"Сейде" тасмасы Канн фестивалында ат салышмай болду

© AFP / SEBASTIEN NOGIERКанн фестивалынын желеги. Архив
Канн фестивалынын желеги. Архив - Sputnik Кыргызстан
Жазылуу
Буга чейин аталган сынакка кыргызстандык режиссерлор Нуржамал Дамирдин "Фрунзе" жана Кымбат Адылбекованын "Таксист" кыска метраждуу тасмалары тандалып алынган.

БИШКЕК, 4-апр. — Sputnik. Кыргызстандык режиссер Элнура Осмоналиеванын "Сейде" тасмасы Канн эл аралык кинофестивалынын кыска метраждуу фильмдеринин программасына киргизилди. Бул тууралуу Кинематографты колдоо фондусу билдирүүдө.

"Сүтакка" ыйгарылган "Ника" Кыргызстанга эмки жумада келет
Фестивалдын Short Film Corner секциясы дүйнөнүн булуң-бурчунан кыска метраждуу тасмалардын башын бириктирип, мыктыларын аныктайт. Сынактын жыйынтыгы менен ар кыл сынактардын уюштуруучулары өз форуму үчүн тасмаларды тандап, ал эми бул жаатта соода кылгандар жаңылык жаратуучу кинолорду сатып алууга аракет кылышат.

Буга чейин аталган сынакка кыргызстандык режиссерлор Нуржамал Дамирдин "Фрунзе" жана Кымбат Адылбекованын "Таксист" кыска метраждуу тасмалары тандалып алынган.

Сынак үстүбүздөгү жылдын 11-22-май күндөрүнө белгиленген.

"Сейде" тасмасынын дүйнөлүк премьерасы былтыркы жылдын сентябрь айында Венецияда өткөн эл аралык кинофестивалда тартууланган. Андан кийин АКШнын Санденс шаарында жана Франциянын Клермон-Ферране шаарында өткөн эл аралык фестивалда көрсөтүлгөн.

Жаңылыктар түрмөгү
0