Бакудагы аскердик парад учурунда Азербайжан армиясынын аскердик техникасы.

Тоолуу Карабахтагы жаңжалда Азербайжанга кайсы курал көмөкчү болду?

530
(жаңыланган 20:18 12.12.2020)
Азербайжан Тоолуу Карабахтагы согуштук аракеттердин жүрүшүндө беларустук жана россиялык өндүрүштөгү куралды, тагыраагы, артиллерия, залптык октун реактивдүү тутумдары, танк жана СССР убагынан берки арсеналдан зениттик ракеталык комплекстерди натыйжалуу пайдаланды.

Түркиялык жана израилдик учкучсуз аппараттар артиллерияларга көмөкчү болушту, чалгындоо-сокку уруучу контурдун түзүлүшүнө түрткү болду. Касташкан тараптын жоокердик духун солгундатуу үчүн бир топ видеоматериалдарды беришти, ошентсе да алар согуштук аракеттердин ийгилигин камсыздаган алар эмес. Аскерий баяндамачы Александр Хроленко жакында эле октун үнү басылган аймакта эки тараптын куралдануусун талдап көргөн.

Бакуда "Эркиндик" аянтында 10-декабрда аскердик парад өттү. Тоолуу Карабахтагы жеңишке багышталган бул иш-чарага 150 чакты аскердик, анын ичинде жаңыдан пайдаланууга берилген заманбап техникалар да көрсөтүлдү.

Параддык катарда беларустук жана россиялык коргоо-өндүрүштүк комплекстердин өндүрүмдөрү кыйла басымдуулук кылды. Т-90С заманбап танкы, БМП-3 пехотасынын аскердик машиналары, БТР-82А зооттолгон транспортерлор, оор "Солнцепёк" от ыргыткыч (огнеметтук) тутумдары, "Смерч" (РФ өндүрүшү) жана "Полонез" залптык ок реактивдүү тутумдары, өзү жүрүүчү "Мста-С", "Акация", "Пион" артиллериялык орнотмолордун фонунда 1970-жылдардагы "Оса" жана "Шилка" абадан коргонуу зениттик ракеталык комплекстери бир кызык көрүндү. Болгондо да бортунда өздөрү кыйраткан аба буталарынын санын чагылдырган жылдыздары бар туура "Оса" комплекстери эле. Түркиялык өндүрүштөгү дөңгөлөктүү зооттолгон машиналар да парадга чыгарылды. Эркиндик аянтында көрүүчүлөр "УАЗ", "Урал", "КамАЗ" автомобилдерин да көрүштү. "Байрактар" да парадда "КамАЗдын" бортунда өтүштү. Иш-чара Бакунун асманында МиГ-29 истребителдери жана Су-25 штурмовиктери, РФте чыгарылган Ми-35, Ми-17 сокку уруучу жана аскердик-транспорттук тик учактарынын айланышы менен жыйынтыкталды.

Азербайжан армиясынын параддык арсеналы куралды натыйжалуу пайдалануу, аскердик адистерди даярдык сапаты, күчтөрдүн тактикалык жана оперативдик машыгуулардын деңгээли жөнүндө дагы бир ирет акыл калчоого аргасыз кылат.

Азербайжан армиясынын куралдануу сапатынын көрүнүктүү артыкчылыгы жок, ал эми саны согуштук аракеттердин театры менен объективдүү чектелди. Түздүктө гана чабуул коюучу "лавада" гана жүздөгөн Т-90С танкты жайгаштырууга болот. Тоо этектеринде маневр үчүн мейкиндик тарыйт. Коргоо күчтөрүнүн тактикалык машыгуусу ыраакка ок атуучу артиллерия жана чалгындоо каражаттарында душмандын артыкчылыгына караганда кыйла мааниге ээ болушу мүмкүн.

