Салбуурун федерациясынын президенти Алмаз Акунов.

Алмаз Акунов: Салбуурун Кыргызстандын бренди болушу керек

145
(жаңыланган 09:42 03.03.2015)
Быйыл биринчи жолу Салбуурун боюнча Кыргызстандын чемпионаты өтүп, ага өлкөнүн аймактарынан саяпкерлери, мергенчилер катышты.

БИШКЕК, 2-мар. — Sputnik. Жекшемби, 1-мартта Бишкек шаарындагы Ак-Кула ат майданында Салбуурун боюнча Кыргызстандын алгачкы чемпионаты өттү. Бул маданий иш-чарада куш салынып, тайган агытылып, жаачылар көзгө атарлыгын дагы бир жолу көрсөтүштү.

Салбуурун федерациясынын президенти Алмаз Акунов Sputnik маалымат сайты менен болгон маегинде чемпионат, кыргыздардын аңчылык маданияты тууралуу буларга токтолду.

Салбуурун алгач, фестиваль катары 2006-жылы Тоң районунда болгон. Башында элди кызыктырыш үчүн, жаныбарларды алып келип иттерге салып берип, канаттууларга куштарды салып келишкен. Көрүүчүлөр иттердин талаа жаныбарларынын канжалап, таландысына калганына күбө болуп келген. 

Акунов белгилегендей, бул көрүнүш кээсине жакса, кээси жакчу эмес.

"Интернетке чыккан айрым видеолордон улам, Европа мамлекеттери "Салбуурун Кыргызстандагы абдан ырайымсыз федерация" деп бизге петиция жарыялашты. Кыргызстандагы Белгиянын, Германиянын, Американын элчиликтери биздин президентке, парламентке жана айлана-чөйрөнү коргоо агенттигине жаныбарларга ырайымсыз мамиле кылууну токтоткула деп кайрылды. Ушундан кийин биз ойлоно баштадык. Андан көп узабай эле биз Дүйнөлүк мүнүшкөрлөр уюмуна мүчө болдук. Аталган уюм жапайы жандыктарды коргойт. Конвенцияга кол коюп, бул уюмга акысыз түрдө мүчө-корреспондент болуп кирдик. Жарды мамлекеттерге жардам кылып бекер кабыл алат экен", — деди ал.

пресс-служба ГАФКиС
Салбурун боюнча Кыргызстандын алгачкы чемпионаты

Салбуурун боюнча Кыргызстандын алгачкы чемпионат жаңы ыкма боюнча өттү

Дүйнөлүк мүнүшкөрлөр уюмуна мүчө болуп киргенден кийин, алардын талаптарын аткаруу керектигин белгилеген Акунов, Салбуурун боюнча алгачкы чемпионат жаңы эрежелер менен өткөнүн кошумчалады.

"Дүйнөлүк тажрыйбаны, мүнүшкөрлөр уюмунун багыттарын карап, өзүбүздүн салтка ылайыктап туруп, Салбуурундун жаңы ыкмаларын, эрежелерин иштеп чыктык. Мурда карышкырды ортого байлап коюп, аны тиштеген кайсыл тайган кыйын деп талатчубуз. Андан кийин бүркүттү тиштеп салбасын деп карышкырдын оозун таңып туруп ага бүркүт салчубуз. Аны токтоттук. Жапайы жандыктарды – көгүчкөн, кыргоол, кекилик, коенду аянтка алып келип, аларга куштарды салчубуз. Мындай көрүнүштү дүйнөнүн бир катар коомдору жактырышкан жок. Мен өзүм Дене тарбия институтун аяктагам. Спорттун чебери, отличнигимин. Спортту жандандыруу ыкмасына таянуу менен жаңы ыкманы иштеп чыктык", — деди ал.

Ал жаңы эрежелер 2012-жылдан баштап киргизиле баштаганын кошумчалады.

1-мартта өткөн Салбуурун боюнча алгачкы чемпионатка жүздөн ашык ышкыбоздор – Жалал-Абал, Ош, Чүй, Нарын жана Ысык-Көл облустарынан келип катышты. Программада бүркүт салуу, карчыга куштарды өрдөккө сыноо, жөө жаа атуу, атчан жаа атуу, кыргыз тайгандарынын көргөзмөсү болуп, тайгандар жарыштырылды. 

