Библиотеки в Бишкеке

Амансызбы, бурадар? Өлкөдө 10:15. Китеп окууга шыктандырчу 11 сунуш бар

71
(жаңыланган 11:00 28.12.2018)
Кутман таң, замандаш! Жакшы эс алдыңызбы?

Бурадар менен кечээки күндүн маанилүү делген окуяларын тизмектейбиз.

Анда кеттик!

Саясаттан кеп. Экс-президент Роза Отунбаева өлкө башчысы Сооронбай Жээнбековго кайрылып, камактагы мурдагы депутат Өмүрбек Текебаевге ырайым кылууну сурады

Ошондой эле "Ата Мекен" фракциясынын лидери Алмамбет Шыкмаматовго козголгон кылмыш иши токтотулду

"Өнүгүү — Прогресс" фракциясынын лидери Бакыт Төрөбаев өлкөнү карызга батырып коюп өкмөт мүчөлөрү байып жатат деген ойдо. Саясатчы Sputnik Кыргызстан маалымат агенттигине кенен маек курду

Глава фракции Онугуу — Прогресс Бакыт Торобаев во время беседы на радио Sputnik Кыргызстан
© Sputnik / Жоомарт Ураимов
Глава фракции "Онугуу — Прогресс" Бакыт Торобаев

Жаңы жылдык белек үчүн 2,5 миллион сомдой каражат сарптаган мамлекеттик ишканалар бар. Дагы он мекеменин майрамдык чыгымын тизмектедик

Жапайы жаратылыштын символдору! Айлана-чөйрөнү коргоо жана токой чарба мамлекеттик агенттиги Нарын коругуна жана Чоң-Кемин жаратылыш паркына коюлган фотокапканга түшкөн кадрларды жарыялады

Снежный барс в природном парке Чон-Кемин сфотографированный на фотоловушку
© Фото / пресс-служба ГАООСиЛХ
Нарынский государственный заповедник и природный парк "Чон-Кемин"

Англия менен Индияга сатылган сурьма… Сөз Баткен облусу тууралуу болуп жатат. Sputnik Кыргызстан маалымат агенттиги Аймактарды өнүктүрүү жылына карата облустарда эмнелер өндүрүлүп, кайсы рынок эмне продукция менен камсыздалып жаткандыгын тизмектөөнү улантат

Кыргызстандык модель Керемет Космосбек кызы эл аралык Miss Tourism International — 2018 сынагына катышты. Керемет сүрөттөрүн көрүп койгула

 

 

Тагдырдын сыноосуна сынбай, бийиктикти багынткан жигит. Көзү азиз триатлет Жалалдин Абдувалиев Азия чемпионатында эки жолу коло медаль тагынган. Эми ийгилигин мындан ары да улантып, 2020-жылы Токиодо өтчү Паралимпиадага катуу даярданып жаткан кези. Спортчу ошол эле кезде өзү сыяктуу көзү көрбөгөн жарандардын коомго аралашуусуна да жардам берет. Sputnik Кыргызстан агенттиги спортчу менен жолугуп жашоосу, триатлон жана көзү азиздердин азыркы абалы тууралуу баарлашты

Койкойгон, көп тил билген, тил табыша алган милиционерлер. Азырынча туристтик милицияда 60 киши иштейт. Алардын бардыгы англис тилин билишсе, айрымдары башка да тилдерде сүйлөйт деп жетекчилиги ишендирүүдө. 

Колумнист Нуржигит Кадырбеков "ресторан, кафелердин, дүкөн-маркеттердин саны, жасалгасы боюнча дүйнөнүн көп өлкөсүн эбак эле артта калтырганбыз. Бирок китеп дүкөндөрүбүздү беш манжа менен санайбыз. Алардын көбү "өлбө жаным, өлбө" деп арабасын кылдыратып араң иштеп жатышат" дейт. Ал китеп окуу боюнча 11 сунуш берди

Шаршембиге карата аба ырайы менен таанышып алыңыз

Валюта наркы. Сомдун баасы долларга карата орто эсеп менен 69.78 (сатып алуу) жана 69.90 (сатуу) сомду түздү.

