Студент. Архив

Дүйнөдөгү каалаган ЖОЖдо окумак. Казакстандык вундеркинддин сөөгү көчөдө табылды

412
Маалыматка караганда, баланын атасы полицияга уулу 3-ноябрь күнү жолугушууга кеткен бойдон кайтпаганын айтып, арыз жазган.

БИШКЕК, 6-ноя. — Sputnik. Алматы шаарында билим деңгээли жагынан уникалдуу рекорд жараткан Акназар Кажымураттын сөөгү табылды. Бул тууралуу полицияга шилтеме берип Sputnik Казакстан агенттиги жазды.

Маалыматка караганда, баланын атасы полицияга уулу 3-ноябрь күнү жолугушууга кеткен бойдон кайтпаганын айтып, арыз жазган.

"Полиция ыкчам издөө иштерин жүргүзүп, жигиттин сөөгүн 5-ноябрь күнү Алматынын Бостандык районунан тапкан. Анын денесинде кыйнап өлтүрүүнүн белгилери жок. Андыктан өлүмдүн себебин аныктоо үчүн соттук-медициналык экспертиза жүргүзүлүп жатат", — деп жазылат кабарда.

Акназар Кажымурат 2018-жылы мектепти аяктап жатып, билим деңгээлин аныктоо боюнча эл аралык ACT жана SAT Subject Tests тесттерин тапшырууда абсолюттук рекорд жараткан. Ал математика, физика жана биология сабактары боюнча тест тапшырып, эки тесттен тең мүмкүн болгон эң жогорку балл (36 жана 2400 балл) алган. Мындан улам ага дүйнөдөгү өзү каалаган университетке тапшыруу мүмкүнчүлүгү берилген.

412
Белгилер:
Казакстан, бала, өлүм
Тема боюнча
Панама: "Кальмар оюндары" стилиндеги кечеде 8 киши өлдү
Нур-Султан шаарынын көчөлөрүнүн биринде бараткан аялдар. Архив

COVID-19: Казакстан толугу менен "кызыл" зонадан чыкты

46
(жаңыланган 10:42 06.12.2021)
"Кызыл" зонада акыркы аймак болуп Түндүк Казакстан облусу калган. 6-декабрь күнү ал "сары" зонадагы региондордун катарына кошулду.

БИШКЕК, 6-дек. — Sputnik. Казакстандын бардык аймактары COVID-19 боюнча "кызыл" зонадан чыкты. Бул тууралуу Коронавирустун жайылып кетишин токтотуу боюнча ведомстволор аралык комиссияга шилтеме берип Sputnik Казакстан агенттиги жазды.

Маалыматка караганда, "кызыл" зонада акыркы аймак болуп Түндүк Казакстан облусу калган. 6-декабрь күнү ал "сары" зонадагы региондордун катарына кошулду.

Ушул тапта "сары" зонада Нур-Султан шаары, Акмола, Караганда, Павлодар, Костанай жана Түндүк Казакстан облустары бар.

Өткөн суткада коңшу өлкөдө 632 кишинин коронавирус жугузуп алганы аныкталган. Алардын ичинен 102си Нур-Султан шаарынын тургундары.

Өлкөдө абал жакшырып калганы менен казак бийлиги чектөөлөрдү жое элек. Мисалы, 3-декабрдан тарта Казакстанга кирүү эрежесин катаалдаштырып, коронавирустун "омикрон" штаммы аныкталган өлкөлөр менен аба байланышы токтотулган.

 

46
Белгилер:
Казакстан, коронавирус, абал, пандемия, чектөө
Тема:
Дүйнөгө жайылган коронавирус
Тема боюнча
Казакстан өлкөгө кирүү эрежесин катаалдаштырып, чектөө киргизет
Казак улуттук кийимин кийген кыз. Архив

Disney каармандары кантип "казакташа" баштады. Кызыктуу сүрөттөр

179
Казакстанда адаттагыдан башка сынак өтүп жатат. Ал — анимациялык фильмдердин Disney студиясынын эпизодуна иллюстрация түзүп же каармандарын казак улутуна тиешелүү өзгөчөлүк менен жасап чыгуу тапшырмасы.

