Кыргыз мамлекеттик Абубакир Изибаев атындагы цирк. Архив

Амансызбы, бурадар? Өлкөдө 10:15. Цирк мышык ыйлай турчу абалдабы?

78
(жаңыланган 12:05 05.12.2018)
Кутман таң, күнүңүз көңүлдүү өтсүн!

Борбордогу Цирктин айланасындагы жаңжалга качан чекит коюлат? Апта башынан бери Абубакир Изибаев атындагы Цирктин жамааты жетекчиси Курмангазы Исанаевдин ишине карата нааразычылыктарды айтып келет. Исанаев өз кезегинде даттануунун бардыгы аны кызматтан алуунун айла-амалы болуп жатат деп сыпаттоодо. Алгач депутат Аида Касымалиева Жогорку Кеңештин тармактык комитетинин жыйынында Цирктин жамаатынын кайрылуусу боюнча баяндама жасап, көйгөй эки жылдан бери уланып келе жатканын айткан. Анткен менен тиешелүү органдар чара көрбөй келет дейт.

© Sputnik / Акылбек Батырбеков
Кыргыз цирки

Sputnik агенттиги эки тарапты тең укканга аракет кылды. Цирктин мурдагы кызматкери Манатбек Эшимбеков менен учурдагы кызматкери Аида Акматова Исанаев жетектеген 14 жылдын аралыгында цирк өнүкмөк тургай, артка кеткен деген пикири менен бөлүштү. Имараттагы бош бөлмөлөрдүн ижарага берилиши, сатылган билеттердин кирешеси туура эмес эсептелип жатканы, ремонттун жоктугу, форма, реквизиттердин эскириши, айлыктын аздыгы тууралуу айтып беришти. Ал эми Цирктин жетекчиси Курмангазы Исанаев айтылгандардын бардыгы аны ээрден шыпыруунун жолу деп сыпаттап, "жогорку жактагыларга арыздангандардын көбү жумуштан кеткен, мага таарынып жүргөн кызматкерлер" деген оюн айтты. Ошондой эле "Цирк мамлекетке айына 300 миң сомдон төгүп жатса, кантип жемкорлукка барам" деп агынан жарылды. Аталган көйгөй боюнча Маданият, маалымат жана туризм министрлиги азырынча комментарий берилбей тургандыгын айтышты.

Кечээ эл өкүлдөрү 2017, 2018 жана 2019-жылдардын бюджетин талкуулоодо бир пикирге келе албай, көпкө чейин анын тартибин талашып-тартышышты. Аны Алтынбек Сулайманов менен төрага Дастан Жумабековдун айтыша кеткен видеосунан көрүүгө болот. 

Грузияны эми аял президент башкармай болду. Жаңы өлкө башчы тууралуу 12 факты даярдадык. 

Кыргыз-өзбек киночулары жараткан "Делбирим" тасмасы 5-декабрдан тарта коомчулукка тартууланат. Sputnik Кыргызстан агенттигинин кабарчысы башкы каарман Аселдин образын жараткан Мадина Талипбек менен эксклюзивдүү маек курду. 

Саясаттын негизги элементтеринин бири — өлкө башчылардын балдары экенин жакшы билебиз. Бегимай Бакашева Борбор Азия лидерлеринин балдары кандай иштер менен алек экенине кызыгып көрдү. 

Кыргызстандын интернет айдыңында Мирбек Атабековдун устукан тартпай өткөргөн тою талкууланып жатат. Биз өзү менен байланышып пикирин уктук. 

Кызыктуу статистика. Кыргызстандын очор-бачар бүлөсү көп аймактарына абай салыңыз. 

Шумдугуң кур! Мамкаттоо кызматкери 23 жыл мурда чарчаган наристеге паспорт бергени аныкталып, ага иш козголду. 

Жумага карата аба ырайы менен таанышыңыз. 

