Электр зымдары. Архив

Тажикстан: электр кубатын Кыргызстанга саткан үчүн эки өлкөгө экспортту азайттык

304
(жаңыланган 10:46 05.10.2021)
Буга чейин Кыргызстандын энергетика жана өнөр жай министри Доскул Бекмурзаев өлкө Тажикстандан күнүнө 1 миллион киловатт саат электр энергиясын ала баштаганын айткан.

БИШКЕК, 5-окт. — Sputnik. Тажикстан Афганистан менен Өзбекстанга экспорттогон электр энергиясынын көлөмүн кыскартып, Кыргызстанга сата баштады. Бул тууралуу энергетика боюнча ведомствого шилтеме берип Sputnik Тажикстан агенттиги жазды.

Маалыматка караганда, буга чейин эки өлкө Тажикстандан кубаттуулугу 220-500 киловатт-саатка жеткен электр өткөрүү зымдары аркылуу электр энергиясын алып жаткан. Эми товар 110 киловатт-саатка жеткен электр өткөрүү зымдары аркылуу гана жөнөтүлө баштады.

"Мындан улам Кыргызстанга электр энергиясын берип жатабыз. Буга Токтогул суу сактагычында суунун деңгээли кескин түшүп кеткени себеп болууда. Учурда суткасына 1,2 миллион киловатт-саат жөнөтүлүүдө. Андан көп берүүгө мүмкүнчүлүк жок. Анткени Тажикстандын негизги гидростанциялары жайгашкан Вашх дарыясынын агымы азайып кетти", — деп айткан ведомстводон.

Буга чейин Кыргызстандын энергетика жана өнөр жай министри Доскул Бекмурзаев өлкө Тажикстандан күнүнө 1 миллион киловатт-саат электр энергиясын ала баштаганын айткан. Ал эми президент Садыр Жапаров коңшу өлкө менен катар Түркмөнстан, Казакстан жана Өзбекстандан электр энергиясы импорттолуп жатканын кошумчалаган. Өлкө башчысы сатып алынып жаткан электр энергиясынын баасы 2 сомдун тегерегинде экенин билдирген.

304
Белгилер:
Кыргызстан, Тажикстан, электр энергиясы, импорт
Тема боюнча
Бишкекте түнкүсүн жарык берүүгө чектөө киргизилбей турган болду
Кыргызстан жана Казакстан желектери. Архив

Нурсултан Назарбаев кыргыздардан эмне белек алганын айтты

211
(жаңыланган 11:42 22.10.2021)
Назарбаев мурдагы совет мамлекеттери белек беришүүнү жакшы көрөрүн айткан. Ошол эле учурда батыш өлкөлөрүндө мындай адат өөн учурай турганын белгилеген.

БИШКЕК, 22-окт. — Sputnik. Казакстандын алгачкы президенти Нурсултан Назарбаев "Штрихи к портрету. Откровение" даректүү тасмасында кесиптештери берген эсте калган белектер тууралуу айтып берди.

Видеону Елбасынын маалымат кызматынын YouTube каналы чыгарды.

"Батышта белек беришпейт. Мен аны билбей Клинтонго (Билл Клинтон — АКШнын мурдагы президенти) анын сүрөтү түшүрүлгөн килем алып баргам. Дубалга илет го дегем, кабыл алуучу жайына барсам жерге салып коюшуптур. Биз андайга жол бермек эмеспиз да. Совет маалындагы мамлекеттер белек бергенди жакшы көрүшөт. Мисалы, Бердымухамедов (Түркмөнстандын өлкө башчысы Гурбангулы Бердымухамедов) ахалтекин атын, өзбектер кийим менен буюмдарды, кыргыздар дагы аргымак тартуулашат", — деген Назарбаев.

Ал ошондой эле казак эли да башка кесиптештерине жаккан белек бергенге аракет кыларын кошумчалаган.

211
Белгилер:
Казакстан, Кыргызстан, Нурсултан Назарбаев, белек, аргымак
Тема боюнча
Назарбаев Путинди кантип таң калтырганын айтып берди. Маектин видеосу

Назарбаев Путинди кантип таң калтырганын айтып берди. Маектин видеосу

799
(жаңыланган 10:52 22.10.2021)
Казакстандын алгачкы президенти Нурсултан Назарбаев Россиянын өлкө башчысы Владимир Путин анын мөөнөтүнөн мурда отставкага кетишин кандай кабыл алганын эстеп, айтып берди.

"Штрихи к портрету. Откровение" даректүү тасмасынын бешинчи сериясын Елбасынын маалымат кызматынын YouTube каналы чыгарды. Анда Назарбаев алып баруучу менен маектешкен.

"Мындай нерселерди жайылтууга болбойт. Мен эч кимге айткан эмесмин. Кантсе да ири кошунабыз да, ошол күнү эртең менен Путинге чалдым, ал аябай таң калды. Мен "бүгүн кечинде жарыяланат, өз оозумдан уксун дедим сизди" деп айттым. Бүттү! Андан башка президенттер билген жок", — деген Назарбаев.

Елбасы отставкага кетүү чечими 2015-жылы бышып-жетилгенин билдирген. 2011-жылы кыр арка сөөгүнө операция жасатканын да белгилеген.

"75 жылдыгым өттү, мен өзүм үчүн ушуну менен бүттү деген чечим чыгардым. Ишенимдин туу чокусунда турганда кетиш керек болду. Негизи эле ушундай кылыш керек деп ойлойм. Көз алдымда СССРдин геронтологиялык жетекчилиги турган. Мен Брежневдин, Андроповдун, Черненконун тажиясына катыштым, бул бир суроо. Ал эми экинчи суроо — кантсе да адамдык мүмкүнчүлүктөрдүн чеги бар", — деген Казакстандын мурдагы өлкө башчысы.

Эске сала кетсек, Нурсултан Назарбаев 2019-жылы мөөнөтүнөн мурда отставкага кеткен.

799
Белгилер:
Казакстан, Нурсултан Назарбаев, Владимир Путин, отставка
Тема боюнча
Путин Афганистандын экономикасын калыбына келтирүү үчүн көмөктөшүүгө чакырды
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт