Презентация крупнейшего международного информационного бренда Спутник

Sputnik Абхазия Республикасында сайтын жана радиоуктуруусун ишке киргизди

54
(жаңыланган 09:22 09.12.2014)
Sputnik мультимедиалык хабы Абхазияда эки тилде – орус жана абхаз тилинде иш жүргүзмөкчү.

БИШКЕК, 8-дек — Sputnik. Sputnik мультимедиалык хабы Абхазия Республикасында сайтын жана радиоуктуруусун ишке киргизди.

Sputnik-Абхазия мультимедиалык хабы — бул республикадагы ири медиадолбоор болуп саналат. Ал күнү-түнү режиминде орус жана абхаз тилинде өлкөдө жана дүйнөдө болуп жаткан окуялар туурасында объективдүү маалыматты ар кайсы форматтагы жаңылыктар түрүндө берип турмакчы. 

"Абхазиядагы Sputnik — бул жергиликтүү медиа-аймакта буга чейин болбогон жогорку сапаттагы маалыматтык продукт болуп саналат. Бул – бирдей аталыштагы маалыматтык портал жана радио. Аларды ишке киргизүү үчүн биз дээрлик бир жыл бою иштедик жана долбоорду, ошондой эле абхаз жана орус тилиндеги аккаунттарыбызды Facebook жана Instagram социалдык түйүндөрүндө өнүктүрүү боюнча аракет кылып жатабыз", — деп билдирди "Sputnik-Абхазия" жетекчиси Инал Лазба.

Азыркы тапта "Sputnik-Абхазия" мультимедиалык хабында 20га чукул кабарчылар, редакторлор, дизайнерлер жана менеджерлер иштешет. 

"Россиялык кесиптештерибиз менен пикир алмашуу бизге заманбап журналистикадагы жаңы багыттарды өздөштүрүүгө жардам берди", — деди Лазба.

Журналисттер менен редакторлор окутуу курстарынан өтүп, эми жаңы технологияларды колдонуу менен медиапродуктуларды жаратуунун үстүндө иш алпарышууда. 

"Sputnik-Абхазия" порталы абхаз окурмандары үчүн керектүү жана актуалдуу болгон өлкө ичиндеги гана эмес, дүйнөдөгү да окуялар жөнүндө маалыматтарды чагылдырып турат. Андан тышкары, портал Россияга жакын жайгашкан аймактардагы, анын ичинде Түндүк Кавказ республикаларындагы маалыматтарга басым жасайт. "Sputnik-Абхазия" хабынын уникалдуулугу – анын контентти эки тилде – орус жана абхаз тилинде даярдап чыгаргандыгында турат. 

"Улуттук тилдеги версия Абхазиянын мамлекеттик кызыкчылыктарына шайкеш келет. Sputnik агенттиги абхаз журналистикасынын, ошону менен бирге абхаз тилинин өнүгүүсүнө да өз салымын кошот", — дейт Лазба.

"Sputnik-Абхазиянын" радиоберүүлөрү өлкөнүн калкынын 70% камтыйт. Орус жана абхаз тилиндеги уктуруулар Сухумда, Гаграда, Гудаутта, Очамчирде жана Галеде ишке ашырылат.

"Келечекте биз берүүлөрүбүздү Абхазиянын жалпы аймагына жайылтмакчыбыз", — деди "Sputnik-Абхазиянын" жетекчиси.

Азыркы тапта радиостудия, басма сөз борбору жана редакция жайгаша турган студиялык комплекстин курулушу башталды. 

"Онлайн конференцияларды уюштуруу мүмкүнчүлүгү болгон басма сөз борбору Абхазиянын, Россиянын, ошондой эле дүйнөнүн башка мамлекеттеринин эксперттик коомчулугунун аралыктан баарлашуусун камсыздаган өлкөдөгү алгачкы аянтча болмокчу. Sputnik Абхазия жөнүндө объективдүү маалыматты бүткүл дүйнөгө бере турган болот", — деп баса белгиледи Лазба.

Студиянын курулушу аяктагандан кийин Sputnik алдыңкы абхазиялык саясатчыларды, эксперттерди, коомчулуктун өкүлдөрүн жана журналисттерди катыштыруу менен маалыматтык жана аналитикалык мүнөздөгү жеке радиопрограммаларын даярдоого киришет. 

54
Белгилер:
Абхазия, Сухум, Инал Лазба, Sputnik, Sputnik-Абхазия
Тема боюнча
Sputnik кабарларды эми кытай тилинде берип баштады
Sputnik радиостанциясы Грузияда өз берүүсүн баштады
"Россия сегодня" мультимедиалык Sputnik брендинин бет ачарын жасады
Стамбул шаары, Түркия. Архив

Кыргызстандык жаш режиссёрдун тасмасы эл аралык фестивалда 3-орунга татыды

79
Фестивалга Түркиядан тышкары Кыргызстан, Казакстан, Өзбекстан, Венгрия, Азербайжан, Македония жана Түндүк Кипрдин таланттары катышкан.

БИШКЕК, 23-окт. — Sputnik. Кыргызстандык жаш режиссёр Айкөл Нурланбек уулунун "Мээрман" тасмасы Стамбул шаарында "Түрк дүйнөсүнүн даректүү тасмалары" фестивалында үчүнчү орунга татыды. Бул тууралуу Кинематографты колдоо фондунан кабарлады.

"Буга чейин менин фильмим Кыргызстанда эки фестивалга катышып, бирөөсүндө баш байгени жеңип, экинчисинде "Көрүүчүлөрдүн сүймөнчүгү" болгон. Эми эл аралык сынакта үчүнчү орунду алды. Эгер мен тарткан тасма байгелүү орунга татыса, ушул багытка көңүл коюп, болгон күчүмдү жумшайм деп сөз бергем. Азыр абдан кубанып турам", — деди Нурланбек уулу.

Даректүү тасмалар фестивалы ушуну менен алтынчы жолу уюштурулуп, быйыл "Түрк маданияты жана дүйнөгө түрк көз карашы" деген ураан менен өткөрүлдү.

Фестивалга Түркиядан тышкары Кыргызстан, Казакстан, Өзбекстан, Венгрия, Азербайжан, Македония жана Түндүк Кипрдин таланттары катышкан.

79
Белгилер:
Түркия, тасма, фестиваль, байге, Айкөл Нурланбек уулу
Тема боюнча
Кыргызстандан барган тасма Алматыда "Мыкты фильм" аталды. Видео
Сиз көрдүңүз беле? XXI кылымдагы эң мыкты 100 сериал тизмектелди
Бекболотов: 2,5 жылда миңге жакын эски фильм санариптештирилет
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды. Видео

273
(жаңыланган 10:30 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

273
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт
Кикбоксчу Алексей Федосеев. Архивдик сүрөт

Италиядан кикбоксчулар Федосеев, Бегматов коло, Фозилжанов күмүш медаль алды. Сүрөт

0
Дүйнө чемпионатына Кыргызстандын атынан онго чукул спортчу барган. Азыр үч спортчу медаль алды, анын бирөө Алексей Федосеев.

БИШКЕК, 23-окт. — Sputnik. Кыргызстандык кикбоксчулар Италиянын Лидо шаарында өтүп жаткан дүйнө чемпионатында бир күмүш жана эки коло медалга татыды. Бул тууралуу КРдин Кикбокс федерациясынын социалдык тармактагы баракчасы маалымат чыгарды. 

Күмүш байгени К-1 боюнча 63,5 килограмм салмактагылар арасында Икбол Фозилжанов алды.

Ал үч беттешти катары менен камсыздап, финалга чыккан. Анда россиялык Виктор Михайловго калыстардын чечими менен утулуп, экинчи орунга татыган.

Алексей Федосеев "лоу-кик" боюнча 63,5 килограмм салмактагылар арасында ат салышкан. Ал биринчи кармашын утуп, экинчисинде жеңилип калган. Натыйжада ал коло медалга ээ болгон.

Ошондой эле дагы бир кыргызстандык спортчу Чыңгыз Бегматов үчүнчү орунга татыды.

Дүйнө чемпионатына Кыргызстандын атынан онго чукул спортчу барган.

0
Белгилер:
Кыргызстан, Италия, Алексей Федосеев, кикбоксинг, спорт, дүйнө чемпионаты
Тема боюнча
Бишкекте Жапаровдун тапшырмасы менен балбан кыздарга спорттук зал курулат