Бишкекте Hyundai автоунаасынын жаңы моделдери сунушталды

Машина деп ушуну айт! Бишкекте Hyundai автоунаасынын жаңы моделдери сунушталды

(жаңыланган 10:35 03.03.2021)
Сунушталган автоунаалар жогорку технологиялык заводдон чыгат. Баасы опцияларына жараша. Мисалы, Hyundai Elantra үлгүсүнүн наркы 22 миң доллардан башталат.

БИШКЕК, 27-фев. — Sputnik. Кыргызстандагы Хендэ борбору Hyundai (Хендэ) моделинин Elantra, Sonata жана Santa Fe деп аталган үч жаңы түрүн көрсөттү.

Иш-чарага дипломатиялык өкүлчүлүктөрдүн кызматкерлери, компаниянын өнөктөштөрү, медиа өкүлдөрү, блогерлер жана жалпыга маалымдоо каражаттарынын өкүлдөрү катышты.

Бул моделдер кыргызстандыктарга көптөн бери тааныш экенин айткан "Азиямоторс" ЖЧКсынын Кыргызстандагы жетекчиси Владимир Лим дал ушул модификациялар биринчи жолу сунушталып жатканына токтолду. 

Руководитель ОсОО Азиямоторс в Кыргызстане Владимир Лим
© Sputnik / Табылды Кадырбеков
"Азиямоторс" ЖЧКсынын Кыргызстандагы жетекчиси Владимир Лим
“Бүгүн биз үчүн өзгөчө күн. Жергиликтүү рынокко үч моделди алып чыгып жатабыз. "Азиямоторс" компаниясына 12 жыл болду, бул убакыт аралыгында биз миңдеген адамды унаалуу кылып, рынокту жаңы деңгээлге көтөрүүгө салым коштук”, — деди ал.

Hyundai Motors CIS ("Хендэ Моторс СНГ") компаниясынын аймактык директору Хван Ки Ен мырза "Азиямоторс” Hyundai брендинин Кыргызстанда жайылып, таанымал болушуна өбөлгө болгонун белгиледи.

“Биз үчүн автоунаа ыңгайлуу, көзгө сүйкүмдүү болгону эле эмес, айдоочуга кам көрөрүбүз билинип турганы маанилүү”, — деди Хван мырза.

Иш-чарага Корея Республикасынын Кыргызстандагы элчилигинин консулу Пак Ки Сок да катышты. Ал ушуга окшогон иш-чаралар аркылуу кореялык автоунаалар Кыргызстанга көбүрөөк импорттолоруна үмүт артты. 

Консул посольства республики Корея в Кыргызстане Пак Ки Сок
© Sputnik / Табылды Кадырбеков
Корея Республикасынын Кыргызстандагы элчилигинин консулу Пак Ки Сок

Hyundai компаниясынын сатуу бөлүмүнүн жетекчиси Азат Мурдинов “Хэнде” автомобилдеринин сапаты мыкты экенин, анткени жогорку технологиялык заводдон чыгарын белгиледи. Ал жакта машинаны чогултуу процесси автоматташтырылганы кошумчаланды. 

Руководитель отдел продаж Hyundai в Кыргызстане Азат Мурдинов
© Sputnik / Табылды Кадырбеков
Hyundai компаниясынын сатуу бөлүмүнүн жетекчиси Азат Мурдинов
“Автоунаалардын баары Кореядан чыгат, беш жылдык кепилдиги бар. Elantra моделинин баасы 22 миң доллардан башталат, нарк опцияларга жараша, кардар өзүнө ылайык түрүн тандап ала алат. Бизнес-класстагы D — Sonata моделинин баасы 27 миңден жогору. Ал эми Santa Fe 35 миңден өйдө турат”, — деп айтып берди ал.

Конокторго алгач Hyundai Sonata сунушталды. Капотко узатасынан тартылган диод жарыктары машинанын көркүн ачкан. Образды 18 дюймдук дисктер толуктап турат. Панелинде алган багыт тууралуу бардык маалымат, приборлордун көрсөткүчтөрү чыгып турат, андан тышкары, маңдайкы айнекте прибор көрсөткүчтөрүнүн проекциясы жана айланта көрүү мүмкүн болгон системасы бар. 

