Соодар борбордо чыккан өрт. Архивдик сүрөт

Нур-Султанда соода борбору өрттөнүп, кыз 3-кабаттан секирди. Видео

1299
(жаңыланган 15:31 02.10.2021)
Эмерек салонунда иштеген кыз Тез жардам кызматы менен ооруканага жеткирилгени айтылды. Соода борборунда чыккан өрттү өчүрүү бир нече саатка созулган.

БИШКЕК, 2-окт. — Sputnik. Нур-Султан шаарындагы "Астыкжан" соода борборунда өрт чыгып, кырсыктан сактанууга аракет кылган кыз имараттын үчүнчү кабатынан секирди. Бул тууралуу Sputnik Казакстан кабарлады.

Билдирмеге караганда, 20 жаштагы кыз эмерек салонунда иштейт.

"Азыркы тапта жабыркаган адам Тез жардам кызматы менен ооруканага жаткырылды", — деп айтылат маалыматта.

"Астыкжан" соода борборундагы өрттү бир нече сааттан бери өчүрүү иштери жүрүп жатканы айтылды. 

Өрт бүгүн, 2-октябрда, соода борбордун үчүнчү кабатынан чыккан. Жеринде 76 өрт өчүрүү кызматы иштеп, ага 19 атайын техника тартылган.

Ал арада бутик ээлери күйүп жаткан имараттан эмерек, буюмдарын ташып чыгууда.

1299
Белгилер:
Казакстан, өрт, соода, борбор, кыз, сактануу, видео
Тема боюнча
Терезелер талкаланып, кыз ыргып кеткен. Казакстандагы жарылуунун жаңы кадрлары
Өзбекстан менен Афганистандын чек арасындагы көзмөл пункту. Архив

Афган делегациясы Өзбекстанга келип, сүйлөшүүлөр башталды

157
Бул жолугушуу тууралуу тараптар Өзбекстандын тышкы иштер министри Абдулазиз Камилов 7-октябрь күнү Кабул шаарына барганда макулдашылган.

БИШКЕК, 16-окт. — Sputnik. Афганистандын убактылуу өкмөт башчысынын орун басарынын милдетин аткаруучу Абдул Салам Ханафи Өзбекстанга келип, бийлик өкүлдөрү менен сүйлөшүүлөрдү жүргүзүүдө. Бул тууралуу Өзбектан ТИМинин расмий өкүлү Юсуп Кабулжановго шилтеме берип Sputnik Өзбекстан агенттиги жазды.

"Жолугушуу тууралуу тараптар Өзбекстандын тышкы иштер министри Абдулазиз Камилов 7-октябрь күнү Кабул шаарына барганда макулдашылган. Афган делегациясын убактылуу өкмөт башчысынын орун басарынын милдетин аткаруучу Абдул Салам Ханафи жетектеп, Өзбекстан делегациясынын башында премьер-министрдин орун басары Сардор Умурзаков турат", — деп айтылат бидирүүдө.

Тараптар соода-экономика тармагын талкуулап, товар жүгүртүү жолдорун биргеликте издешет. Ошондой эле Сурхан — Пули-Хумри электр өткөрүү линиясынын жана Мазари-Шариф — Кабул — Пешавар темир жолунун курулушун баштоо боюнча сөз болору айтылат.

Белгилей кетсек, Борбор Азия мамлекеттеринин ичинен афган элине биринчилерден болуп Кыргызстан кол сунду. Сентябрь айынын соңунда КРдин Коопсуздук кеңешинин төрагасынын орун басары Таалатбек Масадыков Кабулга барып, "Талибан"* өкмөтүнүн ТИМ башчысы Амир Хан Муттаки менен жолуккан. Президенттин маалымат кызматы Масадыков башында турган кыргыз делегациясы Кыргызстан элинин атынан Афганистан Ислам Республикасынын элине гуманитардык жүк жеткиргенин кабарлаган.

Афган бийлиги менен Өзбекстан, Казакстан жана Кытай кызматташууга даяр экенин расмий жарыялаган.

Ал эми октябрь айынын башында Россия талибдерди Афганистан тууралуу "Москва форматындагы" жолугушууга келип кетүүгө чакырды.

Кийин G20 мамлекеттери кезектеги жыйынында кааласа да, каалабаса да талибдер менен иштешип, ал тургай гуманитардык жардам берүүгө мажбур экенин билдиришкен.

* — Кыргызстан жана башка мамлекеттерде тыюу салынган уюм

157
Белгилер:
Афганистан, Өзбекстан, жолугушуу, делегация
Тема:
Афган бийлиги менен талибдердин тиреши
Тема боюнча
Талибдер Афганистандын Жогорку сотун түзгөнүн жар салды
Жапаров: Афганистанда кырдаал курчуп отурса, Борбор Азияда абал кыйындайт

Кыргызстандан барган тасма Алматыда "Мыкты фильм" аталды. Видео

247
Алматыдагы эл аралык фестивалда бишкектик чыгармачыл топ тарткан тасма "Мыкты фильм" номинациясында жеңишке жетти. Бир минуталык чакан тасмада экология темасы көрсөтүлгөн.

Кыргызстандыктар тарткан чакан фильм мыкты деп табылганын фетивалдын PR-менеджери Олеся Колесниченко кабарлады.

Сынактын шарты боюнча, смартфондун камерасына тартылган тасмаларын Кыргызстан, Казакстан, Испания, Түштүк Корея, Япония, АКШ, Россия сыяктуу 16 өлкөнүн өкүлдөрү тартуулаган.

Кыска метраждуу (12 мүнөткө чейин) "Мыкты фильм" номинациясын бишкектик чыгармачыл топ тарткан Present for Future тасмасы утту.

Анда кичинкей кыздын жашыл токойду аралап, чымчыктын үнүнөн рахат алып жүргөнүн көрүүгө болот. Бирок чындыгында ал виртуалдык реалдуулукта жүргөнү, өзү көз айнек тагынып караңгы бөлмөдө турганы көрсөтүлөт.

"Жаратылышка аяр мамиле кылбасак, дал ушундай келечекке туш болобуз", — дейт тасманын режиссеру.

Киноиндустриянын өкүлдөрүнөн турган калыстар тобу фильмге мыкты деген баа берген.

247
Белгилер:
тасма, фестиваль, Бишкек, Алматы, жеңиш, экология
Тема боюнча
"Акыркы көч" тасмасы Сан-Паулодогу беделдүү сынакта ат салышат

Бетин катканына карабай ургулап. UFC турниринин эң кызыктуу учурлары видеодо

0
UFC Russia YouTube каналы уюмдун Лас-Вегаста өткөн соңку турниринин эң мыкты учурларын чыгарды. Мушкерлердин кечеси кечээ (Бишкек убактысы боюнча таңда) өттү.

Кеченин башкы беттешинде америкалык спортчу кыздар Аспен Лэдд менен бразилиялык Норма Дюмонт кезикти. Жыйынтыгында Дюмонт калыстардын чечими менен утту.

Кеченин дагы бир башкы беттешинде беларустук Андрей Орловский дагы бразилиялык Карлос Фелипти калыстардын чечими менен жеңди.

Ошондой эле башкы карддын алкагында Жим Миллер Эрик Гонсалести нокаутка кетирсе, Манон Фиоро Майру Буэно Сильваны калыстардын чечими менен, ал эми Нейт Ландвер Людовит Клейнаны колду кайруу ыкмасынын жардамы менен утту.

0
Белгилер:
Лас-Вегас, UFC, беттешүү, кармаш, турнир, видео
Тема боюнча
Валентина Шевченко Кыргызстандын туусун коюп пост жарыялады