Абдылас Малдыбаев Кыргыз улуттук Опера жана Балет театры. Архив

Атамбаев опера жана балет театрынын эмгек жамаатынын айлыгын көбөйтүүнү тапшырды

53
(жаңыланган 18:03 19.04.2016)
Президент театрды келерки жылы сөзсүз түрдө капиталдык оңдоп-түзөөдөн өткөрүү керектигин айтты.

БИШКЕК, 19-апр. — Sputnik. Президент Алмазбек Атамбаев бүгүн Абдылас Малдыбаев Кыргыз улуттук опера жана балет театрынын эмгек жамааты менен жолукканда алардын айлыгын көтөрүү боюнча өкмөткө тапшырма берди. Бул туурасында мамлекет башчынын маалымат кызматы билдирди.

Президент театрды толугу менен капиталдык оңдоп-түзөөдөн өткөрүүгө кете турган чыгымды келерки жылдын бюджетине киргизүүнү тапшырды.

Өлкө башчы менен жолуккан артисттер театрдагы ийгиликтер менен катар эле күнүмдүк-социалдык чарбалык маселелер бар экенин айтышты. Андан сырткары, оркестрдин музыкалык аспаптарын жаңылоо, репертуарды кайра жандандыруу, жаш кадрларды театрга тартуу туурасында да сөз болду.

Жолугушууга президенттен тышкары вице-премьер Гүлмира Кудайбердиева, маданият, туризм жана маалымат министри Алтынбек Максутов, финансы министри Адылбек Касымалиев катышты.

53
Белгилер:
оркестр, актер, айлык-акы, Абдылас Малдыбаев, Алмазбек Атамбаев
Тема боюнча
Кыдыкеева атындагы жаштар театрынын өрттөнгөн реквизит бөлмөсү калыбына келтирилди
Бишкекте айтуучулук өнөрдүн талуу жери талкууланат
Эстеликтеги гүлдөр. Архив

Эл акыны Гүлсайра Момунова дүйнө салды

82
(жаңыланган 16:57 12.08.2020)
Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн. 1971-жылы Жазуучулар союзунун, 1965-жылдан тарта СССР Журналисттер союзунун мүчөсү болгон.

БИШКЕК, 12-авг. — Sputnik. Кыргыз Республикасынын эл акыны Гүлсайра Момунова оорудан улам каза болгонун жакындары тастыктады. Алардын айтымында, 83 жаштагы акын пневмонияга кабылып, үч күн мурун ооруканадан чыккан.

Алдын ала маалымат боюнча, Момунованын сөөгү 13-август күнү "Ала-Арча" көрүстөнүнө коюлат.

Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн.

1971-жылы Жазуучулар союзунун, 1965-жылдан бери СССР Журналисттер союзунун мүчөсү болгон.

1987-жылы "Кыргыз Республикасынын маданиятына эмгек сиңирген ишмер" наамын алган. 2001-жылы "Эр Манас урпагы" медалы менен сыйланып, 2003-жылы "Түгөлбай Ата" адабий сыйлыгынын лауреаты болгон. 2011-жылы Кыргыз Республикасынын эл акыны наамын алган.

82
Белгилер:
өлүм, оору, акын
Тема боюнча
Экс-министр Жамал Ташыбекова көз жумду
Төкмө акын, КРдин эмгек сиңирген артисти Азамат Болгонбаев . Архив

Азамат Болгонбаев КТРКнын Байкоочу кеңешинен биротоло кетти

61
Төкмө акын мындан ары чыгармачылык менен алектенерин айтып, Байкоочу кеңештеги ишинде колдоо көрсөткөндөргө ыраазычылык билдирген.

БИШКЕК, 12-авг. — Sputnik. Төкмө акын, КРдин эмгек сиңирген артисти Азамат Болгонбаев КТРКнын Байкоочу кеңешинин төрагалык кызматынан кетти. Бул тууралуу ал Facebook баракчасы аркылуу билдирди.

Болгонбаев 2017-жылы КТРКнын Байкоочу кеңешине мүчө, ал эми быйыл февралда төрага болуп шайланган.

"Үч жыл алкагында сунуш, пикир, талаш-тартыш маселе кыйла эле жүрдү, чын дилимден мыйзамда көрсөтүлгөн талап боюнча иш алып барганга аракет кылдым. 11-август күнү Байкоочулук кеңештеги төрагалык жана мүчөлүк укугумду өз каалоом менен токтоттум. Колдон келген иш болду, албетте, колдон келбегени да болду. Колдоо көрсөткөн ар бир инсанга ыраазычылык билдирем", — деген акын.

Болгонбаев мындан ары чыгармачылык менен алектенерин кошумчалады.

61
Белгилер:
акын, кызмат, Азамат Болгонбаев, Байкоочу кеңеш, КТРК
Тема боюнча
Залкар акын Элмирбек Иманалиев атындагы коомдук фонд ачылды
Уйлар. Архив

Ош: күйдүргү чыккан уй эмделбегени үчүн ветеринарлар жазаланды

0
(жаңыланган 18:29 12.08.2020)
Учурда Ош облустук ооруканасында күйдүргүгө шектелип жети киши жатат, ал эми бир адамдан илдет тастыкталган. Оору очогу болгон айыл карантинде.

БИШКЕК, 12-авг. — Sputnik. Кара-Суу районуна караштуу Папан айыл өкмөтүнүн Тогуз-Булак айылында союлган уйдан күйдүргү тараганына байланыштуу эки тарап жазаланды. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, ооруга себепкер болгон уй убагында эмделбегени үчүн Кара-Суу районунун Беш-Мойнок ветеринардык сервисине айып тагылды. Себеби уй ошол жакта багылган, ал эми Тогуз-Булак айылына жай мезгилинде убактылуу алып келинип, малчылар карап жаткан. Ошондой эле аны сойгон кишиге дагы айып салынган.

"Малды убагында эмдеп турушу керек болчу, бирок бул иш аткарылган эмес. Учурда ошол оорулуу уйдун эти чогултулуп, териси, кыгы эпидемиологдордун көрсөтмөсү боюнча көмүлдү. Эки миңден ашуун мал жандык күйдүргү оорусуна каршы эмделди", — деди Мияшев.

Тогузбаева: шарп, кутурма, күйдүргү — адам өмүрү үчүн да кооптуу

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган.

Учурда оорунун очогундагы тургундардын күн сайын дене табы өлчөнүп, медициналык байкоо жүргүзүлүп жатат. Ал эми уйдун этин жеген 288 кишиге ооруну алдын алуу үчүн атайын дары-дармектер берилүүдө.

Ошондой эле илдет чыгышы мүмкүн деген жерлер дезинфекцияланып жатат.

 

0
Белгилер:
уй, эмдөө, оору, ветеринария, күйдүргү, Тогуз-Булак, Кара-Суу району, Ош облусу
Тема боюнча
Оштун Кара-Суусунда сегиз киши күйдүргүгө шектелип ооруканага түштү
Күйдүргү: Кара-Суунун Тогуз-Булак айылына карантин киргизилди