Т-14 Армата танкы. Архив

Россиялык "Армата" танкы чет өлкөгө талпынды. Кайда бет алат?

333
(жаңыланган 10:58 08.02.2021)
Россиялык жаңы Т-14 "Армата" танкы жакын арада дүйнөлүк жогорку технологиялык курал-жарак рыногун багындыра баштайт.

Дүйнөдө согуштан кийинки үчүнчү муундагы жападан жалгыз Т-14 "Армата" танкын алгач ирет чет элдик адистердин кеңири чөйрөсүнө көрсөтүшөт. Тагыраак, россиялык бул машина 21-25-февраль аралыгында Абу-Дабиде өтө турган IDEX-202 коргоо өнөр жайынын XV эл аралык көргөзмөсүнө коюлат.

Чет өлкөлөргө тааныла турган бул жетишкендиги мамлекеттик сыноолордун узун мөөнөтү ийгиликтүү аяктаганын, мүчүлүштүктөрү жоюлганын, "Уралвагонзавод" концерни жалпы сериялык өндүрүшкө даяр экендигин айгинелейт. Аскерий баяндамачы Александр Хроленко аталган аппараттын өзгөчөлүктөрүнө токтолду.

"Рособоронэкспорттун" директору Александр Михеев Т-14 машиналары менен жабдуу боюнча чет элдик өнөктөштөр менен сүйлөшүүлөр жүргөнү жөнүндө маалымдаган. "Армата" жаңы танкы согушта эң алдыңкы катарда кармашууга, душман менен түздөн-түз бет келишүүгө багытталган. Ошондой эле жөө аскерлер менен чогуу аракет этүүдө эшелондоштурулган коргонуунун мыкты үлгүсүн көрсөтө алат.

Ар кыл интенсивдүүлүктөгү аскердик жаңжалдарда Т-14 мотоаткычтар бөлүктөрүнүн чабуулдарын натыйжалуу коштоого, душмандын аскердик техникасын жана аскер күчүн ачык жерде да, жашынган жайында да жок кылууга жөндөмдүү.

Сириядагы согуш шартында жана катаал Арктикада (–50дөн +50 градус Цельсияга чейинки температуралык диапазондо) аталган танк жогорку майнаптуулугун тастыктаган. Бир аз мурдараак россиялык Т-14 эң өнүккөн мамлекеттердин 12 зооттолгон машиналарынын бири болуп табылган, анын арасында америкалык Abrams, франциялык Leclerc жана немецтердин Leopard 2 танкы да бар.

РФ Коргоо министрлиги жыл сайын 200дүн тегерегинде "Армата" танкын алууну пландоодо, бул быйыл ишке ашырыла баштайт. Жалпы керектөө 2300 машина деп аныкталган.

Россиянын Куралдуу күчтөрүнүн танк паркы дүйнөдө эң чоң болуп саналат, атап айтсак, 13 миң бирдиктен турат. Пентагонго караганда танктардын саны 7 миңге көп. Ошону менен бирге эле РФтин кургактагы бөлүктөрү тарабынан корголгон территориясы да эки эсе чоң, ал эми танк куруу тажрыйбасынын өзгөчөлүгү сандык көрсөткүчтөрүндө гана эмес.

Экспорттук келечеги

"Армата" – аз сандагы жогорку технологиялык, кыйла майнаптуу, эң заманбап техника жана кымбат машиналар менен жабдылган өндүрүш концепциясынын ишке ашырылышы. Бир Т-14 танк 7 млн. доллардын тегерегинде турат, ар бир эле мамлекеттин коргоо бюджети бул бааны көтөрө албайт. Мындай наркы сыноо жана заманбапташтыруунун бир далай цикли менен түптөлөт (өндүрүштүн көлөмү өскөндө "тариф" жеткиликтүү боло түшөт).

Курал-жарактын заманбап үлгүлөрүн иштеп чыгуу ашкере чыгашалуу болгондуктан, өнүккөн өлкөлөрдүн көбү кайра куралданууда чоң чыгымга жол бербөө үчүн чет элдик сунуштарды карап көрүшөт. Ошентсе да чагыбызда кынтыксыз курал мурдагыдай эле бир топ өлкөлөрдүн көз карандысыздыгынын айныгыс инструменти бойдон калууда.