БИШКЕК, 5-дек. — Sputnik. Казакстанда анимациялык фильмдерди жараткан Disney студиясынын каармандарын казак улутуна тиешелүү өзгөчөлүктөрү же улуттук кийимдер менен элдин назарына коюп, тагыраагы, сүрөттөрүн жарыялап жатышат.

Бул персонаждар "Болашак" корпорациялык фондунун сынагынын алкагында жарыяланганын Sputnik Казакстан жазды.

Фонддун Instagram аккаунтунда сынак "Өзіңнен баста" (фильмдерди казакча дубляж кылуу) долбоорунун алкагында жүргүзүлүп жатканы айтылган. Жыйынтыгы жакынкы аралыкта чыга турганы да жазылган.

Посмотреть эту публикацию в Instagram

Публикация от Sasha (@sashalovesart)

Конкурстун шарты боюнча эпизоддун иллюстрациясын түзүп же Disney тарткан мультфильмдин каармандарынын ичинен каалаганын казак улуттук стилинде тартып чыгышы керек.

Посмотреть эту публикацию в Instagram

Публикация от Anette Bek (@_radioactive_artist)

Посмотреть эту публикацию в Instagram

Публикация от АНАСТАСИЯ (@stesha_arty)

Посмотреть эту публикацию в Instagram

Публикация от Көркем сөзді көркем сурет♡ (@suluart)

Посмотреть эту публикацию в Instagram

Публикация от Куә бол. (@stzhnv.a)

Посмотреть эту публикацию в Instagram

Публикация от @fleks.im

Посмотреть эту публикацию в Instagram

Публикация от ART • ANIME • KPOP • MOVIES (@ayabyjane)

Андан сырткары, "Коко сыры", "Муздак жүрөк", "Геракл" жана башка фильмдердин да каармандары казак өңүн, кийимин алган.

Посмотреть эту публикацию в Instagram

Публикация от aidana (@kuzhakhmetovaaidana)

Посмотреть эту публикацию в Instagram

Публикация от pulp art (@pulp_art_90s)

Посмотреть эту публикацию в Instagram

Публикация от ЕвгенийТитовской (@e_titovskoy)

10-декабрда уюштуруучулар мыкты 10 иллюстрацияны тандап, добушка коюуга ниеттенип жатат. Жазылуучулар акчалай байгени ала турган үч эмгекти аныкташмакчы.

179
Белгилер:
Казакстан, Disney, каармандык, сынак
Тема боюнча
Димаш Кудайбергендин казакча рэп жаңырган англис тилиндеги ыры жарык көрдү
Вашингтондогу Капитолий имараты. Архивдик сүрөт

Путинден америкалыктар эмне күтүп, кандай коркутууларга барат?

6
Эртең, 7-декабрда, Россия жана АКШ президенттери видеобайланыш аркылуу сүйлөшөт. Аны утурлай таасирдүү Atlantic Council аналитикалык борбору Байден үчүн бүтүндөй бир сценарий түздү.

Америкалыктардын каалаганы эмне? Эң оболу Россия тезинен Украина менен чек арасынан күчтөрүн алып кетишин күтөт. Бирок алар өз өлкөсүнүн аймагында экенин Кошмо Штаттар эстен чыгарып жатышат. Ошол эле учурда украиналык күчтөр туурасында бир ооз да сөз жок. Киев өзүнүн Куралдуу күчтөрүн Донбасстан чыгарып кетүүгө милдеттенме да албайт. Виктория Никифорованын эки держава лидерлеринин эртеңки баарлашуусунун алдында жагдайды талдоосу РИА Новости сайтына жарык көргөн.

Батыштын оюнда Россия Украинаны "коркутканын" токтотууга тийиш. Ал эми Украина аймагына америкалык жана британиялык аскердик базалар, жашыруун биолабораториялардын жайната курулуп, америкалыктар өндүрүштүк масштабда "Жавелиндерди" түшүрүп, НАТО өлкөлөрү да оолак карманган комплекстүү аскердик кызматташтыкка умтулуп жатканына көз жумуп коюушу керек экен. Ал тургай Россия аталган мамлекетти газ, көмүр жана башка эмнеге муктаж болсо, баары менен үзгүлтүксүз жабдууга милдеттүү деп эсептешет.

НАТОго мүчө болушун кубаттап же куру дегенде унчукпай моюн сунушун көксөшөт. Россия булардын баарын аткарса, Кошмо Штаттар Минск келишимдерин өзү кошо ишке ашырууну убада кылат. Болгону алар Минскиде кол коюлуп, Германия жана Франция тарабынан кепилденген келишимдер эмес.

Америкалык версиясында Донбассты "эл аралык зонага айлантуу" сунушталат. Республикалардын Украинанын өзгөчө макамы жөнүндөгү жана өлкөнүн тышкы саясатына вето коюу мүмкүнчүлүктөрү тууралуу саясий талаптары канааттандырылбайт. ЛТР жана ДТРдин жетекчилигин толук бойдон "өткөөл учурдун эл аралык жарандык администрациясы" менен алмаштыруу болжонот.

Кошуундар куралсыздандырылып, милиция таратылат. Бул түзүмдөрдүн ордун эл аралык тынчтык орнотуучулар басат. Алардын көзөмөлүндө Донбасста шайлоо өтүп, "кесипкөй полиция" түптөлөт. Ошентип Украина-Россия чек арасындагы көзөмөл акырындап кайсы бир эл аралык тынчтык орнотуучулардын колуна өтөт. Минск келишимдеринде так жазылган шарттардын эч бири аткарылбастан, көзөмөл алардын колунан Киевге берилет.

Эгер Россия буга көнсө, Вашингтон Киевге азыраак курал берип, Россиядан санкциялардын бир бөлүгүн алууну, НАТО менен Россиянын ортосундагы өз ара аракеттешүүнү жөнгө салууну убада кылат. Ал эми Россия бул талаптарды аткаруудан баш тарта турган болсо, Украинаны курал-жарак менен жабдууну уланта берет. "Жавелиндерден" сырткары, тизмеде — абадан коргонуу жана жээктеги күзөт тутумдары, радиоэлектрондук система жана каражаттар, контрартиллериялык жана контрбатареялык радарлар бар.

НАТО күчтөрү Украинада ротациялык негизде калат, ал эми украиналык армияны "Россияны ооздуктоо" максатында тескөө түндүк атлантикалык альянстын келерки жылга карата стратегиясынын эң башкы артыкчылыгы болмокчу. Бул жаатта Франция жана Германия кандай пикирде экени эске да алынбайт.

Узак мөөнөттүү планда Россияны Батыш аныктаган "агрессиясы" үчүн санкциялар менен муунтууну улантышат. Анткен менен 2014-жылдагы санкциялар топтому да, 2019-жылдагы "тозоктон келген санкциялар" да Россиянын саясатын өзгөртө алган эмес. Буга ынанууга убакыт жетиштүү эле болду.

Жаңы экономикалык кысымдын жаңы чараларында "Газпром" жана анын "бутактары" үчүн каржылоого тыюу салуу камтылат. Ошол эле убакта Европага газ жеткирүүнү толук бөгөттөөгө жол берилбейт. Каржылык акциялардын кеңири түрү "Роснефтинин" филиалдарына каршы багытталган жана "Сургутнефтегаз" менен "Новатэкти" да курмандыкка чалуу сунушталат.

Россиянын тоо-кен өндүрүшү жана металлургиясына азырынча санкция толук масштабда коюла элек. Atlantic Council "Евраз" жана "Алрос", ошондой эле россиялык камсыздандыруучу ири "Согаз" жана "Совкомфлот" ишканасына көңүл бурууга үндөйт. Анан да, албетте, "Түндүк агым — 2" долбоорун да унуткарышкан эмес. Америкалыктардын пикиринде, бул "жаман демилге" болгон, ал эми "Россияны ооздуктоо" чарасы Германиядан аталган долбоордун ишине мораторий коюуну талап кылат.