Обновленная модель Hyundai (Хендэ) Sonata в Хендэ Центре Кыргызстан в Бишкеке
© Sputnik / Табылды Кадырбеков
Конокторго алгач Hyundai Sonata сунушталды

Максималдуу кубаттуулугу — 180 аттын күчүнө барабар. Машинада ылдамдыкты кнопка менен алмаштыруу блогу, алты коопсуздук жаздыкчасы, круиз-көзөмөл, ошондой эле алдынан тоскоолдук чыкса автоматтык токтоо системасы каралган.

Андан соң сахнага Hyundai Elantra чыкты. Бул моделде автомобилдин дизайнга мүнөздүү болгон учтуу формалар жок. Кузову адаттагыдан кең, узунураак келет. Аралыктан кубаттоочу түзүлүш, автоматтык токтоо системасы бар. 

Обновленная модель Hyundai Elantra в Хендэ Центре Кыргызстан в Бишкеке
© Sputnik / Табылды Кадырбеков
Hyundai Elantra модели

Кеченин кульминациялык ирмеми Hyundai Santa Fe болду. Модель бүгүнкү күндөгү жолтандабас жаатындагы чоң секирик десе болчудай. HD-дисплейи менен кошо санарип панели, көрүнбөгөн зоналардын монитору, 8 дюймдук дисплейи жана смартфонду алмаштыруу функциясы бар аудиосистема, смартфондорду аралыктан кубаттоочу системасы бар. 

Обновленная модель Hyundai Santa Fe в Хендэ Центре Кыргызстан в Бишкеке
© Sputnik / Табылды Кадырбеков
Кеченин кульминациялык ирмеми Hyundai Santa Fe болду

Hyundai компаниясынын Кыргызстандагы расмий өкүлү болуп "Азиямоторс" ЖЧКсы эсептелет. Борбор Кыргызстанда 2010-жылдан тарта иштеп, автоунаа сатуу, андан кийинки тейлөө жана тетик менен камсыздоо кызматтарын көрсөтөт.

Белгилер:
жолтандабас, модель, баа, рынок, автоунаа
Тема боюнча
Укмуштуудай дизайн! Hyundai брендинин Бишкектеги презентациясынан 12 сүрөт
WorldSkills Russia VIII Улуттук чемпионатынын катышуучулары

WorldSkills Russia VIII Улуттук чемпионатынын финалы өтүүдө

(жаңыланган 13:52 14.09.2020)
WorldSkills Russia VIII Улуттук чемпионатынын финалы быйыл 6-21-сентябрда алгач ирет дистанттык-күндүзгү форматта өтөт.

Коронавирус эпидемиясы дүйнө жүзүндө калыптанып калган иш форматын өзгөрттү. Аны менен бирге эле жаңы горизонтторду ачып берди, санарип аянтчалар дүркүрөп өсүүдө.

Күндөлүк жыйындар, спорт менен машыгуулар, достор менен кезигүү, бизнес, мектеп, университет, музейлер онлайн-форматка өттү. WorldSkills Russia да окутуу, машыгуу, мелдеш жана квалификацияларды дистанциялык форматта баалоо үчүн санариптик каражаттарды иштеп чыгуудан четте калбады. Улуттук чемпионаттын финалын жылдырбоо үчүн WorldSkills тутумунда алгач ирет анын дистанттык-күндүзгү форматы иштелип чыкты. Ага бөлөк өлкөлөр да кадрларды даярдоо жана улуттук чемпионаттарды өткөрүү системаларына киргизип, колдоно турган эң мыкты технология жана инструменттер камтылды.

Деятельность WorldSkills Russia
© Фото / WorldSkills Russia
Улуттук чемпионаттын финалын жылдырбоо үчүн WorldSkills тутумунда алгач ирет анын дистанттык-күндүзгү форматы иштелип чыкты.

Улуттук чемпионаттын финалынын алкагында мелдеш 130 компетенция боюнча (юниорлор үчүн 71) өтөт. Улуттук биринчиликке 2800дөн ашуун киши, алардын арасында өспүрүмдөр жана чет элдик конкурсанттар катышууда.