Москвага Т-14 танкын сатып алууга алдын ала тапшырыктары түшкөн, анткен менен Россия армиясынын танктык бөлүктөрүн кайра куралдандыруу башталгандан кийин гана бул аппарат экспортко чыгарылат.

Т-14 танкын Индия, Кытай, Бириккен Араб Эмирлиги, Египет жана Алжир сатып алышы ыктымал экенин америкалык Forbes басылмасы жазып чыкты. Эске салсак, Алжир Т-72 танкынын шассисиндеги БМПТ-72 "Терминатор" аталган ок менен колдоочу россиялык жаңы комплексин сатып алганы белгилүү. Мындан сырткары, айрым КМШ жана ЖККУ өлкөлөрү олуттуу аскердик бюджетке же Аскердик-техникалык кызматташтык (Азербайжан, Беларусь, Казакстан, Өзбекстан) алкагында артыкчылыктарга ээ, андыктан россиялык өндүрүштөгү эң соңку жана наркы кымбат аскердик техниканы сатып алууга кудурети жетет.

"Армата" капсулалары мунарасына ок түз тийип же бул аскердик комплектини жалын чалмаган күндө да танкисттин өмүрүн сактоого мүмкүндүк берет. Бул автордук демилге аралыктан тескелүүчү жана жасалма интеллектинин элементтери менен башкаруусуз модификация багытында дагы да өрчүтүлө бермекчи.

Конструкторлор Т-14тү күчтөрдү башкаруунун автоматташтырылган тутумуна жана тактикалык звенодогу курал менен интеграциялоо жолун да карашкан. Машина роботтоштуруу жана заманбапташтыруу үчүн чексиз мүмкүнчүлүктөргө ээ.

Аппараттын ийгиликке жетери айкын, ааламда түз атаандашы же караандай ала турган аналогу да жок. "Армата" – экипаж үчүн айдоочусуз мунара жана зооттолгон капсулалуу дүйнөдөгү жалгыз модулдук чечим, металлда жүзөгө ашырылган технологиялык революция. Т-14тө пайдаланылган алдыңкы технологиялык чечимдер XXI кылым бою актуалдуулугун сактайт. Ал эми чет элдик буюртмачыларга курал-жарак сатуу көлөмү боюнча экинчи орун (жыл сайын 15 млрд. доллардын тегерегинде) – РФ өндүрүшүндөгү курал-жарактын жаңы үлгүлөрүнүн сапаты жана ынанымдуулугунун кошумча кепилдиги.

Конструктордук "эрдик"

"Арматанын" көрүнүшү менен атайын каптоосунун айкалышы танкты жылуулук жана радиолокациялык спектрлерде анча байкалгыс кылат. Зооттолгон "Армата" танкка каршы бардык каражаттардын огуна туруштук бере алат.

Машина активдүү жана динамикалык коргоо каражаттары, кубаттуу замбиректүү аскердик модуль жана кайра заряддоонун автоматтык тутуму менен жабдылган. Мунара жана корпус периметрлери боюнча аппаратка байкоо, мээлөө жана коркунучтарды аныктоочу оптикалык-электрондук жабдыктар орнотулган. Кеңири кырдуу видеокамералар 360 градустук байкоого жол берип, экипажды кырдаал жөнүндө маалымат менен камсыз кылат. Танк командиринин бутаны курчай кармоонун мунаралык комплекси да тегеректи көрүүгө мүмкүндүк берет.

Оператор-мээлөөчүнүн көз салуу комплекси көрүнүштү кеңейтип көрүү мүмкүнчүлүгүнө ээ, аралыкты лазердик өлчөгүч жана түз көрүүчү перископ менен жабдылган. Тепловизиондук жана инфракызыл датчиктери ар кыл аба шарттарында күнү-түнү иштейт.

Т-14түн "эшелондоштурулган коргоо" тутуму "Малахит" пассивдик коргоо (душмандын ракета жана дүрмөттөрүн жок кылуучу) жана душман тараптан кое берилген танкага каршы дүрмөт, ракеталарын жана ыргытылган бомбаларын автоматтык режимде жок кылуучу "Афганит" активдүү коргоо комплекстерин камтыйт.