Биринчи орунга алты миң сом, экинчи орунга төрт миң, үчүнчү орунга үч миң сом берилди.

Алмаз Акунов белгилегендей, кийинки жылы боло турчу чемпионат жаңы норматив, жаңы эрежелер менен бааланат. Учурда алар иштелип чыгууда.

Салбуурун Кыргызстандын бренди болушу керек

Каражаттын тартыштыгынан улам, быйылкы чемпионатка сырттан киши чакырылган жок. Мындай чоң иш-чарага сырттан конок чакыруу көп каражатты талап кыла турганын Акунов белгиледи.

"Биз аларды чакырып алып тамак бере албасак, же жакшы сыйлык коё албасак, кантип чакырабыз. Быйылкы чемпионатты өкмөт "карызга өткөрө бергиле, кийин акчасын беребиз" деп койду. Чемпионатты негизи өкмөт өткөрүшү керек болчу. Ипподромдун бир күндүк акысына 67 миң сомдон төлөндү. Бул чемпионат ышкыбоздордун демилгеси менен өттү. Кыргызстанга келебиз дегендер көп, бирок өзүбүзгө ишенбей эле чакырбайбыз", — деди ал. 

Салбуурун федерациясынын президенти Кыргызстанды, кыргыздарды чет мамлекетте Салбуурун оюндары жакшы таанытат деп ишенет.

"Салбуурунга келген туристтер жакшы пикирлерин айтып жатат. Салбуурун башталганга сурнай тартып, добулбас кагып "Манас" айттырып баштайбыз. Башкача айтканда, илгертеден бери сакталып келе жаткан үрп-адаттар колдонулат", — дейт Акунов.

Салбуурун – бул комплекстүү түрдөгү аңчылык кылуу маданияты. Салбуурунчу ууга чыкканда кушун колуна кондуруп, тайганын жанына ээрчитип, артына жаа асынып, алдына ат минет. Салбуурун көчмөн элдердин чоң маданияты, анын ичинен кыргыздардын да аңчылык маданияты. Башка жагынан алып караганда, Салбуурунга чыгуу жоокерлердин машыгуусунун бир бөлүгү болгон. Жоокердик заманда атын да, өзүн да даярдаган. Денеси чымыр болуп, жоо келсе аттанууга даяр турган.

145
Белгилер:
Алмаз Акунов
Тема боюнча
Салбуурун боюнча Кыргызстандын алгачкы чемпионаты
Салбуурун боюнча Кыргызстандын алгачкы чемпионаты өттү
Кыз апасы менен кинотеатрда. Архив

Балдар үчүн кинофильмдин сценарийине сынак жарыяланды

58
Сценарий жазууга катышууну каалагандардын арызы "Кыргызфильм" киностудиясынын электрондук почтасы аркылуу кабыл алынат.

БИШКЕК, 23-янв. — Sputnik. Төлөмүш Океев атындагы "Кыргызфильм" улуттук киностудиясы балдар үчүн кинофильмдин сценарийине сынак жарыялады. Бул тууралуу Маданият, маалымат жана туризм министрлигинен кабарлады.

Ага ылайык, арыздар "Кыргызфильм" киностудиясынын электрондук почтасы аркылуу кабыл алынат.

Сценарийдин тиркемесине төмөнкүлөр кирет:

  • болжолдуу аталышы;
  • жанр;
  • убакыт;
  • логлайн (кыскача баяндоо);
  • синопсис (кыскача мааниси).
"Сценарийлер америкалык форматта гана кабыл алынат. Ал эми тиркемелери менен өзү кыргыз тилинде жазылышы шарт. Жеңүүчүлөрдүн эмгеги киностудиянын расмий сайтына жарыяланат", — деп айтылат маалыматта.

Мыкты эмгектин ээсине 100 000 сом гонорар төлөнүп бериле турганы кошумчаланды.

