Эх, Марина, Марина!..

© Sputnik / Максим Блинов / Медиабанкка өтүүСитуация в поселке Кратово Московской области
Ситуация в поселке Кратово Московской области - Sputnik Кыргызстан
Жазылуу
Капыстан өлүмгө кабылган жердешибиз Марина туурасында колумнист Абдыкерим Муратов кабыргасы кайышып, эскерүү жазыптыр

Бул "кратоволук аткыч" тууралуу окуяны баарыбыз уктук. Орусиянын телеканалдары көрсөттү. 10-июнь күнү Москва шаарынан көп алыс эмес жерде – Кратоводо мурдагы МЧС кызматкери Игорь Зенков деген неме, сарайында эски куралдарды топтоочу жигит, кошунасына өчөшүп, астынан чыккандарды эски мылтык менен аткылай берген. Кылмышкер чакырык менен барган Росгвардиянын жоокерлерин да, полицейлерди да жакын жолото койбой, граната ыргытып турган. Ушул күнү жарадар болгондордон тышкары беш киши өлгөн. Алардын ичинде Асаналиева Марина Базарбековна кызыбыз да бар эле…

Куралчан адамдын архивдик сүрөтү - Sputnik Кыргызстан
Магнитогорск: заводдун директору КР тургунуна көчөдөн ок чыгарган
Бул тууралуу жердештери, кыргызстандыктар, унчукпадык, бизден алыс, бизге тиешеси жоктой гана кайдыгер кабыл алдык…

Марина… Эх, Марина, Марина! Бир кезде – бала чакта баарыбыздын сүймөнчүк кызыбыз эле. Менин кочкорлук досум Абдылдаев Шайлообектин иниси Базарбектин кызы катары баарыбызга жадырып күлүп турчу… Мыкты сүрөтчү эле. Тоолорду, периштелерди, балдарды тартчу… Бишкектен сүрөт окуу жайын да бүттү…

Кийин миңдеген жердештерибиз сыяктуу эле Россияга иштегени кетип, ошол жактан Геннадий Мельников деген жигитке баш кошуп, эки балалуу болгондо, баш кошкондон бери туулган жерине келүүгө шарты болбой, эми-эми келебиз деп жатканда… минтип канкордун огу капылет тийип, келбес жакка кете берди…

Өлүм алдында балалыгы өткөн Кара-Кужурдун Кара-Сазын, Ысык-Көл боюндагы шамалдуу шаар Балыкчысын бир көз алдына келтирип алгандыр, кайран кыз…

Өлүмүнө кейиген кесиптештери таланттуу кол өнөрчү эмес беле дешип арман кылышты… Facebook баракчасына кызы Палинка экөөнүн Татьяна Рыкованын "Стильная штучка" деген мектебинин маараке-кечесинде кол өнөрчүлүгүн көрсөтүп жатканын жарыялаган экен, байкушум…

Өлүмдү кара: туулган күнгө барууга чыккан жерден, күрмөсүн унутуп, кайра келе калып, күйүп жаткан кошунасынын үйүнө 112 кызматын чакыра коёмун деп Игорго бет келип, өзүн жоготуп койгон Игорь кошунасы Геннадийди далыга атып, аны коргоп денеси менен тосо калганда Маринаны кошо атып, Марина оор абалда жатканда эч ким даап бара албай, жардам бере албай карап тура беришиптир. Биринчи жардам болгондо аман калат беле дейсиң?.. Күйөөсү Геннадийге тийген ок өпкөсүн тешип, оор абалда ооруканага жетип аман калган. А Маринага андай тагдыр буюрбаптыр.

Последняя фотосессия писателя Чингиза Айтматова в КР - Sputnik Кыргызстан
Айтматовсуз 9 жыл. Үлкөндүн караанын издегенде
Игорь Зенковдун сарайынан Мосин мылтыгы, Шпагин пистолет-пулемету, эки сайлуу кесме мылтык, "Вальтер" тапанчасы, "Пибоди Мартини" жана "Арисака" мылтыктары, РГД-33, М-39, М-24 гранаталары, бир топ миномоттук жана түтүн чыгаруучу миналар ж.б. адам өлтүрөр курал-жарактардын арсеналы табылган. Суроо туулат – ушунча куралы бар адамды россиялык атайын кызматтар неге билишпеди, неге аны ошол куралдары менен көчөгө чыгарып койду? Неге анын мылтыгы эң жакшы мамиледе жүргөн кошуналарына, анын ичинде биздин Маринага багытталды?

14-июнда Балыкчыдан атасы Базарбек жана апасы Ирина Краткового барып, ал жерде бир тууганы Чыңгыз болуп, дагы башка кыргыздар катышып жерге беришти. Геннадий эки балага эмне деп айтам деп сөөктү Кыргызстанга бербей коюптур. Кызынын христиандык жөрөлгө менен көмүлүп жатканын карап туруп, Базарбек кайра-кайра куран окуй бердим дейт…

Армандуу тагдыр, армандуу ата-эне, Россияда калган кыргыз кыздын сөөгү… Ойлонтот… Толгонтот…

Жаңылыктар түрмөгү
0