Валюта наркы. Сомдун баасы долларга карата орто эсеп менен 69.77 (сатып алуу) жана 69.90 (сатуу) сомду түздү.

Мунай баасы. Бишкекте орточо эсеп менен алганда АИ-95 үлгүсүндөгү бензин 47.00 сом, АИ-92 үлгүсүндөгү май 44.30 сом, ал эми дизель майы 47.50 сомдон сатылууда.

Соңку сөз. Миң адамдын атын билгенче, бир адамдын сырын бил!

Амандыгыңызды тилеп Гүлдана Талантбекова.

78
Белгилер:
мунай, аба ырайы, видео, цирк, көйгөй, саясат
Атчан киши. Архивдик сүрөт

Амансызбы, бурадар? Өлкөдө 10:15. Жыгылсаң тизеле, сөз уксаң чыйрал!

88
(жаңыланган 16:15 28.12.2018)
Жакшы жатып, жай турдуңузбу, мекендеш?

Жылдын жаңырарына саналуу күндөр калды. Көптөр быйылкы жылга саресеп салып, өткөндү таразалап, келечекти боолголоп, жыйынтык менен Кара кийик жылына, 2019-жылга аттаганы турат. Пендебиз, адамбыз, инсанбыз. Узап бара жаткан жыл жашообузда, чөйрөбүздө, ишибизде, жеке жашообузда бир топ окуяларды тартуулады. Бул сапаркы "Бурадар" окуган адамды бир аз болсо да өзүнүн жашоосуна бир жылдык саресеп кылганга жетелесе керек.

…Ар кыл окуялар болду. Бирибиз алыска сапар алдык, дагы бирибиз өлкөдөн качып-бозуп же жөн эле чыгып кеттик, бир даарыбыздын бүлөбүздө наристе пайда болду, бир катарларыбыз түгөй таптык, дагы бирибиз жакыныбыздан ажырадык, канчабыз маңдай жарыла кубандык, көптөрүбүздүн көңүлүбүз калды, бир тобубузду оору коштоду, кээ бирөөбүздө жашоого үмүт жанды. Ошентип биздин күндөр жүз кырдуу мүнөзүн көрсөтүп, жүз сыноого салды. Бул — улуу кыймыл. Ал ошонусу менен кызык тура. Жылды узата карап туруп, ушул ойлорго жетелендим.

Жыгылган сайын тизелеп тура калып; мостойткон сөз уккан кезде чыйрала жалт карап; сенден оолактаганда кара башыңа ишенип; ишиңдин кедери кеткен арабаңды бек тартып, айтор жашоону улаганга милдеттүүбүз. Себеби бул — тирүүлүк. Бул бизге берилген ырыскы, шыбага, мүмкүнчүлүк. Ошондуктан келе жаткан жылды да ойлогондой, пландагандай, максат кылганыбыздай жашап өтөлү. 2019-жылы жакындарыбызга, айланабызга, тааныган-тааныбагандарга мээрим тартуулайлы, жетимдин бешенесин сылайлы, жесирден кабар алалы, оорунун абалын билели, жакшылык жасайлы. Башкасы болбосо да, бул менин, сенин колубуздан келет, бурадар. Анан өзүбүздүн койгон максаттарыбызга жетели, баштаган ишибиздин өтөсүнө чыгалы. Аманчылыкта жашайлы, сүйүктүү ишибиз менен алек бололу.

Келе жаткан Жаңы жылыңыз менен куттуктайм, замандаш! Жакшылыктарыбыз арбысын деген тилек менен бүгүнкү "Бурадарга" жетелейин. Бул "Бурадардын" 2018-жылдагы акыркы тизмеги.

