Кадр из фильма Курманжан Датка

"Курманжан датка" тасмасы эл аралык ФИПРЕССИ сыйлыгы үчүн ат салышат

44
(жаңыланган 13:26 08.12.2014)
Атамекендик "Курманжан датка" тасмасы ФИПРЕССИ эл аралык сыйлыгы үчүн ат салышат.

БИШКЕК, 6-дек — Sputnik. "Курманжан датка" тасмасы эл аралык ФИПРЕССИ (FIPRESCI) сыйлыгы үчүн ат салыша турганын "Айтыш фильм" киностудиясынын маалымат катчысы Чолпон Идрисова билдирди. 

Буга чейин 3-декабрда, америкалык "The Hollywood reporter" журналынын версиясы боюнча "Курманжан датка" тасмасы "Оскар" кино сыйлыгына "Чет тилдеги мыкты тасма" номинациясы боюнча топ — 15ке киргени маалым болгон.

ФИПРЕССИ конкурсу 2-12-январь күндөрү өтөт, ага "Оскар" кино сыйлыгына "Чет тилдеги мыкты тасма" номинациясы боюнча башкы талапкер болгон алдыңкы 50 тасма катышат.

"Курманжан датка" – кинотасмасынын бет ачары үстүбүздөгү жылдын 31-августунда, эгемендүүлүк күнүндө болгон. Аны тартууга 1 миллион 500 миң доллар кеткен.

44
Белгилер:
Чолпон Идрисова, FIPRESCI, The Hollywood reporter, Айтыш фильм, Оскар
Тема боюнча
"Курманжан Датка" Сеулда көрсөтүлдү
"Курманжан Датка" тасмасы Кореяда көрсөтүлөт
Төлөмүш Океев атындагы Кыргызфильм киностудиясында кинопленкага тартылган эски тасмаларды санариптөөгө мүмкүнчүлүк түзүлдү

"Кыргызфильмдеги" шедевр кинолорду санариптөөгө мүмкүнчүлүк түзүлдү

80
Кыргызстандын байлыгы болгон, мурда тартылган кинокартиналарга экинчи өмүр берип, алардын заманбап форматта сакталып калышына ТИКА көмөктөшкөн.

БИШКЕК, 18-окт. — Sputnik. Төлөмүш Океев атындагы "Кыргызфильм" киностудиясында кинопленкага тартылган эски тасмаларды санариптөөгө мүмкүнчүлүк түзүлдү. Бул туурасында Маданият, маалымат, спорт жана жаштар саясаты министрлигинен кабарлашты.

  • Оборудование для оцифровки кинопленок подаренная Кыргызфильму Турецким агентством ТИКА
    Төлөмүш Океев атындагы "Кыргызфильм" киностудиясында кинопленкага тартылган эски тасмаларды санариптөөгө мүмкүнчүлүк түзүлдү
    © Фото / пресс-служба МКИСМП КР
  • Оборудование для оцифровки кинопленок подаренная Кыргызфильму Турецким агентством ТИКА
    Мындай шартты Түркия тарап, анын ичинен Түрк кызматташтыгы жана координация агенттигин (ТИКА) түзүп берген. Тагыраагы, алар Blackmagic Cintel Scanener техникалык жабдуу комплексин тартуулаган.
    © Фото / пресс-служба МКИСМП КР
  • Оборудование для оцифровки кинопленок подаренная Кыргызфильму Турецким агентством ТИКА
    Техникалык жабдуу комплексинин бет ачар аземине маданият, маалымат, спорт жана жаштар саясаты министри Азамат Жаманкулов, Түркиянын Кыргызстандагы элчиси Ахмат Садык Доган, Түрк кызматташтыгы жана координация агенттигинин өкүлдөрү жана эки өлкөнүн кино ишмерлери катышкан.
    © Фото / пресс-служба МКИСМП КР
1 / 3
© Фото / пресс-служба МКИСМП КР
Төлөмүш Океев атындагы "Кыргызфильм" киностудиясында кинопленкага тартылган эски тасмаларды санариптөөгө мүмкүнчүлүк түзүлдү

Мындай шартты Түркия тарап, анын ичинен Түрк кызматташтыгы жана координация агенттигин (ТИКА) түзүп берген. Тагыраагы, алар Blackmagic Cintel Scanener техникалык жабдуу комплексин тартуулаган.