Салыштырсак, 2018-жылы катышуучулардын саны – 700, 2019-жылы 1500дү түзсө, эксперттик коомчулук 700дөн ашат.

Жаңы WorldSkills Russia форматы РФтин аймактарынан чемпионатка катышууга ниеттенгендердин санын арттырды. Ошентип, 8 жылдан бери өткөрүлүп келе жаткан мелдештердин арасынан WorldSkills Russia VIII Улуттук чемпионатынын финалы Россиядагы эң масштабдуу болмокчу. Ага каалоочулардын баары дүйнөнүн булуң-бурчунан көз сала алат.

Компетенциялар кесиптердин жети блогуна ылайык келет: курулуш жана курулуш технологиялары; маалыматтык жана коммуникациялык технологиялар; чыгармачылык жана дизайн; өндүрүш жана инженердик технологиялар; тейлөө чөйрөсү; транспорт жана логистика; Future Skills.

Деятельность WorldSkills Russia
© Фото / WorldSkills Russia
8 жылдан бери өткөрүлүп келе жаткан мелдештердин арасынан WorldSkills Russia VIII Улуттук чемпионатынын финалы Россиядагы эң масштабдуу болмокчу. Ага каалоочулардын баары дүйнөнүн булуң-бурчунан көз сала алат.

Финал колледждердин аймактык аянтчаларында, ошондой эле адистештирилген жана эл аралык компетенциялар борборлорунда өтөт. Дал маалында башкы эксперттер мелдештин жүрүшүнө көз салып, регламентке төп келишин катуу көзөмөлдөйт.

Катышуучулардын аракети аралыктан жана онлайн-технологияларды пайдалануу менен бааланат. Баалоо системасы бир нече блокко бөлүнөт. Сынакка катышуучулардын эмгектери өздөрү жашаган аймакта эксперттер тарабынан визуалдык көзөмөл каражаттары аркылуу аралыктан бааланат. Аралыктан баалоого мүмкүн болбогондору Новокузнецкидеги негизги Мелдештерди баалоо борборуна же Москва жана Казандагы аянтчаларда жайгашкан кошумча мелдештерди тескөө борборлоруна экспресс-почта менен жөнөтүлөт. Андан сырткары, "Келечекке билет" платформасында "Кесипте өзүңдү сынап көр" – Try-a-skill атайын дистанциялык программасы уюштурулган.

Каалагандар виртуалдык экскурсияга катышып, заманбап онлайн-активдүүлүктөр – устаттардан алынган оюн жана интерактивдүү тапшырмалар аркылуу компетенцияларда өз күчтөрүн сынай алышат.

Деятельность WorldSkills Russia
© Фото / WorldSkills Russia
Компетенциялар кесиптердин жети блогуна ылайык келет: курулуш жана курулуш технологиялары; маалыматтык жана коммуникациялык технологиялар; чыгармачылык жана дизайн; өндүрүш жана инженердик технологиялар; тейлөө чөйрөсү; транспорт жана логистика; Future Skills.

Иштин глобалдык ыкмаларындагы өзгөрүүлөрдү чагылдырган трансформация жана санарип экономиканын өсүшү биргелешкен аракеттердин жемиши болуп саналат. WorldSkills Russia бир топ убакыттан бери методикаларды иштеп чыгып келет. Улуттук чемпионатты жаңы дистанттык-күндүзгү форматта өткөрүү демилгесин РФ Билим берүү министрлиги, Кузбасс өкмөтү, Стратегиялык демилгелер агенттиги жана дүйнөдөгү эң алдыңкы 50 компаниядагы өнөктөштөрү колдоого алган.

Кузбасс — дүйнөдөгү ири көмүр бассейндеринин бири. Бул VIII Улуттук чемпионаттын финалын өткөрүү борборуна айланды. Мында оор өнөр жай, металлургия мекемелери бар.