Мунай баасы. Бишкекте орточо эсеп менен алганда АИ-95 үлгүсүндөгү бензин 46.50 сом, АИ-92 үлгүсүндөгү май 43.50 сом, ал эми дизель майы 45.50 сомдон сатылууда.

Соңку сөз ордуна. Асыл ой, адал иш, ак сөз — турмушка баш, көз!

Жакшылык, аманчылык тилеп Гүлдана Талантбекова

71
Белгилер:
Бурадар, валюта, аба ырайы
Атчан киши. Архивдик сүрөт

Амансызбы, бурадар? Өлкөдө 10:15. Жыгылсаң тизеле, сөз уксаң чыйрал!

83
(жаңыланган 16:15 28.12.2018)
Жакшы жатып, жай турдуңузбу, мекендеш?

Жылдын жаңырарына саналуу күндөр калды. Көптөр быйылкы жылга саресеп салып, өткөндү таразалап, келечекти боолголоп, жыйынтык менен Кара кийик жылына, 2019-жылга аттаганы турат. Пендебиз, адамбыз, инсанбыз. Узап бара жаткан жыл жашообузда, чөйрөбүздө, ишибизде, жеке жашообузда бир топ окуяларды тартуулады. Бул сапаркы "Бурадар" окуган адамды бир аз болсо да өзүнүн жашоосуна бир жылдык саресеп кылганга жетелесе керек.

…Ар кыл окуялар болду. Бирибиз алыска сапар алдык, дагы бирибиз өлкөдөн качып-бозуп же жөн эле чыгып кеттик, бир даарыбыздын бүлөбүздө наристе пайда болду, бир катарларыбыз түгөй таптык, дагы бирибиз жакыныбыздан ажырадык, канчабыз маңдай жарыла кубандык, көптөрүбүздүн көңүлүбүз калды, бир тобубузду оору коштоду, кээ бирөөбүздө жашоого үмүт жанды. Ошентип биздин күндөр жүз кырдуу мүнөзүн көрсөтүп, жүз сыноого салды. Бул — улуу кыймыл. Ал ошонусу менен кызык тура. Жылды узата карап туруп, ушул ойлорго жетелендим.

Жыгылган сайын тизелеп тура калып; мостойткон сөз уккан кезде чыйрала жалт карап; сенден оолактаганда кара башыңа ишенип; ишиңдин кедери кеткен арабаңды бек тартып, айтор жашоону улаганга милдеттүүбүз. Себеби бул — тирүүлүк. Бул бизге берилген ырыскы, шыбага, мүмкүнчүлүк. Ошондуктан келе жаткан жылды да ойлогондой, пландагандай, максат кылганыбыздай жашап өтөлү. 2019-жылы жакындарыбызга, айланабызга, тааныган-тааныбагандарга мээрим тартуулайлы, жетимдин бешенесин сылайлы, жесирден кабар алалы, оорунун абалын билели, жакшылык жасайлы. Башкасы болбосо да, бул менин, сенин колубуздан келет, бурадар. Анан өзүбүздүн койгон максаттарыбызга жетели, баштаган ишибиздин өтөсүнө чыгалы. Аманчылыкта жашайлы, сүйүктүү ишибиз менен алек бололу.

Келе жаткан Жаңы жылыңыз менен куттуктайм, замандаш! Жакшылыктарыбыз арбысын деген тилек менен бүгүнкү "Бурадарга" жетелейин. Бул "Бурадардын" 2018-жылдагы акыркы тизмеги.

