Эркектин колу. Архив

"Паралич" партиялар

735
(жаңыланган 22:45 01.11.2016)
Жетимиш жыл бою бир партиянын жетегинде келип эле бир күнү Кыргызстан демократиялык кыймылы – КДК деген чыкты. Ушундай да болобу дедик. Болду.

Анан эле "жөн жүрбөгөн" Мелис Эшимканов болуп-толуп турган "Асаба-Агым" гезитинин жардамы менен "Бей-бечаралар партиясына" кирүүгө чакырык таштады эле, араң турган адамдар бей-бечарасына карабай бул партияга боо-боо болуп кире баштады. Ошентип бизде партиялык кыймыл коммунисттерге каршы демократиялык уюмдар катары көз жарды. А чыныгы батыштагыдай болуп партияларды түзүүнүн, аларды таасирдүү кылуунун теориялык негиздери, механизмдери иштелип чыккан жок. Андыктан да партиялардын айрымдарын партиялык кыймылдын пародиясына айланды. Демек, партиялык система биздин боз үйгө "түндүктөн түштү".

Партиялар улам-улам түзүлүп отуруп, акыры парламенттик шайлоо партиялык тизме боюнча өтөт дегенде чакан өлкөбүздө эки жүздөй партия катталып, дагы канчасы катталууга кам уруп, депутаттык жарышка даяр болуп туруп калды… 

Кыргызстан дүйнөлүк рекорддордун Гиннес китебине бул тараптан дагы бир топ нерсе менен кирүүгө туура келди: биринчиси – партиялардын санынын көптүгү; экинчиси – айрым партия мүчөлөрүнүн ошол партияда экендигин билбегендиги жана өзүнүн партияга өткөнүн укпагандыгы; адамдардын бир партиядан бир партияга беймарал өтүп жүрө бергендиги; партиялардын шайлоо алдында элге берген убадаларынын фантастикалуулугу ж.б. боюнча. Жогорудагылардын өзү бизде партиялык система оюнга айлангандыгын ашкере көрсөтүүчү фактылардан…

Ырас, алгачкы парламенттик шайлоодо, бир мандаттуу округ деп, депутат боломун деген он-он беш кишини өз аймагынан жарышка коё берип, уруучулукту, тууганчылыкты, жердешчиликти күчөтүп, мушташууга, атышууга, элди бөлүп жарууга, эки жакка тарткан бир үй-бүлө мүчөлөрүнүн бири-бири менен араздашуусуна чейин барганбыз. Бул бизге жакпайт экен, андан көрө уруу-уругуна, эли-жерине карабай, идеялар, максаттар менен партияларга биригейлик дедик. Бириктик. Болбоду. Ой түпкүлүгү туура болгон менен бизде укмуштай күчтүү кыргызчылык бар экен. Дагы эле биздин уруудан тигил балабыз бул партиядан экен, ошол партияны колдоп коёлу деп чыктык. Ал кандай партия ишибиз жок, неофашисттик партия болсо да, биздин уруунун баласы бар үчүн, "өз корообуздан кочкор чыгышы үчүн" колдой бердик. Айылда көп адам бул же тигил партия үчүн добуш беребиз дебейт, "Паланча үчүн", "Түкүнчө үчүн" добуш беребиз дешет. Шайлоо үгүтүндө эл стадиондорго партиялардын программалары менен таанышканы барган жок, алар уюштурган концерттер үчүн, өздөрүнүн туугандарынын жүзү үчүн, уруу ичиндеги ынтымактан чыгып калбаш үчүн, куда-сөөк болгону үчүн, кээси бир алым аш, бир куюм арак үчүн барып жатат…

