Эстрада ырчысы Каныкей. Архив

Ырчы Каныкей: мен эксперименттерди жасай турчу курактан өттүм

1988
(жаңыланган 12:16 01.05.2016)
Ырчы Каныкей кыргыз шоу-бизнесинде өзгөчө үнү, кийинүү стили менен таанымал. Мындан эки жыл мурун турмуш жолуна аттанган соң, убактысын үй-бүлөсүнө бөлүп чоң сахнадан алыстап кеткен.

Бир нече убакыт коомчулуктун көзүнө көрүнбөй калган ырчы Каныкей чыгармачылыкка кайтуу ниети бар экенин айтты. Өзүнүн ырдоо манерасы жана стили менен башкалардан айырмаланган ырчы эл алдына кандай болуп чыгары тууралуу ой бөлүштү.

— Сахнага кандай максаттар менен чыгууга бел байладыңыз?

— Турмушка чыккандан кийин бир канча убакыт үй-бүлөлүк шартка байланыштуу тыныгууда болдум. Менден дайыма "каяктасыңар, качан ырдап чыгасыңар?" деп көп сурашат. Анан угармандарымдын мени чын жүрөктөн уккулары келип жатканын байкадым. Ошол себептен элдин өтүнүчүн аткаруу максатында көпчүлүктүн табитине жаккан жакшы ырларды жаздырып жатам. Жаңылыктар сөзсүз болот.

Кыргызстанская эстрадная певица Каныкей. Архивное фото
предоставлено Chapan Studio
Эстрада ырчысы Каныкей

Ар бир эле нерсенин өз мезгили бар, ошол эле учурда чыгармачылык да, үй-бүлө өз нугу менен кетиш керек. Бала деген — бакыт экен. Мен жашоодо маанилүү бир нерсени түшүндүм. Эгерде алдымда үй-бүлө же сахна деген тандоо турса, мен албетте үй-бүлөнү тандамакмын.

— Үн сиздики болсо, ийгиликти багындырууда команданын да ролу маанилүү болчу. Бул жагын кандай карап жатасыз?

— Албетте жалгыз эле иштейм. Команданын жоон тобу менен жүргөн мезгилден өттүм деп ойлойм. Алдыга жакшы максаттарды коюп, эл үчүн ырдай берем. 

— Ырдоо, кийинүү стилиңиз өзгөрөбү?

— Ырдоо стилим ошол эле этно-рок боюнча кала берет. Кийинүү жагынан мурун жаш кыз элем. Стиль боюнча түрдүү эксперименттерге даяр болчумун. Азыр мен бирөөнүн жары, бир уулдун энесимин. Форма жагынан да бир аз өзгөрдүм. Бирок такыр эле сахнага өзгөрүүсүз чыкпайм. Кантсе да чыгармачылык — кыйыр жол. Ага изденүү жана убакыт керек. 

— Ырлардын сөзүн өзүңүз жазып жүрөсүз. Башка акындардын ырын ырдап чыгуу оюңузда жокпу?

— Мыкты акындардын калеминен чыккан ырларды ырдасам болмоктур. Бирок башында команда менен иштешип, өзүм ыр жазгандыктан башка ырларга муктаждык жок эле. Баары алдыда, бул жагын убакыт көрсөтөт.

— Буга чейин Кыргызстанда шоу-бизнес жок деп айтканыңыз бар. Азыр деле ошол ойдон кайта элексизби?

— Катуу сынга алгым келбейт. Менимче Кыргызстанда шоу-бизнес жок. Албетте таасирлүү адамдар бар, аздап болсо да жылыштар болуп жатат. Мен ар дайым айланага байкоо жүргүзөм. Маселен коңшу Казакстанда концептуалдуу группалар бар, ал жакта чындыгында шоу-бизнес бардай сезилет.

Алсак, бизде кино искуссвосунун гүлдөп өнүгүшү деп Сабира Күмүшалиева, Муратбек Рыскуловдордун убагындагы элиталарды айтаар элем. Азыр мен ошол ири жылышты көрбөй жатам. Мен, мисалы, кыргыздын айрым кинолорун көргөндөн уялам. Ар бир кесип ардактуу. Аны биринчиден окуп үйрөнүп, анан жүзөгө ашыруу туура деп ойлойм. 

— Демек шоу-бизнесте билим жетишпейт?

— Албетте бардык чөйрөдө билим жетишпейт. Кесипти баалай билиш керек. Ар бир нерсе боюнча билим алып, тажрыйба топтоо зарыл. Ырчысыңбы — нотаны, актерсуңбу —түрдүү этюддарды жасай билүү кажет.

Кыргызстанская эстрадная певица Каныкей. Архивное фото
предоставлено Chapan Studio
Эстрада ырчысы Каныкей

— Тойлордо чанда ырдайсыз. Шайлоо учурунда да кайсы бир партиядан көрө алган жокпуз?

— Мен жашоодо талкуулабай турган эки нерсе бар — бул дин жана саясат. Саясат бул орой айтканда "аман эле болсун". Мен мактаганды жактыра бербейм, саясатты андан бетер. Ырдаган жокмун дебейм, анын да өз себептери бар. Тойлордо ырдайм. Болгону өнөрүмдү бекерге, же майда тыйынга баалабайм.

— Ийгилик сырыңыз деп эмнени түшүнсөк болот?

— Ийгилик — бул кудайдын буйругу. Экинчиден, талыкпас ак эмгек жасасаң, үзүрүн көрөсүң. Мен дайыма жакшы нерседен үмүт кылам. Жаштыгымда чоң күч жумшап, адал эмгек кылдым. Анан ак жана так жүрүш керек деп ойлойм.