Аба ырайы. 28-декабрда Ош калаасында +6…+8, ал эми Бишкекте +6…+8 градус жылуу болот

30-декабрдан 7-январга чейин. Жаңы жылда Бишкектеги коомдук тартипке милициянын 2300 кызматкери көз салат тура

Кыштын кыраан чилдесинде. Солтон-Сары кенин кытайлыктардын иштетүүсүнө каршы экендигин билдирип Нарын эли жыйын курду

Аша чаап кеткен жокпу? Жогорку Кеңештин депутаты чет элдик туристтер үчүн Ысык-Көл визасын киргизүүнү сунуштады

Журналист, депутат, эми төраганын орун басары. Жогорку Кеңештин депутаты Аида Касымалиева жашыруун добуш берүү менен вице-спикерликке шайланды

Көрбөгөн арманда! 2018-жылдын эң мыкты видеолору. Эми… көз чачырайт!!! 

Дүкөнгө же жумушка чыгып эле кайра үйгө кайтпай калуу кандай коркунучтуу. Sputnik жыл жыйынтыгын чыгарууда. Мүрт кеткен мугалимдер, энесиз калган бөбөк… Үрөй учурган жол кырсыктары

Жылды соттошуу менен тосуп алабы? Азимбек Бекназаров, Ахматбек Келдибеков жана Кеңешбек Дүйшебаев экс-президент Алмазбек Атамбаев менен "Апрель" телеканалынын директору Дмитрий Ложниковду сотко берди. Бул саясатчылар жылды соттошуу менен тосуп алабы?

Ажалы жок экен, бирок компенсация да жок дешти. Кайыган ок жолдо кетип бараткан 57 жаштагы кишиге тийип, бирок аман кылган. Акчаңа ыраазымын, аман калдым деген окшойт. Ош шаардык ЖКККБ жетекчисинин айтымында, жабыркаган киши инспекторго эч кандай доосу жок экенин билдирген маалымат түшкөн.

Валюта наркы. Сомдун баасы долларга карата орто эсеп менен 69.78 (сатып алуу) жана 69.90 (сатуу) сомду түздү.

Мунай баасы. Бишкекте орточо эсеп менен алганда АИ-95 үлгүсүндөгү бензин 46.50 сом, АИ-92 үлгүсүндөгү май 43.50 сом, ал эми дизель майы 45.50 сомдон сатылууда.

Соңку сөз ордуна. Колуңдан келишинче бактылуу бол! Бакыт – сенин жакындарыңдын амандыгы, маңдайыңда жаркылдап турган жарың, чүрпөлөрүң, сүйүктүү ишиң жана чың ден соолугуң.

Бардыгыңыздарга жакшылык каалап, Нургүл Максутова.

83
Белгилер:
Бурадар, бакыт, тилек, кайрымдуулук, Жаңы жыл
Тез жардам автоунаасы. Архив

Амансызбы, бурадар? Өлкөдө 10:15. Тез жардамды акыйып күткөн 47 миң учур

83
(жаңыланган 11:00 28.12.2018)
Жакшы жатып жай турдуңузбу, замандаш? Келе жаткан Жаңы жылыңыз менен куттуктайбыз! Жылга жакшы маанай, жакшы тилек менен аттайлы деп турабыз.

Бүгүнкү "Бурадарда" кечээги күнү болгон окуялардын тандалган тизмегин сунуштайбыз.

Азыр көптөрдө Жаңы жыл алдындагы майрамдык маанай. Тизмегибизди жакшы, жарык кабардан баштайлы деп чечтик.

Кечээ көптөгөн бөбөктөрдүн көзүнөн кубанычтын, толкундоонун учкунун көрүүгө болот эле. Таңгалган, суктанган, жылмайган сүрөттөр.

Ал эми президенттин кичинекейлерди куттуктап, бетинен өөп, бешенесинен сылаган видеосун бул жерден көрө аласыз.

Жаңы жыл келе жатат, жыл жыйынтыгын четинен чыгарып баштадык. Sputnik быйыл иши алдыга жылып, ити чөп жеген спортчуларды санап чыкты.

