Оорукана кызматкерлери. Архив

Кыргызстандыктар көп ишенген медициналык 7 аңыз

3196
(жаңыланган 19:51 01.01.2017)
"Рак илдетин айыктыра турган дары табылды", "Эгер бул дарыны күн сайын калтырбай ичсеңиз куландан соо болосуз"… Мындай жарнамаларга кулагыбыз деле, көзүбүз деле көнүп калган. Биздин колумнист Улугбек Жоомартов жарнамаларга ишенүү керекпи же жокпу деген суроолорго жооп издеп көрдү.

Ооруп калганда айыгуунун жолун эч убакта интернеттен издебегиле! Адиске гана кайрылуу керек. Азыр жакшы дасыккан дарыгерлерди табуу кыйын. Ошентсе да оорудан кантип арылууну интернеттен издегенче дарыгерге кайрылуу ишенимдүү болот. 

1-миф: ракты айыктыруучу сырдуу жемиш

Жакында эле интернетте дарыгерлер эч кимге айтпай катып жүргөн жемиш тууралуу маалыматтар чыкты. Интернетте отурган "доктурлардын" айтымында, ал рак клеткаларын өлтүрүп, адамды куландан соо кылып айыктырып салат имиш. Ошол эле учурда адамга анын эч кандай зыяны тийбейт экен. Бул сырдуу өсүмдүктүн аты — гуанабана. Көптөгөн сайттар бул жемишти дүйнөнүн каалаган жерине жеткирип беребиз деп ишендирүүдө.

Достор, кичине башты иштетеличи! Бул жемиш кайда өсөт? Латын Америкасындабы? Анда эмне үчүн бул мамлекеттерде дагы онкологиялык ооруга чалдыккандар четтен кездешет?

Онкологиялык ооруларды жемиш менен дарылайт дегенди уккан эмесмин. Андыктан кандай гана оору болбосун адиске кайрылуу керек. 

2-миф: бал кошулган суу мите-курттан арылтат

Интернет-кеңешчилер 30 пайыздык бал эритмеси курамы боюнча кандын плазмасына окшош экенин айтышат. Анан калса, мите-курттун баары сары түстү "жактырбагандыктан" аны көтөрө албай өлүп калышат. Бал кошулган суу арыктаганга да жардам берет деген кеңештер интернетте жайнайт.

Мындай кеңеш бергендер плазма деген эмне экенин билет болду бекен? Негизи плазманын курамында альбумин, глобулин жана фибриноген болот. Буга балдын кандай тиешеси бар?

Ичегидеги курттарды бал менен тазалоонун өзү шек жаратат. Анан калса, бал ичеги-карын ооруларынын өнөкөт түрүнө терс таасирин тийгизет. Балды ашыкча жесе ал гастрит менен аллергияга алып келет.

Ал эми бал менен арыктоо сунушу тууралуу айтсак, балда торттогудай эле углевод көп. Эгер тортту такай жей турган болсоңуз канча килограммга арыктарыңызды элестетип көрүңүзчү?

3-миф: койдун майы жүздөгөн ооруга шыпаа берет

Койдун майы кыргыз элинин элдик дарылоо ыкмасы. Аны суук тийгенде, бөйрөккө таш толгондо, ууланганда жана башкаларга колдонушат.

Эреже боюнча койдун майын колдонор алдында жакшылап эритиш керек. Анын таасири тууралуу айта турган болсок, ал жылытуучу майдай эле жыйынтык берет. Демек, аны муун ооруларына колдонсо болот. Ошондой эле эрителген кой майы менен далыга массаж жасаса анын оорусун басаңдатат. Эгер ич ооруса майды саат жебесинин кыймылындай кылып сүйкөсө жардам берип, ич бир аз жеңилдеп, адам өзүн жакшы сезип калат.

Ошол эле учурда май терс таасир бериши мүмкүн. Эгер териде инфекциялуу жара же оору болсо майды колдонууга таптакыр болбойт! Ириңдеп кеткен жерге май сүйкөөгө да тыюу салынат. Май менен массаж кылып жатканда дененин соо жерине да инфекцияларды жуктуруп алуу коркунучу жогору.

4-миф. Эгер суук тийсе, көп тамак ичпей турганыңыз жакшы

Тамакты сиңирүүгө көп энергия кетет. Ага корогон энергия оору менен күрөшүү үчүн керек. Андыктан ангина же сасык тумоого чалдыкканда тамактан баш тарта туруу зарыл.

