уксун дедим сизди" деп айттым. Бүттү! Андан башка президенттер билген жок", — деген Назарбаев.

Елбасы отставкага кетүү чечими 2015-жылы бышып-жетилгенин билдирген. 2011-жылы кыр арка сөөгүнө операция жасатканын да белгилеген.

"75 жылдыгым өттү, мен өзүм үчүн ушуну менен бүттү деген чечим чыгардым. Ишенимдин туу чокусунда турганда кетиш керек болду. Негизи эле ушундай кылыш керек деп ойлойм. Көз алдымда СССРдин геронтологиялык жетекчилиги турган. Мен Брежневдин, Андроповдун, Черненконун тажиясына катыштым, бул бир суроо. Ал эми экинчи суроо — кантсе да адамдык мүмкүнчүлүктөрдүн чеги бар", — деген Казакстандын мурдагы өлкө башчысы.

Эске сала кетсек, Нурсултан Назарбаев 2019-жылы мөөнөтүнөн мурда отставкага кеткен.

498
Белгилер:
Казакстан, Нурсултан Назарбаев, Владимир Путин, отставка
Тема боюнча
Путин Афганистандын экономикасын калыбына келтирүү үчүн көмөктөшүүгө чакырды
Министрлер кабинетинин төрагасы Акылбек Жапаров өлкөдөгү банктардын жетекчилери менен жолугушту

Акылбек Жапаров банк жетекчилери менен көмүскө экономиканы талкуулады

27
(жаңыланган 16:14 22.10.2021)
Жолугушууда накталай эмес төлөмдөрдүн үлүшүн жогорулатуу жана экономиканы көмүскөдөн алып чыгуу боюнча сөз болгон.

БИШКЕК, 22-окт. — Sputnik. Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту. Бул тууралуу өкмөттүн маалымат кызматынан кабарлады.

  • Бизнес-завтрак руководителей коммерческих банков с кабинетом министров. 22 октября 2021 года
    Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту
    © Пресс-служба правительства / Алишер Алиев
  • Участники бизнес-завтрака руководителей коммерческих банков с кабинетом министров. 22 октября 2021 года
    Жолугушуунун негизги максаты накталай эмес төлөмдөрдүн жана эсептешүүлөрдүн үлүшүн жогорулатуу болгон
    © Пресс-служба правительства / Алишер Алиев
  • Участники бизнес-завтрака руководителей коммерческих банков с кабинетом министров. 22 октября 2021 года
    Жапаров экономиканы көмүскөдөн алып чыгуу үчүн ачык-айкындуулук керек экендигине токтолгону айтылат
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту

Жолугушуунун негизги максаты накталай эмес төлөмдөрдүн жана эсептешүүлөрдүн үлүшүн жогорулатуу болгон. Жапаров экономиканы көмүскөдөн алып чыгуу үчүн ачык-айкындуулук керек экендигине токтолгону айтылат.

"Эң алдыңкы технологиялар ар дайым банктарда болгон. Биз накталай эмес эсептешүүлөрдүн үлүшүн жогорулатууну стимулдаштыруу иши министрлер кабинетинин карамагында болуусун каалайт элек. Алсак, Казакстанда салыктарды чогултуу банктардын биринин телефондогу тиркемесине жараша жогорулаган. Анда адамдар базардагы азык-түлүктөр үчүн да ал тиркеме аркылуу эсептеше баштады. Банктар жаңы технологияларды киргизүүдө жардам берет деп ишенем. Министрлер кабинетинин алдыга койгон милдеттерине толугу менен жетишүүгө болот", — деген Жапаров.

Министрлер кабинетинин төрагасы банктардын сунушун эске алуу менен накталай эмес эсептешүүлөрдүн үлүшүн жогорулатуу боюнча чаралар кабыл алынарын убадалаган.

27
Белгилер:
коммерциялык банктар, жетекчи, Акылбек Жапаров, көмүскө, экономика
Тема боюнча
Акылбек Жапаров жергиликтүү бийликтин колуна канча акча берерин тизмектеди
Таштандыдан мүлккө чейин. Жапаров аткаминерлердин негизги милдетин атады