"Афганит" радарлары коркунуч туурасында "танктын интеллектин" эскертет, андан соң душмандын ракетасынын таасирин радиоэлектрондук басаңдатуу тутумун иштен чыгарат. Резервде "Реликт модулдук комплекси бар, ал тандемдик типтеги душмандын дүрмөттөрүн жок кылат.

Адистер "Армата" болжолдуу душмандын танктарына караганда 30 пайызга майнаптуу жана чыдамдуу келерин белгилешет. Дүйнөдөгү эң мыкты корголгон Т-15 аскердик машинасы тегин жерден дал ушул "Армата" платформасында түзүлбөдү. Үч кишиден турган экипаж 125 ммлик жылмакай стволдуу 2А82 замбирегин танктын корпусунда жайгашкан зооттолгон капсулада отуруп аралыктан башкара алат. Ок кубаттуулугу (мүнөтүнө 12 ирет ок атат) жагынан да болжолдуу душмандын колундагы бардык танктардан 1,2 эсе артыкчылыкка ээ. Ок-дарысы, тагыраак, кубаттоо автоматындагы ар кыл багыттагы 40 дүрмөтү коопсуз, экипаждан өзүнчө жайгашкан. "Армата" оптикасы буталарды күндүзү 5 чакырым, түнкүсүн 3,5 чакырымдык аралыктан аныктай алат.

Элүү тонналык Т-14 1500 ат күчүндөгү кубаттуулуктагы кыймылдаткыч менен жабдылып, 90 км/саат (америкалык M-1 Abrams танкына салыштырмалуу ыкчам) ылдамдыкта жүрөт. "Арматанын" туруктуулугу 900 ммден жогору, жаңы, бышык жана жеңил бронясын Москвадагы Илим-изилдөөчү болот институту иштеп чыккан. Бул багыттагы куралдардын Батыштагы заманбап үлгүлөрү кыйла оор тартып, мобилдүүлүк жагынан артта калып барат (Abrams танктарында израилдик "Трофи" активдүү коргоо тутуму орнотулууда, бул танктын салмагын 3,5 тоннага арттырган ири контейнерлер. Бул чоң мүчүлүштүк).

333
Белгилер:
душман, экипаж, техника, Россия, курал-жарак, танк
Тема боюнча
АКШ F-35тин сериялык өндүрүшүн дагы жылдырды. Буга эмне себеп?
Стволдуу замбирек орнотулган өзү жүрүүчү Спрут-СД. Архив

"Мындай нерсе жок эле": РФ кандай танк чыгарууга белсенди?

196
(жаңыланган 19:14 25.02.2021)
Кубаттуу, ыкчам жана кынтыксыз корголгон... Бир түрдүү зооттолгон "Бумеранг" платформасынын негизинде россиялык дөңгөлөктүү жаңы танк жаратууга камынды.

Шассинин өзгөчөлүктөрү анын ичинде ушундай эле жылмакай стволдуу замбирек орнотулган өзү жүрүүчү "Спрут-СД" өңдүү курал комплексин жыйноого мүмкүндүк берерин айтат РФтеги "Аскердик-өнөр жай компаниясынын" башкы директору Александр Красовицкий. Дөңгөлөктүү танкты Андрей Коц мүнөздөп чыккан.

Сирияда кереги тиет

Александр Красовицкийдин айтымында, зооттолгон "Бумеранг" платформасынын негизиндеги дөңгөлөктүү жаңы танкты иштеп чыгуу аяктап барат. К-16 зооттолгон транспортерун жылдын аягына чейин сыноо пландалган.

Инженерлер белгилегендей, бул аппаратты жасоодо илим жана техниканын эң акыркы жетишкендиктери пайдаланылды. Кийинки пландарда өзгөчө багыттагы жана бөлөк үлгүлөрдөгү техника – БМП К-17ни сыноо да бар. "Аскердик-өнөр жай компаниясынын" башкы директору "Бумеранг" платформасынын базасындагы дөңгөлөктүү танкын тез арада бүтүрүү өнөр жай үчүн маселе эместигин баса белгилейт.

Ушул сымал техникалар Советтер Союзунда да чыгарылган, россиялык армияда толук бурулчу мунарасында кубаттуу курал орнотулган дөңгөлөктүү танктар болгон эмес. Зооттолгон автомобилдердин тобун бейрасмий түрдө ушинтип атап коюшат.