Аба ырайы. 28-декабрда Ош калаасында +6…+8, ал эми Бишкекте +6…+8 градус жылуу болот

30-декабрдан 7-январга чейин. Жаңы жылда Бишкектеги коомдук тартипке милициянын 2300 кызматкери көз салат тура

Кыштын кыраан чилдесинде. Солтон-Сары кенин кытайлыктардын иштетүүсүнө каршы экендигин билдирип Нарын эли жыйын курду

Аша чаап кеткен жокпу? Жогорку Кеңештин депутаты чет элдик туристтер үчүн Ысык-Көл визасын киргизүүнү сунуштады

Журналист, депутат, эми төраганын орун басары. Жогорку Кеңештин депутаты Аида Касымалиева жашыруун добуш берүү менен вице-спикерликке шайланды

Көрбөгөн арманда! 2018-жылдын эң мыкты видеолору. Эми… көз чачырайт!!! 

Дүкөнгө же жумушка чыгып эле кайра үйгө кайтпай калуу кандай коркунучтуу. Sputnik жыл жыйынтыгын чыгарууда. Мүрт кеткен мугалимдер, энесиз калган бөбөк… Үрөй учурган жол кырсыктары

Жылды соттошуу менен тосуп алабы? Азимбек Бекназаров, Ахматбек Келдибеков жана Кеңешбек Дүйшебаев экс-президент Алмазбек Атамбаев менен "Апрель" телеканалынын директору Дмитрий Ложниковду сотко берди. Бул саясатчылар жылды соттошуу менен тосуп алабы?

Ажалы жок экен, бирок компенсация да жок дешти. Кайыган ок жолдо кетип бараткан 57 жаштагы кишиге тийип, бирок аман кылган. Акчаңа ыраазымын, аман калдым деген окшойт. Ош шаардык ЖКККБ жетекчисинин айтымында, жабыркаган киши инспекторго эч кандай доосу жок экенин билдирген маалымат түшкөн.

Валюта наркы. Сомдун баасы долларга карата орто эсеп менен 69.78 (сатып алуу) жана 69.90 (сатуу) сомду түздү.

Мунай баасы. Бишкекте орточо эсеп менен алганда АИ-95 үлгүсүндөгү бензин 46.50 сом, АИ-92 үлгүсүндөгү май 43.50 сом, ал эми дизель майы 45.50 сомдон сатылууда.

Соңку сөз ордуна. Колуңдан келишинче бактылуу бол! Бакыт – сенин жакындарыңдын амандыгы, маңдайыңда жаркылдап турган жарың, чүрпөлөрүң, сүйүктүү ишиң жана чың ден соолугуң.

Бардыгыңыздарга жакшылык каалап, Нургүл Максутова.

88
Белгилер:
Жаңы жыл, кайрымдуулук, тилек, бакыт, Бурадар
Тез жардам автоунаасы. Архив

Амансызбы, бурадар? Өлкөдө 10:15. Тез жардамды акыйып күткөн 47 миң учур

85
(жаңыланган 11:00 28.12.2018)
Жакшы жатып жай турдуңузбу, замандаш? Келе жаткан Жаңы жылыңыз менен куттуктайбыз! Жылга жакшы маанай, жакшы тилек менен аттайлы деп турабыз.

Бүгүнкү "Бурадарда" кечээги күнү болгон окуялардын тандалган тизмегин сунуштайбыз.

Азыр көптөрдө Жаңы жыл алдындагы майрамдык маанай. Тизмегибизди жакшы, жарык кабардан баштайлы деп чечтик.

Кечээ көптөгөн бөбөктөрдүн көзүнөн кубанычтын, толкундоонун учкунун көрүүгө болот эле. Таңгалган, суктанган, жылмайган сүрөттөр.

Ал эми президенттин кичинекейлерди куттуктап, бетинен өөп, бешенесинен сылаган видеосун бул жерден көрө аласыз.

Жаңы жыл келе жатат, жыл жыйынтыгын четинен чыгарып баштадык. Sputnik быйыл иши алдыга жылып, ити чөп жеген спортчуларды санап чыкты.