Натыйжалуу жаңылануу

Куралдын тактикалык-техникалык мүнөздөмөлөрүнө караганда аны туура пайдалана билүү маанилүү болуп саналат. Карабахта Азербайжан тарап LORA (россиялык "Точка" ыкчам-тактикалык ракеталык комплекстин израилдик аналогу) ракеталык комплексин Акар дайрасындагы көпүрөдө бир ирет колдонду. Анткен менен Азербайжан армиясынын өзү жүрүүчү "Оса" абадан коргонуу тутумунун бортторунда армениялык учкучсуздар кыйраткан буталарын билдирген жылдыздар даана көрүнүп турат (20 чакты саналат).

Белгилүү бир операцияда заманбапташтырылган жана салыштырмалуу арзан "Осалар" жаңы чыгарылган "Лорадан" (Long-Range Artillery Missile) кыйла натыйжалуу.

Комплекстин даанасы 100 млн. доллар жана анын ракеталарынын бирдиги бир жарым миллион доллар турат. Келтирилген мисал тегин жерден эмес, себеби армениялык тараптын "Осалары" согуштук кырдаалда өзүн дурус көрсөтө алган жок. "Байрактар" тибиндеги учкучсуз аппараттар аларды жеңил эле таап, кыйраткан. Болбосо баары тескерисинче болушу керек эле. Бакунун маалыматтарына таянсак, 40 "Оса" комплекси, 5 "Тор" ЗРК, 4 "Куб" ЗРКсы, 14 "Застава" зениттик ракеталык комплекси талкаланган. Мында душмандын күчүн тоготпой коюубу же өзүн эр ойлоо, кайсынысы оор салмак басарын айтыш кыйын.

Абадан коргонуу тутумунун эсептерин алуудан кеп козгобойлу, бирок Азербайжандын "Оса" комплекстери мурда белоруссиялык "Тетраэдр" ишканасынын жардамы менен заманга бап жакшыртылып, таптакыр жаңы сапаттарга ээ болгон. Белоруссиялык адистер электрониканы толук иштеп чыгып, зениттик ракеталык комплексин мурдагыдан да "кыраакы" жана ыраакка ок атуу жөндөмүн арттырды. Т382 ракеталары 20 чакырымга чейинки аралыктагы, 10 миң метрге дейре бийиктиктеги буталарды ("Байрактардын" жетер чеги – 8200 метр) кыйрата алат.

Анткен менен белорустар армения тарапка абадан коргонуу тутумун ушундай кылып жаңылоону сунуштаган, бирок Еревандагылар үнөмдөөнү чечишкен. Согушка чейин абадан коргонуучу заманбап тутумдары да жетишерлик эле. Акыркы жылдары Россия Арменияны "Бук-М1-2", "Тор-М2КМ", ошондой эле радиотехникалык чалгындоочу "Автобаза-М" жердеги комплекстери менен жабдыган.

Карабахтагы жаңжалда азербайжан менен армян тараптардын технологиялык тең салмагын түшүнүү үчүн бир нерсени эске салып кетким келет. Армения дүйнөдө төрт россиялык "Искандер-Э" (25 ракетадан турган топтому менен) ракеталык комплексин импорттогон өлкө болгон. 12 уникалдуу Су-30СМ (азырынча 4 даана) истребителин, оор ТОС-1А "Солнцепек" от ыргыткыч, "Смерч" залптык октун реактивдүү тутумун, тескелүүчү 9М113М танкка каршы ракеталарды сатып алды.

Ереван россиялык куралды 300 млн доллар өлчөмүндөгү РФтин мамлекеттик насыялары менен биргеликте жеңилдетилген россиялык ички баада алууда. Армениялык арсеналдар салыштырмалуу тез өтмө аскердик жаңжалда таш-талканын чыгара талкалоодон кабар берген эмес.

