БИШКЕК, 30-дек. — Sputnik. Кийинки жылы Кувейтте Кыргызстандын маданият күндөрү өтө турганы элчи Жусупбек Шарипов менен аталган мамлекеттин маалымат жана жаштар министри Салман Сабах Аль-Салем Аль-Хамуд Аль-Сабах менен жолугушуусу учурунда белгилүү болду.
Маалыматка ылайык, тараптар Кыргызстандын президенти Алмазбек Атамбаевдин Кувейтке болгон иш сапарынын жемиштүү болгонун белгилеп, анын жыйынтыгы кыргыз-кувейт мамилелерин дагы бир тепкичке жогорулата турганын айтышты.
Мындан тышкары, элчи менен министр 2016-жылы Кувейтте Кыргызстандын жана кыргыз жергесинде Кувейттин маданият күндөрүн өткөрүүнү макулдашты.