Ооруган учурда организмде уулануу жүрөт. Токсиндер адамдын денесинде "тыгылып калып", ал кийин чоң көйгөй жаратышы мүмкүн. Андай болбошу үчүн ооруган адам суюктукту көп ичүүсү керек. Суюктукту ичпей коюу, андан баш тартуу такыр туура эмес.

Эми тамак тууралуу айтсак. Иммундук система менен тамакты сиңирүүгө корогон энергиянын ортосунда байланыш, албетте, бар. Бирок адам жөн гана уктап жатканда деле энергия коротот. 

Ооруган учурда суюк тамактарды ичүү керек. Мисалы, манты жегендин ордуна тоок сорпосун ичсеңиз ден соолук үчүн пайдалуу болот. Андыктан ооруп жаткан учурда тамактан баш тартуу туура эмес.

5-миф: сарымсак кошулган сүт геморройду айыктырат

Интернетте отурган "дарыгерлер" эгер сарымсакты сүткө салып кайнатып, ал муздагандан кийин бир канча күн ичсе геморрой сен көр, мен көр жок болорун айтышат. 

Сарымсактын пайдалуулугу мындан бир канча кылым мурда эле белгилүү болчу. Ал вирустук ооруларга миңдин бири. Ошол эле учурда иммундик системаны чыңдоочу мыкты каражат. Бирок геморройду хирургиялык жол менен гана дарылоого мүмкүн. Бул дарттан арылыш үчүн жашоо образын өзгөртүү керек. Сиз канчалык көп кыймылдабай отурган сайын оорулардын келип чыгүү себеби жана мүмкүнчүлүгү ошончо чоң.

6-миф: калемпир тундурмасы "түшүп калган" чачты калыбына келтирет

Билермандар чач түшүп жаткан жерге калемпирдин тундурмасын сүйкөө керектигин айтышат. Алар кан айланууну жакшырып, чачтын кайтадан өсүп чыгуусун шарттайт.

Чачтын түшүшү же таз болууга генетикалык же башка факторлор таасир тийгизет. Эгер баштын терисине калемпир тундурмасан же сарымсак сүйкөсө ал жерде кандын айлануусу жакшырары турган иш. Мындай ыкма менен эрте таз болуп калуунун алдын алса болот. Бирок баары бир даяр косметикалык каражаттарды сатып алып колдонгон оң. Себеби, өз алдынча даярдаган тундурмада калемпир көп болуп калышы толук ыктымал. Калемпирдин курамындагы эфир майы терини күйгүзүп салышы мүмкүн.

Эгер чачтын тамыры толук түшүп калган болсо, таз болуудан эч бир каражат сактай албайт. Болгону чачты которуштуруу керек.

7-миф: укмуштуу корсетти кийип алсаңыз эле арыктайсыз

Латекстен жасалган корсеттерди ашыкча салмактан арылууга сонун жардам берерин айтып, аны жарнамалап келишет. Корсетти кийип жүргөндө дене тердеп, ашыкча майларды эритип салат. Тер менен кошо дененин салаңдап турган жериндеги токсиндер менен майлар чыгып, дене жакшы формага келип калары айтылат.

Эгер адамдын анатомиясына кайрыла турган болсок, адамдын майы теринин эле алдында жайгашкан эмес. Майга жетүү үчүн клетчатка жана чарымдар бар. Корсет болгону клетчаткада топтолгон майды гана "эрите" алат.

Андыктан мындай корсеттерди сатып алууда жети өлчөп бир кескен туура.

3196
Белгилер:
рак, ден соолук, медицина
Тема боюнча
Дарыгер Жумабеков: ангина жүрөк сыздатса, кулак-мурун оорусу мээге чабат
Тез жардам кызматкери: "кызыңар үзүлүптүр" деп апасына айта албай койдум
АКШнын жаңы шаланган президенти Жо Байден. Архив

Байден АКШны Европанын "камчысын чаптырабы"?

130
(жаңыланган 14:14 26.11.2020)
Европа өз кызыкчылыктарын коргоо боюнча жана өзүнүн геосаясий ролун бекемдөөгө тырышып келе жатып эле Вашингтонго алардын өз алдынчалыгына жол бербей турган күчтөрдүн кайтышын кызуу кубаттоодо.

Еврокеңешти тескеп турган Шарль Мишель Жо Байденге "бекем трансатлантикалык альянсты калыптандырууну" сунуштады. Эгер ал бийликти колго алып, Ак үйгө баш бакса (ушундай болору айкын болуп калды), европалык жетекчинин бул каалоосунун ишке ашышына бардык негиз бар. АКШнын мамлекеттик катчылыгына болжолдуу кудаланган талапкер Энтони Блинкен "глобалдык альянстардын коргоочусу" болуп саналат. Мындай сунуштун келечеги тууралуу Ирина Алкснис ой калчаган.

Европа АКШ президентинин ролунда дал Байденди көргөнүнө кубанары ал жактагы лидерлердин биринен бири озуп шайлоодогу жеңиши менен куттуктап жатканынан эле байкалган. Ал эми ФРГ өзү ачык билдиргендей эле "дагы төрт жыл Трамп менен иштешүүгө көңүлү жок болчу". Бир гана Европа үчүн эмнеге Кошмо Штаттардын жетекчилигине глобалисттер — Вашингтон башында турган бир полярдык дүйнөнү сактап калууга далбас ургандардын келишине кызыкдар экени түшүнүксүз. Себеби бул алардын өз алдынча болууга жана жарым вассалдык көз карандылыктан арылууга умтулуусуна каршы келет эмеспи. Европада америкалык маанайдагы күчтөр жеңип, өз өлкөлөрүн Кошмо Штаттарга курмандыкка чалабы деп болжоого болот эле. Бирок фактылар башканы көрсөтүүдө. Маселен, Германия өкмөтү АКШда "Түндүк агым – 2ге" каршы даярдалган экстерриториалдык санкциялардын ылайык келбестиги боюнча өз позициясын билдиргени бар.

Ошентип Европа өз кызыкчылыктарын коргоо боюнча жана өзүнүн геосаясий ролун бекемдөөгө тырышып келе жатып эле Вашингтонго алардын өз алдынчалыгына жол бербей турган күчтөрдүн кайтышын кызуу кубаттоодо. Балким мунун жандырмагын төрт жыл мурунку окуялардан издеген оңдур.

Ак үйгө келгенде Дональд Трамп АКШнын катыштыгы менен даярдалып жана ал түгүл кол коюлган эл аралык келишимдердин көпчүлүгүнөн баш тарткан. Айтылуу Трансатлантикалык соода жана инвестициялык өнөктөштүк боюнча макулдашуу да ошондой тагдырга кабылган. Дүрбөлөң түшө берчүлөр Америка ошол келишим аркылуу Европанын ресурстарынын баарын өзүнө алат деп коңгуроо кагышкан.

Бирок өз мамлекетине экономикалык пайда алып келген ар бир мүмкүнчүлүктү колдон чыгарбоого ашыккан Трамп Америкага узак жылдар бою "алтын жумуртка уялап берчү" бул иштен эч буйдалбастан баш тарткан. Анан да бул макулдашуулардын баары чындыгында Кошмо Штаттарга дегеле пайдасыз экенин билдирген. Балким бизнесте дасыккан америкалык патриоттун айтканы жөндүү чыгар.

Глобалисттердин (анын ичинде америкалыктардын да) улуттук кызыкчылыкты карманарын боолголоо чоң жаңылыштык. Алар үчүн Кошмо Штаттар негизги эмиссиялык борбор жана планетанын эң күчтүү армиясы катары маанилүү болушу мүмкүн. Бирок дээрлик 330 миллион калкы бар эбегейсиз өлкө аларга жүк болор. Анын өнүгүшүнө салым кошуп, көйгөйлөрүн чечүүдөн көрө андан кечип койсо болор. Антсе да глобалисттердин нагыз кызыкчылыктары жана сезимдери деле дүйнө жарандары катары башка нерселерге байланган болушу мүмкүн. Ошол эле Энтони Блинкендин бала чагынын басымдуу бөлүгү Парижде өтүп, анын калыптанышына европалык өгөй атасы таасир эткен. Андыктан мамлекеттик катчылык кызматта ал АКШнын улуттук кызыкчылыктары менен гана иш алпарарынан шек саноолор кыйла мыйзам ченемдүү. Мындан улам Европанын позициясы да түшүнүктүү боло түшөт. Акыркы он жылдыкта ал өз көздөгөнүнө түп-тамырынан америкалык тереңдиктен ажыратылган мамлекеттин жардамы, ошону менен бирге эле "эркин дүйнөнүн лидери" жана жападан жалгыз күчтүү державанын алдында тизе бүгүү менен жетүүгө үйрөндү. Иран өзөктүк келишимин эле эстеңиздерчи, жарым-жартылай ал Обаманын президенттигинин эң чоң жеңиши деп да аталып жүрбөйбү. Бирок ал келишимге АКШга караганда Евробиримдик көбүрөөк кызыкдар эле. ЕБ дале көп мамилелерде Кошмо Штаттарга муктаж, маселен, өз армиясын түзүү далалаты азыр көрсөтүүгө тырышканчалык деңгээлде эмес. Бул жаатында америкалыктарга альтернатива болууга жакын арада жетишери мүмкүн эмес.