Учурда Кузбасс кызуу өнүгүп келет, заводдорго заманбап технологиялар, эң жогорку дүйнөлүк стандарттарга төп келген алдыңкы иш механизмдери киргизилүүдө. Аймакка жогорку деңгээлдеги кесипкөйлөр зарыл. Ошондуктан улуттук чемпионаттын финалын өткөрүү — жаштарга талап күч болгон жумушчу адистиктердин кеңири спектрин көрсөтүүнүн эң сонун жолу.

РФ чегинин тышындагы катышуучулар да WorldSkills Russia Улуттук чемпионатка катышып, окуудан өтүп, ошондой эле бир нече компетенциялар боюнча мелдештерге катыша алышат. Чемпионаттын алкагында Евразия мейкиндигиндеги өлкөлөрдөн катышкандар үчүн да евразиялык чегерим пландалууда.

Деятельность WorldSkills Russia
© Фото / WorldSkills Russia
Сынакка катышуучулардын эмгектери өздөрү жашаган аймакта эксперттер тарабынан визуалдык көзөмөл каражаттары аркылуу аралыктан бааланат.

"Кадрларды даярдоо, кесиптик чеберчилик боюнча чемпионаттарды уюштуруу, окутууда санарип чечимдерди жаратуу жана өнүктүрүүнүн комплекстүү системасын курууда WorldSkills Russia өнөктөш өлкөлөр менен эл аралык кызматташууда тажрыйбага бай, — дейт WorldSkills Russia башкы директору Роберт Уразов. — Ушул тапта Евразия мейкиндигиндеги өлкөлөрдө, анын ичинде КМШда кадрларды даярдоо тутумуна мындай саамалыктарды киргизүүгө көмөктөшөбүз. Бул иштин алкагында россиялык аянтчаларга, санарип инфраструктурага жана WorldSkills Russia ресурстарына, ошондой эле компаниялардын жана билим берүү мекемелеринин өнөктөштүк түйүндөрү аралыктан туташтыруу менен биргелешкен машыгууларды өткөрөбүз. Мындай ыкма иштелип чыккан технологияларды жакшыртууга, чогуу өнүгүп жана кийин да КМШ өлкөлөрү менен бирге бирдиктүү эмгек рыногун жогорку квалификациялуу адистер менен камсыздоого өбөлгө болот".

Кыргызстан кесиптик билим берүү тутумун активдүү өнүктүрүп, келечекте WorldSkills кыймылына кирүүнү пландап келет. Бүгүнкү күндө WorldSkills Russia кесиптештери менен кадр даярдоо тутумуна WorldSkills стандарттарын киргизүүнүн мыкты тажрыйбаларын алмашуу жаатында кызматташат.

Былтыр Кыргызстандын өкүлдөрү WorldSkills Kazan – 2019 кесиптик чеберчилик боюнча 45-Дүйнөлүк чемпионатынын алкагындагы бизнес-миссияга жана жогорку окуу жайлар арасындагы III "Жаш кесипкөйлөр" улуттук чемпионатына баяндамачы катары кошулган.

Деятельность WorldSkills Russia
© Фото / WorldSkills Russia
Каалагандар виртуалдык экскурсияга катышып, заманбап онлайн-активдүүлүктөр – устаттардан алынган оюн жана интерактивдүү тапшырмалар аркылуу компетенцияларда өз күчтөрүн сынай алышат.

Мелдеш өткөрүү жана окутуунун WorldSkills Russia жаңы форматтары глобалдык өзгөрүүлөргө карабастан, Кыргызстан менен кызматташууну улантууга мүмкүндүк берет.

WorldSkills Russia VIII Улуттук чемпионатынын финалынын алкагында кайрадан иштелип чыккан санарип технологияларын өз аянтчаларында гана тургай, өнөктөш өлкөлөрдүн аянтчаларында да өркүндөтүп, окутуунун тигил же бул улуттук тутумуна айкалыштыруу менен бекитет. Өлкөлөр бул багытта WorldSkills Russia кыймылынын "лабораториясында" жасалган инструменттерди өз улуттук аянтчаларында киргизүүгө кызыгуусун билдирип келишет. Ошентип, WorldSkills Russia ааламдык деңгээлде өз тажрыйбаларын кеңейткенден кеңейтип келет.

