Эмдөө сертификаты менен медициналык кызматкер. Архив

Казакстан Кыргызстан жана башка 19 өлкөнүн эмдөө боюнча сертификатын тааныды

113
(жаңыланган 16:22 23.11.2021)
Кыргызстан дагы коронавируска каршы эмделген Казакстан жарандарынын сертификатын жарактуу деп эсептейт.

БИШКЕК, 23-ноя. — Sputnik. Казакстан коронавируска каршы эмдөө боюнча 20 мамлекетте берилген сертификатты тааныйт. Бул тууралуу Sputnik Казакстан кабарлады.

Билдирмеге караганда, тиешелүү документке 26-октябрда эле кол коюлган. Кийин 15-ноябрда Казакстандын башкы санитардык дарыгеринин милдетин аткаруучу Айжан Есмагамбетова өзгөртүүлөрдү киргизип, тизмеге Монголия, Перу, Сербия жана Тунисти кошкон.

Тизмеде Кыргызстан дагы бар. Өлкө коронавируска каршы эмделген Казакстан жарандарынын сертификатын да тааныйт.

Казакстан эмдөө боюнча сертификат, паспортторун тааныган өлкөлөр:

  1. Аргентина;
  2. Венгрия;
  3. Грузия;
  4. Иран;
  5. Иордания;
  6. Кыргызстан;
  7. Мальдив;
  8. Монголия;
  9. Армения;
  10. Беларусь;
  11. Молдова;
  12. Перу;
  13. Сан-Марино;
  14. Сербия;
  15. Тунис;
  16. Индия;
  17. Филиппин;
  18. Таиланд;
  19. Түркия;
  20. Эстония.
113
Белгилер:
Казакстан, эмдөө, коронавирус, сертификат
Тема:
Дүйнөгө жайылган коронавирус (1608)
Тема боюнча
Дарыгер: кыш түшкөнгө чейин сасык тумоого да каршы эмдөөдөн өтүү зарыл
COVID борбордо иштеген жакшынакай, сулуу робот кыздын видеосу
Коронавирустан кийин кайсы азыктарды көп жеш керек? Дарыгердин кеңеши
Алма-Ата шаарындагы блокпосттогу медицина кызматкерелери. Архив

Казакстан өлкөгө кирүү эрежесин катаалдаштырып, чектөө киргизет

295
(жаңыланган 11:27 30.11.2021)
Коңшу мамлекет айрым өлкөлөрдөн барган жарандарга чектөө киргизип, Египет менен аба байланышты токтоткону маалым болду.

БИШКЕК, 30-ноя. — Sputnik. 3-декабрдан тарта Казакстан өлкөгө кирүү эрежесин катаалдаштырып, коронавирустун "омикрон" штаммы аныкталган өлкөлөр менен аба байланышын токтотот. Бул тууралуу Sputnik Казакстан жазды.

Мындан сырткары, Казакстандын бийлиги айрым өлкөлөрдүн жарандарына кирүүгө чектөө киргизе турганы айтылып, саламаттык сактоо вице-министри Марат Шоранов аларды санап берген.

"Ботсвана, Лесото, Зимбабве, Мозамбик, Мадагаскар, Эсватини, Танзания жана Гонконг мамлекеттеринин жарандарына кирүүгө чектөө коюлат. Коронавирустун жаңы "омикрон" штаммы катталгандыктан аны өлкө аймагына киргизбөө максатында 3-декабрдан тарта бийлик чектөө чараларын көрөт ", — деди ал.

3-декабрдан баштап Казакстан коронавирустун жаңы штаммы аныкталган (Израиль, Чехия, Нидерланддар, Улуу Британия, Италия, Германия, Австралия, Канада) мамлекеттеринен келген жарандардан эмделгенине карабай сөзсүз ПЦР-тест талап кылары айтылды. Мындан сырткары, "омикрон" штаммы катталган өлкөлөрдөн келгендер ПЦР-тесттин жыйынтыгына карабай жети күн изоляцияда жатышы керек.

Казакстан Египет менен да аба байланышын токтоткону кошумчаланды.

295
Белгилер:
Казакстан, чектөө, эреже, коронавирус, жаңы штамм
Тема:
Дүйнөгө жайылган коронавирус (1608)
Тема боюнча
ДССУ "омикрон" штаммы коомго коркунуч жаратарын айтты
Дүйнө тынчсызданган "омикрон" штаммынын белгилери, кайдан чыкканы айтылды
Түркмөнстандын башчысы Гурбангулы Бердымухамедов. Архивдик сүрөт

Түркмөн башчысы Бердымухамедовдун жубайы алгачкы жолу коомчулукка чыкты. Сүрөт

493
(жаңыланган 12:29 29.11.2021)
Эл көзүнөн оолак жүргөн канайымды түрк басылмалары тартып алган. Ачык маалыматтарда ал жолдошу менен жашташ экени жана төрт баланы тарбиялаганы айтылат.

БИШКЕК, 29-ноя. — Sputnik. Түркмөнстандын башчысы Гурбангулы Бердымухамедовдун жубайы Огулгерек Бердымухамедова алгачкы жолу коомчулукка чыкты. Бул тууралуу Түркиянын Sondakika агенттиги жазды.

