"Мейкин Азияда" кыргызстандык Адилет Азимов биринчи болуп чыгат

© Ринат МурзаевЭстрадалык аткаруучулардын эл аралык "Мейкин Азия" фестивалын кыргызстандык Адилет Азимов ачты. Архив
Эстрадалык аткаруучулардын эл аралык Мейкин Азия фестивалын кыргызстандык Адилет Азимов ачты. Архив - Sputnik Кыргызстан
Жазылуу
Азимов июнь айынын башында Хакасияда өткөн улуттук ырлардын IV эл аралык "От ыры – 2015" конкурсунун баш байгесин жеңип алган.

БИШКЕК, 23-июль — Sputnik. Эстрада аткаруучуларынын эл аралык "Мейкин Азия" фестивалын кыргызстандык Адилет Азимов ача турганын Маданият, маалымат жана туризм министринин өкүлү Ринат Мурзаев билдирди.

Сариев "Мейкин Азия" фестивалын көрүү үчүн билет сатып алды
Анын айтымында, бүгүн эртең менен фестивалда ат салышуу үчүн келген чет элдик 20 аткаруучу менен бирге кыргызстандык төрт ырчы чүчү кулак кармап, натыйжада Адилет Азимов биринчи номурду сууруп чыккан. 

Азимов июндун башында Хакасия жергесинде өткөн улуттук ырлардын IV эл аралык "От ыры – 2015" конкурсунун баш байгесин жеңип алган.

Фестивалга Кыргызстандын атынан Азимовдон тышкары, Руслан Асанкан уулу, Ак-Мөөр Болотбек кызы жана Аксай Муканбет уулу катышат.

Бүгүн кечки саат сегизде эстрада аткаруучуларынын эл аралык "Мейкин Азия" фестивалынын расмий ачылышы болот. Ысык-Көлдүн "Рух Ордо" комплексинде өтүп жаткан бул маданий иш-чара 25-июлда аяктайт.

Жаңылыктар түрмөгү
0