Финал международного конкурса стартаперов в Барселоне

Кыргызстандык кол өнөрчүлөр "Дүйнөнүн мобилдүү кубогунда" үчүнчү орунду ээлешти

157
(жаңыланган 10:15 25.02.2016)
Биринчи орунду Голландия ээлесе, экинчиликти Египет, ал эми үчүнчү орунду Кыргызстандын "Art Аsian" командасы багынтты.

БИШКЕК, 24-фев. — Sputnik. Барселонада (Испания) өткөн "Дүйнөнүн мобилдүү кубогунда" Кыргызстандан барган "Art Аsian" командасы үчүнчү орунду ээледи. Бул тууралу Sputnik Кыргызстан агенттигине команданын мүчөсү Тимурлан Тураталиев кабарлады.

Анын айтымында, 24-февраль күнү Барселона шаарында сынактын финалдык бөлүгү болуп өттү. Анда 23-февраль күнү 20 өлкөдөн келген команданын ичинен финалга чыккан 11 топ күч сынашты. 

Отечественная команда Art Asian, которая вышла в финал международного конкурса стартаперов в Барселоне (Испания).
Тимурлан Тураталиев
"Дүйнөнүн мобилдүү кубогунда" Кыргызстандан барган "Art Аsian" командасы үчүнчү орунду ээледи

Биринчи орунду Голландия ээлесе, экинчиликти египет, ал эми үчүнчү орунду кыргызстандыктар багынтышты.

Жеңүүчүлөр баалуу белектер менен сыйланышты. 

"Дүйнөнүн мобилдүү кубогу" сынагында ар өлкөдөн келген ишкерлер өз долбоорлорун сунуштап, аны коргоп чыгат.

"Биз "Art Asianдын" командасынын чеберлери тарабынан колго жасалган буюмдарды — улуттук кийим-кечек, зер буюмдарды жана үй жасалгасын көрсөттүк. Долбоордун максаты —Орто Азиянын маданиятын, каада-салтын англис тилдүү колдонуучуларга жайылтуу болуп саналат", — дейт Тураталиев.

Эске сала кетсек Москвада өткөн "Евразиянын мобилдүү кубогун" кыргызстандан барган "Art Аsian" командасы жеңип, Барселонага "Дүйнөнүн мобилдүү кубогуна" жолдомо алган. 

Стартап — англис тилинен которулганда "жандыруу", "баштоо" дегенди түшүндүрөт. Интернет технологиясынын жардамы менен долбоорлорду кеңири жайылтып, бизнес пландарды ишке ашыруу болуп саналат. Ал эми бул топтун мүчөлөрү стартапер деп алат.

157
Белгилер:
стартапер, кол өнөрчүлүк, Барселона, Кыргызстан
Тема боюнча
Кыргызстандык кол өнөрчүлөр Барселонаны багынтууда
Киши пианинодо ойноп жатат. Архив

Бишкектин сквериндеги пианинону кайрадан сындырып кетишти. Видео

143
(жаңыланган 11:40 21.10.2020)
Музыкалык аспапты бир ай мурда дагы сындырып коюшкан. Анда күнөөкөрдү "Бишкек жашыл чарба" ишканасынын кызматкерлери жеринен кармашкан.

БИШКЕК, 21-окт. — Sputnik. Ордо калаадагы "Театралдык" сквериндеги пианинону кайрадан сындырып кетишти. Бул тууралуу "Бишкек жашыл чарба" муниципалдык ишканасынын маалымат катчысы Аида Айдаралиева билдирди.

Анда пианинонун жыгачтары сындырылганын жана баскычтары жакшы иштебей жатканын байкоого болот. Кызматкерлер келгенде музыкалык аспап жерде жаткан.

Бишкек мэриясы башаламандыктын айынан 17 млн. сом чыгым тартты

Эске сала кетсек, бул пианинону бир ай мурда дагы сындырып кетишкен. Аны бүлүндүргөндөр ошол эле жерден "Бишкек жашыл чарба" муниципалдык ишканасынын кызматкерлери тарабынан кармалган. Күнөөкөрлөр жаңысын сатып берүүнү убадалап, кийинчерээк сөзүнө турушкан.

143
Белгилер:
сындыруу, пианино, Бишкек
Тема боюнча
Жомоктогудай токой. Бишкектин жанынан тартылган ажайып 10 сүрөт
Кыздар элекчен менен сүрөткө түшүп жатышат. Архив

Кыргызстанда "Элечек жумалыгы 2020" иш-чарасы башталды

84
Иш-чаранын катышуучулары элечекти Кыргызстандын бир топ аймактарында жана Москва, Абу-Даби шаарларында бир жума башынан түшүрбөй кийип жүрүшмөкчү.

БИШКЕК, 21-окт. — Sputnik. Кыргызстанда "Элечек жумалыгы — 2020" иш-чарасы башталды. Бул тууралуу Sputnik Кыргызстан агенттигине уюштуруучу Айжан Акылбекова билдирди.

Анын айтымында, мындай жумалык үчүнчү ирет өтүп жатат.

"Саамалыктын максаты — салттуу баш кийим болгон элечекти күнүмдүк жашоого киргизүү. Жумалыкка 35 аял катышып жатат. Биз аларга элечек ороп беребиз жана аны ошол бойдон белек кылабыз. Алар салттуу баш кийимди бир жума бою башынан түшүрбөй кийип жүрүшөт", — деди Акылбекова.

Салттуу баш кийимдердин сырлары

Жумалыкка Бишкек шаарынан, Ош облусунун Кара-Суу районунан, Баткен облусунун Лейлек районунан, Ысык-Көл облусунун Каракол шаарынан, Жети-Өгүз районунан, Жалал-Абад облусунун Тогуз-Торо районунан жана Москва, Абу-Даби шаарларынан аялдар катышмакчы.

84
Белгилер:
баш кийим, элечек, иш-чара, жумалык
Тема боюнча
Кыргыз аялынын ич кийиминен сырт кийимине чейин. Көчмөн модасынын сырлары
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот