Чек ара кызматкерлери. Архив

Россия ТИМи тажик-афган чек арасындагы абал тууралуу үн катты

2520
(жаңыланган 19:39 30.09.2021)
Москва Душанбе менен Кабулду "жаралган абалды жөнгө салуу боюнча өз ара кепке келүүнүн варианттарын издөөгө" чакырган.

БИШКЕК, 30-окт. — Sputnik. Москва Тажикстан менен Афганистандын жалпы чек арасына эки жактан аскерлердин тартылышы боюнча маалыматтардан улам РФ Кабул менен Душанбени абалды жөнгө салууда өз ара кепке келүү варианттарын кароого чакырат. Бул туурасында РИА Новости билдирди.

Маалыматты РФ ТИМинин маалымат департаментинин директорунун орун басары Алексей Зайцев билдирген.

"Тажик-афган чек арасындагы эки өлкөнүн лидерлеринин кескин билдирүүлөрүнүн фонунда улам өсүп бара жаткан чыңалууга тынчсыздануу менен байкоо салып турабыз. Эки тараптын куралдуу күчтөрүнүн жалпы чек араны көздөй жылышы байкалганы боюнча маалымат тарады. Талибан* кыймылынын маалыматына караганда, Афганистандын чек арасына жакын Тахар провинциясында атайын бөлүктөрдүн миңдеген аскерлери жайгашкан", — деп билдирген Зайцев брифингде.

Мындан улам ал Москва Душанбе менен Кабулду "жаралган абалды жөнгө салуу боюнча өз ара кепке келүүнүн варианттарын издөөгө" чакырган.

2520
Белгилер:
Афганистан, Тажикстан, Москва, 'Талибан' кыймылы
Тема:
Афган бийлиги менен талибдердин тиреши (262)
Тема боюнча
Борбор Азияга таралуу коркунучу жок эмес... Талибдер убадасына турабы?
Саясат таануучу Өзбекстандын талибдерге көз карашы кандай экенин айтты
Кыргыз-казак чек арасындагы Ак-Жол өткөрмө бекети. Архив

Казакстанга кирүүнүн шарттары жеңилдеди

169
(жаңыланган 10:26 20.10.2021)
Олуттуу себептер менен бара жаткан жарандарды мурдагыдай ата-энеси, мыйзамдуу түгөйү жана балдары гана эмес, асырап алгандар, асырап алынгандар, чоң ата, чоң эне (таята, таене), небере, аталаш жана энелеш бир туугандары коштоп бара алат.

БИШКЕК, 20-окт. – Sputnik. Казакстанда мамлекеттик чек арадан өтүү шарттары жеңилдетилди. Бул тууралуу Чек ара кызматына шилтеме берип Sputnik Казакстан агенттиги жазды.

Жаңы эрежелерге ылайык, Казакстанга олуттуу себептер менен бара жаткан жарандарды мурдагыдай ата-энеси, мыйзамдуу түгөйү жана балдары гана эмес, асырап алгандар, асырап алынгандар, чоң ата, чоң эне (таята, таене), небере, аталаш жана энелеш бир туугандары коштоп бара алат. Эгер тиешелүү документтери болсо, алар түгөйүн жана жашы жете элек балдарын дагы алып алууга укуктуу.

Ал эми мөөнөтү тууралуу айтсак, коңшу өлкөгө чет элдиктер мурдагыдай эле 30 күн аралыгында бир жолу кирип-чыга алат.

169
Белгилер:
Казакстан, чек ара, жеңилдик
Тема боюнча
1 207 киши Кыргызстандын жарандыгын алды. Көбү этникалык кыргыздар
Мигранттарга Россияда жүрүү жана жарандык алууну жеңилдетүү каралууда. Шарты
Казакстандын туңгуч президенти Нурсултан Назарбаев. Архив

Эч кимге айтпаган сырымды ачам. Назарбаевдин жаңы маегинин тизери

319
Бул ролик "Штрихи к портрету. Откровение" даректүү тасмасынын бешинчи сериясын презентациялоого арналган.

