Энесай кыргыздары көргөзмөсү

Тарых музейиндеги "Энесай кыргыздары" көргөзмөсү декабрга чейин уланат

372
(жаңыланган 08:48 08.11.2014)
Байыркы энесайлык кыргыздардын жашоо мүнөзүн чагылдырган "Энесай кыргыздары" аттуу көргөзмө 25-декабрына чейин болот. Көргөзмөгө энесайлык кыргыздардын күнүмдүк турмушунда колдонулган буюмдары, аскердик жабдыктары коюлган.

БИШКЕК, 3-ноябрь — Спутник Кыргызстан. Көргөзмөгө Орусиянын Красноярск аймагындагы Минусинск (Миң-Суу) музейиндеги Энесай кыргыздарына таандык буюмдар коюлган. Бул экспонаттардын өзгөчө орду бар экенин аталган музейдин жетекчиси Людмила Ермалиева белгиледи.

"Биз Кыргызстанга байыркы Энесай кыргыздары колдонгон айрым буюмдарды алып келдик. Красноярск аймагынан табылган бул буюмдар чындап эле Энесай каганаты болгонун тастыктап турат. Бул буюмдар Кыргызстандын эли, окумуштуулары үчүн абдан маанилүү. Себеби, бул буюмдар аркылуу ошол убактагы энесайлык кыргыздардын жашоо мүнөзүн, согушта колдонгон буюмдарын биле алабыз ", — дейт ал.

Бул көргөзмөнү уюштурууга салым кошкондордун бири Жогорку Кеңештин депутаты Каныбек Иманалиев. Ал өз сөзүндө 7—8-кылымда болгон окуяларга биз XXI кылымда туруп алып саясат жасоого мүмкүнчүлүк болду деди. "Кыргыздар өз тарыхыбызды жакшылап билүүгө азыр жакшы мүмкүнчүлүк түзүлдү. Бул экспонанттар Кыргызстанга биринчи жолу алынып келип жатат. Ал буюмдар аркылуу байыркы Энесай кыргыздарынын жашоо мүнөзүн көрсөк болот. Алар чындап эле жогорку маданияттын туу чокусуна жеткенин, билимдүү болгонун жана темирди иштетип, андан жогорку сапаттагы курал-жарактарды жасаганын көрөбүз ", — деди ал.

  • Байыркы энесайлык кыргыздардын колдонгон кылычтары.
    Байыркы энесайлык кыргыздардын колдонгон кылычтары.
    © Sputnik / Табылды Кадырбеков
  • Энесай кыргыздары көргөзмөсү
    Энесайлык кыргыздарга тиешелүү ат жабдыктарынын бөлүктөрү менен көргөзмөдөн таанышса болот. Бул үзөңгүлөрдү кыргыздар күнүмдүк турмушунда, согушка аттанганда колдонушкан.
    © Sputnik / Табылды Кадырбеков
  • Энесай кыргыздары көргөзмөсү
    "Энесайлык кыргыздар кол өнөрчүлүктү жакшы өздөштүргөн. Алардын жасаган буюмдары ошол маалда жогору бааланган ",— дейт Минусинск музейинин жетекчиси Людмила Ермалиева
    © Sputnik / Табылды Кадырбеков
  • Энесай кыргыздары көргөзмөсү
    Энесайлык кыргыз баатырларынын зоот кийимдери, колдонгон курал-жарактары.
    © Sputnik / Табылды Кадырбеков
  • Энесай кыргыздары көргөзмөсү
    Көргөзмөгө коюлган буюмдар бишкектиктердин жана коноктордун көңүлүн өзүнө бурду.
    © Sputnik / Табылды Кадырбеков
1 / 5
© Sputnik / Табылды Кадырбеков
Байыркы энесайлык кыргыздардын колдонгон кылычтары.

Эскертсек, көргөзмөгө байыркы Энесай кыргыздарынын күнүмдүк колдонгон чарбалык буюмдары, согуштук курал-жарактары, азем буюмдары коюлган. Ошондой эле Барсбек кагандын ташынын көчүрмөсү да келген коноктордун назарына коюлду.

372
(NaN:NaN / NaNMb / )

Кыргызстандык кыз катышкан "Ты супер!" шоусу. Түз алып берүү

51
Sputnik эл аралык агенттиги жана радиосу менен НТВ телеканалынын биргелешкен долбоорунун биринчи чыгарылышына күбө болуңуздар.

"Ты — супер!" шоусу — НТВ телеканалы менен Sputnik эл аралык агенттиги жана радиосунун ири долбоору. Ага КМШнын аймагындагы вокалдык таланты бар балдар катышат. Бүгүн мызкалык конкурстун төртүнчү сезону башталып, анда Кыргызстандын атынан 18 жаштагы Карина Амринова ат салышууда.

"Ты — супер!" сынагына катышкан Карина Амринова: ар бир ырым апама арналат

Долбоордун максаты ата-энесиз калган жаш өнөрпоздорго мүмкүнчүлүк берүү болуп саналат.

51
Белгилер:
"Ты – супер" балдар долбоору, вокал, музыка, долбоорлор, Карина Амринова
Тема боюнча
"Ты супер!" финалына чыккан балдар үйлүү болушту. Ыйлаткан видео
Тывалык бала "Ты супер" сынагында өзгөчө үнү менен калыстарды таң калтырды
Алп жазуучу Чыңгыз Айтматов. Архивдик сүрөт

"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты

70
(жаңыланган 16:17 18.09.2020)
Улуу жазуучуга арналган жыйнактын баш сөзүн эки мамлекеттин президенттери Сооронбай Жээнбеков менен Режеп Тайип Эрдоган жазгандыгы айтылган.

БИШКЕК, 18-cен. — Sputnik. Түркияда Чыңгыз Айтматовго арналган "Боз кырдын ойгонушу: Чыңгыз Айтматов" аттуу илимий изилдөө китеби түрк тилинде жарык көрдү. Бул тууралуу Маданият, маалымат жана туризм министрлигинен кабарлашты.

Ага эки бөлүктөн туруп, 23 мамлекеттин окумуштууларынын 98 макаласы киргизилген.

Китеп түркиялык продюсер, режиссёр жана жазуучу Өмер Эрдогандын редакторлугу алдында КАФ басма үйү жана "Чыгыш менен батыштын ортосундагы Анатолья маданий долбоорунун" алкагында жарык көргөн.

Айтматовдун тиши өтпөгөн эки нерсе... Жазуучу жана Түркия тууралуу 17 факты

Маалыматта жыйнактын баш сөзүн эки мамлекеттин президенттери — Сооронбай Жээнбеков менен Режеп Тайип Эрдоган жазгандыгы айтылган.

"Демилге Түркия президенти Режеп Тайип Эрдогандын 2018-жылы Дүйнөлүк көчмөндөр оюндарынын урматына Кыргызстанга жасаган иш сапарында башталган Айтматов тууралуу макалалар жыйнагы эки жыл ичинде даярдалды", — деген Түркиянын Кыргызстандагы элчилигинин маданият жана маалымат боюнча кеңешчиси Нури Шимшеклер.

Китептин бет ачары Бишкек шаарындагы Улуттук илимдер академиясында өткөн.

Чыңгыз Айтматов атындагы Тил жана адабият институтунун директору Абдылдажан Акматалиев китептеги макалалардын авторлорунун көбү кыргызстандык окумуштуулар экендигин жана кийинки этапта дүйнөнүн башка тилдерине которуларын билдирген.

70
Белгилер:
китеп, Чыңгыз Айтматов, Түркия, Кыргызстан
Тема боюнча
Анкарада жамгыр алдында ачылган Айтматовдун эстелиги. Сүрөттөр