"Мындай жабдуу менен эми киностудия пленкага тартылган эски тасмаларды санарип форматына өткөрүп, аларды узак мөөнөткө сактоо иш-аракеттерин баштайт. Учурда киностудияда 900дөн ашуун тасма бар", — деп айтылган маалыматта.

Ачылыштын жүрүшүндө киностудиянын директору Акжол Бекболотов заманбап техниканы пайдалануу жана аны колдонуу ыкмасын көргөзүп берген.

Техникалык жабдуу комплексинин бет ачар аземине маданият, маалымат, спорт жана жаштар саясаты министри Азамат Жаманкулов, Түркиянын Кыргызстандагы элчиси Ахмат Садык Доган, Түрк кызматташтыгы жана координация агенттигинин өкүлдөрү жана эки өлкөнүн кино ишмерлери катышкан.

Буга чейин "Кыргызфильмдин" жетекчилеринин бири Айбек Жангазиев кинопленкага тартылган тасмалардын санарипке көчүрө турган профессионалдык аппараттын жоктугу эң чоң көйгөй болуп жатканын айткан. Кырсык болуп кетсе шедевр тасмалардан кол жууйбуз деген тынчыздануусун билдирген эле.

80
Белгилер:
Кыргызстан, Түркия, Кыргызфильм, тасма
Тема боюнча
Кырсык болуп кетсе, шедевр тасмалардан кол жууйбуз. "Кыргызфильм" башчысы менен маек
Түркиялык фотографтын COVID-19дан улам пайда болгон калдыктар: суу алдындагы дүйнөгө коркунуч сүрөтү

Стенин фотосынагынын жеңүүчүлөрү аныкталды

41
(жаңыланган 19:48 18.10.2021)
РФтин ЮНЕСКО иштери боюнча комиссиясы колдоого алган сүрөттөрдү чогулткан Андрей Стенин атындагы сынактын максаты — жаш фотографтарды колдоо, учурдагы фотожурналистикага коомчулуктун көңүлүн буруу.

БИШКЕК, 18-окт. — Sputnik. Андрей Стенин атындагы ар жылдары өткөн эл аралык сынактын жыйынтыгы чыгып,гран-принин ээси аныкталды.

Быйыл биринчи орунга эки эмгек ээ болду. Биринчиси, петербургдук сүрөтчү Мария Гельмандын "М+Т" эмгеги, экинчиси түркиялык фотографтын "COVID-19дан улам пайда болгон калдыктар: суу алдындагы дүйнөгө коркунуч" сүрөтү.

Сынак тууралуу сүйлөп жатып "Россия сегодня" агенттигинин башкы директору Дмитрий Киселев сүрөт эч бурмаланбай турган искусство экенине токтолду.

"Сүрөт тартуу үчүн каармандын жанында болуш керек. Ал үчүн кээде согушка барууга туура келет. Андрей Стенин дүйнөнүн көпчүлүк жерлериндеги кагылышууларга күбө болгон", — деди ал.

"М+Т" деп аталган сүрөттөр сериясында Даун синдрому менен жабыркаган, улгайган жубайлар көрсөтүлөт. Автор бул эмгегинде сүйүү эч бир тоскоолдуктарга баш ийбесин көрсөткүсү келген.

Гран-принин экинчи ээси түркиялык сүрөтчү Шебнем Кошкун БУУнун суу алдындагы дүйнөнү коргоо программасынын алкагында Босфор деңизине түшкөн фридайвер Шахика Эрджюменди көрсөткөн. Көп жылдан бери суу алдындагы таштандылар көйгөйүн чагылдырып жүргөн сүрөтчү бул ирет Босфордогу таштандыны тарткан.

"Негизги жаңылыктар" номинациясында индонезиялык сүрөтчү Жошуа Ируандинин "COVID-19: адам баласынын баасы" жана индиялык сүрөтчү Чандан Ханнанын "Жарака" эмгеги мыкты деп табылды.

"Менин планетам" номинациясында жеңүүчүлөр — фотожурналист Чан Сюйдун "Васалоппет Чайна-2020" сүрөтү, испаниялык Луис Татонун "Чыгыш Африканы чегиртке капташы" эмгеги.

Спорттук номинацияда сириялык репортер Мунеб Таймдын "Урандыдагы паркур", россиялык Дарья Исаеванын "Үйдөгү Олимпиада" эмгектери жеңишке жетти.

"Портрет. Биздин замандын каарманы" номинациясында россиялык Сергей Бобылев "Биздин замандын жүздөрү" жана индиялык Шарафат Али "Кашмир: күмөндүү мурас" утуп алды.

Сынактын лауреаттарынын толук тизмеси бул сайтка stenincontest.ru/stenincontest.com жарыяланды.

Сынак туурасында

"Россия сегодня" эл аралык маалымат агенттиги уюштуруп, РФтин ЮНЕСКО иштери боюнча комиссиясы колдоого алган сүрөттөрдү чогулткан Андрей Стенин атындагы сынактын максаты — жаш фотографтарды колдоо, учурдагы фотожурналистикага коомчулуктун көңүлүн буруу.

Бул  — жаш сүрөтчүлөрдүн, таланттуулардын, жаңычылдыкты илип кеткен сезимтал жана ачык балдардын аянтчасы. Бул жерде алар биздин көңүлүбүздү айланабызда эле жашап жаткан адамдарга, болуп жаткан окуяларга бурат.

Башкы маалыматтык өнөктөш "Россия-Культура", "Москва - 24" телеканалы, Вести.Ru порталы болду. Ал эми Sputnik маалымат агенттиги жана радиосу, RT порталы, Askanews маалымат агенттиги, Independent Media медиахолдинги, ANA маалымат агенттиги, Shanghai United Media Group (SUMG), China Daily гезитинин интернет-порталы, The Paper интернет-порталы, Al Mayadeen медиатүйүнү, Prensa Latina маалымат агенттиги, DBW интернет-порталы маалыматтык колдоо көрсөттү.

Мындан тышкары, тармактык өнөктөш макамында Россиянын журналисттер союзу, YOung JOurnalists маалымат порталы, Russian Photo, Photo-study.ru порталдары, "Академия фотографии" фотомектеби, LF Magazine, Artdoc, Fotoargenta журналдары, All About Photo, IPhoto Channel интернет-порталдары, EYE сүрөт журналы жана фестивалы, PhotON эл аралык аянтчасы кызматташты.

41
Белгилер:
Россия, сүрөт, сынак, жеңүүчү
Тема боюнча
"Акыркы көч" тасмасы Сан-Паулодогу беделдүү сынакта ат салышат
Аламүдүн району төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты

Аламүдүн: суу сактагычтан эркек кишинин сөөгү табылды. Сүрөт

0
(жаңыланган 00:27 19.10.2021)
Куткаруучулар 40-45 жаштагы эркек кишинин сөөгүн каналдан алып чыгып, аны милиция кызматкерлерине өткөрүп беришкен.

БИШКЕК, 19-окт. — Sputnik. Аламүдүн районунун төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты. Бул туурасында ӨКМдин маалымат кызматынан кабарлашты.

Окуя болгон жерге Аламүдүн райондук ӨКБден төрт куткаруучу барган. Алар 40-45 жаштагы эркек кишинин сөөгүн каналдан алып чыгып, милиция кызматкерлерине өткөрүп беришкен.

0
Белгилер:
Кыргызстан, Аламүдүн району, канал, өлүк, куткаруучу
Тема боюнча
Куткаруучулар суудан башка адамды издеп жатып, белгисиз сөөктү алып чыкты. Сүрөт