58
Белгилер:
балдар, кино, сынак, сценарий
Тема боюнча
"Акыркы көч" тасмасы Дакка эл аралык кинофестивалына катышууда

Чокморов катуу ооруп жүргөндө тартылган. "Бөрү зындан" тасмасындагы ирмемдер

696
(жаңыланган 20:42 22.01.2021)
  • Кинофильмде атышуу, мушташ жана психологиялык жактан оор эпизоддор тартылган
  • Башкы ролдордогу Ажар (Айтурган Темирова) менен Самат Касымов (Талгат Нигматулин)
  • Болот Шамшиев кыргызстандык кесиптештеринин ичинен биринчилерден болуп мушташ, криминалдык жанрда кино тартууга киришкен
  • Кичинекей Чыңгыз Шамшиев, актриса Айтурган Темирова менен актёр Талгат Нигматулин
  • Бөрү зындан фильминин тартылышына СССРдин Мамлекеттик кино комитети каршы чыккан, бирок жазуучу Чыңгыз Айтматов тартуу иштеринин улантылышына жардам берген
  • Актёрлорду образга кирүүгө үйрөткөн Болот Шамшиев. Режиссёрдун артында Сүймөнкул Чокморов турат
  • Талгат Нигматулин түндө Шамшиевдин үйүнө атайын келип роль сураган. Бөрү зындан жаш актёрго бир топ атак-даңк алып келген
  • Сүймөнкул Чокморов Бөрү зындан фильминде акыркы жолу тартылган. Белгилүү актёр милиционердин образын жаратып, ал жылы катуу ооруп жүргөн
  • Өзбекстандагы чөлдөгү суукта кызуу иштеген киночулар: камера кармаган Шамшиев, мушташкан актёрлор
  • Фильмди жаратууда киночулар жашоодо болгон чыныгы окуяларга, адамдардын тагдырына таянган
  • Мурат Мамбетов Композдун (Композитор) ролунда. Тасмага ошондой эле орус, казак актёрлору катышкан
  • Кылмышкердин ролундагы Мурат Мамбетов жана камерасын шыкаалаган Манас Мусаев
  • Апийим ташыган аткезчиликтин ана башында турган аталык Бабаханды казак актёру Кенебай Кожабеков ойногон
Быйыл CCCРдин эл артисти, белгилүү режиссёр Болот Шамшиевдин 80 жылдыгы республикалык деңгээлде белгиленүүдө. Sputnik Кыргызстан агенттиги залкар киночунун биринчилерден болуп тарткан мушташ (боевик) жанрындагы тасмасындагы ирмемдерди сунуштайт.

"Бөрү зындан" фильми 1983-жылы тартылып, анын сценарийин Болот Шамшиев менен казакстандык Эркен Абишев экөө чыныгы окуянын негизинде жазган. Операторлук милдетти Манас Мусаев аткарган. Кинокартинада апийим сатып иштеген топтун кылмыштарын, СССРде жайылып бара жаткан баңгилик, деградация болуп бара жаткан коом көрсөтүлгөн. Муну менен режиссёр 1960-жылдардан баштап 1973-жылга чейин Ысык-Көл аймагында айдалган апийимдин элге тийгизген терс таасирин көрсөтүп, жогорку кызматтагы аткаминерлерге эскертүү кылган. Кинону тартуу иштерине Кыргыз ССРинин Ички иштер министрлиги, Мамлекеттик коопсуздук жана борбордук комитети көмөктөшкөн. Себеби ал учурдагы абалды Москвага чейин жеткирүү зарыл болгон. Андан сырткары, Шамшиевдин бул эмгеги 1973-жылы бүткөн "Ысык-Көлдүн кызгалдактары" кинофильминин уландысы болгон.

Кинокартина соңуна чыкканда көрүүчүлөр абдан жакшы кабыл алып, мамлекеттик казынага 100 миллион доллар түшкөн. Ар түрдүү эсептөөлөр боюнча, Союз маалында аны 21 миллиондон ашык адам көргөн.