Түркиялык фактор

Ереван үчүн "Бузулгус бир туугандык" деген аталыштагы биргелешкен азербайжан-түркиялык аскердик окууларынан кабардар эле. Азербайжандын аймагында мезгил-мезгили менен өткөрүлүп, машыгууларга Нахичеван Автономдук Республикасын гана тургай, шаардын чет жакасындагы Гянжа, Күрдамир, Евлах жана Тоолуу Карабахка жакын калктуу пункттарды камтыган. Алдын ала "окторун кургатып", системалуу жоопту даярдашы керек болчу. Россия КМШнын башка көптөгөн өлкөлөрүн жабдыгандай эле бир нече жыл Т-90С, 118 БМП-3, 230 БТР-82 100 танк, 18 даана 152 ммлик калибрдеги "Мста-С" гаубицасы, 120 ммлик калибрдеги "Вена" өзү жүрүүчү 18 курал, 300 ммлик калибрдеги 18 "Смерч" залптык октун реактивдүү тутуму, 24 оор ТОС-1А "Солнцепёк" ок ыргыткыч тутуму менен ачык жабдыган. Бирок ошондой болсо да Россия Азербайжанды "бөтөнчө куралдандырбаганын" белгилей кетели. Белоруссиялык өнөктөштөр да "Полонез" ок ыргыткыч тутумун Бакуга эч кимден жаап-жашырбай эле саткан. Анткен менен душманды жеңүү согушка дейре эле металл жана башкы штабдын пландарында жаралат.

27-сентябрда Карабахтын асманында израилдик жана түркиялык учкучсуздар учуп, артиллерия күркүрөй атылганда, көп жылдык жаңжал ырбай турганынын бир божомолу болуп калган. Армения тарап мындайга чейрек кылымдан ашуун убакыттан бери даяр болууга тийиш эле. Андан кийинки согуштук аракеттер Азербайжан технологиялык жактан операцияга армяндардан дурусураак камынганын көрсөттү.

Азербайжан күчтөрү душмандын коргоо тутумунун чабал жактарын өжөрлүк менен издеп, таап жатты. Учкучсуздар кеминде эле психологиялык кысымга алып жатты. Армения тараптын логистикасы, тыл жана бүтүндөй аскердик уюшкандыгы мыкты эмес болуп чыкты.

530
Белгилер:
курал, Тоолуу Карабах, Россия, Азербайжан
Тема боюнча
Армениянын аскердик техника жактан көбүрөөк жоготууга учурашынын себеби эмнеде
Стволдуу замбирек орнотулган өзү жүрүүчү Спрут-СД. Архив

"Мындай нерсе жок эле": РФ кандай танк чыгарууга белсенди?

187
(жаңыланган 19:14 25.02.2021)
Кубаттуу, ыкчам жана кынтыксыз корголгон... Бир түрдүү зооттолгон "Бумеранг" платформасынын негизинде россиялык дөңгөлөктүү жаңы танк жаратууга камынды.

Шассинин өзгөчөлүктөрү анын ичинде ушундай эле жылмакай стволдуу замбирек орнотулган өзү жүрүүчү "Спрут-СД" өңдүү курал комплексин жыйноого мүмкүндүк берерин айтат РФтеги "Аскердик-өнөр жай компаниясынын" башкы директору Александр Красовицкий. Дөңгөлөктүү танкты Андрей Коц мүнөздөп чыккан.

Сирияда кереги тиет

Александр Красовицкийдин айтымында, зооттолгон "Бумеранг" платформасынын негизиндеги дөңгөлөктүү жаңы танкты иштеп чыгуу аяктап барат. К-16 зооттолгон транспортерун жылдын аягына чейин сыноо пландалган.

Инженерлер белгилегендей, бул аппаратты жасоодо илим жана техниканын эң акыркы жетишкендиктери пайдаланылды. Кийинки пландарда өзгөчө багыттагы жана бөлөк үлгүлөрдөгү техника – БМП К-17ни сыноо да бар. "Аскердик-өнөр жай компаниясынын" башкы директору "Бумеранг" платформасынын базасындагы дөңгөлөктүү танкын тез арада бүтүрүү өнөр жай үчүн маселе эместигин баса белгилейт.

Ушул сымал техникалар Советтер Союзунда да чыгарылган, россиялык армияда толук бурулчу мунарасында кубаттуу курал орнотулган дөңгөлөктүү танктар болгон эмес. Зооттолгон автомобилдердин тобун бейрасмий түрдө ушинтип атап коюшат.