Корголушу боюнча бул машиналар чынжырлуу танктарга жетпесе да, ыкчамдыгы, маневр жана жүрүш запасы боюнча алардан артык.

"Дөңгөлөктүү танктар аларга ылайык топурактуу өлкөлөрдө кеңири таралган, — дейт аскерий эксперт Алексей Леонков. — Мисалга Африкада. Атап айтканда, Түштүк Африка Республикасында дал ушундай дөңгөлөктүү танктарга басым жасашат. Алардын негизги артыкчылыгы — ылдамдык жана бир ремонттон кийинкисине чейинки жүрүш аралыгы. Эгер негизги танк он миң чакырымдан кийин бузулуп калса, анда замбиректүү зооттолгон автомобиль жүз миң чакырым жүрө алат".

Эксперттин айтымында, мындай техника ошол эле Сирияда күзөт өтөөгө көмөкчү болмок. Азыр ал жакта аскердик полиция "Тигр" жана БТР-82А зооттолгон автомобилдерин айдап жүрүшөт. Леонков зооттолгон транспортер өңдүү эле танк суу бөгөттөрүнөн да өтүп, жүрүп да, сүзүп баратып да ок атууга жөндөмдүү. Күчтүү куралдан улам аны рейддерде, ошондой эле жалпы операцияларда, атап айтсак, аскердик катарда, чалгында, чалгындоочу отрядда жана кайтарууда колдонууга болот.

Ири калибр

Болоттон жасалган танктар абдан бышык асфальт жолду да талкалап кетери жашыруун эмес. Жол катмарына дөңгөлөктүү техника зыян келтирбегендей болушу маанилүү. Дал ушул себептен зооттолгон оор техниканы атайын тартып келүүчү транспортерлор менен жеткирүүнү ылайык көрүшөт. Жүктөө жана түшүрүүгө бир топ убакыт кетет. Ал эми дөңгөлөктүү танк согуш талаасына дароо, эч кандай машакатсыз жана даярдыгы жок эле кирип кетет.

Келечектүү танктын негизги куралы катары атайын аба-десанттык күчтөр үчүн иштелип чыккан 125 мм замбиректүү курал бөлүгү каралган. Мындай жабдык өзү жүрүүчү "Спрут-СД" танкка каршы замбирегинде да орнотулат. Октоо автоматы жана 40 дүрмөттөн турган ок-дарысы менен турукташтырылган тутумдагы жылмакай стволдуу 2А75 Т-72 жана Т-90 танктарындагы 2А46М куралына окшош.

Өзү жүрүүчү аппарат тийиштүү калибрдеги ок-дарынын бардык түрү менен октолуп, анын ичинде танкка каршы коргонуу тутумундагы тескелүүчү ракеталарды да кое бере алат.

Ок бөлүгүнүн кошумча жабдылышы — 7,62 миллиметрлик калибрдеги танктык Калашников пулемету менен жупташтырылган курал. Мындай жабдууда замбиректик "Бумеранг" дүйнөдөгү эң күчтүү дөңгөлөктүү танкка айлана алат.

Батыш жана Чыгыштагы бул типтеги аскердик техниканын басымдуу бөлүгү 105 миллиметрге чейинки калибрге ээ.

Дөңгөлөктүү танктар менен НАТО жана Азия чөлкөмүндөгү бир нече өлкөлөр камсыздалган. Атап айтсак, Stryker платформасындагы америкалык M1128 MGS, ошондой эле франциялык AMX-10RC, япониялык MCV, италиялык Centauro танктары аталган мамлекеттердин куралдуу күчтөрүндө бар.

РФтин коргоо министри мурунку он жылдыктын башында Рим менен

Centauro партиясын сатып алуу боюнча макулдашкан. Ал түгүл бир нече машина Россияга сыноо үчүн алып келинген, бирок иш ошол менен тык токтогон. Италиялык дөңгөлөктүү танктар аскердик техниканын ишенимдүүлүгү боюнча Россиянын талаптарына төп келген эмес.

Танк жана дрондордун мизин кайтарат

"Бумеранг" дөңгөлөктүү платформасы алгач ирет 2015-жылдагы Жеңиш күнүндөгү парадда элге көрсөтүлгөн. Бул негиздеги техника БТР тибиндеги советтик жана россиялык транспортёрлордон кыйла көлөмдүү жана күчтүү келет.

