Амансызбы, бурадар? Өлкөдө 10:15. Бах, көз талдырган Аяз кыздар...

Жазылуу
Ошентип жаңы жыл дагы кирип келди. Негизи ушул Жаңы жыл бир кызыктай майрам, ээ? 31-декабрга бир ай калганда эле майрамды күтүп баштайсың да, анан бир заматта эле 1-январь болуп жаңы жыл кирип келет...

Башкаларга даярдаңганың бир тең, ушул Жаңы жылга даярданганың бир тең. Ии, баса, 30-декабрда Ош базары аркылуу Батыш автовокзалга барууга туура келди. Эми койчу, Ош базарга шаардыктардын бардыгы эле чыгып алгандай таасир калтырды. Бут коёрго жол жер жок деген сөздү дал ушул базарга колдонуш керек экен дедим. Чынын айтайын, жаңы жылдын камын көрөм деп келгендер менен алма, мандарин, торт саткандардан баш айланат.

Жаңы жылды Аяз ата менен Аяз кызсыз элестетүү дээрлик мүмкүн эмес. Дүйнөнүн айрым жерлеринде Аяз кыздар жайкы кийим менен жай чакырып жүрүштү. Бурала басканы, бийлегиничи…

© REUTERS / Kim Kyung-HoonДевушки в костюмах Санта-Клаусов фотографируются во время благотворительного забега Tokyo Santa Run в Чибе.
Девушки в костюмах Санта-Клаусов фотографируются во время благотворительного забега Tokyo Santa Run в Чибе. - Sputnik Кыргызстан
Девушки в костюмах Санта-Клаусов фотографируются во время благотворительного забега Tokyo Santa Run в Чибе.

Кудайдын кулагы сүйүнсүн, жаңы жылдын башталышы менен жакшы кабарлар көп болууда. Британиянын жөө туристтер коому Кыргызстанды активдүү эс алууга ыңгайлуу болгон алдыңкы беш мамлекеттин катарына кошту. Буюрса быйыл өлкөгө туристтер агылып келип, бюджетти аз да болсо кампыйтат деген илгери үмүтүбүз бар.

"Муз доору" деген мультфильмди баарыңар эле билсеңер керек. Азыр жок болуп кеткен мамонттордун жашоосу баяндалат го. Мына ошол мамонттор дооруна таандык болгон табылгалар Кыргызстандан табылыптыр. Болгондо да Алайдан.

Былтыр эмгек мигранттары Кыргызстандын кайсы аймагына эң көп акча которгон? Бардык суроого жооптуу ушул жактан аласыз.

Валюта наркы. Сомдун баасы долларга карата орто эсеп менен 68.78 (сатып алуу) жана 69.30 (сатуу) сомду түздү.

Мунай баасы. Бишкекте орточо эсеп менен алганда АИ-95 үлгүсүндөгүсү 43.80 сом, АИ-92 үлгүсүндөгүсү 40.90 сом, ал эми дизель майы 40.40 сомдон сатылууда.

Соңку сөз. Жаңырган жыл жалаң гана жакшылыктарга жык толуп, ийгилик алып келсин. Расул Үсөналиев

Жаңылыктар түрмөгү
0