Корголушу боюнча бул машиналар чынжырлуу танктарга жетпесе да, ыкчамдыгы, маневр жана жүрүш запасы боюнча алардан артык.

"Дөңгөлөктүү танктар аларга ылайык топурактуу өлкөлөрдө кеңири таралган, — дейт аскерий эксперт Алексей Леонков. — Мисалга Африкада. Атап айтканда, Түштүк Африка Республикасында дал ушундай дөңгөлөктүү танктарга басым жасашат. Алардын негизги артыкчылыгы — ылдамдык жана бир ремонттон кийинкисине чейинки жүрүш аралыгы. Эгер негизги танк он миң чакырымдан кийин бузулуп калса, анда замбиректүү зооттолгон автомобиль жүз миң чакырым жүрө алат".

Эксперттин айтымында, мындай техника ошол эле Сирияда күзөт өтөөгө көмөкчү болмок. Азыр ал жакта аскердик полиция "Тигр" жана БТР-82А зооттолгон автомобилдерин айдап жүрүшөт. Леонков зооттолгон транспортер өңдүү эле танк суу бөгөттөрүнөн да өтүп, жүрүп да, сүзүп баратып да ок атууга жөндөмдүү. Күчтүү куралдан улам аны рейддерде, ошондой эле жалпы операцияларда, атап айтсак, аскердик катарда, чалгында, чалгындоочу отрядда жана кайтарууда колдонууга болот.

Ири калибр

Болоттон жасалган танктар абдан бышык асфальт жолду да талкалап кетери жашыруун эмес. Жол катмарына дөңгөлөктүү техника зыян келтирбегендей болушу маанилүү. Дал ушул себептен зооттолгон оор техниканы атайын тартып келүүчү транспортерлор менен жеткирүүнү ылайык көрүшөт. Жүктөө жана түшүрүүгө бир топ убакыт кетет. Ал эми дөңгөлөктүү танк согуш талаасына дароо, эч кандай машакатсыз жана даярдыгы жок эле кирип кетет.

Келечектүү танктын негизги куралы катары атайын аба-десанттык күчтөр үчүн иштелип чыккан 125 мм замбиректүү курал бөлүгү каралган. Мындай жабдык өзү жүрүүчү "Спрут-СД" танкка каршы замбирегинде да орнотулат. Октоо автоматы жана 40 дүрмөттөн турган ок-дарысы менен турукташтырылган тутумдагы жылмакай стволдуу 2А75 Т-72 жана Т-90 танктарындагы 2А46М куралына окшош.

Өзү жүрүүчү аппарат тийиштүү калибрдеги ок-дарынын бардык түрү менен октолуп, анын ичинде танкка каршы коргонуу тутумундагы тескелүүчү ракеталарды да кое бере алат.

Ок бөлүгүнүн кошумча жабдылышы — 7,62 миллиметрлик калибрдеги танктык Калашников пулемету менен жупташтырылган курал. Мындай жабдууда замбиректик "Бумеранг" дүйнөдөгү эң күчтүү дөңгөлөктүү танкка айлана алат.

Батыш жана Чыгыштагы бул типтеги аскердик техниканын басымдуу бөлүгү 105 миллиметрге чейинки калибрге ээ.

Дөңгөлөктүү танктар менен НАТО жана Азия чөлкөмүндөгү бир нече өлкөлөр камсыздалган. Атап айтсак, Stryker платформасындагы америкалык M1128 MGS, ошондой эле франциялык AMX-10RC, япониялык MCV, италиялык Centauro танктары аталган мамлекеттердин куралдуу күчтөрүндө бар.

РФтин коргоо министри мурунку он жылдыктын башында Рим менен

Centauro партиясын сатып алуу боюнча макулдашкан. Ал түгүл бир нече машина Россияга сыноо үчүн алып келинген, бирок иш ошол менен тык токтогон. Италиялык дөңгөлөктүү танктар аскердик техниканын ишенимдүүлүгү боюнча Россиянын талаптарына төп келген эмес.