Шосседе 750 ат күчүндөй кубаттуулуктагы ЯМЗ-780 кыймылдаткыч саатына 100 чакырымга чейин күүлөнө алат. Мотордук бөлүгү алдында, бул десантты арт жагынан салып жана түшүрүүгө мүмкүндүк берет.

"Бумеранг" тобундагы машиналар керамика камтылып, кат-кат сооттолгон, ал эми бул гомогендик коргоого караганда алда канча ынанымдуу. Азырынча дөңгөлөктүү БМП К-17 бул топтогу эң күчтүү машина деп саналат, бул универсалдуу "Бумеранг-БМ" аскердик модулу менен аралыктан башкарылат. Машина тандалма ок-дарылар жана кошумча 500гө чейинки дүрмөт менен камсыздалган 30 миллиметрлик автоматтык замбирек, ошондой эле эки эселенген "Корнет" танкка каршы коргонуучу эки ракета менен камсыздалган.

Мындан олуттуу варианты да бар: К-17 үчүн болжолдуу аскердик модулдардын бири — мүнөтүнө120 ирет ок атуучу 57 миллиметрлик замбиректүү АУ-220М "Байкал". Анын дүрмөттөрүнүн күчү батыштагы акыркы үлгүдөгү бардык пехоталык машиналар менен күрөшкө жетишерлик деп айтылат. Мындан тышкары, 57 миллиметрлик калибри учкучсуз учуучу аппараттарды, анын ичинде чакан көлөмдүүлөрүн да 12 чакырымга чейинки аралыктан таамай жок кылууга мүмкүндүк берет.

196
Белгилер:
армия, Россия, техника, илим, Сирия, танк
Тема боюнча
Россия менен Евробиримдик мамилеси: Лавровдун билдирүүсү көңүл чордонунда
Абу-Дабидеги көргөзмөгө коюлган россиялык коргонуу комплексинин саамалыгы
Көп багыттуу F-35 Lightning II бомбалоочу истребители. Архив

F-35тин солгундашы. Истребителди кайрадан "кара булут чулгоодо"

209
(жаңыланган 20:33 23.02.2021)
Көп багыттуу F-35 Lightning II бомбалоочу истребители америкалык артыкчылыкты жана аскердик күчтүн жогорку технологиялык символу болууга тийиш эле, бирок бул аппарат жаатында АКШнын Аскердик өнөр жай комплексинин мүмкүнчүлүгү чектелүүдө.

Себеби "бешинчи муундагы" көзгө чалдыкпас учактын солгундашына күбө болуп келебиз. F-35тин америкалык паркынын үчтөн экиси кыймылдаткычтагы көйгөйүнөн улам уча албайт. Аскерий баяндамачы Александр Хроленко бул аппараттын кемчилиги, келечегине сереп салган.

Учактын оголе көп орчундуу конструктивдик мүчүлүштүктөрү бар. Пентагон тарабынан белгиленген сыноодон өткөн жок, алигүнчө жалпы өндүрүшкө уруксат чыга элек. Ушул тапта АКШнын Аскердик аба күчтөрү F-35тен баш тартып, 4+ муундагы жөнөкөй  F-16 истребителин тандоого даяр.

Пентагондогулар F-35A учагына буюртманын көлөмүн адегенде 40 пайыздан ашуун, тагыраагы, 1 763төн 1050 учакка чейин кыскартууну сунуштаган. Аны менен катар эле АКШ Аскердик аба күчтөрү эски, бирок ынанымдуу F-16 Fighting Falcon учагына буюртма алуу жолун караштырууда.

F-35 бомбалоочу истребителин АКШ Аскердик аба күчтөрү беш жылдан ашуун убакыттан бери пайдаланып келет, бирок даярдыгынын төмөндүгү, майнапсыздыгы өнөкөткө айланган. АКШ коргоо министринин орун басары мурдараак F-35 Lightning истребителдеринин 36 пайызы гана учууга жарактуу экенин, калган машиналар "жарым-жартылай гана иштээрин" маалымдаган.