Режиссёр көзү тирүү кезинде ошол учурду мындайча эскерген:

"Тасманын тартылышына СССРдин Мамлекеттик кино комитети аябай каршы чыгып, фильмди коюуга бир жыл тыюу салынган. Биринчиден, наркотрафик өлкөдө болгон эмес, экинчиден, мамлекетте уюшкан кылмыш топтору жок, үчүнчүдөн, баңгизат менен кылмыштуулуктун ордосу Москва деп көрсөтүлгөнү чындыкка туура келбейт деген далилдерди келтирген. Аны Чыңгыз Айтматов сактап калды. Ал Совет мамлекетинин башчысы Леонид Брежневдин күйөө баласы, СССРдин ички иштер министринин орун басары, генерал Юрий Чурбанов менен абдан жакшы мамиледе экен. Ошо кишинин көмөгү менен кино прокатка чыккан. Бирок апийимдин ордуна аң-терилерди тартканга туура келген. Буга карабастан "Бөрү зындан" СССРде абдан популярдуу болуп, мамлекеттик казынага 100 миллион доллар каражат түшүрдү", — деген Шамшиев.

Эки сериялуу криминалдык драмага Кенебай Кожабеков, Айтурган Темирова, Талгат Нигматулин, Сүймөнкул Чокморов, Жоробек Аралбаев, Николай Крюков, Александр Милютин, Мурат Мамбетов, Орозбек Кутманалиев, Виктор Мирошниченко, Тохтахун Бахтыбаев, Анатолий Плюто, Венера Нигматулина, Бекин Сейдакматов, Сабира Күмүшалиева, Муса Дудаев, Жалил Абдыкадыров, Гүлнара Чокубаева, Искендер Рыскулов, Турсун Уралиев, Асанкул Куттубаев тартылып, роль жаратышкан.

696
  • Кинофильмде атышуу, мушташ жана психологиялык жактан оор эпизоддор тартылган
    © Sputnik / Александр Федоров

    Кинофильмде атышуу, мушташ жана психологиялык жактан оор эпизоддор тартылган

  • Башкы ролдордогу Ажар (Айтурган Темирова) менен Самат Касымов (Талгат Нигматулин)
    © Sputnik / Александр Федоров

    Башкы ролдордогу Ажар (Айтурган Темирова) менен Самат Касымов (Талгат Нигматулин)

  • Болот Шамшиев кыргызстандык кесиптештеринин ичинен биринчилерден болуп мушташ, криминалдык жанрда кино тартууга киришкен
    © Фото / Александр Федоров

    Болот Шамшиев кыргызстандык кесиптештеринин ичинен биринчилерден болуп мушташ, криминалдык жанрда кино тартууга киришкен

  • Кичинекей Чыңгыз Шамшиев, актриса Айтурган Темирова менен актёр Талгат Нигматулин
    © Sputnik / Александр Федоров

    Кичинекей Чыңгыз Шамшиев, актриса Айтурган Темирова менен актёр Талгат Нигматулин

  • Бөрү зындан фильминин тартылышына СССРдин Мамлекеттик кино комитети каршы чыккан, бирок жазуучу Чыңгыз Айтматов тартуу иштеринин улантылышына жардам берген
    © Фото / Александр Федоров

    "Бөрү зындан" фильминин тартылышына СССРдин Мамлекеттик кино комитети каршы чыккан, бирок жазуучу Чыңгыз Айтматов тартуу иштеринин улантылышына жардам берген

  • Актёрлорду образга кирүүгө үйрөткөн Болот Шамшиев. Режиссёрдун артында Сүймөнкул Чокморов турат
    © Фото / Александр Федоров

    Актёрлорду образга кирүүгө үйрөткөн Болот Шамшиев. Режиссёрдун артында Сүймөнкул Чокморов турат

  • Талгат Нигматулин түндө Шамшиевдин үйүнө атайын келип роль сураган. Бөрү зындан жаш актёрго бир топ атак-даңк алып келген
    © Sputnik / Александр Федоров

    Талгат Нигматулин түндө Шамшиевдин үйүнө атайын келип роль сураган. "Бөрү зындан" жаш актёрго бир топ атак-даңк алып келген

  • Сүймөнкул Чокморов Бөрү зындан фильминде акыркы жолу тартылган. Белгилүү актёр милиционердин образын жаратып, ал жылы катуу ооруп жүргөн
    © Sputnik / Александр Федоров

    Сүймөнкул Чокморов "Бөрү зындан" фильминде акыркы жолу тартылган. Белгилүү актёр милиционердин образын жаратып, ал жылы катуу ооруп жүргөн

  • Өзбекстандагы чөлдөгү суукта кызуу иштеген киночулар: камера кармаган Шамшиев, мушташкан актёрлор
    © Sputnik / Александр Федоров

    Өзбекстандагы чөлдөгү суукта кызуу иштеген киночулар: камера кармаган Шамшиев, "мушташкан" актёрлор

  • Фильмди жаратууда киночулар жашоодо болгон чыныгы окуяларга, адамдардын тагдырына таянган
    © Sputnik / Александр Федоров

    Фильмди жаратууда киночулар жашоодо болгон чыныгы окуяларга, адамдардын тагдырына таянган

  • Мурат Мамбетов Композдун (Композитор) ролунда. Тасмага ошондой эле орус, казак актёрлору катышкан
    © Sputnik / Александр Федоров

    Мурат Мамбетов Композдун (Композитор) ролунда. Тасмага ошондой эле орус, казак актёрлору катышкан

  • Кылмышкердин ролундагы Мурат Мамбетов жана камерасын шыкаалаган Манас Мусаев
    © Sputnik / Александр Федоров

    Кылмышкердин ролундагы Мурат Мамбетов жана камерасын шыкаалаган Манас Мусаев

  • Апийим ташыган аткезчиликтин ана башында турган аталык Бабаханды казак актёру Кенебай Кожабеков ойногон
    © Sputnik / Александр Федоров

    Апийим ташыган аткезчиликтин ана башында турган аталык Бабаханды казак актёру Кенебай Кожабеков ойногон

Белгилер:
Сүрөт, "Бөрү зындан" тасмасы, Болот Шамшиев, режиссер, Кыргызстан
Тема боюнча
Дүйшөн Байдөбөтов 72 жашка толмок. Улуу таланттын сүрөттөгү экинчи өмүрү
Уулунан ажырап Базарбайдан өч алганы келгенде... "Акбаранын көз жашы" сүрөттө
Жамийла, баёо бала, армандуу абышка... Айтматовдун кинодогу каармандары сүрөттө
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

Кыргыз тарап Россияга "Спутник V" вакцинасын өлкө аймагында өндүрүүнү сунуштады

0
(жаңыланган 22:31 23.01.2021)
КРдин Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

БИШКЕК, 23-янв. — Sputnik. Кыргызстан Россияга коронавируска каршы "Спутник V" вакцинасын өлкө аймагында өндүрүүнү сунуш кылды. Бул тууралуу РФтеги элчилик кабарлады.

Кечээ Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

"Сүйлөшүүлөрдүн жүрүшүндө Сагынбаев коронавирустан коргогон "Спутник V" вакцинасын Кыргызстандын аймагында өндүрүүнү уюштуруу мүмкүнчүлүгүн караштырууну сунуштады", — деп айтылат маалыматта.

Мындан тышкары, жеңил өнөр жай ишканаларын өнүктүрүүдө жана өлкөдө өндүрүлгөн чийки заттарды экспорттоодо кызматташтыкты чыңдоо маселелери талкууланган. Тараптар жакынкы жылдары "өнөр жай картасын" иштеп чыгуу келишимине кол коюшкан.

Россия тарап өнөр жай тармагында инвестициялык долбоорлорду ишке ашыруу үчүн Россия-Кыргыз өнүктүрүү фондунун жеңилдетилген насыяларын пайдаланууну сунуштаган.

Мындан сырткары, Россиянын өнөр жай жана соода министри кыргыз тарапты апрель айында Өзбекстанда өтө турган "ИННОПРОМ" эл аралык көргөзмөсүнө катышууга чакырган.

0
Белгилер:
жолугушуу, сунуш, өндүрүүчү, вакцина, коронавирус, Спутник V, Россия, Кыргызстан
Тема:
"Спутник V" вакцинасы
Тема боюнча
"ЭпиВакКоронадан" эмне күтүүгө болот? COVID-19га каршы вакцина тууралуу кеп
Венгрия Россиядан 2 миллион доза "Спутник V" вакцинасын алып жатат. Видео