Танк жана дрондордун мизин кайтарат

"Бумеранг" дөңгөлөктүү платформасы алгач ирет 2015-жылдагы Жеңиш күнүндөгү парадда элге көрсөтүлгөн. Бул негиздеги техника БТР тибиндеги советтик жана россиялык транспортёрлордон кыйла көлөмдүү жана күчтүү келет.

Шосседе 750 ат күчүндөй кубаттуулуктагы ЯМЗ-780 кыймылдаткыч саатына 100 чакырымга чейин күүлөнө алат. Мотордук бөлүгү алдында, бул десантты арт жагынан салып жана түшүрүүгө мүмкүндүк берет.

"Бумеранг" тобундагы машиналар керамика камтылып, кат-кат сооттолгон, ал эми бул гомогендик коргоого караганда алда канча ынанымдуу. Азырынча дөңгөлөктүү БМП К-17 бул топтогу эң күчтүү машина деп саналат, бул универсалдуу "Бумеранг-БМ" аскердик модулу менен аралыктан башкарылат. Машина тандалма ок-дарылар жана кошумча 500гө чейинки дүрмөт менен камсыздалган 30 миллиметрлик автоматтык замбирек, ошондой эле эки эселенген "Корнет" танкка каршы коргонуучу эки ракета менен камсыздалган.

Мындан олуттуу варианты да бар: К-17 үчүн болжолдуу аскердик модулдардын бири — мүнөтүнө120 ирет ок атуучу 57 миллиметрлик замбиректүү АУ-220М "Байкал". Анын дүрмөттөрүнүн күчү батыштагы акыркы үлгүдөгү бардык пехоталык машиналар менен күрөшкө жетишерлик деп айтылат. Мындан тышкары, 57 миллиметрлик калибри учкучсуз учуучу аппараттарды, анын ичинде чакан көлөмдүүлөрүн да 12 чакырымга чейинки аралыктан таамай жок кылууга мүмкүндүк берет.

187
Белгилер:
армия, Россия, техника, илим, Сирия, танк
Тема боюнча
Россия менен Евробиримдик мамилеси: Лавровдун билдирүүсү көңүл чордонунда
Абу-Дабидеги көргөзмөгө коюлган россиялык коргонуу комплексинин саамалыгы
Көп багыттуу F-35 Lightning II бомбалоочу истребители. Архив

F-35тин солгундашы. Истребителди кайрадан "кара булут чулгоодо"

186
(жаңыланган 20:33 23.02.2021)
Көп багыттуу F-35 Lightning II бомбалоочу истребители америкалык артыкчылыкты жана аскердик күчтүн жогорку технологиялык символу болууга тийиш эле, бирок бул аппарат жаатында АКШнын Аскердик өнөр жай комплексинин мүмкүнчүлүгү чектелүүдө.

Себеби "бешинчи муундагы" көзгө чалдыкпас учактын солгундашына күбө болуп келебиз. F-35тин америкалык паркынын үчтөн экиси кыймылдаткычтагы көйгөйүнөн улам уча албайт. Аскерий баяндамачы Александр Хроленко бул аппараттын кемчилиги, келечегине сереп салган.

Учактын оголе көп орчундуу конструктивдик мүчүлүштүктөрү бар. Пентагон тарабынан белгиленген сыноодон өткөн жок, алигүнчө жалпы өндүрүшкө уруксат чыга элек. Ушул тапта АКШнын Аскердик аба күчтөрү F-35тен баш тартып, 4+ муундагы жөнөкөй  F-16 истребителин тандоого даяр.

Пентагондогулар F-35A учагына буюртманын көлөмүн адегенде 40 пайыздан ашуун, тагыраагы, 1 763төн 1050 учакка чейин кыскартууну сунуштаган. Аны менен катар эле АКШ Аскердик аба күчтөрү эски, бирок ынанымдуу F-16 Fighting Falcon учагына буюртма алуу жолун караштырууда.