Бул аппараттардын даярдык даражасы азыраак деңгээлде Аскердик аба күчтөрү менен, ал эми көбүнесе стелс-каптагычы, кыймылдаткычы, навигация жана учкучтун өмүрүн тобокелдикке сала турган "оңдолгус" конструктивдүү кемчиликтерине жараша аныкталат.

F-35тин бирдигин 100 млн. долларга сатып алган АКШнын союздаштары жана өнөктөштөрүнүн (Улуу Британия, Норвегия, Израиль, Италия, Сингапур, Түштүк Корея, Япония) үмүтү акталган жок. Учак 5-муундагы көрсөткүчтөргө төп келбейт, аскердик даярдыкка дегеле караандабайт, башкача айтканда, багыты боюнча милдеттерин аткара албайт. Кызыгы, АКШнын Аскердик өнөр жай комплексинин "чийки" түзүлүшүн алууга кезек бүтпөйт.

Бириккен Араб Эмирлиги F-35тен 50 даана алууга келишим түзгөн. Израиль "чагылган" паркын үч эскадрилияга (40 машинага чейин) көбөйтүү ниетин билдирген. Мындай жагдайды АКШ менен "достукка" жамынган акы менен гана түшүндүрүүгө болот.

F135 – майнапсыз кыймылдаткыч

Мурда "чагылгандардын" үндөн ыкчам ылдамдыкта стелс-каптагычы жана корпусу талкаланып кетери, кычкылтектин берилишиндеги үзгүлтүктөр (учкучтарга) жана F-35тин программалык камсыздоосундагы мүчүлүштүктөр туурасында кабарланган.

Инженерлер пайдалануунун жүрүшүндө анын кемчиликтерин жоюуга аракет кылышат, бирок алар улам арбып барат. АКШнын Аскердик аба күчтөрүнүн F-35A истребители F135 менен жабдылган, аны америкалыктар "дүйнөдөгү каалаган истребителге пайдаланылчу эң кубаттуу" кыймылдаткыч деп санашат. Бирок дал ошол жабдыгы F-35тин начар иштешинин негизги себеби болуп эсептелет. Машакаттуу F135тин бир саат учушуна 31 миң, ал эми "карыя" F-16 – 8 миң долларга чукул каражат сарпталат. Айтмакчы, Pratt&Whitney компаниясынын F135 кошумча кыймылдаткычтары жетишсиз, ал тургай жай убакта да тартыштык бар. Кокус согуш тутанып кетсе, абага F-35 учактарынын үчтөн бири көтөрүлөт, кийин душмандын абадан коргонуу каражаттарынан да эмес, металлдын ысып кетишинен эле күндөн-күнгө азаят.

F-16ны алмаштырууга да мезгил жетти

АКШнын Аскердик аба күчтөрүнүн согушка жарамдуулугун сактоо үчүн F-35тин үлүшүн кыскартууга аргасыз. Алар заманбапташтырылган F-16 Fighting Falcon (бул менен 1979-жылы куралданышкан, бүгүн мындай типтеги 790 истребитель бар) менен алмаштырылат. Төртүнчү муундагы F-16 көп функциялуу жеңил истребителинин учуш массасы – 21,8 тонна, илмегинин 9 бурчунда 7,7 тонна авиабомба жана ракета ташый алат. Радиусу – 1700 чакырым, максималдуу ылдамдыгы – саатына 2200 чакырым. Аймактык жаңжалдар үчүн дурус машина, бирок "бешинчи муундан" бир кадам артка чегинүү (технологиялык деградация) жакшы эмес. Пентагондо бул жаатта компромисс издөөдө.

Аскердик аба күчтөрүнүн штаб жетекчиси генерал кенже Чарльз К. Браун "антиквариатты" (F-16) сатып алууга каршы чыгып, F-35ке салыштырмалуу арзан-жөнөкөй, бирок F-16га караганда заманга төп бир моторлуу жеңил истребителдин жапжаңы классын иштеп чыгууга чакырды. Кенже Браун буларды "төрт жарым же бештен кем муундагы" машиналар деп сыпаттады.