Евробиримдик үчүн Россияга геосаясий, экономикалык жана ошол эле аскердик тең салмак керек. Ал эми Москвада батыш багытында бир топ жагымдуу шарттар жаралууда, бул батыш европалык борбор калааларга жагары арсар. Натыйжада бир кызык жагдай байкалат: Европа көпчүлүктүн көзүндө АКШ үчүн чыгыштоо каражаттары гана сымал, бирок чындап келсе америкалыктарды аёо зарыл. Алар европалык айлакерликтин курмандыгына айланып, өз элитасы тарабынан сатылышы ыктымал.

 

130
Белгилер:
Дональд Трамп, Жо Байден, Батыш, Европа, АКШ, Россия
Тема боюнча
Батыш өзүн-өзү кыйратууга чамындыбы? Ой толгоо
 Карабахтагы зыянсыздандырылган миналар

Кадам сайын жарылбасын! Карабахтагы миналарды зыянсыздандыруу аракеттери

77
Жакындагы согуштук аракеттер аймагы жана Тоолуу Карабахтагы башка райондордогу миналарды зыянсыздандыруу иштери жүздөгөн чарчы чакырым аянттагы аймактарды жарылуучу предметтерден акырындап тазалоону болжойт.

Кооптуу жерлерди чарбалык багыттагы аянттарга айлантуу ири ресурстарды (миллиондогон доллар) жана ондогон жылдарга созула турган талбаган эмгекти талап кылат. Аскерий серепчи Александр Хроленко дал ушул көйгөй тууралуу ой толгогон.

Мина коюлган талаалар, жарылбай калган ок-дары жана колго жасалган жарылуучу түзүлүштөр жаңжалдан соңку аймактардын башкы көйгөйү болуп саналат.

Өмүргө дайым кооптуулук туудурган жагдайдан жакындагы эле мисал – 23-ноябрдагы Мадагиз айылынын четиндеги Азербайжан, РФ аскер кызматкерлери жана таанылбаган Тоолуу Карабах республикасынын Өзгөчө кырдаал министрлигинин кызматкерлер тобунун жарылышы. Жаңжал аймагында мындай кооптуулуктар тынчтык орнотуучуларды, саперлор жана куткаруучуларды күн сайын тооруйт.

Ереван шаарынын аэродромдоруна Россиянын Коргоо министрлигинин Минага каршы эл аралык борборунун 100дөн ашуун аскер кызматкери, ошондой эле 13 аскердик бирдик жана атайын техника жеткирилген. Инженердик бөлүктөр бүгүн Ереван — Горис — Степанакерт багыты боюнча марш жасоодо.

Саперлордун алдыңкы бөлүктөрү Тоолуу Карабахтагы жерлерди, жолдорду жана объектилердеги миналарды зыянсыздандырууга 23-ноябрда киришти. Артыкчылыктуу милдет – дислокация түйүндөрүндө, посттор ортосундагы тынчтык орнотуучулардын багыттарындагы жана инфраструктуранын айрым объектилериндеги миналарды тезинен зыянсыздандыруу.

Тилкелердин биринен эле россиялык саперлор 30 чакты танкка каршы миналарды зыянсыздандырышты. Адатта табылган ок-дарылар атайын полигондордо же жеринде жардыруу ыкмасы менен жок кылынат.

РФ Куралдуу күчтөрүнүн Минага каршы эл аралык борборунун адистери татаал жана оор ишке Бириккен Улуттар Уюмунун минага каршы ишмердигинин стандарттарына ылайык даярдалган. ИМП-С2 мина издөөчү жаңы техникага, "Уран-6" роботтук-техникалык комплекстерге ээ.

Издөөнүн заманбап каражаттары жана коргоочу шаймандары Тоолуу Карабахтагы россиялык аскер кызматкерлеринин саламаттыгы жана өмүрүнө тобокелдикти азайтканы менен толук сактабайт.

