Кабул шаарынын тургундары. Архив

Азия өлкөлөрү Афганистанга биргеликте гуманитардык жардам берүүнү көздөөдө

197
Азия өлкөлөрүнүн тышкы иштер министрлери 11-12-октябрь күндөрү Казакстандын Нур-Султан шаарында чогулуп, Афганистанга гуманитардык жардам көрсөтүү маселесин талкуулайт.

БИШКЕК, 11-окт. — Sputnik. Азиядагы өз ара аракеттенүү жана ишеним чаралары боюнча конференция 11-12-октябрь күндөрү Казакстандын Нур-Султан шаарында чогулуп, Афганистанга гуманитардык жардам көрсөтүү маселесин карашат. Жыйында уюмга мүчө өлкөлөрдүн тышкы иштер министрлери катышарын Өзбекстан ТИМинин расмий өкүлү Юсуп Кабулжановго шилтеме берип Sputnik Өзбекстан агенттиги жазды.

Иш-чарада региондогу коопсуздук жана мындан аркы экономикалык кызматташтык негизги маселе катары каралмакчы.

"Мындан тышкары, афган элинин гуманитардык кризиске кабылышын алдын алуу үчүн жардам берүү боюнча сөз болот", — деп жазылат кабарда.

Азиядагы өз ара аракеттенүү жана ишеним чаралары боюнча конференциясы — Кыргызстан, Казакстан, Кытай, Россия сыяктуу 27 өлкө мүчөлүк кылган бирикме. 1992-жылы Казакстандын демилгеси менен түзүлгөн. Негизги максаты — Азияда коопсуздукту камсыздоо үчүн чечимдерди кабыл алуу жана диалогго барууга шарттарды түзүү.

Белгилей кетсек, Борбор Азия мамлекеттеринин ичинен афган элине биринчилерден болуп Кыргызстан кол сунду. Атап айтканда, сентябрь айынын соңунда КРдин Коопсуздук кеңешинин төрагасынын орун басары Таалатбек Масадыков Кабулга барып, Талибан* өкмөтүнүн ТИМ башчысы Амир Хан Муттаки менен жолуккан. Президенттин маалымат кызматы Масадыков башында турган кыргыз делегациясы Кыргызстан элинин атынан Афганистан Ислам Республикасынын элине гуманитардык жүк жеткиргенин кабарлаган.

Афган бийлиги менен Өзбекстан, Казакстан жана Кытай кызматташууга даяр экенин расмий жарыялаган.

Ал эми октябрь айынын башында Россия талибдерди Афганистан тууралуу "Москва форматындагы" жолугушууга келип кетүүгө чакырды.

* — Кыргызстанда жана башка мамлекеттерде тыюу салынган уюм

 

197
Белгилер:
Азия, Афганистан, Нур-Султан, талкуу, гуманитардык жардам
Тема:
Афган бийлиги менен талибдердин тиреши (266)
Тема боюнча
АКШ Афганистанга гуманитардык жардам жеткирмей болду
АКШ афган качкындарын кабыл алууну жандантты. Күнүгө 1000ден киши кирет
Балта кармаган адам. Архив

Карыз өндүрүүгө келген сот аткаруучуга балта көтөрө чуркап... Казакстандагы видео

204
Кеп 21 ирет административдик айыпка жыгылган жаран тууралуу болуп жатат. Ал жалпысынан айып пул катары 302 176 теңге (710 доллар) жана банкка 358 728 теңге (842 доллар) карыз болгондуктан сот "ВАЗ 2115" үлгүсүндөгү автоунаасын алуу чечимин чыгарган.

БИШКЕК, 26-окт. — Sputnik. Казакстандын Нур-Султан шаарынын тургуну сот аткаруучуга балта көтөрө чуркап, кол салууга аракет кылды. Бул тууралуу Sputnik Казакстан агенттиги жазды.

https://www.facebook.com/SputnikKZ/videos/4407382579307703/?t=0

Кеп 21 ирет административдик айыпка жыгылган жаран тууралуу болуп жатат. Ал жалпысынан айып пул катары 302 176 теңге (710 доллар) жана банкка 358 728 теңге (842 доллар) карыз болгондуктан сот "ВАЗ 2115" үлгүсүндөгү автоунаасын алуу чечимин чыгарган. Ал бир жылдан бери качып жүргөн.

"Сот аткаруучу өкүмдү ишке ашыруу үчүн полиция кызматкерлери менен келгенде карызы бар киши жаалданып, үйүнөн темир балта көтөрүп чыккан. Полиция аны көздөй көздү ачыштырчу каражат чачып, ошондон кийин гана балтаны колунан алышкан. Кийин аны полиция участогуна жеткиришти", — деп айтылат кабарда.

Бул Казакстанда жарандар сот аткаруучуга кол салган алгачкы окуя эмес. Буга чейин каргашалуу окуя 20-сентябрь күнү кечки саат алтылар чамасында Алматы шаарында болгон. Акбулак кичи районунда жашаган тургунду соттун чечимин аткаруу үчүн үйүнөн чыгарганы келген сот аткаруучуларды үй ээси атып салган. Жеринде эки полиция кызматкери, бир сот аткаруучу жана эки жөнөкөй жаран каза болгон. Кийин өлгөндөрдүн бири үйдү банктан сатып алган киши экени аныкталган.

