Кара-суу көлү. Архив

Россиядагы ири телеканал июнда Кыргызстан туурасында фильм көрсөтөт

181
(жаңыланган 14:04 24.05.2016)
Тасма Ысык-Көлдүн жээгинде жана өлкөнүн бир нече дубандарында тартылган.

БИШКЕК, 24-май — Sputnik. Россиядагы ири телеканалдардын бири болгон "Живая Планета" Кыргызстан тууралуу фильм тартты деп алып баруучу Константин Бышевой Sputnik Кыргызстан агенттигине билдирди.

Тасма тарткан чыгармачыл топ Кыргызстанда болуп, өлкөнүн жан-жаныбарлары, кайталангыс табигаты жөнүндө толук метраждуу фильм тартты.

Аталган каналдын алып баруучусу Бышевойдун айтымында, фильмди тартуу иштери бүттү.

"Facebook социалдык тармагындагы баракчам иш сапардын жыйынтыгы боюнча жазууларга толуп кетти. Чолпон-Атада, Караколдо болуп, Ысык-Көлдүн, Жети-Өгүздүн, андан сырткары түштүк жээктин кереметтүү жаратылышын тарттык",— деген ал.

Бышевой андан сырткары өлкөнүн түндүк аймактарында болгондугун, ал кийинки ирет түштүк борборго сапар алышаарын кошумчалады.

Мекенибиздин жаратылышына суктанган теле алып баруучу, башкаларды Кыргызстанга келип, кереметтүү жаратылышты өз көздөрү менен көрүп кетүүгө чакырган.

"Жакында Кыргызстан Швейцарияга, Түндүк Италияга же Жаңы Зеландияга айланат. Буга бардык өбөлгөлөр бар экен — туристтик бизнес өнүгүп, дүйнөлүк деңгээлдеги мейманканалар курулат. Баары Анд жана Альпы тоолорундай болот. Жаратылыш эми бир укмуш",— деп жазган ал Facebook баракчасына.

Бышевой Кыргызстандын жаратылышы туурасындагы толук метраждуу тасма 52 мүнөткө созулуп, россиялык телеканалдын көрүүчүлөрүнө таанып-билүүчүлүк максатта сунуштала тургандыгын кошумчалады.

181
Белгилер:
жаратылыш, телеканал, Россия
Тема боюнча
Астронавт космостон түнкү Кыргызстанды сүрөткө тартып алды
Күнөстүү Кыргызстан. "Ала-Арча" мамлекеттик жаратылыш паркынын асмандан көрүнүшү
Драматург Султан Раев. Архивдик сүрөт

Душманын баалай билген киши гана жоону жеңет. Султан Раевдин кеп казынасы

160
(жаңыланган 17:02 14.07.2020)
Султан Раев 1958-жылы 13-июлда  Ош облусундагы Кара-Суу районунун Жоош айылында жарык дүйнөгө келген.

62 жашка чыккан жазуучу жана драматург Султан Раевдин чыгармаларын барактап, элге нуска болчу сөздөрүн чогулттук.

Болочоктогу белгилүү калемгер элеттеги мектепти аяктагандан кийин Москвага барып Бүткүл союздук мамлекеттик кинематография институтуна тапшыра албай калат. Андан соң аскер кызматын өтөп, 1984-жылы Кыргыз мамлекеттик улуттук университеттин журналистика факультетин аяктаган.

Айылга кат. Султан Палвандын айылына болгон сагынычы

Жаш талант эмгек жолун "Ленинчил жаш" гезитинин кабарчылыгынан баштап, кийин "Кыргызстан маданияты", "Жаштык жарчысы", "Кыргыз Руху", "Асаба" басылмаларында иштеген. 1994-жылы АКШнын Канзас университетинин журналистика факультетинде стажировкадан өтүп, 2004-2005-жылдары "Эркин Европа" жана "Азаттык" радиосунун саясий баяндамачысы катары эмгектенген.

Токтогул атындагы мамлекеттик сыйлыгынын лауреаты "Жанжаза", "Топон" романы, "Күн кармаган бала", "Чаң жол" китептеринин автору. Ал чыгармалар орус, украин, француз, кытай тилине да которулган. Ал эми "Кашар", "Оо, кыздар", "Суфлер", "Тайамам" спектаклдери менен "Маң", "Ханышанын көз жашы", "Барсбек", "Илек-илек", "Таажы" драмалары жергиликтүү жана чет элдик театрларда коюлуп келет.

Бас гитара чертип, Beatles ырларын аткарган Султан Раев. Драматург тууралуу 7 факты

***

Адам эң оболу өзүн-өзү акылы менен аңдап билмейин, Кудайдын улуулугун аңдап биле албайт.

***

Адам даңкты эмес, даңк адамды ээрчиш керек.

***

Түбөлүктүүнү убактылуу менен алмаштыра албайсың.

***

Чыныгы жоокер өз душманын баалай билиши керек. Душманын баалай билген адам гана душманын жеңе алат.

***

Уңгу сөз улууга жарашат...

***

Кыргыз, кыргыз, кыргыз, кыргыз
…………………………………………………….. чылык

Койнуңа бир кумалак кирип алган!..
Күндү Сен күрөк менен дүйнөнүн очогуна салып салдың…

Күйүттү өлүм эңсейт, кыпкызыл чоктуу дүйнө чок болуп турат мына…
Адамды отко салып, адамды чоктон алып…

***

Биз каалайбызбы же каалабайбызбы бу дүйнөдө эки адам гана түбөлүктүү деп келишет: гений менен тиран деп. Булардын артынан: генийден акыл казына, тирандан аккан кан калган.

