Үйдөн иштеп аткан аял. Архивдик сүрөт

Казакстанда жалгыз бой ата-энелерге аралыктан иштөөгө уруксат берүү каралууда

130
Коңшу өлкөнүн мамлекет башчысы баланы жалгыз тарбиялагандарга жумушту алып кетүү кыйын экенин, аларга шарт каралышы керектигин айткан.

БИШКЕК, 17-ноя. — Sputnik. Казакстанда мыйзам жүзүндө балдары 18ге чыга элек жалгыз бой ата-энелерге аралыктан иштөөгө уруксат берүү каралууда. Бул тууралуу Sputnik Казакстан жазды.

Президент Касым-Жомарт Токаевдин айтымында, мамлекеттик саясаттын артыкчылыктарынын бири эне менен баланы колдоо болуп саналат.

"Аялдар эркектерге караганда жумуш менен бала кароону бирге алып кетүүгө аргасыз. Эмгек өргүүгө чыккан эне кесиптик жөндөмүн жана компетенттүүлүгүн жоготот. Натыйжада аялдар эмгек рыногунда атаандаштыкка туруштук бере албайт", — деген Токаев.

Ал жалгыз бой ата-энелер эки эсе түйшүк тартарын, аларга өзгөчө эмгек шартын түзүп берүү керектигин айткан.

"Мыйзам жүзүндө баланы жалгыз тарбиялагандарга аралыктан иштөө форматын жана кыска режимде эмгектенүүсүн кароо керек. Өнүккөн өлкөлөрдөгү ири компаниялар кеңселеринде балдар бөлмөсүн ачып коюшкан. Мындай практика бизде дагы көнүмүш болушу керек. Бул үчүн кызматкерлердин кызыкчылыктарын эске алуу менен эмгек режимин жөнгө салуунун эффективдүү механизмдерин киргизүү зарыл. Ошол эле учурда иш процессине тоскоолдук жаралбашы керек", — деген президент.

Казакстанда аралыктан иштөө мыйзам деңгээлинде бекитилген эмес.

Кыргызстанда дагы расмий түрдө дистанттык түрдө иш алып баруу демилгеси көтөрүлгөн.

130
Белгилер:
Казакстан, ата-эне, бала, жумуш, мыйзам
Тема боюнча
Дастан Бекешев педофилдерди бычуу демилгесин кайрадан көтөрдү
Президент Садыр Жапаровду ташыган №1 борт Ашхабад шаарындагы эл аралык аэропортко конду.

Садыр Жапаров Ашхабадга жетти. Аэропорттогу сүрөт, видео

149
(жаңыланган 13:50 28.11.2021)
Президент Садыр Жапаров Ашхабад шаарында өткөн Экономикалык кызматташтык уюмунун (ЭКУ) 15-саммитине катышат.

БИШКЕК, 28-ноя. — Sputnik. Президент Садыр Жапаровду ташыган №1 борт Ашхабад шаарындагы эл аралык аэропортко конду. Бул тууралуу өлкө башчынын маалымат кызматынан билдиришти.

  • Президент Садыр Жапаровду ташыган №1 борт Ашхабад шаарындагы эл аралык аэропортко конду.
    Участие президента КР Садыра Жапарова в 15-м саммите ОЭС в Ашхабаде
    © Пресс-служба президента КР / Султан Досалиев
  • Встреча президента КР Садыра Жапарова в Ашхабаде (Туркменистан) где примет участие в 15-м саммите Организации экономического сотрудничества (ОЭС)
    Жапаров бүгүн, 28-ноябрда, жумушчу сапары менен Түркмөнстанга кеткен.
    © Пресс-служба президента КР / Султан Досалиев
  • Встреча президента КР Садыра Жапарова в Ашхабаде (Туркменистан) где примет участие в 15-м саммите Организации экономического сотрудничества (ОЭС)
    Анын алкагында өлкө башчы Экономикалык кызматташтык уюмунун (ЭКУ) 15-саммитине катышат.
    © Пресс-служба президента КР / Султан Досалиев
  • Президент Кыргызстана Садыр Жапаров прибывает с рабочим визитом в город Ашхабад (Туркменистан) где примет участие в 15-м саммите Организации экономического сотрудничества (ОЭС)
    Президенттин учагы Ахшабад шаарындагы эл аралык аэропортко конду.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Участие президента КР Садыра Жапарова в 15-м саммите ОЭС в Ашхабаде

Жапаров бүгүн, 28-ноябрда, жумушчу сапары менен Түркмөнстанга кеткен. Анын алкагында өлкө башчы Экономикалык кызматташтык уюмунун (ЭКУ) 15-саммитине катышат.

"Президенттин учагы Ахшабад шаарындагы эл аралык аэропортко конду. Аба майданда Кыргызстандын жана Түркмөнстандын мамлекеттик желектери флагштокторго илинип, килем төшөлүп, ардактуу кароол тизилген", — деп айтылат билдирүүдө.

Президент бүгүн кечинде Бишкекке кайтмакчы.

149
Белгилер:
Садыр Жапаров, Ашхабад, аэропорт, сүрөт
Тема боюнча
Келечегибиз аныкталат! Жапаров элди активдүү добуш берүүгө чакырды. Видео
Тажикстандын Москвадагы элчилигинин алдындагы митинг

Тажикстанда тынч эмес. Күндүз болгон митинг Москвадагы элчиликте уланды

573
(жаңыланган 00:51 26.11.2021)
Митингге чыккандар Тажикстандын укук коргоо органдарына нааразы болууда. Күндүз Хорог шаарындагы акцияда элге ок атылганы айтылган, бирок маалыматты расмий такташа элек.

БИШКЕК, 26-ноя. — Sputnik. Тажикстандын Москвадагы элчилигинин алдында жүздөгөн адам митингге чыкканын Sputnik Тажикстан агенттиги жазды.

Жеринде иштеп жаткан кабарчы полиция коопсуздук чараларын күчөтүп, элчиликтин имаратына чейинки жолду курчоого алганын айткан. Жалпысынан абал тынч, эл дипломатиялык өкүлчүлүккө жакын көчөлөрдө чогулган.

Нааразычылык күндүз коңшу өлкөдө башталган. Хорог шаарында Гульбуддин Зиёбеков аттуу киши кармалгандан кийин митингге чыккандар болгон. Ал аймактык прокурордун жардамчысын уурдап кетип сабаган деп шектелген. Прокуратура кармоо учурунда ал ок чыгаргандыктан жооп катары ага да ок атылганын айткан. Бирок социалдык тармактарда ал өлтүрүлгөндүктөн нааразычылык чыкканы тууралуу маалымат тараган.

Айрым ЖМКлар митингге чыккандарга ок атылып, эки киши көз жумганын жазды, бирок расмий түрдө комментарий бериле элек.

Учурда Хорогдо коопсуздук чаралары күчөтүлгөн.

573
Белгилер:
Тажикстан, Россия, митинг, нааразычылык
Тема боюнча
Беларустун чек арасында мигранттарга тамак таратууда башаламандык жаралды
Москвада мигранттардын санын дагы кыскартуу пландалып жатат
Бишкектеги шайлоо участогунда адам

Канча кыргызстандык өз депутатын тандады? Саат 16:00гө карата маалымат

0
(жаңыланган 17:04 28.11.2021)
Жогорку Кеңештин депутаттарын шайлоого 3 миллион 703 миң 420 жаран катышуу укугуна ээ. Анын ичинен 84 128 шайлоочу башка өлкөлөрдөн катталган.

БИШКЕК, 28-ноя. — Sputnik. Бирдиктүү шайлоо округу боюнча саат 16:00гө карата шайлоочулардын 22,39 пайызы добуш берди. Бул 829 171 кыргызстандык шайлоого катышканын түшүндүрөт.

Учурда Нарын, Талас облустарынын тургундары активдүүлүгүн көрсөтүүдө (26.29 жана 25,11 пайыз), ал эми Чүй облусу дагы деле артта (19,99 пайыз) баратат.

Ал эми бир мандаттуу округ боюнча шайлоочулардын 22,54 пайызы же 815 896 миң жаран өз тандоосун жасады. Мында шайлоого келгендердин саны боюнча Ош облусундагы №4 Көк-Жар шайлоо округу (27,74 пайыз) лидер болууда. Ал эми Чүй облусундагы №24 Сокулук шайлоо округу эң артта (17,19 пайыз) калды.

Белгилей кетсек, чет өлкөдө жүргөн жарандар бир мандаттуу округдан көрсөтүлгөн талапкерлерди шайлай албайт. Буга байланыштуу эки системанын ортосунда айырмачылык болот.

Жогорку Кеңештин депутаттарын шайлоого 3 миллион 703 миң 420 жаран катышуу укугуна ээ. Анын ичинен 84 128 шайлоочу башка өлкөлөрдөн катталган.

Бул ирет парламенттик шайлоо аралаш система менен өтүп, 90 талапкерге мандат берилет. 54 депутат партиялык тизме, 36сы бир мандаттуу округ аркылуу тандалмакчы. 21 саясий партия, бир мандаттуу округдан 287 талапкер ат салышууда.

Бүгүн эртең менен саат 8:00дө 2 494 шайлоо участкасы ачылды. Анын ичинде 59 шайлоо тилкеси чет мамлекетте жүргөн кыргызстандыктарды тейлейт.

Шайлоонун жүрүшү тууралуу соңку маалыматтарды, сүрөт, видеолорду Sputnik Кыргызстандын онлайн репортажынан көрө аласыздар.

0
Белгилер:
Жогорку Кеңешке шайлоо, добуш берүү, катышуу, шайлоо
Тема:
Жогорку Кеңешке жаңы тартип менен болчу шайлоо
Тема боюнча
Бул жолку депутаттар кантип шайланат? Кызыгы көп эрежелер тууралуу видео баян
Шайлоодон уткан кээ бир талапкерлерге мандат берилбей калышы мүмкүн. Себеби