Чынында айрым партияларды көпчүлүк калк шайлоо алдындагы үгүт иштери жүргүзүлүүчү бир айда гана билип атат. Алардын үгүт иштерине короткон каражаттарын санап отурсак, кайран СССРдин таланган каражаттары ушуларда турбайбы дедиртет, каржы кризисине капталып атсак, буларда акча бар экен да дедиртет. Ошол талапкерлер: базар ээлери, магазин ээлери, колбаса, арак чыгаргандар эмне үчүн ири өндүрүш жайларын, зоот-фабрикаларды курган жок, эгер ошолорду иштетип аткан болсо, жаштарыбызды Орусияга, Казакстанга тентитпеген болсо эл алардын партиясын ээрчийт эле да. Бул партиялар бүгүн асмандагы Айды алып беребиз дейт да, анан дагы беш жылга "оомийин болот" деп адамдар билип калды… Партиялардын үгүт иштерине короткон каражаттары карапайым адамдарды бир жыл кийиндирип-ичиндирмек, кайран акчалар талаага кетти… Эл ошого кыжырданып жатат…

Ал эми бир партия мүчөлөрүн ошол партиядагы жалпы идея да бириктирбеди. Эгер идея бириктирсе, адамдар шайлоо алдында бир партиядан экинчисине "секирик" жасабайт эле да. "Азия news" гезитинин СМСчиси Мураталынын сары эсеби боюнча "Республикадан" 16, "Ата Журттан" 12, "Ар-Намыстан" 11, КСДПдан 3, "Ата Мекенден" 2 депутат (!) шайлоо алдында өз партиясынын башка партияга өтүп кеткен. Мындан улам азыр партияга депутаттыкка талапкер болуу үчүн тизмеге кирүү максатында гана өтүп жатышабы деген ой келет. Өз партиясын "сатып кетүү", уялбай-нетпей, намыянын көтөрүп "чоочун короого кирип баруу" – бул мандат үчүн күрөш гана сыяктанат…

Партиялык тизмелер ошол партияга кошкон "кошумчасы" үчүн түзүлдү, "жаштар", "аялдар", "башка улуттар" деген милдеттүү категориялар үчүн адамдар бирөөлөрдүн айткан-дегени менен эле жазылып калгансыптыр, мындай "киндер сюрпиздер" партия үчүн "жөн эле" керек болду. Тизмедегилердин бирин жактырып, ошол партияга добуш берейин десең, кашайып, анын жанында тизмеге "аллергияңды" карматчу талапкер кирип алган. 

Ошентип, партиялар шайлоо алдында оюңду онго бөлүп турат…

Анекдот ордуна

Бирөө мусор төгөйүн деп эшикке чыкса, жамгыр жаап, суук болуп атыптыр. 

Ары жакта партиялардын үгүтчүлөрү келе жатат дейт.

— Ким мына бул мусорду төгүп келсе, ошонун партиясына добуш беремин, — дейт тигил үйдөн чыккан киши.

735
Белгилер:
саясий партиялар, депутат, шайлоо, Кыргызстан
Тема:
Парламенттик шайлоо 2015 (146)
Көп багыттуу F-35 Lightning II бомбалоочу истребители. Архив

F-35тин солгундашы. Истребителди кайрадан "кара булут чулгоодо"

141
(жаңыланган 20:33 23.02.2021)
Көп багыттуу F-35 Lightning II бомбалоочу истребители америкалык артыкчылыкты жана аскердик күчтүн жогорку технологиялык символу болууга тийиш эле, бирок бул аппарат жаатында АКШнын Аскердик өнөр жай комплексинин мүмкүнчүлүгү чектелүүдө.

Себеби "бешинчи муундагы" көзгө чалдыкпас учактын солгундашына күбө болуп келебиз. F-35тин америкалык паркынын үчтөн экиси кыймылдаткычтагы көйгөйүнөн улам уча албайт. Аскерий баяндамачы Александр Хроленко бул аппараттын кемчилиги, келечегине сереп салган.

Учактын оголе көп орчундуу конструктивдик мүчүлүштүктөрү бар. Пентагон тарабынан белгиленген сыноодон өткөн жок, алигүнчө жалпы өндүрүшкө уруксат чыга элек. Ушул тапта АКШнын Аскердик аба күчтөрү F-35тен баш тартып, 4+ муундагы жөнөкөй  F-16 истребителин тандоого даяр.

Пентагондогулар F-35A учагына буюртманын көлөмүн адегенде 40 пайыздан ашуун, тагыраагы, 1 763төн 1050 учакка чейин кыскартууну сунуштаган. Аны менен катар эле АКШ Аскердик аба күчтөрү эски, бирок ынанымдуу F-16 Fighting Falcon учагына буюртма алуу жолун караштырууда.