Анткен менен бир катар адамдар үчүн жыл чырлуу аяктап бара жаткандай. Депутат мандатынан ажыраганы үчүн аймактык шайлоо комиссиясын сотко бермей болду.

Сот демекчи, эмне болсо да эркиндиктен ашкан нерсе жоктур. Абактагы кишиге КР президенти кантип ырайым берери тууралуу материал сайтка жарыяланды.

Адамзат соттошуп, талашып-тартышып чындыктын түбүнө жетет чыгар. Бирок апам айтмакчы, "чыккан жан менен калган кадыр кайтып келбейт", тагыраагы, бийликтин, байлыктын түбүнө жеткен киши жок. Кезегинде котормочу, протокол бөлүмүнүн жетекчиси, Акаевдин экс-маалымат катчысы болгон Ильяс Бекболотов кечээ дүйнө салыптыр. Жаткан жери жайлуу болсун.

Бирок ажалды адам киши колунан тапкан учурларды кантебиз? Өзүнүн акыркы мүнөттөрүнө шашкан жигитпи же артынан кууган милициябы? Себепкер ким? Бишкектик автоинспекторлор артынан сая түшүп, айдоочу каза таптыбы? Кырсыктын видеосу бул жерде. Азырынча суроодон башка жообу жок жагдай.

47 миң учур… Жан көзгө көрүнгөндө, жакындарың ооруп, же балаң кыйналып, түйүлүп, ыйлап турганда дарыгер көздөн учат. Тез жардам гана абалга аралжы болчудай сезилет. Быйылкы жылдын эсебинен дарыгерлерди акыйып канча киши күткөнү тууралуу маалымат чыкты.

Валюта наркы. Сомдун баасы долларга карата орто эсеп менен 69.78 (сатып алуу) жана 69.90 (сатуу) сомду түздү.

Мунай баасы. Бишкекте орточо эсеп менен алганда АИ-95 үлгүсүндөгү бензин 46.50 сом, АИ-92 үлгүсүндөгү май 43.50 сом, ал эми дизель майы 45.50 сомдон сатылууда.

Соңку сөз ордуна. Калган кадыр менен чыккан жан табылбайт.

Жакшылык, аманчылык тилеп Мирбек Сакенов.

85
Белгилер:
Сооронбай Жээнбеков, бала, балаты, Бурадар
Инвестициялар министри Алмамбет Шыкмаматов

Инвестициялар министри Шыкмаматов иштен кетүү ниетин билдирди. Себеби

20
(жаңыланган 18:33 27.09.2021)
Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

БИШКЕК, 27-сен. — Sputnik. Инвестициялар министри Алмамбет Шыкмаматов отставкага кетүү үчүн арыз жазуу ниетин билдирди. Бул тууралуу президенттин маалымат кызматы кабарлады.

Президент Садыр Жапаров принял министра инвестиций страны Алмамбета Шыкмаматова. 27 сентября 2021 года
© Пресс-служба президента КР / Султан Досалиев
Бүгүн, 27-сентябрда, мамлекет башчы Садыр Жапаров министрди кабыл алган

Бүгүн, 27-сентябрда, мамлекет башчы Садыр Жапаров министрди кабыл алган.

"Алмамбет Шыкмаматов алдыдагы Жогорку Кеңешке шайлоого катышуу каалоосун айтып, буга байланыштуу ээлеген кызматынан кетүү жөнүндө арыз жазуу ниетин билдирди. Мамлекет башчысы анын отставкасын кабыл алууга даяр экенин айтып, аткарган иши үчүн ыраазычылык билдирди", — деп айтылат маалыматта.

Ошондой эле өлкө башчынын жарлыгына ылайык, инвестициялар министри Алмамбет Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

20
Белгилер:
Алмамбет Шыкмаматов, отставка, Жогорку Кеңеш, шайлоо
Тема боюнча
Арипов: жарым жылда инвестициянын көлөмү 95,4%га өстү