БИШКЕК, 19-окт. — Sputnik. Казакстандын туңгуч президенти Нурсултан Назарбаевдин жаңы маегинин тизери социалдык тармакка чыкты. Аны Елбасынын маалымат катчысы Айдос Укибай Twitter баракчасына жүктөдү.

​Бул ролик "Штрихи к портрету. Откровение" даректүү тасмасынын бешинчи сериясын презентациялоого арналган.

Анда коңшу өлкөнүн биринчи президенти эч нерседен коркпогон адам болбой тургандыгын, журналистке буга чейин эч кимге айтпаган ыймандай сырын ачууга убада берип жатат. Ошондой эле гольф ойноп жатканын көрүүгө болот.

"Мен азыр сизге мурда эч кимге айтпаган сырымды айтып берейин. Сен үчүн бул сенсация болот. Эми мени кечиришсин. Мага деле оңой эмес. Эч нерседен коркпогон адам болбойт", — деп айткан Назарбаев маектин тизеринде.

Интервью толугу менен 21-октябь күнү "Хабар" телеканалынан көрсөтүлөрү айтылды.

319
Белгилер:
Нурсултан Назарбаев, маек, Казакстан, даректүү тасма
Тема боюнча
Назарбаев аялдар жана сүйүүсү тууралуу суроого жооп берди
Айыл, суу чарба жана региондорду өнүктүрүү министрлигинин Механизациялоо жана айыл чарбасын энергия менен камсыз кылуу департаментинин директору Нурлан Кожогулов

Кожогулов: 450 техника дыйкандарга жеңилдетилген шартта берилет

0
Айыл, суу чарба жана региондорду өнүктүрүү министрлигинин Механизациялоо жана айыл чарбасын энергия менен камсыз кылуу департаментинин директору Нурлан Кожогулов фермерлер үчүн айыл чарба көргөзмөсү өтөрүн маалымдады.

Бишкек шаарынын эски аянтында 22-24-октябрь күндөрү фермерлер үчүн "АгроТехЭкспо 2021" көргөзмөсү жана "Алтын күз" айыл чарба жарманкеси өтөт. Бул тууралуу Нурлан Кожогулов Sputnik Кыргызстан радиосунда маек куруп жатып билдирди.

Кожогулов: 450 техника дыйкандарга жеңилдетилген шартта берилет

Анын айтымында, аталган көргөзмө республикада сегизинчи жолу өткөрүлүүдө.

"Көргөзмөгө жалпы 200дөн ашык чет элдик жана жергиликтүү компания, ишкерлердин катышуусу күтүлүүдө. Анда дыйкандарга заманбап техникалар, технологиялар, асыл тукум малдын жаңы породалары, жер семирткичтер, вакциналар жана банк кызматтары сунушталат. Мындан тышкары, окутуулар, айыл чарба тармагындагы кызмат көрсөтүүлөр болот. Бул жылы көргөзмөгө асыл тукум малдын породалары боюнча кошумча бөлүм кошулат. Ошондой эле органикалык айыл чарба продукцияларынын жарманкеси өтөт. Аны өндүрүү боюнча мастер-класстар уюштурулат. Мындай көргөзмөлөр жакшы натыйжа берет. Анткени дыйкандар оруп-жыюу иштери жыйынтыкталган соң көргөзмөгө катышып тетиктер, техника боюнча маалымат алып тапшырык беришет. Быйыл лизинг берүү боюнча эки жаңы долбоор киргиздик. Февралда 540 миллион сом, октябрдын башында 446 миллион сом бөлүндү. Жылдын этегине чейин лизингге айыл чарба техникаларын берүүнү 900 миллиондон 1 миллиард сомго жеткирүүнү мерчемдеп жатабыз. Жалпы 450 техника дыйкандарга жеңилдетилген шартта берилет", — деди Кожогулов.

Ошондой эле ал республика боюнча 10 миңден ашык дыйкандын жана 5-6 миң Бишкек шаарынын тургундарынын катышуусу күтүлүп жатканын кошумчалады.

Подкастты толугу менен видеодон көрө аласыз:

0
Белгилер:
Нурлан Кожогулов, дыйкан, техника, шарт
Тема боюнча
Фермерлер Чоң Чүй каналынын суусунан канткенде көз каранды болбойт. Шарты