Вазийпанын татаалдыгы

Заманбап жергиликтүү жана аймактык жаңжалдар согуштук аракеттердин туруктуу мүнөзү жана оперативдик аймак, ага чектешкен территориялардагы мина коюлган талаалардын, тузак миналардын, жол бетиндеги фугастар жана башка "күтүүсүз учурлардын" кеңири колдонулушу менен айырмаланат.

Тастыкталган, тыгыз, эшелондоштурулган тактикалык коргоону жаратуу үчүн чоң курамы жок күчтөр жана ресурстары жок (мисалга, фронттун жүз километрлик линиясына) жаңжалдашкан тараптар айрым тилкелерге бөлүктөрүн жана согуштук техникасын топтоп, ал эми "ачык жерлерин" миналанган талаалар менен жашырышат.

Карабахта негизинен советтик өндүрүштөгү, тагыраагы, танкка каршы ТМ-62, пехотага каршы ПМН-2 миналары пайдаланылган. Ошону менен бирге эле алардын жайгашуусунун схема-карталары тез түзүлүп, кийин жоголуп да кетет. Аба ырайынын катаал таасирлеринен улам миналар иштен чыгат, мина талаалары "жаңырат".

Балким, жаңы мина коюлган талааларды жаңжалдашкан тараптар эч көйгөйсүз зыянсыздандыра алар. Бирок мурдагы бардык мина коюлган талаалар так кайда жайгашканын эч ким билбейт. Согуштук кырдаалда жарылбай калган же калтырылган артиллериялык снаряддардын көптүгү да өзүнчө чоң көйгөй жаратат.

Карабах жергесинде көп миңдеген жарылуучу предметтер бар. Ошондуктан россиялык саперлордун он жылга созулчу талбаган эмгеги, БУУ жана башка гуманитардык уюмдардын ресурстарын активдүү тартуу – аймакты согуштан толугу менен чыгаруу үчүн минималдуу шарттар.

Мурда Азербайжан аймагын миналардан зыянсыздандыруу боюнча улуттук агенттигинин (ANAMA) башчысы Газанфар Ахмедов Карабахтагы Бакунун көзөмөлүнө өткөн аймактардагы минадан толук арылтууга он жылдан ашуун мезгил талап кылынарын билдирди.

Сирияда Армениянын 83 кишиден турган гуманитардык миссиясы 2019-жылдын алты айында 20 чакты гектарды мина, дүрмөт, авиабомба жана колго жасалган жарылуучу түзүлүштөрдөн куткарган. Абхазия жана Түштүк Осетиянын аймактарында (бул жерлерде саперлордун ишинин чети да оюла элек) бир топ жылдан берки миналарды зыянсыздандыруу боюнча согуштан кийинки тажрыйба Карабахта аткарылчу милдеттердин эбегейсиз көлөмдө экенин тастыктайт.

Биргелешкен аракеттер

БУУнун мина зыянсыздандыруу маселелери боюнча кызматы (UNMAS) өткөн жылы 19 өлкөдө (анын ичинде Ирак, Афганистан жана Сирия) 495 млн. доллар сарптаган. Балким, бул каражаттардын бир бөлүгү Тоолуу Карабахтын территориясындагы миналарды зыянсыздандырууга жумшалар.

UNMAS маалыматы боюнча миссия мында декабрдын башында башталмакчы. Эң оболу адистер тоо-токойдогу оор шарттардагы жумуштун көлөмүн баалашат. Мүмкүн саперлордун биргелешкен эл аралык аракеттери жаңжалдан кийинки аймакка качкындардын кайра кайтышын ылдамдатууга жол берер.

БУУнун башкы катчысы Антониу Гутериштин көз карашы да үмүт жандырат. Ал окту токтотуу гуманитардык уюмдун жаңжалдан жабыркаган тынч калкка кол сунууга мүмкүндүк берерин, Тоолуу Карабахта Россия менен кызматташуу жана өз ара аракеттешүүгө даярдыгын белгилеген.

77
Белгилер:
Азербайжан, Армения, тынчтык, Россия, Мина, Тоолуу Карабах
Тема:
Тоолуу Карабахтагы жаңжал
Тема боюнча
Түркиянын Карабахтагы тынчтык орнотуучулары: же бар, же жок болуу
Россиянын жардамы менен. Карабах тынч жашоого кантип кайтууда. Видео
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

0
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

0
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди