Казакстан жетекчиси Касым-Жомарт Токаев жана экс-президент Нурсултан Назарбаев. Архив

Назарбаевдин Nur Otan лидерлигин Токаевге берери айтылды

101
(жаңыланган 16:57 23.11.2021)
Мындай чечим партиянын саясий кеңешинин кеңири курамда өткөн жыйынында белгилүү болгон.

БИШКЕК, 23-ноя. — Sputnik. Казакстан жетекчиси Касым-Жомарт Токаев экс-президент Нурсултан Назарбаевдин ордуна Nur Otan партиясына төрага болот. Бул тууралуу Sputnik Казакстан жазды.

Мындай чечим партиянын саясий кеңешинин кеңири курамда өткөн жыйынында белгилүү болгон.

"Жыйындын жүрүшүндө Нурсултан Назарбаев Nur Otan партиясынын төрагалык укугун мамлекеттин башчысына өткөрүп берүү чечимин кабыл алды", — деп билдирген Елбасынын маалымат катчысы Айдос Укибай.

Ал эми толугу менен расмий өткөрүп берүү иши партиянын уставына жараша болорун кошумчалаган.

Кыргызстан жана Казакстан желектери. Архив
© Фото / Пресс-служба правительства / Алишер Алиев
Nur Otan — Казакстандагы ири партиялардын бири, 1999-жылы түптөлгөн. Аны көп жыл бою Нурсултан Назарбаев жетектеп келет. Саясий бирикменин сайтында Nur Otan саясий жана экономикалык реформаларды жүргүзүүдөгү башкы демилгечи катары белгиленген.

Эске салсак, Казакстандын тунгуч президенти Нурсултан Назарбаев отставкага кеткендигин 2019-жылдын 19-мартында жарыялаган.

101
Белгилер:
Нурсултан Назарбаев, Касым-Жомарт Токаев, Nur Otan партиясы
Тема боюнча
Түркмөн башы коногу Токаевге "канаттуу" аргымак тартуулады. Видео
Назарбаев Путинди кантип таң калтырганын айтып берди. Маектин видеосу
Футбол боюнча Кыргызстандын улуттук командасынын оюнчусу Алимардон Шукуров. Архив

Кыргызстандык футболчу Шукуров "Неманда" ноябрдагы мыкты оюнчу болду

89
Алимардон Шукуров 2020-жылдан бери беларустук клубдун намысынорг коп келет. Ага чейин футболчу түркиялык «Болуспорт» командасында ойногон.

БИШКЕК, 4-дек. — Sputnik. Футбол боюнча Кыргызстандын улуттук командасынын оюнчусу Алимардон Шукуров Беларустун "Неман Гродно" клубунун ноябрь айындагы "Мыкты футболчусу" деп табылды. Бул тууралуу маалыматты аталган команда өзүнүн Instagram баракчасына чыгарды. 

Посмотреть эту публикацию в Instagram

Публикация от 🦌FC Neman Hrodna (@fcneman)

Жеңүүчү добуш берүүнүн жыйынтыгы менен аныкталган.

“Добуш берүүнүн жыйынтыгы боюнча“ Неман ”футболдук клубунун ноябрь айындагы эң мыкты оюнчусу, жарым коргоочу Алимардон Шукуров болду. Куттуктайбыз! » - деп команда постко билдирүү калтырган.

Шукуров өткөн айда гроднолук клубдун сабында төрт беттешке чыгып бир гол киргизип, бир голдук пас берген. Август айында мыкты гол киргизип, Азия футбол конфедерациясынын (АФК) чет өлкөлүк "Аптанын футболчусу" наамына талапкер болгон. Эске салсак, 22 жаштагы Алимардон Шукуров 2020-жылдан бери беларустук клубдун намысынорг коп келет. Ага чейин футболчу түркиялык "Болуспорт" командасында ойногон.

89
Белгилер:
футбол, Алимардон Шүкүров, футболчу
Тема боюнча
Футболчу Гүлжигит Алыкуловдун "баасы" бир миллион еврого чыкты
Электр линиялары. Архив

Новак Тажикстан, Түркмөнстанды бирдиктүү энергосистемага чакырды. Душанбе кыймылда

102
(жаңыланган 00:33 03.12.2021)
Советтер Cоюзу урагандан кийин Түркмөнстан менен Тажикстан Борбор Азиянын бирдиктүү энергосистемасынан чыгып кеткен. Учурда энергетикалык шакекчеге Россия, Казакстан, Кыргызстан, Өзбекстан кирет.

БИШКЕК, 2-дек. — Sputnik. Россия өкмөтүнүн вице-премьери Александр Новак Түркмөнстан менен Тажикстанды бирдиктүү энергосистемага кайтып келүүгө чакырды.

Бул тууралуу ал Москвада өтүп жаткан Евразиялык экинчи конгрессте сүйлөп жатып айтканын РИА Новости жазды.

"Учурда Россия Казакстан, Кыргызстан, Өзбекстандын энергосистемасы менен синхрондуу түрдө иштеп жатат. Тажикстан менен Түркмөнстандын да кайтып келишин күтөбүз", — деген Новак.

Ал арада Sputnik Тажикстан өлкөнүн өнөр жай жана жаңы технологиялар министри Шерали Кабирдин айтканына таянып 2022-жылы Тажикстан аталган энергетикалык шакекчеге кайтып келерин маалымдады.