Быйыл атайын онлайн-программа тажрыйба алмашуу жана жаңы технологияларды өздөштүрүү аянтчасына айланды. Аны WorldSkills Russia өкүлдөрү мелдештерди өткөрүүгө санарип жана онлайн-чечимдерди киргизүүгө арнап, чет өлкөлүк өнөктөштөрү үчүн уюштурууда.

Кырктан ашуун өлкөдөн катышуучулар аталган программага көз карандысыз эксперт жана байкоочу катары кошулган. Программанын алкагында: санарип чечим жана онлайн-технологиялар пайдаланылган WorldSkills Russia улуттук чемпионатынын жаңы форматына арналган сессия; чемпионаттын мелдештер өтчү дистанттык аянтчасына, мелдештерди тескөөчү борборлорго онлайн-тур; ошондой эле аралыктан WorldSkills стандарттарына жараша көз карандысыз баалоо тренинги; онлайн-тренинг жана мелдештерди өткөрүү үчүн өнөр жай жаатындагы өнөктөштөр жана компаниялар менен кызматташуу, өз ара аракеттешүү жөнүндөгү ишкердик баарлашуу; компетенциянын негизги жети блогу боюнча аралыктан жана онлайн-мелдеш моделин киргизүү боюнча сессия өтүүдө.

Деятельность WorldSkills Russia
© Фото / WorldSkills Russia
РФ чегинин тышындагы катышуучулар да WorldSkills Russia Улуттук чемпионатка катышып, окуудан өтүп, ошондой эле бир нече компетенциялар боюнча мелдештерге катыша алышат.

Заманбап шарттар кадрларды даярдоонун кесипкөйлүк системасын өзгөрттү. Анын өнүгүшүндөгү жаңы уникалдуу баскычка алып келди. Дистанттык жана бөлүштүрүлгөн форматка чемпионаттар гана тургай, билим берүү жана жумуш процесстери да өтүүдө. Бул ишке орношуунун жаңы үлгүлөрүн жана эмгек рыногундагы жумуш орундарын түзүүгө түрткү болот.

КМШ өлкөлөрүндөгү бирдиктүү эмгек рыногу жана бирдиктүү стандарттарды түзүү аракетин эске алсак, Кыргыз Республикасында WorldSkills кыймылын өнүктүрүүдөгү ырааттуу иш кадр даярдоонун улуттук тутумун дүйнөлүк деңгээлге чыгарууга мүмкүндүк берет. Ал менен гана чектелбестен, жаңы реалдуулук мобилдүүлүк мүмкүнчүлүгүн жаратат, себеби жаңы форматта бул алда канча жеңилдейт.

Кадрлардын мындай мобилдүүлүк жана глобалдык интеграциясында дүйнөлүк деңгээлдеги жөндөмдөргө ээ болуш абдан маанилүү. Ошондуктан дал ушундай окутууну камсыздоо үчүн WorldSkills стандарттарын кеңейтүү жана киргизүү — WorldSkills Russia менен кыргызстандык кесиптештеринин өнөктөштүк алкагындагы артыкчылыктуу милдеттердин бири.

Бул туурасында https://wsr.online/ сайтынан кеңири маалыматтар менен тааныша аласыздар.

Долбоордун өнөктөшү

Белгилер:
WorldSkills Russia, иш-чара, финал, эксперттер, кесип, кадрлар
Тема боюнча
Келечектин кесибине жөнөкөй жол
WorldSkills Russia компаниясынын окутуу иши

Келечектин кесибине жөнөкөй жол

(жаңыланган 15:55 02.07.2020)
WorldSkills күндүзгү жана дистанттык окутуунун жаңы — Russia Future Skills Camp форматын баштап турат. Ага дүйнөнүн булуң-бурчунан, анын ичинде Кыргызстандан да жаш кесипкөйлөр катыша алат.

Дүйнөлүк индустриянын башынан азыр чыныгы кадрдык революция өтүүдө. Бүтүндөй тармактардын санариптештирилиши жогорку технологиялык өндүрүш жана трансформацияланып жаткан экономика үчүн жаңы классификацияланган адистерди талап кылууда. Ошону менен бирге замандын талабына ылайык келбеген жумуш орундары кыскарууда. Ал эми заманбап жумуш ээлеринин талаптарына жооп берүү үчүн бошотулган персонал классификациясын жогорулатууга аргасыз. Ушундай эле маселеге жаңы гана эмгек рыногуна чыккан жаш адистер да кептелүүдө.