F-35 бомбалоочу истребителин АКШ Аскердик аба күчтөрү беш жылдан ашуун убакыттан бери пайдаланып келет, бирок даярдыгынын төмөндүгү, майнапсыздыгы өнөкөткө айланган. АКШ коргоо министринин орун басары мурдараак F-35 Lightning истребителдеринин 36 пайызы гана учууга жарактуу экенин, калган машиналар "жарым-жартылай гана иштээрин" маалымдаган.

Бул аппараттардын даярдык даражасы азыраак деңгээлде Аскердик аба күчтөрү менен, ал эми көбүнесе стелс-каптагычы, кыймылдаткычы, навигация жана учкучтун өмүрүн тобокелдикке сала турган "оңдолгус" конструктивдүү кемчиликтерине жараша аныкталат.

F-35тин бирдигин 100 млн. долларга сатып алган АКШнын союздаштары жана өнөктөштөрүнүн (Улуу Британия, Норвегия, Израиль, Италия, Сингапур, Түштүк Корея, Япония) үмүтү акталган жок. Учак 5-муундагы көрсөткүчтөргө төп келбейт, аскердик даярдыкка дегеле караандабайт, башкача айтканда, багыты боюнча милдеттерин аткара албайт. Кызыгы, АКШнын Аскердик өнөр жай комплексинин "чийки" түзүлүшүн алууга кезек бүтпөйт.

Бириккен Араб Эмирлиги F-35тен 50 даана алууга келишим түзгөн. Израиль "чагылган" паркын үч эскадрилияга (40 машинага чейин) көбөйтүү ниетин билдирген. Мындай жагдайды АКШ менен "достукка" жамынган акы менен гана түшүндүрүүгө болот.

F135 – майнапсыз кыймылдаткыч

Мурда "чагылгандардын" үндөн ыкчам ылдамдыкта стелс-каптагычы жана корпусу талкаланып кетери, кычкылтектин берилишиндеги үзгүлтүктөр (учкучтарга) жана F-35тин программалык камсыздоосундагы мүчүлүштүктөр туурасында кабарланган.

Инженерлер пайдалануунун жүрүшүндө анын кемчиликтерин жоюуга аракет кылышат, бирок алар улам арбып барат. АКШнын Аскердик аба күчтөрүнүн F-35A истребители F135 менен жабдылган, аны америкалыктар "дүйнөдөгү каалаган истребителге пайдаланылчу эң кубаттуу" кыймылдаткыч деп санашат. Бирок дал ошол жабдыгы F-35тин начар иштешинин негизги себеби болуп эсептелет. Машакаттуу F135тин бир саат учушуна 31 миң, ал эми "карыя" F-16 – 8 миң долларга чукул каражат сарпталат. Айтмакчы, Pratt&Whitney компаниясынын F135 кошумча кыймылдаткычтары жетишсиз, ал тургай жай убакта да тартыштык бар. Кокус согуш тутанып кетсе, абага F-35 учактарынын үчтөн бири көтөрүлөт, кийин душмандын абадан коргонуу каражаттарынан да эмес, металлдын ысып кетишинен эле күндөн-күнгө азаят.

F-16ны алмаштырууга да мезгил жетти

АКШнын Аскердик аба күчтөрүнүн согушка жарамдуулугун сактоо үчүн F-35тин үлүшүн кыскартууга аргасыз. Алар заманбапташтырылган F-16 Fighting Falcon (бул менен 1979-жылы куралданышкан, бүгүн мындай типтеги 790 истребитель бар) менен алмаштырылат. Төртүнчү муундагы F-16 көп функциялуу жеңил истребителинин учуш массасы – 21,8 тонна, илмегинин 9 бурчунда 7,7 тонна авиабомба жана ракета ташый алат. Радиусу – 1700 чакырым, максималдуу ылдамдыгы – саатына 2200 чакырым. Аймактык жаңжалдар үчүн дурус машина, бирок "бешинчи муундан" бир кадам артка чегинүү (технологиялык деградация) жакшы эмес. Пентагондо бул жаатта компромисс издөөдө.