Тажик министри борбор азиялык энергошакекченин ишин калыбына келтирүү үчүн иштер интенсивдүү жүргүзүлүп жаткандыгын айткан. Анын маалыматына караганда, бирдиктүү энергосистеманын ишин жаңылоодо рыноктогу жана дүйнөдөгү өзгөрүүлөрдү эске алуу зарылдыгы турат.

Шерали Кабир Рогун ГЭСи ишке киргенден кийин Борбор Азиядагы электр кубатынын тартыштыгын жоготуу жана жалпы эле энергетика рыногу болуп көрбөгөндөй өзгөрөт. Ал жаңылоо аталган тармакта көп адамдардын жумуш менен камсыз болушуна көмөкчү болорун кошумчалаган.

Борбор Азиядагы энергетикалык шакекченин тарыхы

Борбор Азиядагы жаңы энергетикалык моделди түзүү 1980-жылдары башталса да 1997-жылы толук аяктаган. Ага Казакстан (түштүк бөлүгү), Кыргызстан, Тажикстан, Түркмөнстан жана Өзбекстан кирген. Өз ара иштешүүнү камсыздаган система менен беш мамлекеттин 83 электр станциясы иштеп турган.

Өз ара кызматташуунун жол-жобосу пайдалуу негизде болгон. Казакстан менен Өзбекстан суу боюнча Кыргызстан жана Тажикстанга көз каранды эле, ал негизинен сугат иштери болгон. Ал үчүн акыркы аталган эки мамлекет ГЭС турбиналарын толугу менен коё беришкен эмес. Кыргыз жана тажик өкмөттөрүнө жеңилдик менен мунай заттары, газ жана көмүр келип турган.

Советтер Союзу урагандан кийин Түркмөнстан менен Тажикстан Борбор Азиянын бирдиктүү энергосистемасынан чыгып кеткен. Учурда энергетикалык шакекчеге Россия, Казакстан, Кыргызстан, Өзбекстан кирет.

102
Белгилер:
Россия, Кыргызстан, Түркмөнстан, Тажикстан, Борбордук Азия, энергосистема
Тема боюнча
Мадалбеков: акылдуу эсептегичи жок абоненттерге атайын тетик орнотулат
Бул шылдың! Абжалиев бийлик инвесторлорго электр энергия бербей жатканын айтты
Сот балкасы. Архивдик сүрөт

Жапаров Бишкек менен беш облуска сотторду дайындады. Тизме

78
(жаңыланган 22:50 04.12.2021)
Жер-жерлердеги кызмат орундарына Судьяларды тандоо боюнча кеңеш 16 талапкерди сунуштаган. Мамлекет жетекчиси 15ине макул болду.

БИШКЕК, 4-дек. — Sputnik. Президент Садыр Жапаров Бишкек шаарында жана облустарда 15 сотту дайындаганын өлкө башчынын маалымат кызматы кабарлады.

Кыргызстандын президенти Садыр Жапаров. Архив
© Пресс-служба президента КР / Султан Досалиев
Билдирүүдө Судьяларды тандоо боюнча кеңеш тарабынан президенттин атына Баткен, Ош, Талас облустарынын жана Бишкек шаарынын айрым жергиликтүү сотторунун судьялык кызмат орундарына тогуз талапкер, ошондой эле Чүй, Жалал-Абад, Баткен облустарынын жана Бишкек шаарынын айрым жергиликтүү сотторунун судьялык бош кызмат орундарына жети талапкер, жалпы 16 талапкерге сунуш келип түшкөнү айтылат.

Өлкө башчы 15 талапкер боюнча сунушка макул болгон.

Баткен облусу

Баткен облустук соту:

  • Абышова Кундуз Сабырбековна.

Кадамжай райондук соту:

  • Ажиматов Улан Абдыкаарович;
  • Тажибаев Илязбек Курванбекович;

Лейлек райондук соту:

  • Абдимиталипов Эльярбек Бахадирович.

Сүлүктү шаардык соту:

  • Эрматова Гүлзат Муктаровна.

Кызыл-Кыя шаардык соту:

  • Адимов Акылбек Акматович.

Ош облусу

Кара-Суу райондук соту:

  • Гуламидин уулу Элчибек.

Ош шаардык соту:

  • Турдалиев Ниязбек Назарович.

Жалал-Абад облусу

Ноокен райондук соту

  • Чоноев Чынгыз Мелисович.

Жалал-Абад шаардык соту:

  • Ганиев Жоомарт Махамадисакович.

Чүй облусу

Чүй облустук соту:

  • Кыдыралиева Нурзат Амантуровна.

Талас облусу

Талас шаардык соту:

  • Сүйналиев Дамир Сүйүнтаевич.

Бишкек шаары

Бишкек шаардык соту:

  • Бекбаева Нурия Хусаиновна;
  • Накешова Минура Асылбековна;
  • Токтосунов Шарабидин Бекташевич.

Бул жарлыктар кол коюлган күндөн тартып күчүнө кирери айтылды.

78
Белгилер:
Садыр Жапаров, судья, дайындоо, жарлык
Тема боюнча
Садыр Жапаров аймактарга 14 судья дайындады. Тизме
Жапаров жергиликтүү сотторго бир катар судьяларды дайындады. Тизме