***

Мезгил бизди балалык доордон канча алыстаткан сайын, балалык мезгил мага барган сайын улуу жомоктой сезиле берет...

***

Чыгармачылык убакытка да, мезгилге да, шартка да, кызмат абалга да баш ийбеген өзгөчө стихия, жан дүйнөнүн жанар тоосу.

***

Раевдин "Жанжаза" романы жөнүндө 7 факты. Каркылдаган каргалар илхам берип…

– Мага өлбөстүн дарысын жасап бер, менин түбөлүк жашагым келет, – деди Чынгыс хан айтар кебин маалкатпай.
– Түбөлүк жашоонун дабасы бар, а бирок дарысы жок!.. – деди аалым.

– Дабасы эмне?.. – деди Чынгыс хан.
– Жашоонун маңызы... – деди Аалым.

– Анын маңызы эмнеде?
– Адамдын адам бойдон калышында, – деди аалым.

– Ушу элеби?! – Сиркеси суу көтөрбөй ызырына түштү Чынгыс хан.

***

Адамдык өмүрдүн узак-узак жолдору да анын чаң жолдорунан башталат.

160
Белгилер:
кеп казына, Султан Раев, жазуучу, Кыргызстан
Тема боюнча
Азаматтар кулаганда бийиктен, аял керек мээр чөбүн ийиткен. Эрнис Турсуновдун нускасы
Арсыздар арды кеп кылып, ар-намысты сапырды! Элмирбек Иманалиевдин нускасы
Катыны бузуктун акылы бузук. Манасчы Рысбай Исаковдун учкул сөздөрү
Көйкашка коомдук бирикмесинин мүчөсү, манасчы Нурбек Талантбеков

Талантбеков: "Манас" эпосунда тиш чукугучтун аталышы бар

410
(жаңыланган 12:45 13.07.2020)
"Көйкашка" коомдук бирикмесинин мүчөсү, манасчы Нурбек Талантбеков күнүмдүк турмушта кыргыз тилин жакшы билгендер 500-600, ал эми билбегендер 200-300 сөз колдоно турганын айтты.
Талантбеков: "Манас" эпосунда тиш чукугучтун аталышы бар

Тиш чукугуч "Манас" эпосунда "данданкү" деп аталат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Анын айтымында, бул сөз айрым жерлерде "данданкү", башка булактарда "дандакүү" деп дагы кездешет.

Талантбеков: "Манас" эпосунда тырмак алгыч "тырабдал" деп айтылат

"Күнүмдүк турмушта колдонулган буюмдардын арасында "зубочистка" же болбосо эки сөз, төрт муундан турган "тиш чукугуч" деген бар. А чынында бул сөз "Манаста" "данданкү" деп колдонула турганы маалым. Ала турган болсок, эпосто дасторкондо тамак-аштын түрү, нандын эле 90 түрү бар экени сүрөттөлөт. Ала-Тоодой эт кылып, Ала-Көлдөй чык кылып, адамдын көөнү, пейили толуп турганы сүрөттөлөт. Тиш чукугуч ошол доордо дагы бүгүнкүдөй атайын идишке топтолуп турчу экен. Мына ошону көргөн Манас атабыздын "данданкү мынча, эт канча?" дегени бар. Бул жерден тиш чукугучуң эле мынча болсо, этиң канча деген тамаша сөздү түшүнөбүз", — деди Талантбеков.

Ошондой эле ал күнүмдүк турмушта ушундай көөнө сөздөрдү колдонуу тилдин байышына алып келе турганын кошумчалады.

410
Белгилер:
тиш, сөз, Манас эпосу
Тема боюнча
Талантбеков: "Манас" эпосунда чачтарач, сулуулук салонду "сүзгөр" дейт
Ооруканадагы рентген аппаратурасы. Архив

Аймактагы ооруканалар миллиондогон сомго тендер жарыялай баштады

0
(жаңыланган 08:32 15.07.2020)
Медициналык мекемелер дары-дармек, жеке коргонуучу каражаттарды жана жабдуу алуу үчүн Мамлекеттик сатып алуулар порталына буюртмаларын чыгарды.

БИШКЕК, 15-июл. — Sputnik. Өлкө аймагындагы ооруканалар коронавируска каршы күрөшүү үчүн бир катар тендер жарыялашты. Бул тууралуу маалымат Мамлекеттик сатып алуулар порталына чыкты.

Ага ылайык, Ош аймак аралык бириктирилген клиникалык ооруканасы 7 миллион 811 миң 200 сомго эндоскопия жана эндохирургия үчүн аппаратура, тогуз миллионго рентген, үч миллионго операциялык стол алат.

Боронов: Ирандан учак менен дары алып келебиз, бир-эки күндө тартыштык жоюлат

Нарын райондук үй-бүлөлүк медицина борбору 11 миллион 446 миңге дары-дармек, жеке коргонуучу каражаттарга буюртма берүүдө.

Жалал-Абад облустук үй-бүлөлүк медицина борбору 2 миллион 136 миң 852 сомго коргоо каражаттарын ала турган болсо, Ноокат аймактык ооруканасы 7 миллион 373 миң 537 сомго дары, реактив сатып алуу ниетин билдирген.

0
Белгилер:
тендер, оорукана, медицина, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков: Кыргызстанда дары-дармек өндүрүү жолдору каралууда
Өкмөт: кычкылтек концентраторунун маселеси чечилди, саны жетиштүү