Сүрөтчү. Архив

Кыргызстандын орус сүрөтчүлөрү тууралуу альбом-китеп жарык көрдү

81
Китепте бир нече сүрөтчүнүн иштери сунушталган. Анда Кыргызстандын түштүк аймагындагы көркөм сүрөт өнөрүнүн тарыхы баяндалат.

БИШКЕК, 30-янв. — Sputnik. Кыргызстандын орус сүрөтчүлөрү тууралуу жаңы китеп жарыкка чыкканын Росскызматташуунун КРдагы өкүлчүлүгү билдирди.

"Россия — Кыргызстан. Кыргызстандын түштүгүндөгү орус сүрөтчүлөрдүн тагдыры жана ишмердүүлүгү" деп аталган альбом-китеп тарых илимдеринин кандидаты Антонина Захарованын калемине таандык.

Китепте сүрөтчүлөр Федор Хомяков, Леонтий Горбунов, Валерий Улеевдин биографиялык очерктери жана алардын чыгармалары сунушталат. Муну менен бирге өлкөнүн түштүк аймагында көркөм сүрөт өнөрүнүн тарыхы чагылдырылган.

Жаңы альбом-китеп Росскызматташуунун Кыргызстандагы өкүлчүлүгү тарабынан каржыланды.

81
Белгилер:
сүрөтчү, альбом, китеп, Кыргызстан
Тема боюнча
Россиянын Красноярск шаарында кыргызстандык сүрөтчүнүн жеке көргөзмөсү өтүүдө
Манасчы Саякбай Каралаевге арналган энциклопедия жарык көрөт
Китеп окуп жаткан адамдар. Архив

Ысык-Көлдө китепканачылардын башын бириктирген форум өтүп, мыктысы тандалат

32
Жыл сайын өтүп келген иш-чара быйыл президенттин "Инсандын руханий-адеп-ахлактык өнүгүүсү жана дене тарбиясы жөнүндө" жарлыгынын негизинде өтүп жатат.

БИШКЕК, 19-июн. — Sputnik. Ысык-Көлдүн Булан-Сөгөттү айылында 21-июнь күнү "Жаштардын руханий, адеп-ахлактык өнүгүүсүндө Кыргызстандын коомдук китепканаларынын ролу" аттуу XII форуму башталарын Маданият, маалымат, спорт жана жаштар саясаты министрлиги кабарлады.

"Аврора" санаторийинин конференц-залында болуучу иш-чара быйыл президент Садыр Жапаровдун "Инсандын руханий-адеп-ахлактык өнүгүүсү жана дене тарбиясы жөнүндө" жарыяланган жарлыгынын алкагында өткөрүлмөкчү. Аны Маданият, маалымат, спорт жана жаштар саясаты министрлиги, Алыкул Осмонов атындагы улуттук китепкана, Кыргызстандын Ачык китепканалар ассоциациясы, өкмөттүн Ысык-Көл облусундагы ыйгарым укуктуу өкүлчүлүгү уюштурууда.

"Форумдун негизги максаты — республиканын китепканаларынын жаштарды руханий жана адеп-ахлактык тарбиялоо жаатындагы ишин консолидациялоо, маданий-тарыхый баалуулуктарды кеңири жайылтуу, ошондой эле жаңы технологияларды өнүктүрүү, өлкөнүн китепканаларында электрондук контентти жана маалыматтар базасын түзүү", — деп айтылат маалыматта

Иш-чара 21-22-июнга белгиленген:

1-секция. Китепканалардын ишинин заманбап багыттары. Бул секцияда Кыргызстандын китепканаларынын санариптик дүйнөдөгү жаңы мүмкүнчүлүктөрү, электрондук китепканаларды түзүү үчүн техникалык базаны өнүктүрүү жөнүндөгү маселелер, COVID-19 пандемиясы учурунда окурмандарга онлайн кызмат көрсөтүүлөр каралат.

