Крымдагы "Жаңы толкун" сынагында КРден 11 жашар Вероника Инкико катышууда

© Sputnik / Жоомарт УраимовБалдардын "Жаңы толкун" эл аралык музыкалык сынагынын интернет баракчасынан тартылган кадр. Инкико Вероника
Балдардын Жаңы толкун эл аралык музыкалык сынагынын интернет баракчасынан тартылган кадр. Инкико Вероника - Sputnik Кыргызстан
Жазылуу
Инкико эстрада ырчысы Гүлнара Тойгонбаева жетектеген "Күлүп кой" вокалдык студиясынын окуучусу жана ырчы "Кg-Тай" балдар музыкалык теледолбоорунун катышуучусу.

БИШКЕК, 12-авг. — Sputnik. 11 жаштагы Кыргызстандык Вероника Инкико Россиянын Крым аймагында өтүп жаткан балдардын "Жаңы толкун" эл аралык музыкалык сынагына катышып жатат. Бул туурасында кыргызстандык эстрада ырчысы Гүлнара Тойгонбаева маалымдады.

Кыргызстанды өргө тарткан балакайлар
Таланттуу балдардын жарышы атактуу "Артек" лагеринде өтүүдө. Быйылкы сынакка ат салышууга Кыргызстан, Румыния, Россия, Украина, Мальта, Түштүк Корея, Грузия, Беларуссия, Армения, Латвия өлкөлөрүнөн 15 балдар-кыздар катышып жатат.

Инкико сынактын биринчи күнү британиялык ырчы Jessie J аткарган "Who's Laughing Now" аттуу ырды эл алдына алып чыкты. Ал эми бүгүн "Сенсация " аттуу чыгарманы ырдады. Кечинде конкурстун жыйынтыгы чыгып, ал гала-концерт менен аяктайт.

"Бүгүн Вероника диапазону кенен чыгарманы ырдап чыгат. Ырды аткаруу абдан кыйын",— деди ырчы Тойгонбаева.

"Жаш Канаттын" бийчилери эл аралык фестивалда баш байгени жеңип алды
Инкико эстрада ырчысы Гүлнара Тойгонбаева жетектеген "Күлүп кой" вокалдык студиясынын окуучусу жана ырчы "Кg-Тай" балдар музыкалык теледолбоорунун катышуучусу. Бишкектеги "Cambridge Silk Road International School" мектебинин 7-классынын окуучусу.

Балдардын талантын баалаган калыстар тобунун башында россиялык композитор Игорь Крутой турат, курамында белгилүү ырчылар Лев Лещенко, Филипп Киркоров бар.

Аталган сынакты атактуу Игорь Крутой өзү негиздеген.

Жаңылыктар түрмөгү
0