Ошондой эле Россияны SWIFT системасынан өчүрүү сунушу кайрадан калкып чыкты. "Бул тема дале четке кагыла элек, акыркы чара болот," — деди Киевдеги америкалык мурдагы элчи Жон Хербст. "Ооба, европалык компаниялар санкциялар процессинде кыйынчылыктарга тушугат, — деп моюнга алышат америкалык аналитиктер. — Бирок путиндик агрессияга каршы турууга чечкиндүүлүк — бул Кремлди ооздуктоонун мыкты ыкмасы". Белгилүү болгондой, "биргелешкен аракеттер" деген түшүнүк Atlantic Council борборунун эң көп оозанганы.

Америкалыктардын союздаштары Франция жана Германия НАТОго Украинанын мүчөлүгүнө каршы. Европалыктар жосунсуз санкциялардын айынан россиялык газды алууда үзгүлтүктөрдөн жапа чегүүнү каалашпайт. Бул чектөөлөр Россияга караганда аталган биримдик мейкиндигиндеги экономиканы талкалоодо. Эч ким — европалыктар да, америкалыктар да, украиналыктар да Вашингтондун буйругу менен согушууну каалабайт.

Россия эртеңки баарлашууга буларга карама-каршы шарттар менен камынууда. РФ кызыл чийинди так чийгени маалым. Украина НАТОго мүчөлүккө алынбашы керек. Аймагында үчүнчү өлкөлөрдүн жалпы аскердик күчтөрү жайгаштырылбашы шарт. НАТО чыгышка карай таптакыр жайылбашы керек. Буга жазуу жүзүндөгү кепилдиктерди күтөт. Анткени оозеки макулдашуулардын баарын өнөктөштөр унуткарышканы белгилүү.

Россиялык жана америкалык президенттердин позицияларын кандайдыр жакындатылары арсар. Алардын Женевадагы кезигүүсүнөн эч майнап чыккан эмес, болгону ажырымды тереңдеткен.

Октябрда Байден эгер кокус КЭР кол сала турган болсо, Кошмо Штаттар Тайванды коргой турганын айткан. 1979-жылдан бери Вашингтон Тайванды коргоо каражаттары менен жабдууга милдеттенме алган, бирок президенттер Тайвань үчүн Кытай менен согушууну эч качан убадалаган эмес. Тайвань — Украианадан кийинки дүйнөнүн эң кооптуу жерлеринин бири. Америкалык режим аралды курал менен камсыздап, кытай агрессиясы боюнча тарыхый үгүттөөсүн жүргүзүүдө. Украина жагдайындагыдай эле Кытайга эч кандай агрессиянын зарылдыгы жок. Пекиндегилер мекендештери менен акыры тынч биригерине ишенишет. Бирок америкалыктар Украинаны Россияга кандай тукурса, Тайванды Кытайга да дал ушундай каршы багыттоодо. Эки өлкө тең "экинчи Афганистанга" айланып калуудан коркушат.

Америкалыктар Россия менен Кытай Украина менен Тайванга январь-февралда кол салуу ыктымалдыгын олуттуу түрдө талкуулоодо. Үрөйлөрү учкан тайвандыктар Байдендин сөздөрүн кунт коюу менен тыңдашат. Ал эми эртеси күнү эле Ак үй "силер туура эмес түшүнүп алдыңар, ал жөн гана тамашалады" деп жайгарып коет.

Мындай туруксуз контрагент менен сүйлөшүү кыйынчылыктарга кептейт. Бирок Владимир Путиндин көз карашынын күчү – анын орустардын да, украиналыктардын да, америкалыктардын да жана дегеле Жер жүзүнүн калкынын пикирин билдиргенинде. Бизге согуштун кереги жок! Тынч, өз ара пайдалуу кызматташтык жана өнүгүү зарыл. Бул тилектер түшүнбөстүктөргө жол бербөө үчүн жазуу түрүндө кепилденгени оң.

6
Белгилер:
Россия, Украина, АКШ, Кытай, талап, чек ара, курал, коркутуу
Тема боюнча
Аяктай турган түрү жок антироссиялык аракет: АКШ Украинаны жарга түртүүдө
АКШ эсминецтери Украина үчүн салгылашабы?