2-секция. "Балдарга маданий-руханий тарбия берүүнү өнүктүрүү. Форумдун катышуучулары айылдык китепканаларда баланы ѳнүктүрүү борборунун ачылышынын, балдар үчүн кеңири мүмкүнчүлүктөрдү камсыз кылуунун зарылдыгы, балдарды жана алардын кызыкчылыктарын коргоо, руханий, адеп-ахлактык өнүктүрүүдө жана тарбиялоодо китепканалардын ролу жана мааниси, өсүп келе жаткан муунга бош убакытты туура пайдаланууда багыт берүү маселелерин талкуулашат.

Бул форумда Маданият, маалымат, спорт жана жаштар саясаты министрлиги тарабынан мурда "Мыкты китепкана" наамына жарыяланган конкурстун жыйынтыгы боюнча сыйлоо аземи өтөт.

Форумдун алкагында региондордогу 12 китепканага 50 000 сом номиналындагы китептер, анын ичинде облустук, шаардык жана балдар китепканаларына сертификаттар тапшырылат.

Иш-чаранын жыйынтыгы менен Резолюция кабыл алынып, анда жаштарды руханий, адеп-ахлактык жана дене тарбиялык жактан тарбиялоодогу китепканалардын ролу, калк китепканаларын санариптик форматта ѳнүктүрүү программасын ишке ашыруунун жолдору белгиленет.

32
Белгилер:
тарбия, бала, китепкана, Ысык-Көл облусу
Тема боюнча
Манасчы Баянгали Алимжанов үчилтикти бириктирип казак тилинде китеп чыгарды

Орозбек Кутманалиев 11 уул-кызы менен. Үй-бүлөнүн таберик сүрөтү

127
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
КРдин эл артисти, киноактёр Орозбек Кутманалиевдин байбичеси жана уул-кыздары менен түшкөн сүрөт 1985-жылы 8-мартта Фрунзе (азыркы Бишкек) шаарында тартылган
© Фото / из семейного архива Кутманалиевых

КРдин эл артисти, киноактёр Орозбек Кутманалиевдин байбичеси жана уул-кыздары менен түшкөн сүрөт 1985-жылы 8-мартта Фрунзе (азыркы Бишкек) шаарында тартылган.

Биринчи катарда оңдон солду көздөй тун уулу Акматбек, кыздары Чынара, Шайыргүл, Айнура, ортодо Марс, кыздары Бактыгүл менен Динара жана четте Касен турат. Экинчи катарда келини Дамира, кызы Мээрим жана аялы Фатима, ортодо кызы Рахат менен баласы Каныбек. Сол жагында Орозбек Кутманалиев эки небересин эки жагына алып отурат жана алардын четинде келини Замира.

Ошол кезеңди белгилүү актёрдун тун уулу Акматбек Орозбеков мындайча эскерет.

"Бул сүрөт биздин үй-бүлөбүз үчүн аябай баалуу. Анткени сүрөттө атам, апам, алардын эки небереси, биздин 11 бир тууган, менин жана Марстын келинчеги түшкөн. Көпчүлүк учурда биздин мындай толук курам менен чогулушубуз кыйын болчу. Жылына жок дегенде бир жолу жалпы сүрөткө түшкөндүктөн кээде фотограф "көбөйүп менин объективиме батпай баратасыңар" деп калчу. Биз дайыма жаңы жыл майрамынан кийин 1-январда, 8-мартта апабызды куттуктап, 10-майда атамдын туулган күнүнө чогулчубуз. Ата-энебиз жайыл дасторкон эле, үйдөн мейман үзүлчү эмес. Атам бизди кичинекей кезде баланча окуу жайда билим ал, тигил жакта иште, жумушка киргизип коёюн деген жок, өз эркибизге коюп чоңойтту. Ошондуктан биз университет, институттарды өзүбүз тандап, көпчүлүгүбүз аз алдыбызча жогорку билимдүү болуп, ар кыл тармакта эмгектенип келебиз. Азыр апам небере, чөбөрө көрүп биздин сый-урматыбызда", — деди Орозбеков.

Ал эми кызы Динара Кутманалиева атасы жөнүндө буларды кошумчалады.

"Кичинекей кезде көп кабаттуу үйдө кошуналарыбыз арызданышчу экен, атам "эми аларды байлап коеюнбу, балдар ойнойт, ары-бери чуркайт" деп койчу экен. Атам өмүр бою күнү-түнү иштеди. Анткени 11 баланы багыш оңой эмес да. Бизди башкалардан кем кылбай кийиндирип, курсагыбызды тойгузуп окутту. Кудайга шүгүр, атабыз бизди өзүнүн эмгеги, үлгү болгон жүрүм-туруму менен чоңойтту. Мамлекет 1982-жылы үй-бүлөбүзгө шаардан беш бөлмөлүү батир берген. Атам дайыма "балдарым менин бакытым, кыргыздын интеллигенциясынын ичинде 11 бала эч кимде жок. Мен ушул жагынан сыймыктанам" деп айтып калчу. Пенсия курагында неберелерин багып, аларды ээрчитип майрам, мааракелерде жүрчү", — деди Кутманалиева.

Орозбек Кутманалиев биринчи никесинен беш, экинчи жубайынан алты балалуу болгон. Байбичеси менен 35 жыл чогуу жашаган түгөйлөр алты кыз, беш уулду тарбиялап, 40ка жакын небере көрүшкөн.

127
Белгилер:
таберик сүрөт, үй-бүлө, Орозбек Кутманалиев
Тема:
"Таберик сүрөт" — сейрек кездешкен ирмемдер
Тема боюнча
Жусуп Мамай, Айтматов, Баекова, Жакиев. "Манас" мааракесинен таберик сүрөт
Өкмөт үйүнүн алдындагы комбайн, тракторлор. Фрунзедеги таберик сүрөт
"Уулдуу болуп" сүйүнгөн Рыскулов менен Турсунбаева. Баткендеги таберик сүрөт
Бишкектеги түнкү жарыш. Архивдик сүрөт

Бишкекте түнкү жарыш старт алды. Сүрөт

0
(жаңыланган 22:29 19.06.2021)
Башында мелдеште 2000дей кишинин чуркашы күтүлсө, пандемияга байланыштуу 500үн кыскартууну чечишкен.

БИШКЕК, 19-июн. — Sputnik. Бишкекте бүгүн, 19-июнда, Toyboss Night Run 2021 түнкү марафону старт алды.

  • Участники забега Toyboss Night Run 2021 в Бишкеке
    Бишкекте бүгүн, 19-июнда, Toyboss Night Run 2021 түнкү марафону старт алды
    © Sputnik / Эркин Садыков
  • Участники забега Toyboss Night Run 2021 в Бишкеке
    Жарыш Чокон Валиханов көчөсү менен Чүй проспектинин бир бөлүгүндө өтөт
    © Sputnik / Эркин Садыков
  • Участники забега Toyboss Night Run 2021 в Бишкеке
    Башында 2000дей кишинин чуркашы күтүлсө, пандемияга байланыштуу 500үн кыскартууну чечишкен
    © Sputnik / Эркин Садыков
  • Участники забега Toyboss Night Run 2021 в Бишкеке
    Мелдешти Nomad Sport коомдук бирикмеси уюштурууда.
    © Sputnik / Эркин Садыков
1 / 4
© Sputnik / Эркин Садыков
Бишкекте бүгүн, 19-июнда, Toyboss Night Run 2021 түнкү марафону старт алды

Жарыш Чокон Валиханов көчөсү менен Чүй проспектинин бир бөлүгүндө өтөт.

Башында 2000дей кишинин чуркашы күтүлсө, пандемияга байланыштуу 500үн кыскартууну чечишкен.

Мелдешти Nomad Sport коомдук бирикмеси уюштурууда. Баш калаада жарыш үчүнчү ирет өтүүдө.

Белгилей кетчү жагдай, быйылкы жарышта катышуучулардан түшкөн каражаттын бир бөлүгү Кара-Балтадагы Улуттук Кызыл Ай коомунун балдар кризистик борборуна берилет. Аталган жайда эки жаштан 18 жашка чейинки 25 бала жашайт. Алар жетим балдар, мигранттардын балдары жана мүмкүнчүлүгү чектелген балдар болуп саналат.

Спорттук иш-чарада каалоочулар футболка, рюкзак сатып алып же диагностикадан өтүп балдар борборуна жардам бере алышат.

0
Белгилер:
спорт, жарыш, Бишкек
Тема боюнча
Көпкө күттүргөн жарыш. "Жаз деми" марафонунан видео