Анткен менен бир катар адамдар үчүн жыл чырлуу аяктап бара жаткандай. Депутат мандатынан ажыраганы үчүн аймактык шайлоо комиссиясын сотко бермей болду.

Сот демекчи, эмне болсо да эркиндиктен ашкан нерсе жоктур. Абактагы кишиге КР президенти кантип ырайым берери тууралуу материал сайтка жарыяланды.

Адамзат соттошуп, талашып-тартышып чындыктын түбүнө жетет чыгар. Бирок апам айтмакчы, "чыккан жан менен калган кадыр кайтып келбейт", тагыраагы, бийликтин, байлыктын түбүнө жеткен киши жок. Кезегинде котормочу, протокол бөлүмүнүн жетекчиси, Акаевдин экс-маалымат катчысы болгон Ильяс Бекболотов кечээ дүйнө салыптыр. Жаткан жери жайлуу болсун.

Бирок ажалды адам киши колунан тапкан учурларды кантебиз? Өзүнүн акыркы мүнөттөрүнө шашкан жигитпи же артынан кууган милициябы? Себепкер ким? Бишкектик автоинспекторлор артынан сая түшүп, айдоочу каза таптыбы? Кырсыктын видеосу бул жерде. Азырынча суроодон башка жообу жок жагдай.

47 миң учур… Жан көзгө көрүнгөндө, жакындарың ооруп, же балаң кыйналып, түйүлүп, ыйлап турганда дарыгер көздөн учат. Тез жардам гана абалга аралжы болчудай сезилет. Быйылкы жылдын эсебинен дарыгерлерди акыйып канча киши күткөнү тууралуу маалымат чыкты.

Валюта наркы. Сомдун баасы долларга карата орто эсеп менен 69.78 (сатып алуу) жана 69.90 (сатуу) сомду түздү.

Мунай баасы. Бишкекте орточо эсеп менен алганда АИ-95 үлгүсүндөгү бензин 46.50 сом, АИ-92 үлгүсүндөгү май 43.50 сом, ал эми дизель майы 45.50 сомдон сатылууда.

Соңку сөз ордуна. Калган кадыр менен чыккан жан табылбайт.

Жакшылык, аманчылык тилеп Мирбек Сакенов.

83
Белгилер:
Бурадар, балаты, бала, Сооронбай Жээнбеков
ӨКМ кызматкеринин издөө иштери. Архивдик сүрөт

Аламүдүн суусуна түшүп кеткен кыздын сөөгү 41 күндөн кийин табылды

0
(жаңыланган 17:46 26.09.2020)
Кыз августтун ортосунда "Теплые ключи" эс алуу жайында жүргөндө сууга түшүп кеткен. Аны табууга бүгүн 95 куткаруучу тартылган.

БИШКЕК, 26-сен. — Sputnik. Чүйдүн Аламүдүн суусуна түшүп кеткен 26 жаштагы кыздын сөөгү бир айдан ашык убакыттан кийин табылды. Бул тууралуу ӨКМдин маалымат кызматы кабарлады.

Кыз 15-август күнү "Теплые ключи" эс алуу жайында жүргөндө Аламүдүн суусуна түшүп кеткен. Куткаруучулар анын денесин бүгүн, 26-сентябрда, саат 14:40тар чамасында тапты.

Чоң Чүй каналына чөгүп кеткен бөбөктүн сөөгү 8 күндөн кийин табылды

Аны табууга бүгүн Өзгөчө кырдаалдар министрлигинен 95 куткаруучу тартылган. Кыздын сөөгү ИИМ кызматкерлерине өткөрүп берилгени кабарланды.

0
Белгилер:
издөө, кыз, Суу, ӨКМ, Аламүдүн району, Чүй облусу
Тема боюнча
Аламүдүн: көлмөгө чөгүп кеткен эки жигиттин сөөгү табылды