204
Белгилер:
Казакстан, Нур-Султан, сот аткаруучу, Банк, банк, полиция, кол салуу, балта
Тема боюнча
5 киши өлдү. Алматыда бүлөнү үйүнөн чыгарууга келген сот аткаруучуларга ок атылды
Алматыда 5 кишини аткан жарандын аялы: банк үйүбүздү арзыбаган акчага сатып жиберди
Лос-Анджелес шаарындагы Брюс Линин эстелиги. Архив

Лос-Анжелесте Азия кинолорунун фестивалы өтүп, Брюс Ли сыйлыгы тапшырылат

34
(жаңыланган 13:27 26.10.2021)
Иш-чарага көптөгөн ардактуу коноктор, кино жылдыздары келери күтүлүүдө. Брюс Линин кызы атасынын атындагы сыйлыкты алгачкы лауреатына тапшырат.

БИШКЕК, 26-окт. — Sputnik. АКШнын Лос-Анжелес шаарында 1-ноябрь күнү Азия кинолорунун бүткүл дүйнөлүк фестивалы (AWFF) башталат. Бул туурасында фестивалдын уюштуруучулары билдирди.

Маалыматка ылайык, саат 17:30да кызыл килемден өтүп, саат 19:00 кинолор көрсөтүлө баштайт. Алгач "Оскар" сыйлыгын алган режиссёр Хлои Чжаонун Marvel Studios Eternals фильми тартууланат. Ага Жемма Чан, Ричард Мэдден, Кумейл Нанджиани, Лия МакХью, Брайан Тайри Генри, Лорен Ридлофф, Барри Кеоган, Дон Ли, Кит Харингтон, Сальма Хайек жана Анжелина Жоли сыяктуу белгилүү актёрлор катышкан. Бул жылы Брюс Ли атындагы сыйлыктын биринчи лауреаты аныкталат.

"21-октябрь күнү Лос-Анжелесте фестивалдын алдындагы иш-чара өтүп, Голливуд индустриясынын, Азия кино коомчулугунун чеберлери, Брюс Линин кызы Шеннон Ли катышты. Анда ал согуштук өнөр кинотармагын өнүктүрүүгө салым кошкон адамга берилүүчү Брюс Ли сыйлыгын негиздегенин жар салды", — деп айтылат маалыматта.

Уюштуруучулар иш-чарага көптөгөн ардактуу коноктор, кино жылдыздары келери күтүлүп жатканын айтышты. Фестивалдын алкагында Кыргызстандан "Акыркы көч" жана "Шамбала" тасмалары көрсөтүлөт.

Азия кинолорунун бүткүл дүйнөлүк фестивалы быйыл жетинчи ирет өткөрүлүп жатат. Кинофестивалдын максаты — эл аралык маданий кызматташтыкты өрчүтүү жана Азия менен Голливуддун киноиндустрия жаатындагы байланыштарын чыңдоо. Быйылкы кинофестиваль 1-11-ноябрь күндөрү өтүп, 20дан ашуун өлкөдөн тандалып келген 30 тасма катышат.

Белгилей кетсек, AWFF кыргызстандык режиссёр Садык Шер-Нияз тарабынан негизделген.

34
Белгилер:
Лос-Анжелес, кинофестиваль, сыйлык, Брюс Ли
Тема боюнча
Татарстанда Шамшиевдин "Ысык-Көлдүн кызгалдактары" тасмасы көрсөтүлдү. Сүрөт
Сабак өтүп жаткан мугалим. Архив

Кыздар кара далы болбойбу? Жапаров мугалимдердин маянасы качан көбөйөрүн айтты

0
(жаңыланган 17:15 27.10.2021)
Жапаров буга чейин мугалимдердин маянасы тууралуу Финляндиядагы сурамжылоонун жыйынтыгын мисал келтиргенин айтты.

БИШКЕК, 27-окт. — Sputnik. Жогорку Кеңештин депутаты Абдывахап Нурбаев министрлер кабинетинен мугалимдердин маянасы качан көбөйтүлөрүн сурады.

"Акылбек Үсөнбекович, өткөндө мугалимдердин айлыгын көтөрүп, кыздарды "мен мугалимге турмушка чыгам" дегендей кылып кызыктырарыңызды айткансыз. Эми алар кара далы болуп кетпеши үчүн 2022-жылы мугалимдердин маянасын эки эсе жогорулатканга мүмкүнчүлүк барбы?" — деп сурады.

Өкмөт башчы Акылбек Жапаров кийинки жылдын 1-апрелинен тарта мугалим, дарыгер жана маданий, илимий кызматкерлердин маянасы көтөрүлөрүн айтты. Биринчи кварталдагы кирешенин жыйынтыгына карап маяна 50 пайызга же 100 пайызга жогорулайт.

Жапаров буга чейин мугалимдердин маянасы тууралуу Финляндиянын мисалын келтиргенин кошумчалады.

"Ал жакта жыл сайын сурамжылоо жүргүзгөндө кыздар биринчи мугалимге, экинчи архитекторго турмушка чыгарын айтышкан. Бирок менин ошого жеткирүү үмүтүм бар. Балким, биз дагы кийин ушундай сурамжылоо жүргүзөбүз", — деди министрлер кабинетинин төрагасы.

Белгилей кетсек, Жапаров өкмөт башчылыкка дайындалып жатканда маянаны көтөрүп, "кимге турмушка чыгасың?" десе "мугалимге" деген деңгээлге чейин чыгаруу планы бар экенин билдирген.

0
Белгилер:
Акылбек Жапаров, мугалим, маяна
Тема боюнча
Жапаров Бажы кызматынын жаңы жетекчиси кандай милдет менен дайындалганын айтты
Жапаров: маянасын көбөйтүп, кыздарды мугалимге турмушка чыккыдай кылабыз