Бишкек мэриясынын имараты. Архив

Бишкек мэриясынын оркестри Казакстанда өткөн сынакта баш байгени жеңип алды

45
(жаңыланган 19:32 28.04.2016)
Фестивалдын алкагында дирижёрлордун парады да өткөрүлгөн. Эң мыкты дирижёр деп кыргызстандык Бакыт Тилегенов таанылды.

БИШКЕК, 28-апр. — Sputnik. Бишкек мэриясынын элдик оркестри Казакстандагы Актөбө шаарында өткөн эл аралык оркестрлер сынагында баш байгени жеңип алды. Бул тууралуу Бишкек мэриясынын маалымат кызматы билдирди. 

Ага ылайык, 22-23-апрелде өткөрүлгөн сынакта Кыргызстан, Казакстан, Түркия, Башкыртстан жана Татарстандан барган 12 оркестр катышкан. 

Кыргызстандын атынан барган Бишкек мэриясынын элдик оркестри өлкөнүн эл артисти Бакыт Тилегеновдун жетектөөсү менен сынакка катышкан. 

Фестивалдын алкагында дирижёрлордун парады да өткөрүлгөн. Анда ар бир маэстро мастер-класстарды көрсөткөн. Эң мыкты дирижёр деп кыргызстандык Бакыт Тилегенов табылды. 

Ал эми Бишкек мэриясынын элдик оркестри тарыхта биринчи ирет баш байге менен кайтты.

45
Белгилер:
дирижёр, оркестр, баш байге, сынак, Казакстан
Тема боюнча
Улуттук филармония ретро-концерт тартуулайт
"Эл ырчысы Эстебес" тобу концертке чакырат