F-35 бомбалоочу истребителин АКШ Аскердик аба күчтөрү беш жылдан ашуун убакыттан бери пайдаланып келет, бирок даярдыгынын төмөндүгү, майнапсыздыгы өнөкөткө айланган. АКШ коргоо министринин орун басары мурдараак F-35 Lightning истребителдеринин 36 пайызы гана учууга жарактуу экенин, калган машиналар "жарым-жартылай гана иштээрин" маалымдаган.

Бул аппараттардын даярдык даражасы азыраак деңгээлде Аскердик аба күчтөрү менен, ал эми көбүнесе стелс-каптагычы, кыймылдаткычы, навигация жана учкучтун өмүрүн тобокелдикке сала турган "оңдолгус" конструктивдүү кемчиликтерине жараша аныкталат.

F-35тин бирдигин 100 млн. долларга сатып алган АКШнын союздаштары жана өнөктөштөрүнүн (Улуу Британия, Норвегия, Израиль, Италия, Сингапур, Түштүк Корея, Япония) үмүтү акталган жок. Учак 5-муундагы көрсөткүчтөргө төп келбейт, аскердик даярдыкка дегеле караандабайт, башкача айтканда, багыты боюнча милдеттерин аткара албайт. Кызыгы, АКШнын Аскердик өнөр жай комплексинин "чийки" түзүлүшүн алууга кезек бүтпөйт.

Бириккен Араб Эмирлиги F-35тен 50 даана алууга келишим түзгөн. Израиль "чагылган" паркын үч эскадрилияга (40 машинага чейин) көбөйтүү ниетин билдирген. Мындай жагдайды АКШ менен "достукка" жамынган акы менен гана түшүндүрүүгө болот.

F135 – майнапсыз кыймылдаткыч

Мурда "чагылгандардын" үндөн ыкчам ылдамдыкта стелс-каптагычы жана корпусу талкаланып кетери, кычкылтектин берилишиндеги үзгүлтүктөр (учкучтарга) жана F-35тин программалык камсыздоосундагы мүчүлүштүктөр туурасында кабарланган.

Инженерлер пайдалануунун жүрүшүндө анын кемчиликтерин жоюуга аракет кылышат, бирок алар улам арбып барат. АКШнын Аскердик аба күчтөрүнүн F-35A истребители F135 менен жабдылган, аны америкалыктар "дүйнөдөгү каалаган истребителге пайдаланылчу эң кубаттуу" кыймылдаткыч деп санашат. Бирок дал ошол жабдыгы F-35тин начар иштешинин негизги себеби болуп эсептелет. Машакаттуу F135тин бир саат учушуна 31 миң, ал эми "карыя" F-16 – 8 миң долларга чукул каражат сарпталат. Айтмакчы, Pratt&Whitney компаниясынын F135 кошумча кыймылдаткычтары жетишсиз, ал тургай жай убакта да тартыштык бар. Кокус согуш тутанып кетсе, абага F-35 учактарынын үчтөн бири көтөрүлөт, кийин душмандын абадан коргонуу каражаттарынан да эмес, металлдын ысып кетишинен эле күндөн-күнгө азаят.

F-16ны алмаштырууга да мезгил жетти

АКШнын Аскердик аба күчтөрүнүн согушка жарамдуулугун сактоо үчүн F-35тин үлүшүн кыскартууга аргасыз. Алар заманбапташтырылган F-16 Fighting Falcon (бул менен 1979-жылы куралданышкан, бүгүн мындай типтеги 790 истребитель бар) менен алмаштырылат. Төртүнчү муундагы F-16 көп функциялуу жеңил истребителинин учуш массасы – 21,8 тонна, илмегинин 9 бурчунда 7,7 тонна авиабомба жана ракета ташый алат. Радиусу – 1700 чакырым, максималдуу ылдамдыгы – саатына 2200 чакырым. Аймактык жаңжалдар үчүн дурус машина, бирок "бешинчи муундан" бир кадам артка чегинүү (технологиялык деградация) жакшы эмес. Пентагондо бул жаатта компромисс издөөдө.

Аскердик аба күчтөрүнүн штаб жетекчиси генерал кенже Чарльз К. Браун "антиквариатты" (F-16) сатып алууга каршы чыгып, F-35ке салыштырмалуу арзан-жөнөкөй, бирок F-16га караганда заманга төп бир моторлуу жеңил истребителдин жапжаңы классын иштеп чыгууга чакырды. Кенже Браун буларды "төрт жарым же бештен кем муундагы" машиналар деп сыпаттады.

Америкалык Аскердик аба күчтөрү F-16 Fighting Falcon истребителдерин аскердик учактарга алмаштыруунун жөндүүлүгүн баалоо үчүн изилдөө программасын баштады. Изилдөө каржылык 2023-жылдын башталышына чейин аягына чыгат. F-35 батыш дүйнөсүндө өндүрүлгөн "бешинчи муундагы" жалгыз истребитель болгондуктан ушундай машакат жаратууда. Ал менен шарттуу түрдө атаандашкан кансыз согуш доорундагы төртүнчү муундагы конструкциялар, тагыраагы, Boeing өндүрүшүндөгү F-15 жана F-18 истребителдеринин эскилиги жетти.

АКШнын европалык союздаштары бешинчи муундагы өз истребителин чыгарууга батына элек, ал эми үмүтү үзүлгөн Улуу Британия, Польша, Бельгия, Италия америкалык F-35ти сатып алууга инвестициялап келет.

"Чагылганды" иштеп чыгууга жалпы чыгымдар 400 млрд. доллардан ашып кетти, бирок бул улуттук бюджеттик каражаттарды туура эмес пайдалануунун башаты гана болду.

АКШнын Куралдуу күчтөр боюнча сенаттык комитетте F-35ти "коргоо жаатындагы сатып алуулардын бузулган тутумунун хрестоматиялык үлгүсү" деп атап, ал эми кезегинде белгилүү саясатчы, эски учкуч Жон Маккейн: "F-35 программасынын рекорддук көрсөткүчтөрү нарк, график жана өндүрүмдүүлүк жаатында жаңжал жана апаат болгон", — деп мүнөздөгөн. Анткен менен "Чагылган" АКШ жана анын союздаштарынын Аскердик аба күчтөрүнүн бышыктыгын дагы далай сынай турганы анык.

"Көзгө чалдыкпас" F-35 долбоорунун мындай "өнөкөт" ийгиликсиздеринен улам россиялык Су-57 истребителинин технологиялык жетишкендиктери өзгөчө айырмаланат. Бул – гипер үндүү ракеталарды өздөштүрүп жаткан дүйнөдө чыныгы бешинчи муундагы истребителдеринин карлыгачы. Америкалыктар россиялык куралдын артыкчылыгын аргасыз моюнга алууда.

141
Белгилер:
истребитель, долбоор, АКШ
Тема боюнча
"Баарын ойрон кылат": Пентагон Россияны "ооздуктоого" камынды
"Кайырмак да беришет бекен?". Украинага тартууланган үйлөмө кайыктар
Абу-Дабидеги IDEX-2021 көргөзмөсүндө оор ТОС-1А огнеметтук тутумун макети

Абу-Дабидеги көргөзмөгө коюлган россиялык коргонуу комплексинин саамалыгы

287
(жаңыланган 11:54 22.02.2021)
Россия дүйнөлүк курал рыногунун үчтөн бирин көзөмөлдөйт. Абу-Дабиде өтүп жаткан Эл аралык IDEX 2021  курал-жарак жана аскердик техника жарманкесинде да РФ Коргоо өнөр жай комплексинин негизги саамалыктарын элдин назарына койду.

IDEX 2021 курал салонундагы бирдиктүү россиялык экспозиция 1200 чарчы метрди ээлеп, аскердик техниканын 400дөн ашуун түрүн камтыйт. Бул — жогорку технологиялык душманы менен салгылаштагы орчундуу аргументтер, учурдун коркунучтары жана жер, деңиз, абадагы коопсуздук чакырыктарына (анын ичинде сокку уруучу учкучсуздарды жок кылуу) таамай жооп. Аскерий баяндамачы Александр Хроленко эл аралык жарманкеге коюла турган россиялык бирдиктердин мүнөздөмөлөрүнө токтолгон.

Абу-Дабиде Т-14 "Армата" жаңы россиялык танкынын эл аралык бет ачары өтмөкчү. Бул дүйнөдө согуштан кийинки үчүнчү муундагы жалгыз танк болуп саналат. Машина таамай куралдан коргоонун эң жогорку даражасына ээ, тактикалык звено аркылуу тескөөнүн автоматтык тутумуна интеграциялашууга жөндөмдүү, учкучсуз режимде сыноодон өткөн.

Мурдараак Sputnik Т-14түн экспорттук болочогу тууралуу маалымдаган. Чет элдик адистер "Арматанын" болжолдуу сатып алуучулары катары Индия, Кытай, Бириккен Араб Эмирлиги, Египет жана Алжирди аташат.

Жаңы танкынан тышкары "Уралвагонзавод" концерни IDEX-2021 көргөзмөсүнө дагы бир жаңылыгын – зооттолгон инженердик универсалдуу машинасын элдин назарына коет. Аймакта алгач ирет унификацияланган дөңгөлөктүү "Бумеранг" платформасынын базасында зооттолгон транспортер жана пехота машинасы, алыскы аралыктагы "Антей-4000" зениттик-ракеталык тутуму, орто ыраактыктагы жаңы "Викинг" ЗРТ көрсөтүлөт.

Россиялык Коргоо өнөр жай комплекси учкучсуз тематиканы динамикалуу өнүктүрүп келет. "Рособоронэкспорт" дүйнөлүк рынокто "Орион-Э" чалгындоо-сокку уруучу комплексин ийгиликтүү таанытып келет. Бул түркиялык Bayaraktar ТB-2 менен бир типте деп эсептелип, чет өлкөлүк адистердин кызыгуусун жаратып жүрөт.

Абу-Дабиде айтылуу "Орлан-10Е" россиялык учкучсуз комплекси боюнча да материалдар сунушталган. Жакынкы Чыгыш жана Түндүк Африка – курал-жарак рыногундагы негизги буюртмачылар, аларга рыноктун жалпы көлөмүнүн үчтөн бирине жакыны туура келет. "Ростехтин" башкы директору Сергей Чемезовдун маалыматына таянсак, 2020-жылы "Рособоронэкспорттун" экспорт көлөмүнүн 50 пайыздан ашууну аталган чөлкөмдөгү өлкөлөргө багытталган.

IDEX – тажрыйба жана технологияларды алмашуу, жаңы өнөктөштүк байланыштарды түзүү үчүн маанилүү эл аралык аянтча.

Кыйрагыс зооттолгон техника

Абу-Дабидеги россиялык зооттолгон топтомунда заманбап Т-90МС танкы, жаңыланган Т-72 танкы, танктарды коштоочу аскердик машина, "Тайфун" жана "Торнадо" тобундагы зооттолгон автомобилдердин үлгүлөрү бар. "Уралвагонзавод" концернинин экспозициясы оор ТОС-1А огнеметтук тутумун, 155 ммлик калибрдеги 2С19М1-155 өзү жүрүүчү гаубицаны, 7,62 ммден 57 ммге чейинки калибрдеги пулеметтук-замбиректик куралдар менен жабдылган аралыктан куралдын тескелүүчү аскердик үлгүлөрүн камтыйт.

Жогоруда аталган зооттолгон инженердик универсалдуу машинасы согуш шартында жана душман жапырт жабыркатуучу курал колдонгон учурда инженердик иштер үчүн ылайыкталганы менен бүйүр кызытат. Бул табылгада үч: зооттолгон ремонттук-эвакуациялык, жол куруучу инженердик машина жана минаны зыянсыздандыруучу зооттолгон машинанын мүмкүнчүлүктөрү топтолгон. "Уралвагонзавод" концернинин өндүрүмдөрүнө эл аралык курал-жарак рыногунда суроо-талап күч. Жакында аталган компаниянын башкы директору Александр Потапов: "Биз көргөзмөгө коюлган үлгүлөргө Жакынкы Чыгыш, Африка жана Азия-Тынч океан регионундагы мамлекеттер тарабынан кызыгуу болорун болжоп турабыз. Коргоо компанияларынын бардыгы үчүн IDEX эң маанилүү жарманкелердин бири экени айныгыс, биздин өндүрүмдөр бул аянтчада татыктуу орун ээлеп келет".

Көп сатылчу учкучсуз аппараттар

Бүгүнкү күндө Россиянын натыйжалуу чалгындоочу жана сокку уруучу учкучсуздардын бүтүндөй топтому бар. Дүйнөлүк курал-жарак рыногунда мындай өндүрүмгө кызыгуу күч. Россиялык өндүрүшчүлөр "күзөтүүчү курал-жарак" жасоодо көрүнүктүү ийгиликтерге жетишкен. Мындай бирдиктер айрым мүнөздөмөлөрү боюнча чет өлкөлүк атаандаштарын дегеле караандатпайт. Сирияда сыналган КУБ жана "Ланцет" учкучсуздары тескелүүчү ракеталардан алда канча арзан жана радарларга дээрлик байкалбайт.

Аскердик бөлүктөрдө "Корсар" учкучсузу да сынамык эксплуатациядан өтүп, башкы өндүрүшчү КБ "Луч" анын жана "Корсар-Э" сериялык өндүрүшүн баштоого даяр. Байкасак, учкучсуз түзүлүштөрдөн россиялык гана база жана толуктоочу жабдыктар пайдаланылып келет. Анткени бул санкцияланбаган тышкы кийлигишүүлөрдөн коргоонун жогорку деңгээлин жана экспорттон көз карандысыздыкты кепилдейт.

РФ Росссиялык армиянын ар кандай типтеги учкучсуздарын камсыздоо артыкчылыктуу маселе, бирок дүйнөлүк рынокто россиялык Коргонуу өнөр жай өндүрүмдөрүнүн эл аралык коммерциялык кызыкчылыгын бүгүндөн эле камсыздайт.

Кол жеткис коргонуу тутумдары

Абу-Дабиде "Рособоронэкспорт" "Антей-4000", "Викинг" жана "Тор-Э2" зениттик-ракеталык комплекстерин алгач ирет элге көрсөтүшөт. Ошондой эле көргөзмөгө келгендер С-400 "Триумф" жана "Тор-М2КМ" ЗРК, "Купол-ПРО" учкучсуздарга каршы комплекстери өңдүү уникалдуу тутумдарды көрө алышат. Технологиялык деңгээлин түшүнүү үчүн "Викинг" ЗРКсы – "Бук-М3" комплексинин экспорттук версиясы экенин белгилейли. Белгилүү "Бук-М2" комплекси менен салыштырсак, ок атуу аралыгы бир жарым эсеге, тагыраак, 65 чакырымга, ал эми бир убакта атып түшүрө турган буталары алтыга дейре жогорулатылган. Кое берүүгө даяр тескелүүчү зениттик ракеталардын аны 8ден 18ге көбөйгөн.

"Викинг" дүйнөлүк рыноктун талаптарын эске алуу менен түзүлүп, анын техникалык өзгөчөлүктөрү комплексти болушунча чет элдик буюртмачылардын каалоосуна жараша ыңгайлаштырууга жол берет. Курал бирдиктерин жана ал түгүл айрым өзү жүрүүчү ок орнотмолорун автономдук колдонуу мүмкүнчүлүгү каралган, бул жалпы коргонуу аянтын жана калкалоочу объектилердин санын арттырат.

Абу-Дабидеги көргөзмөнүн россиялык бурчунда авиациялык техниканын үлгүлөрү да, атап айтсак, маневрдүүлүгү жогору Су-35 көп багыттуу истребители жана Ми-38Т тик учагы коюлган. Бул кандай гана өлкө болбосун авиациялык топтун согуштук дараметин кыйла жогорулата алат.

IDEX 2021 көргөзмөсүндө "Рособоронэкспорттун" адистери Жакынкы Чыгыш жана Түндүк Африка өлкөлөрүнүн аскердик-саясий жетекчилиги жана бизнес-коомчулуктун өкүлдөрү менен сүйлөшүүлөрдү жүргүзүшөт. Пакистан жана Россия жарманкени утурлай коргоо чөйрөсүндөгү бир катар келишимдерге кол койгон. Исламабад ракетага каршы россиялык коргонуу тутумдарын жана танкка каршы коргонуу комплекстерин алат. "Рособоронэкспорттун" буюртмалар топтомунда 50 млрд. долларга түзүлгөн келишимдер бар. Жогорку технологиялык жана кынтыксыз орус куралы планетаны "багындырууну" улантып келет.

287
Белгилер:
Россия, комплекс, ракета, жарманке, Абу-Даби, көргөзмө, курал-жарак
Тема боюнча
"Кайырмак да беришет бекен?". Украинага тартууланган үйлөмө кайыктар
Саясатчы Өмүрбек Текебаев. Архив

Текебаев Кыргызстандын Бельгиядагы элчиси болобу? Саясатчынын жообу

0
(жаңыланган 16:15 25.02.2021)
Депутат мурунку бийликтин жана азыркы бийликтин учурунда дагы элчилик кызмат тууралуу сунуш түшпөгөнүн айтып, учурда узакка созулган соттук иштери менен алек экенин белгиледи.

БИШКЕК, 25-фев. — Sputnik. Саясатчы Өмүрбек Текебаев аны Кыргызстандын Бельгиядагы элчиси болот деген кептер чындыкка дал келбей турганын Sputnik агенттигинин кабарчысына билдирди.

Эске салсак, акыркы күндөрү социалдык тармактарда жана айрым ЖМКларда Текебаев элчилик кызматты аркалай турганы жөнүндө маалыматтар тараган.

"Мага мурунку бийликтин учурунда дагы, азыркы бийликтин учурунда дагы андай сунуш түшкөн эмес. Бул фейк жаңылык. Ошондуктан талкууга алуунун зарылдыгы жок. Ким эмне себептен жайылтканын билбейм", — деди Текебаев.

Саясатчыдан алдыдагы пландары тууралуу да сурадык.

"1,5 жылдан бери бүтпөй жаткан сот иштери менен алекмин. Алгач сот иштерин бүтүрүшүм керек, пландарым ошондон көз каранды болот", — деди Текебаев.

Былтыр "Ата Мекен" партиясынын лидери Өмүрбек Текебаев кайрадан Жогорку Кеңештин депутаты мандатын алган.

Текебаевдин иши

2017-жылдын 25-февралында Башкы прокуратура "Ата Мекен" фракциясынын лидери Өмүрбек Текебаевге жана башка адамдарга карата КР Кылмыш-жаза кодексинин 303-беренесинин 1-бөлүмү ("Коррупция") жана 166-беренесинин 4-бөлүмүнүн 2-3-пунктуларында ("Алдамчылык") камтылган белгилер боюнча кылмыш ишин козгогон.

Козголгон кылмыш иштин алкагында Текебаев менен Чотонов кармалган. Россиялык бизнесмен Леонид Маевский Текебаев "Альфа Телеком" (Megacom) компаниясынын башкармалыгына кирүүгө мүмкүнчүлүк берүү үчүн бир миллион доллар алды деп айтып, депутаттын үстүнөн арыз жазган. 16-августта Бишкек шаарынын Биринчи май райондук соту Текебаевди коррупция боюнча күнөөлүү деп таап, сегиз жылга эркинен ажыраткан. Шаардык сот жана Жогорку сот өкүмдү күчүндө калтырган.

Кийин жаңы жагдайлардан улам Текебаев менен Чотоновдун ишин Жогорку сот кайра кароого жөнөтүп, фемида өкүлдөрү өткөн жылдын 29-августунда эки саясатчыны үй камагына коё берген. Ошентип ал соттолгон деген статустан кутулган.

0
Тема боюнча
Шайлообек Атазов менен Бурун Аманова Жогорку Кеңешке депутат болуп келет
Максим Бакиевден коркуп Москвага качкан. Россиядагы жаңы элчи тууралуу 9 факты
Зыңкыйышат! Таанылгыс болуп өзгөргөн саясатчылардын армиядагы сүрөттөрү