Америкалык Аскердик аба күчтөрү F-16 Fighting Falcon истребителдерин аскердик учактарга алмаштыруунун жөндүүлүгүн баалоо үчүн изилдөө программасын баштады. Изилдөө каржылык 2023-жылдын башталышына чейин аягына чыгат. F-35 батыш дүйнөсүндө өндүрүлгөн "бешинчи муундагы" жалгыз истребитель болгондуктан ушундай машакат жаратууда. Ал менен шарттуу түрдө атаандашкан кансыз согуш доорундагы төртүнчү муундагы конструкциялар, тагыраагы, Boeing өндүрүшүндөгү F-15 жана F-18 истребителдеринин эскилиги жетти.

АКШнын европалык союздаштары бешинчи муундагы өз истребителин чыгарууга батына элек, ал эми үмүтү үзүлгөн Улуу Британия, Польша, Бельгия, Италия америкалык F-35ти сатып алууга инвестициялап келет.

"Чагылганды" иштеп чыгууга жалпы чыгымдар 400 млрд. доллардан ашып кетти, бирок бул улуттук бюджеттик каражаттарды туура эмес пайдалануунун башаты гана болду.

АКШнын Куралдуу күчтөр боюнча сенаттык комитетте F-35ти "коргоо жаатындагы сатып алуулардын бузулган тутумунун хрестоматиялык үлгүсү" деп атап, ал эми кезегинде белгилүү саясатчы, эски учкуч Жон Маккейн: "F-35 программасынын рекорддук көрсөткүчтөрү нарк, график жана өндүрүмдүүлүк жаатында жаңжал жана апаат болгон", — деп мүнөздөгөн. Анткен менен "Чагылган" АКШ жана анын союздаштарынын Аскердик аба күчтөрүнүн бышыктыгын дагы далай сынай турганы анык.

"Көзгө чалдыкпас" F-35 долбоорунун мындай "өнөкөт" ийгиликсиздеринен улам россиялык Су-57 истребителинин технологиялык жетишкендиктери өзгөчө айырмаланат. Бул – гипер үндүү ракеталарды өздөштүрүп жаткан дүйнөдө чыныгы бешинчи муундагы истребителдеринин карлыгачы. Америкалыктар россиялык куралдын артыкчылыгын аргасыз моюнга алууда.

209
Белгилер:
истребитель, долбоор, АКШ
Тема боюнча
"Баарын ойрон кылат": Пентагон Россияны "ооздуктоого" камынды
"Кайырмак да беришет бекен?". Украинага тартууланган үйлөмө кайыктар

Кыргызстандын жарандары Россияга негиздемеси жок кириши мүмкүн

0
(жаңыланган 17:23 02.03.2021)
Биринчи вице-премьер Артём Новиков РФ өкмөтүнүн төрагасынын орун басары Алексей Оверчук менен "COVID жок саякатта" программасын талкуулашкан.

БИШКЕК, 2-мар. — Sputnik. Кыргызстандыктар Россиянын аймагына негиздемеси жок кириши мүмкүн. Бул тууралуу өкмөттүн маалымат кызматы кабарлады.

Президент Садыр Жапаровдун 26-февралда Россияга жасаган иш сапарынын жыйынтыгы боюнча биринчи вице-премьер Артём Новиков РФ өкмөтүнүн төрагасынын орун басары Алексей Оверчук менен жолугушкан.

Тараптар Россиянын "COVID жок саякатта" программасына Кыргызстандын катышуусун талкуулашкан. Ага катышууга өлкөнүн медициналык лабораторияларынын Россиянын керектөөчүлөр көзөмөлүнүн талаптарына шайкештигин баалоону макулдашкан.

"Бул чечим кыргыз жарандарынын Россия Федерациясынын аймагына кирүүсү үчүн негиздеме алуу зарылчылыгын жокко чыгарууга мүмкүндүк берери күтүлүүдө", — деп айтылат маалыматта.

Тараптар билим берүү жаатында кызматташууну тереңдетүү маанилүү экендигин айтышкан. Буга байланыштуу кыргызстандык студенттердин Россиянын ЖОЖдорунда билим алуусуна акысыз квоталарды көбөйтүү жана "Россиянын мугалими чет өлкөдө" программасы боюнча РФтин мугалимдеринин санын жогорулатуу жөнүндө макулдашылган.

Кечээ Саламаттык сактоо жана социалдык өнүктүрүү министрлиги Кыргызстан "COVID-19 жок саякатта" санариптик платформага кошулганын билдирген.

0