Коронавирус эпидемиясынын кесепеттери санарип технологияны киргизүүнү тездетүүгө түрткү берди. Бүтүндөй ишканалар жана тармактар аралыктан иштөө режимине ыкчам түрдө ыңгайлаша алды. Адатта мындай ишти жөнгө салууга айлар, ал түгүл жылдар жумшала турган процесстер бул ирет бир нече аптада ишке ашырылды. Кеңешме, жыйындар жана документ менен иш алып баруу гана тургай, кадрларды даярдоо жана кайра даярдоо боюнча айрым программа жана курстар да санариптешип, аларга обочолонуу шартында да талап бар.

Деятельность WorldSkills Russia
© Фото / WorldSkills Russia
Коронавирус эпидемиясынын кесепеттери санарип технологияны киргизүүнү тездетүүгө түрткү берди. Бүтүндөй ишканалар жана тармактар аралыктан иштөө режимине ыкчам түрдө ыңгайлаша алды.

Кесиптик чебердикти өркүндөтүүгө мүмкүндүк берген ушундай жаңы форматтардын бири — WorldSkills Russia өткөрүп жаткан Future Skills Cam күндүзгү-дистанттык окутуу. Июнь айынын аягында атайын платформада санарип экономикага талап кылына турган, башкача айтканда, Future Skills боюнча тренингдер башталды. Веб-дизайн жана иштеп чыгуу, графикалык дизайн жана CAD инженердик дизайн өңдүү кесиптерге даярдоону WorldSkills бир топ убакыттан бери колго алып келет. Жаш адистер үчүн бул багыттар кыйынчылык деле туудурбайт. Future Skills Camp форматында көпчүлүк өлкөлөр үчүн таптакыр жаңы санарип иштер коюлган. Алардын бир бөлүгү 2021-жылы Шанхайда өтө турган кийинки WorldSkills чемпионатынын программасына кирген. Кесиптик чеберчилигин жогорулатууну каалаган кыргызстандык адистер бул багыттар боюнча WorldSkills Russia жайкы тренингдерге кошумча түрдө катыша алат.

Future Skills Camp методикалык, практикалык блокторду камтыйт. Методикалык блоктун алкагында билим берүү төмөнкү багыттар боюнча билим берилет. WorldSkills эл аралык стандарттагы спецификацияларды изилдөө, сынактык документацияларды иштеп чыгуу технологияларын жана даяр долбоорлорду баалоо методикасын окутууну камтыйт.

Модулдун методикалык бөлүгү аяктаганда окутуунун катышуучулары практикалык тапшырмаларды аткарууга киришет. Алар катышуучулардын колуна кайсы өлкөдө жашаганына карабай бир убакта тиет. Бирок катышуучулар өз өлкөсүндөгү убакыт айырмасына карап аткара алышат.

Деятельность WorldSkills Russia
© Фото / WorldSkills Russia
Future Skills Camp методикалык, практикалык блокторду камтыйт. Методикалык блоктун алкагында билим берүү төмөнкү багыттар боюнча билим берилет.

Ар бир модуль аткарылган соң тапшырмалар эксперттер тарабынан күндүзгү-дистанттык негизде бааланат. Аягында ар бир катышууга Future Skills Camp окуудан өткөнү боюнча сертификат берилет. Тесттик долбоорду аткарган адистер WorldSkills Russia тарабынан иштелип чыккан кесиптик адистиктердин деңгээлин тастыктаган skills-паспорт деп аталчу документ алышат.

Азырынча бул ушундай түрдөгү биринчи мелдеш, бирок WorldSkills Russia уюму суроо-талап дагы өсөрүн, кийинки баскычта бул форматка ар кандай өлкөлөрдөн катышуучулардын саны дагы артат деген ойдо.

