Амансызбы, бурадар? Өлкөдө 10:15. Интернеттин кымбаттап, кальянга тыюу салынды

© Sputnik / Табылды КадырбековМужчина возле фонтана в центре Бишкека. Архивное фото
Мужчина возле фонтана в центре Бишкека. Архивное фото - Sputnik Кыргызстан
Жазылуу
Бүгүн күнгө бейшемби, Көчмөндөр оюндарынын акыркы күнү. Уу-дуу сөз алдыда эми...

Кыргызстан биринчи. Ысык-Көлдө өтүп жаткан Экинчи дүйнөлүк көчмөндөр оюндарында уткан алтын медалдардын саны боюнча Кыргызстан көч башында келе жатат. Төртүнчү күндүн жыйынтыгы менен биздин спортчулар 18 алтын медаль тагынышты. Ала-Тоонун таза абасынан дем алып, кымыздан кере жуткан ини-байкелер менен эже-карындаштар башкача жыйынтык көргөзүшү такыр мүмкүн эмес болчу. Ылайым, көчмөндөрдүн ордосуна айланган Кыргызстан дайым бардык жактан биринчи болсун!

Кыргыз-япон бир тууган. Дүйнөлүк көчмөндөр оюндарына 62 мамлекеттен келген спортчулар өз күчүн сынап жатат. Алардын арасында Япониядан келген Сейко Вазаки аны баары кыргыз деп ойлоп жатканын айтып сыймыктанат. Быйыл Япониядан бир спортчуну алып келген Вазаки Кыргызстанга эми үй-бүлөсү менен келип, өлкөнү түрө кыдырам деп турган чагы. Көчмөндөр оюну Кыргызстанды дүйнө элине таанытып, жакшы жарнамалады окшойт. 

Олимпиаданын түгөйү деген дүйнөлүк ЖМКлар. Көчмөндөр оюнун чагылдырууга өз арызын ондогон эл аралык телеканалдар менен маалымат агенттиктери берип, өз кызыкдарлыгын билдирген. Алардын айрымдары Риодо өткөн Олимпиададан кийин дүйнөлүк коомчулуктун көңүлү "Көчмөндөрдүн олимпиадасына" бурулду деп жазышты. Deutsche Welle, ВВС, New China, Euronews жана Al Jazeera сыяктуу эл аралык телеканалдар "Көчмөндөр оюндары" жогорку деңгээлде өткөнүн белгилеп, алардын чебердигине, тайманбастыгына жана баатырлыгына жогорку баасын берген. Ошентип көчмөндөрдүн ордосуна айланган Кыргызстан бул жакка келе албай калгандардын көзүн кызартып жаткан учуру.

© Sputnik / Табылды КадырбековТурнир по джириту на Вторых Всемирных играх кочевников
Турнир по джириту на Вторых Всемирных играх кочевников - Sputnik Кыргызстан
Турнир по джириту на Вторых Всемирных играх кочевников

Интернет кымбаттайт. Учурда жашообузду интернетсиз элестетүү кыйын. Эгер ал болбосо колубуз же бутубуз жоктой эле болобуз. Эми ошол биздин колубузга кол, бутубузга бут болуп, оорубузду колдон, жеңилибизди жерден алган "эң жакын досубуз" кымбаттайт экен. Айрымдарыбызды "ииии, эми кандай болот? Эмнеге андай болду?" деген суроолор ойлондуруп жатса керек. Мына ошол сизди кызыктырган бардык суроого бул жактан жооп алыңыз.

Тамеки чекпеңиз, тыюу салынган, ой, салынат дейт.. Жогорку Кеңештин депутаты Дастан Бекешов коомдук тамактануу жайларында жана кишилер көп чогулган жерде кальян, тамеки чегүүгө тыюу салган мыйзам долбоорун иштеп чыгып, аны коомдук талкууга койду. Эл өкүлү киши көп барган коомдук жайларда залды экиге — тамеки чегүүчүлөр үчүн жана чекпегендер үчүн деп бөлүп койсо да болорун айтат. Биз түрдүү курактагы жана кесиптеги кишилердин пикирин алдык. Кимдин жообу жакса, ага өз добушуңузду берсеңиз болот. Шилтеме бул жакта.

Валюта баасы. Бүгүн сомдун баасы долларга карата орто эсеп менен 69.04 (сатып алуу) жана 69.22 (сатуу) сомду түздү. 

Мунай баасы. Бишкекте Аи-95 үлгүсүндөгү бензин 38.30 сом, Аи-92 үлгүсүндөгү май 35.00 сом, ал эми дизель майы 30 сомдон сатылууда. 

Соңку сөз ордуна. Көз — коркок, кол — баатыр. Маңдай терибиздин арты менен ийгиликке жетели деп, Расул Үсөналиев.

Жаңылыктар түрмөгү
0