— Бош убактыңызды кантип өткөрөсүз? 

— Бош убактым деле болбойт. Болгонун уулум Алимге жумшайм. Бала кароо да чоң жоопкерчилик. Буюрса бизде баары жакшы. Алты айга толдук.

1988
Белгилер:
шоу-бизнес, ырчы, Каныкей
Тема боюнча
Кыргызстандык ырчы Анастасия Лимарева Кытайдагы "Добуш" сынагынын тандоо турунан өттү
Жаш акындар Таттыбүбүнү даңазалашты
Эстеликтеги гүлдөр. Архив

Эл акыны Гүлсайра Момунова дүйнө салды

59
(жаңыланган 16:57 12.08.2020)
Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн. 1971-жылы Жазуучулар союзунун, 1965-жылдан тарта СССР Журналисттер союзунун мүчөсү болгон.

БИШКЕК, 12-авг. — Sputnik. Кыргыз Республикасынын эл акыны Гүлсайра Момунова оорудан улам каза болгонун жакындары тастыктады. Алардын айтымында, 83 жаштагы акын пневмонияга кабылып, үч күн мурун ооруканадан чыккан.

Алдын ала маалымат боюнча, Момунованын сөөгү 13-август күнү "Ала-Арча" көрүстөнүнө коюлат.

Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн.

1971-жылы Жазуучулар союзунун, 1965-жылдан бери СССР Журналисттер союзунун мүчөсү болгон.

1987-жылы "Кыргыз Республикасынын маданиятына эмгек сиңирген ишмер" наамын алган. 2001-жылы "Эр Манас урпагы" медалы менен сыйланып, 2003-жылы "Түгөлбай Ата" адабий сыйлыгынын лауреаты болгон. 2011-жылы Кыргыз Республикасынын эл акыны наамын алган.

59
Белгилер:
өлүм, оору, акын
Тема боюнча
Экс-министр Жамал Ташыбекова көз жумду
Төкмө акын, КРдин эмгек сиңирген артисти Азамат Болгонбаев . Архив

Азамат Болгонбаев КТРКнын Байкоочу кеңешинен биротоло кетти

48
Төкмө акын мындан ары чыгармачылык менен алектенерин айтып, Байкоочу кеңештеги ишинде колдоо көрсөткөндөргө ыраазычылык билдирген.

БИШКЕК, 12-авг. — Sputnik. Төкмө акын, КРдин эмгек сиңирген артисти Азамат Болгонбаев КТРКнын Байкоочу кеңешинин төрагалык кызматынан кетти. Бул тууралуу ал Facebook баракчасы аркылуу билдирди.

Болгонбаев 2017-жылы КТРКнын Байкоочу кеңешине мүчө, ал эми быйыл февралда төрага болуп шайланган.

"Үч жыл алкагында сунуш, пикир, талаш-тартыш маселе кыйла эле жүрдү, чын дилимден мыйзамда көрсөтүлгөн талап боюнча иш алып барганга аракет кылдым. 11-август күнү Байкоочулук кеңештеги төрагалык жана мүчөлүк укугумду өз каалоом менен токтоттум. Колдон келген иш болду, албетте, колдон келбегени да болду. Колдоо көрсөткөн ар бир инсанга ыраазычылык билдирем", — деген акын.

Болгонбаев мындан ары чыгармачылык менен алектенерин кошумчалады.

48
Белгилер:
акын, кызмат, Азамат Болгонбаев, Байкоочу кеңеш, КТРК
Тема боюнча
Залкар акын Элмирбек Иманалиев атындагы коомдук фонд ачылды
Хакасияда болгон жол кырсыгы

Эс алам деп... Хакасиядагы жол кырсыгында кыргызстандык жигиттер каза болду

0
(жаңыланган 17:02 12.08.2020)
Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

БИШКЕК, 12-авг. — Sputnik. Хакасияда беш кыргызстандык жол кырсыгына кабылып, экөө көз жумду. Бул тууралуу аймак боюнча Жол кыймылы коопсуздугун камсыздоо башкармалыгынын "ВКонтакте" тармагындагы баракчасына жарыяланды.

  • На месте ДТП с кыргызстанцами в Хакасии
    Хакасияда беш кыргызстандык жол кырсыгына кабылып, экөө көз жумду
    © Фото / УГИБДД Хакасии
  • На месте ДТП с кыргызстанцами в Хакасии
    Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.
    © Фото / УГИБДД Хакасии
1 / 2
© Фото / УГИБДД Хакасии
Хакасияда беш кыргызстандык жол кырсыгына кабылып, экөө көз жумду

Маалыматка караганда, кыргызстандыктар Красноярск крайынан көлгө түшүп, эс алуу үчүн барышкан. Кырсык 11-август күнү саат 13:50дө Ачинск — Ужур — Шира — Троицкое автожолунун 232-чакырымында болгон.

Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

"Кесепетинде арткы орундуктагы эки киши көз жумган. Айдоочу менен 24 жана 20 жаштагы эки жигитке медициналык жардам көрсөтүлдү. Бирок алар ооруканага жаткан жок", — деп айтылат кабарда.

Машина талкаланган. Бишкектин четиндеги үрөй учурган кырсыктын видеосу

Кырсыктын чоо-жайы иликтенип жатат.

0
Белгилер:
өлүм, жол кырсык, Хакасия, Россия
Тема боюнча
Бетме-бет сүзүшкөн. Көлдөгү жол кырсыктын чоо-жайы