Ал ортодо сентябрда күндүзгү-дистанттык форматта өтө турган WorldSkills Russia VIII Улуттук чемпионатынын финалына, ошондой эле Армения, Белоруссия, Казакстан, Кыргызстан жана Өзбекстандан жаш адистер үчүн III Ачык евразиялык чемпионатына да даярдык кызуу жүрүүдө.

Бул чемпионаттар биздин республика үчүн жаңы форматты байкап көрүү, келечекте Кыргызстанда да мындай мелдештерди өткөрүү үчүн дагы бир мүмкүнчүлүк. WorldSkills Russia мындай демилгелерди окутуу тутумуна жана кесиптик чебердик улуттук чемпионаттарына жалгаштырууга ниеттенет. Анткени WorldSkills Russia дүйнөдө активдүү ишке ашырылып келе жаткан башка форматтар да жок эмес.

Worldskills кыймылы түптөлгөнүнө бир топ, ал эми Россия ага кошулганына 10 жылга жетпеген гана убакыт болсо да изилдөө жүргүзүү, долбоорлоо жана жаңы кесиптер менен мелдештерди өткөрүү жана көз карандысыз баалоо боюнча, ошондой эле билим берүү программаларын иштеп чыгуу жаатында маңыздуу жана креативдүү драйверге айланды.

Деятельность WorldSkills Russia
© Фото / WorldSkills Russia
Бул чемпионаттар биздин республика үчүн жаңы форматты байкап көрүү, келечекте Кыргызстанда да мындай мелдештерди өткөрүү үчүн дагы бир мүмкүнчүлүк.

"Жаш кесипкөйлөр" (Ворлдскиллс Россия) союзунун башкы директорунун эл аралык ишмердик боюнча орун басары, WorldSkills International кыймылына Россиянын атынан техникалык делегат Алина Досканованын айтымында, "технологиянын арыштуу өзгөрүшү, жасалма интеллектти өнүктүрүү, жалпы санариптештирүү, анын натыйжасында иш процесстеринин татаалдашы конвергенттик жөндөмдөрдүн жаралышына, мультисектордук жана тармактар аралык кызматташтыктын кеңейтилишин шарттады.

WorldSkills Russia кадрларды даярдоонун улуттук тутумун дүйнөлүк деңгээлге чыгара турган инструменттерди иштеп чыгат. Бул кандай гана экономика болбосун, атаандашуу жөндөмүн жогорулатат".

Мындай инструменттердин арасында билим берүүнүн кыска программаларын иштеп чыгуу жана өнөктөш өлкөлөрдө билим берүү лабораторияларын ачуу, ошондой эле WorldSkills Russia тигил же бул өлкөдө улуттук чемпионаттарды өткөрүүгө даярдык да камтылат. Бул өңдүү методикаларга өнөктөш өлкөлөрдө да кызыгуу күч. Маселен, соңку эки жылда КР Билим берүү жана илим министрлиги менен WorldSkills Russia уюмунун ортосундагы кызматташтык өнүгүп жатат. 2019-жылдын августунда Кыргызстандын делегациясы WorldSkills Kazan 2019 кесиптик чеберчилик боюнча 45-дүйнөлүк чемпионатка катышкан.

Бизнес вазыйпанын алкагында делегация иш борборлору, билим берүү мекемелерин кыдырып, анын ичинде чемпионаттын мелдеш бөлүгү жана бул багыттагы Россиянын тажрыйбасы менен таанышып келген. Ошол сапардан жана КР Билим берүү жана илим министринин орун басарынын WorldSkills Russia уюмунун жетекчилиги менен жолугушуудан кийин өлкөдө окутуунун мындай долбоорун ишке ашыруу чечими кабыл алынган.

Былтыр ноябрь айында Москвада WorldSkills инструменттерин жана методикаларын пайдалануу менен кадрларды даярдоо тутумун өнүктүрүү боюнча бир нече семинар өткөрүлгөн. Ага КР Билим берүү жана илим министрлигинин жана Баштапкы кесиптик билим берүү агенттигинин өкүлдөрү, иш чеберлери жана колледж жетекчилери катышкан.

Деятельность WorldSkills Russia
© Фото / WorldSkills Russia
WorldSkills Russia тарабынан сунушталып жаткан күндүзгү-дистанттык жаңы формат кыргызстандык жаш адистерге кандай шартта болбосун окуу процессин натыйжалуу улантууга жол ачат.