​Ага ылайык, Ашхабад шаарында Гурбангулы Бердымухамедов менен Түркиянын өлкө башчысы Режеп Тайип Эрдоган жолуккан.

Түрк лидери жубайы Эмине Эрдоган менен Түркмөнстанга Экономикалык кызматташтык уюмунун жыйынына катышуу үчүн келген.

Бул сапарды чагылдырган түрк басылмалары президенттерди жубайлары менен тарткан. ЖМКлар бул Түркмөнстандын канайымы Огулгерек Бердымухамедованын расмий алгачкы сүрөтү экенин белгилеген. Ошол эле түркмөн ЖМКлары биринчи айымдын сүрөтүн жарыялаган эмес.

Огулгерек Бердымуxамедова — эл көзүнөн оолак, табышмактуу каныйымдардын бири. Үч кыз, бир уулдун апасы. Ачык маалыматтарда ал жолдошу менен жашташ экени айтылат.

493
Белгилер:
Түркмөнстан, Гурбангулы Бердымухамедов, канайым, сүрөт, Огулгерек Бердымухамедова
Тема боюнча
Жапаров Бердымухамедов менен жолугуп, кызматташчу өзгөчө багыттарды атады
Бердымухамедовдун вице-премьерлер менен футбол ойногон видеосу
Республикалык ден соолукту чыңдоо борборунун эпидемиологу Асел Акымбаева

Антибиотик дарыны тоготпогон ооруларды пайда кылат. Эпидемиолог Акымбаеванын маеги

186
(жаңыланган 21:44 30.11.2021)
Адис коомчулукту антибиотиктерди башаламан пайдаланбоого чакырат. Дүйнөлүк саламаттыкты сактоо уюму да аталган препараттарды туура эмес колдонуудан улам организм дары-дармектерди кабыл албай каларын эскертип келет.

Sputnik Кыргызстан агенттигинин кабарчысы Республикалык ден соолукту чыңдоо борборунун эпидемиологу Асел Акымбаева менен антибиотиктин ден соолукка тийгизген таасири, туура эмес пайдалануунун кесепети тууралуу баарлашты.

— Антибиотиктин зыяндуу жагын коомчулукка түшүндүрүү үчүн кандай иштер жасалууда?

— Жакында эле антибиотикти туура колдонуу боюнча жумалык өттү. Иш-чараны Бүткүл дүйнөлүк саламаттык сактоо уюму уюштурган. Анын алкагында препаратты ашыкча колдонуунун кандай кесепеттери бар экендиги жөнүндө тегерек стол, талкуулар өткөрүлүп, элге да маалымат берилди. Дүйнө эли антибиотикти ушул темпте башаламан колдоно берсе, 2050-жылга чейин 100 миллион адамдын өмүрүн алып кетиши мүмкүн. Учурда мунун кесепетинен жылына 200 миң адам көз жумат. Алдыда бул көрсөткүч беш эсе көбөйүшү мүмкүн. Акыркы 10 жылдын ичинде антибиотикти колдонуу 36 пайызга өстү. Дүйнөдө бул препаратты көп пайдаланган өлкөлөргө Россия, Кытай, Индия, Бразилия кирет. Кыргызстанда дагы керектөө өсүп жатат. Элибиздин 48 пайызы дарыгердин көзөмөлүсүз, интернеттен карап же бирөөдөн угуп эле дары иче берет. Ушундай көрүнүштөрдөн улам организмде башка оорулардын пайда болушуна өбөлгө түзүлүүдө. Дары сатып аларда дарыгерге кайрылып, алардын берген рецепти менен ичүү абзел. Өзгөчө балдарды абайлаш керек. Өлкө аймагында өнөкөт оорусу бар адамдардын 74 пайызы дарыгер бир жыл мурда жазып берген рецепт менен антибиотик сатып алып ичет. Дарыгерлер адамдын салмагына жараша канча күн, күнүнө канча маал, тамактан кийин же ага чейин ичүү керектигин аныктайт. “Кымбат дары болчу, калтырбай ичип салайын” дегендер да бар. Антибиотикти туура эмес пайдалануу кооптуу жана бара-бара адамда дарыны тоготпогон ооруларды пайда кылат.

Врач-эпидемиолог Республиканского центра укрепления здоровья Асел Акимбаева в офисе
© Фото / Андрей Новоселов
Асел Акымбаева: өлкө аймагында өнөкөт оорусу бар адамдардын 74 пайызы дарыгер бир жыл мурда жазып берген рецепт менен антибиотик сатып алып ичет

— Антибиотик эмнеси менен кооптуу?

— Антибиотик — бул бактерияларга каршы препарат. Ал вирустук оорулардан сакайып кетүүгө жардам бербейт. Азыр биз тумоолоп же дагы башка жугуштуу оору менен оорусак эле антибиотик ичип жатабыз. Мындан улам оорунун саны көбөйүүдө. Мисалы, кургак учуктун, ичеги инфекцияларынын жана жугуштуу оорулардын айыкпас оор түрү келип чыгууда.

— Антибиотик кайсы оорулар үчүн колдонулат?

— Вирустук инфекция күчөп кетсе, дарыгер бейтаптын абалына жараша айрым учурда антибиотик жазып бериши мүмкүн. Негизи дене табын түшүрүү үчүн да антибиотик колдонууга болбойт. Вирустук инфекциянын жеңил түрү менен ооруган адам үч-беш күндө өзү сакайып кетет. Учурда бөбөктөргө эң күчтүү, 3-4-муундагы препараттарды сайып жатышат. Мындайга жеткирбеш үчүн ата-энелер ириде баланын иммунитетин көтөрүүгө, тамак-ашына көңүл бурууга аракет кылышы керек. Ооруну дарылоого караганда алдын алуу жеңил. Күчтүү антибиотиктер балдарды ашыкча салмак алууга алып келет.

— Канча убактан кийин бактерия дарыны тоготпой калышы мүмкүн?

— Азыр антибиотик медицинада эле эмес, өндүрүштө да колдонулуп калган. Мисалы, айыл чарба жаатында, ветеринарияда, косметологияда пайдаланылат. Жадагалса канаттууларга, аарыларга да берилери белгилүү. Мунун баары айланып келип эле адамга таасирин тийгизет. Ичеги-карында иммунитетти көтөрүп турган пайдалуу бактериялар бар. Антибиотик ашыкча колдонулса, ошол керектүү бактерияларды өлтүрүп, иммунитет түшөт. Андан кийин ал ичегини сезгентип, ич өтүүгө алып келет. Антибиотиктер аллергиялык ооруларга да кептейт жана кулактын угуусун начарлатат. Ушул өңдүү көп терс таасирлери бар.

Врач-эпидемиолог Республиканского центра укрепления здоровья Асел Акимбаева в офисе
© Фото / Андрей Новоселов
Асел Акымбаева: “Кымбат дары болчу, калтырбай ичип салайын” дегендер да бар. Антибиотикти туура эмес пайдалануу кооптуу жана бара-бара адамда дарыны тоготпогон ооруларды пайда кылат

Негизи бактериялар дароо эле дарыны тоготпой калбайт. Көп жолу туура эмес колдонуудан улам бара-бара оорунун туруктуу формалары келип чыгат. Мисалы, эртең менен дары ичүүнү унутуп калса, кечинде эки дозаны бир ичип алуу туура эмес. Маалы өтүп кетсе жок дегенде дары иче турган убакка үч саат калганда ичсе болот. Негизи ар кайсы антибиотиктин аралыгы ар кандай. Бул оорунун абалына жана түрүнө жараша болот.

— Биздин жарандар каалаган учурда, каалаган дарыны сатып ала берет. Буга көзөмөл жок. Мунун да зыяны тийип жатса керек?

— 2014-жылы “антибиотиктер башаламан сатылбасын” деген токтом чыккан. Бирок ал документ иш жүзүндө аткарылган жок. Анткени жеке менчик ишканаларды, дарыканаларды уруксатсыз текшерүүгө мораторий жарыяланган. Текшериле турган болсо 10 күн мурда кабардар кылып, анан баруу керек. Негизи дары-дармектердин рецепт менен сатылганы туура. Рецепт да оңдолуп кайра жазылбай, врачтын мөөрү менен болушу керек.

— Азыр аталышы жана баасы ар башка, бирок бир типтеги антибиотиктер кездешет. Бул дарылардын баасы анын сапатына таасир этеби?

— Негизи антибиотиктердин тогуз катары бар. Алардын сырткы кутусун өзгөртүп туруп эле айрым фармацевтикалык компаниялар акча жасап жатат десем болот. Баасында айырма болгону менен ички курамы бирдей эле, бирок дарыгер жазып жаткандан кийин алууга туура келет.

Врач-эпидемиолог Республиканского центра укрепления здоровья Асел Акимбаева в офисе
© Фото / Андрей Новоселов
Асел Акымбаева: антибиотик ашыкча колдонулса, ошол керектүү бактерияларды өлтүрүп, иммунитет түшөт. Андан кийин ал ичегини сезгентип, ич өтүүгө алып келет. Антибиотиктер аллергиялык ооруларга да кептейт жана кулактын угуусун начарлатат

— Дары-дармек алып жатып адам эмнеге көңүл бөлүшү керек?

— Антибиотик ичип жатканда дарыгер жазып берген дары тамактан кийинби же ага чейинби, көрсөтмөлөрүн карап, так аткарышыбыз керек. Негизи тоюп алып, антибиотик алган анчалык кооптуу эмес. Рационго сүт азыктарын кошуу туура болот. Алар биздеги керектүү бактерияларды калыбына келтирет. Айранда флораны калыбына келтирүүчү пайдалуу бактериялар бар.

186
Белгилер:
антибиотик, дары-дармек, дарыкана, Асел Акымбаева
Тема боюнча
Эпидемиолог Оторбаева: быйылкы сасык тумоо башкача
Балага ата-энесинин ажырашканы эки курагында өтө оор тиет. Психологдун маеги