Аскердик аба күчтөрүнүн штаб жетекчиси генерал кенже Чарльз К. Браун "антиквариатты" (F-16) сатып алууга каршы чыгып, F-35ке салыштырмалуу арзан-жөнөкөй, бирок F-16га караганда заманга төп бир моторлуу жеңил истребителдин жапжаңы классын иштеп чыгууга чакырды. Кенже Браун буларды "төрт жарым же бештен кем муундагы" машиналар деп сыпаттады.

Америкалык Аскердик аба күчтөрү F-16 Fighting Falcon истребителдерин аскердик учактарга алмаштыруунун жөндүүлүгүн баалоо үчүн изилдөө программасын баштады. Изилдөө каржылык 2023-жылдын башталышына чейин аягына чыгат. F-35 батыш дүйнөсүндө өндүрүлгөн "бешинчи муундагы" жалгыз истребитель болгондуктан ушундай машакат жаратууда. Ал менен шарттуу түрдө атаандашкан кансыз согуш доорундагы төртүнчү муундагы конструкциялар, тагыраагы, Boeing өндүрүшүндөгү F-15 жана F-18 истребителдеринин эскилиги жетти.

АКШнын европалык союздаштары бешинчи муундагы өз истребителин чыгарууга батына элек, ал эми үмүтү үзүлгөн Улуу Британия, Польша, Бельгия, Италия америкалык F-35ти сатып алууга инвестициялап келет.

"Чагылганды" иштеп чыгууга жалпы чыгымдар 400 млрд. доллардан ашып кетти, бирок бул улуттук бюджеттик каражаттарды туура эмес пайдалануунун башаты гана болду.

АКШнын Куралдуу күчтөр боюнча сенаттык комитетте F-35ти "коргоо жаатындагы сатып алуулардын бузулган тутумунун хрестоматиялык үлгүсү" деп атап, ал эми кезегинде белгилүү саясатчы, эски учкуч Жон Маккейн: "F-35 программасынын рекорддук көрсөткүчтөрү нарк, график жана өндүрүмдүүлүк жаатында жаңжал жана апаат болгон", — деп мүнөздөгөн. Анткен менен "Чагылган" АКШ жана анын союздаштарынын Аскердик аба күчтөрүнүн бышыктыгын дагы далай сынай турганы анык.

"Көзгө чалдыкпас" F-35 долбоорунун мындай "өнөкөт" ийгиликсиздеринен улам россиялык Су-57 истребителинин технологиялык жетишкендиктери өзгөчө айырмаланат. Бул – гипер үндүү ракеталарды өздөштүрүп жаткан дүйнөдө чыныгы бешинчи муундагы истребителдеринин карлыгачы. Америкалыктар россиялык куралдын артыкчылыгын аргасыз моюнга алууда.

186
Белгилер:
истребитель, долбоор, АКШ
Тема боюнча
"Баарын ойрон кылат": Пентагон Россияны "ооздуктоого" камынды
"Кайырмак да беришет бекен?". Украинага тартууланган үйлөмө кайыктар
Бутакта конуп турган чымчык. Архив

Жаздын биринчи күнүнө карата аба ырайы

0
Дүйшөмбүгө караган түнү жаан-чачын күтүлбөйт. Өлкө аймагында жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-фев. — Sputnik. 1-мартта күндүз республика боюнча күн ачык болот. Бул тууралуу Кыргызгидромет маалымдады.

Абанын температурасы Чүй, Талас, Ош, Жалал-Абад жана Баткен облустарында +8..+13, Ысык-Көлдө +2...+7, Нарын жергесинде -3...+2 градус болот.

Бул күнү термометр Бишкекте +8...+10, Ошто +10...+12 градуска көтөрүлөт.

0
Белгилер:
Кыргызстан, аба ырайы
Тема боюнча
Күн качан жылыйт? Жаздын алгачкы жумасына карата аба ырайы