Ушул тапта кыргызстандык жана россиялык адистердин биргелешкен аракеттери менен өлкөдө WorldSkills кыймылын өнүктүрүү боюнча Жол картасын жайылтуу ишке ашырылууда. Аталган уюм өз кесиптештерине уюштуруу жагынан методикалык колдоо көрсөтүп келет.

WorldSkills Russia тарабынан сунушталып жаткан күндүзгү-дистанттык жаңы формат кыргызстандык жаш адистерге кандай шартта болбосун окуу процессин натыйжалуу улантууга жол ачат.

Future Skills Camp Росатом, Ростех, Роскосмос, 1С, FANUC, InfoWatch, Autodesk, Siemens, COEX, hakta, Россиялык кванттык борбордун колдоосу менен өтүүдө.

Future Skills Camp боюнча кеңири маалымат менен бул шилтеме аркылуу тааныша аласыз.

Долбоордун өнөктөшү

Белгилер:
адистик, Кыргызстан, Россия, билим, окуу
Бишкектеги маршрутка айдоочу. Архив

Бишкекте маршрутка айдоочулары иш таштайбы? Ассоциациянын жообу

(жаңыланган 11:52 23.04.2021)
Буга чейин интернетте айдоочулар 3-май күнү ишке чыкпай, жол кирени көтөрүүнү талап кылышат деген маалыматтар тараган эле.

БИШКЕК, 23-апр. — Sputnik. Бишкекте маршрутка айдоочуларынын иш таштоо ниети жок. Бул тууралуу Sputnik редакциясынын кабарчысына "Альянс бус" жүргүнчү ташуучулар ассоциациясынын төрагасы Григорий Николаиди билдирди.

Буга чейин интернетте айдоочулар 3-май күнү ишке чыкпай, жол кирени көтөрүүнү талап кылышат деген маалыматтар тараган эле.

Николаидинин айтымында, ага дагы мындай кептер жеткен. Бирок төрага бул ортодогу чагымчылдардын кылганы деп эсептейт.

"Биз иш таштоону пландаган жокпуз. Бул теманын тегерегинде ким мынчалык чуу көтөрүп жатканын билбейм. Бардыгы мыйзам чегинде болушу керек, башка жолу жок. Бизде мэриянын токтому бар. Комиссия тарифтерди көтөрүү боюнча долбоорду даярдаган. Бишкек шаардык кеңешинин жаңы чакырылышы ишке киришери менен сессияда бул маселе каралат деп ишенем. Айрым айдоочулар шаар жетекчилиги тарифти көтөрүп беребиз деп коюп, убадасына турган жок деп башкаларды иш таштоого үгүттөп жатыптыр деп уктум. Тиешелүү кызматтар аларды издеп тапсын. Бирок бир дагы фирма иш токтоткусу келген жок. Мындай жол менен көйгөй чечилбейт", — деди ал.

Ушул тапта Бишкек мэриясынын алдындагы Шаардык транспорт башкармалыгында жүргүнчү ташуу менен алектенген ишкана жетекчилеринин жыйыны өтүп жатканы белгилүү.

Жол кире көтөрүү талабы

Быйылкы жылдын январь айында жол кирени көтөрүп берүүнү талап кылган беш фирмага тиешелүү 400дөй маршрутка ишке чыкпай койгон. Алар жол кире акысын 5 сомго жогорулатууну талап кылып, жол акы 2012-жылдан бери көтөрүлө электигин белгилешкен.

Анда ошол учурдагы мэрдин милдетин аткаруучу Балбак Түлөбаев маршруткалардын жол киресин көтөрүү боюнча сүйлөшүүлөрдү жүргүзүп, бирок ага жок дегенде май айына чейин убакыт керектигин айткан.

Белгилер:
иш таштоо, айдоочу, талап, жол кире, маршрутка, Бишкек
Тема боюнча
Бишкектеги маршрутка айдоочулары күнүнө канча акча табат? Видео
Санитардык эрежелерди сактаңыздар! Мэрия айдоочуларга, элге кайрылды