Актер Камчы Сарыбаев. Архив

Камчы Сарыбаев: кызымдын жентек тоюна Айсулуу Тыныбекова келет деп турам

2722
(жаңыланган 12:37 23.08.2016)
Мүнөзү чарт-чурт этип заматта бороон-чапкын болуп, кайра бат эле жазыла түшкөн, кыргыз элинин сүймөнчүгүнө айланып киного көрк кошкон актер Камчы Сарыбаев менен журналист Гүлдана Талантбекова маектешти.

Камчы мырза менен филармония жакта сейилдеп маектештик. Көргөн-билген кишинин баары эле жанына тура калып селфи кылып жатышты. 

— Камчы байке жакында эле кырк жылкылуу болдуңуз, бешик боо бек болсун! Үйдөн киши үзүлбөй жатса керек?

— Ырахмат. Мен азыр чалгандын баарына эле "жентек той берип кафеге чакырам, ошондо келгиле, ага чейин келбей тургула" деп жатам. Кыргыз өзү үч миллион болсо анын эки миллиону эле менин урук-тууган, дос-теңтушум экен. Анын ичинде менин сүйгөн спортчум Айсулуу Тыныбекова бар. Утулганда ыйлап жибербедимби… Эгер мамлекет болбосо деле спорт комитети зал куруп берүү максатында концерт уюштурса, биз, чыгармачыл чөйрө жапа тырмак киришип бекер ырдап, өнөр тартуулап бермекпиз. 

— Анан Айсулууну тойго чакырам деп камынып жатасыз…

— Мен ал кагылайын менен азыр байланыша элекмин. Бирок тааныштыгыбыз бар. Жанагы индус кыз менен күрөшкөндө "алтыным ай, алтыным" деп кагылып-согулуп ийдим. Эми эч нерсе эмес. Биз кыргыздар ушинтип отуруп такшалабыз. 

Актер и ведущий Камчы Сарыбаев.
© Sputnik / Табылды Кадырбеков
Камчы Сарыбаев: жанагы индус кыз менен Айсулуу Тыныбекова күрөшкөндө "алтыным ай, алтыным" деп кагылып-согулуп ийдим

— Өткөндө социалдык тармактардан кызыма ат коюшуп койгула деп жардам сурап жүрдүңүз эле. Кайсыл ысым буюрду?

— Буга чейин Барсбек жана Жанболот деген уулдарыбыз бар эле. Кызымдын атын көп жерден издештирдим. Акыры жубайым, апам үчөөбүз кеңешип туруп Асылзат деген ысымды ыйгардык.

— Биз азыр филармонияны бойлой сейилдеп жүрөбүз. Айлананын көбү студенттер да. Сиз дагы шаарга жаңы келип, окууга тапшырган учурларыңызды эстей кетсеңиз?

— Борборго жаңы келгенде адашканым эсимде. Анан дем алыш күндөрү атайын кооз жерлерди көрөйүн деп троллейбустарга түшчүмүн. "Ала-Тоо" аянтында басып жүрүш мен үчүн чоң сыймык эле. Ал жакты Кыргызстандагы маданий борбордун туу чокусу катары көрчүмүн. Азыр бул жакта ар ким каалаганын кылып, жерди сыйлоо деген жок. Кээде түкүрүнгөндөрдү көрүп калсам "алтыным, бул кылганың туура эмес" деп күлүп айтсам кээ бирөө туура кабыл алат, айрымдары "ээ байке, өзүңдү билип алчы" деп жаман көрөт. Мен 8-класс кезимде ата-энем Суворов атындагы аскердик окуу жайга тапшыртып коюшту. Ага чейин үчүнчү классымда биринчи жолу борборго келип Шубин атындагы хореографиялык училищеге балет жагына өтпөй калгам. 

— Балетке дейсизби?!

— Мен окуу жайга үй-бүлөм, чоң байкелерим менен баргам. Алардын баары сөөк-саактуу, толмочунан келген немелер да. Бий жетекчисинин жүрөгү түшүп калса керек, "балаңар кийин толуп кетет" деп албай коюшкан. Ошентип Суворовду да толук бүткөн жокмун. Мүшөккө шибеге катсаң кайра эле чыгып калат экен. Өзүм каалаган Искусство институтунун актерлук бөлүмүн тандап кеттим. Ал жакты бүтүп Чүй театрында үч жыл иштегенден соң кыргыз драма театрына которулдум.

— Башка актерлордон жеке артыкчылыгым, өзгөчөлүгүм бар деп деп ойлойсузбу?

— Ар бир адам өзүнчө индивид сыяктуу эле ар бир актер кайталангыс. Мен мисалы Мукамбет Токтобаев, Советбек Жумадылов, Болот Бейшеналиевдер менен иштешип калдым. Карап отурсаң ошо залкарлардын баары өзүнчө бир кулк-мүнөзгө, көз карашка ээ. Жадагалса бир үй-бүлөдө төрөлгөн үч баланын үч башка кыялы болот экен. Менин өзгөчүгүмдү айта албайм. Мага билинбейт, бирок бар болсо керек.

— Кино жана театр жаатында актер турган турпаты түзүлгөн кырдаалга жараша күлкү же кайгы жаратат деп айтышат? Сизде бул жагы кандай?

— Актер кырдаалды өзү түзөт. Кагазда жазылып турган сөзгө образ берүү сенин колуңда. Ошол турган турпатың менен ички дүйнөңдү айкалыштырганда элге жеткиликтүү ойду бере аласың. Азыр кээ бир ырчылардын клиптерин карасаң ыйлап жаткан жерине глицеринден агызып коюшат. Болбосо көзүнүн ичинде эч кандай образ жок. Ошондо аттиң, ырчыларда бир аз актерлук жөндөм болгондо дейсиң. Үч мүнөттүк ырдын тарыхын бериш үчүн актерлук боюнча сабак алуу керек деп ойлойм. Адамдагы жест-мимиканын баары сүйлөйт. Аны иштетип туруш керек. 

— Бир ролго сиңип калуудан коркпойсузбу? Сизди көбүнчө боорукер, тамашакөй каармандын образынан көрөбүз дегеним да…

— Театрда менин трагедия ойногон спектаклдерим бар. Кинодо болсо режиссерлорго барып бир трагедия бергилечи, мен керек болсо зөөкүрмүн десем "жок сенин көздөрүң боорукер" деп коюшат. Мен трагедияны ойногонго дараметим жетет. Болгону бул эл менен режиссерлордун каалоосу жана тандоосу болушу мүмкүн. Милиция же жеңил ойлуу мырзалар болсо Аскат Сулаймановду, зөөкүр десе эле Назым Меңдибаировду, боорукер, тамашөкөй мырза болсо эле мени чакырышат. Ошол эле учурда Аскат менен Назым комедияны, мен трагедияны ойной алам. 

Актер и ведущий Камчы Сарыбаев.
© Sputnik / Табылды Кадырбеков
Камчы Сарыбаев: театрда менин трагедия ойногон спектаклдерим бар. Кинодо болсо режиссерлорго барып бир трагедия бергилечи, мен керек болсо зөөкүрмүн десем "жок сенин көздөрүң боорукер" деп коюшат

— Театрда улуу муун менен кийинкилердин ортосунда пикир келишпестик болот деп угуп калабыз…
— Биринчи, экинчи состав менен иштейбиз. Бизде андай жок.

— Атаандашуу болбосо өсүш болбойт дешет го?
— Спектакль менен спектакль, театр аралык атаандашуу болуп турат. Кино жаатында деле ошондой, ким эмнеге, кайсы рольго татыктуу экенин эл өзү эле тандап коет. 

— Азыр эмне менен алексиз?
— Аталык милдетимди аткарып жатам. Бирок сасык тумоо болуп ооруп жанына жолой албай айланчыктап жүрөм. Театрда иштеп, кинолорго тартылмай. Тойлордо тамадалык кызмат кылам. Тапканымдын көбүн салыным жаткан үйгө жумшап жатам. Жер там дагы оңой менен бүтпөйт экен. 

— Алдыда кандай пландарыңыз бар?

— Айткан пландарым аткарылбай калат экен, ошон үчүн айтпай калгам. Бир жолу чоң планымды элге жар сала коюп үч күндөн кийин демөөрчүм Түркияга кетип калган. Бакиевдин заманы болчу. Анан дагы бирөө ошентип аткарылбай калган. Азыр буюрса продюсер Назгүл Насиева менен "Нукура кыргыз" долбоору боюнча теле алып баруучулукка сүйлөшүүлөр жүрүп жатат. 

2722
Белгилер:
тамада, той, актер, Камчы Сарыбаев, Айсулуу Тыныбекова
Тема боюнча
Назира Айтбекова: тили жакшы, бирок түрү суук кемпирге окшош кыз деп айтышчу
Ырчы Кылыч Эдик: "Көк бөрү" ырымды көчмөндөр оюндарында ырдасам дейм
Төлөмүш Океев атындагы Кыргызфильм киностудиясы Эшенаалы Арабаев аталышындагы толук метраждуу даректүү-публицистикалык тасма тартылып жатканын билдирди

"Эшенаалы Арабаев" аталышындагы толук метраждуу тасма тартылууда. Сүрөт

26
(жаңыланган 09:50 25.06.2021)
Тасмада кыргыз интеллигенциясынын алгачкы лидерлеринин бири Эшенаалы Арабаев тууралуу документалдуу жана архивдик материалдар көрсөтүлөт.

БИШКЕК, 25-июн. — Sputnik. Төлөмүш Океев атындагы "Кыргызфильм" киностудиясы "Эшенаалы Арабаев" аталышындагы толук метраждуу даректүү-публицистикалык тасма тартылып жатканын билдирди.

  • На киностудии Кыргызфильм им. Т. Океева проходят съемки полнометражного документально- публицистического фильма Эшенаалы Арабаев
    Төлөмүш Океев атындагы "Кыргызфильм" киностудиясы "Эшенаалы Арабаев" аталышындагы толук метраждуу даректүү-публицистикалык тасма тартылып жатканын билдирди
    © Фото / Киностудия "Кыргызфильм"
  • На киностудии Кыргызфильм им. Т. Океева проходят съемки полнометражного документально- публицистического фильма Эшенаалы Арабаев
    Ага ылайык, картинага Бекболот Айдаралиев режиссер болууда. Тасмада документалдуу жана архивдик материалдар көрсөтүлүп, тарыхый окуялар калыбына келтирилет.
    © Фото / Киностудия "Кыргызфильм"
  • На киностудии Кыргызфильм им. Т. Океева проходят съемки полнометражного документально- публицистического фильма Эшенаалы Арабаев
    Фильм кыргыз интеллигенциясынын алгачкы лидерлеринин бири, өлкөдө илим менен билимдин өнүгүшүнө чоң салым кошкон Эшенаалы Арабаевдин өмүрүнө жана ишмердүүлүгүнө арналмакчы.
    © Фото / Киностудия "Кыргызфильм"
1 / 3
© Фото / Киностудия "Кыргызфильм"
Төлөмүш Океев атындагы "Кыргызфильм" киностудиясы "Эшенаалы Арабаев" аталышындагы толук метраждуу даректүү-публицистикалык тасма тартылып жатканын билдирди

Ага ылайык, картинага Бекболот Айдаралиев режиссер болууда. Тасмада документалдуу жана архивдик материалдар көрсөтүлүп, тарыхый окуялар калыбына келтирилет.

Фильм кыргыз интеллигенциясынын алгачкы лидерлеринин бири, өлкөдө илим менен билимдин өнүгүшүнө чоң салым кошкон Эшенаалы Арабаевдин өмүрүнө жана ишмердүүлүгүнө арналмакчы.

26
Белгилер:
билим, тасма
Тема боюнча
Кыргыздын "Шамбала" тасмасы Испаниядагы кинофестивалга катышат
Кыргыз Республикасынын эл артисти, театр жана кино актеру, белгилүү куудул Күмөндөр Абылов

Абылов: кыргыз күлкүсүнүн 45 түрү бар

123
(жаңыланган 12:39 24.06.2021)
Кыргыз Республикасынын эл артисти, театр жана кино актеру, белгилүү куудул Күмөндөр Абылов кыргызда күлкүнүн 45 түрү бар экенин айтты.

Кыргызды күлдүрүш кыйын дешет. Чынында ушундай, анткени биздин эл ишенген нерсесине гана күлөт. Бирок бул кыргызда күлкү жанры өнүкпөй калган дегенди түшүндүрбөйт. Мындай пикирин Күмөндөр Абылов Sputnik Кыргызстан радиосунун эфиринде маек куруп жатып билдирди.

Абылов: кыргыз күлкүсүнүн 45 түрү бар

Анын айтымында, аталган жанрды өнүктүрүү иштери колго алынбай жатат.

"Кыргыз элинде күлкү жанры абдан өнүккөн. Мунун далили катары аталган жанрдын 45 түрү бар экенин айтсак болот. Күлкү, күйдүргү, жанытма, кыйытма, апыртма, такмаза, кер какшык, какшык, каяша жана башка, мунун бардыгы ушул жанрга кирет. Керек болсо күлкүнү кыргыздын комузу, манасчылык, төкмөлүк өнөрү сыяктуу деңгээлде алып карасак болот. Ал үчүн бардык мүмкүнчүлүктөр бар. Бирок азыр жакшы көңүл бурулбай жатат. Сатира жазгандар жок, болсо да бекер бергиси келбей кийинки муун үзүрүн көрөр деп үйүнө катып койгон. Ал эми куудулдарыбыздын көпчүлүгү театралдык билими, сахна маданияты жок эле эл алдына чыгып алып, чампалап номерлерди коюшууда. Пикеттин деңгээлинен жогору, көрүүчүгө руханий байлык тартуулай турган сатиралар жаралбай калды. Андыктан күлкү жанрына илимий, мамлекеттик деңгээлде карап, иштер жасалуусу керек. Ар бир түрүн иликтеген илимий иштер жазылса, өнүктүрүү коому түзүлүп, куудулдардын билими жогорулатылса кандай жакшы болор эле. Элге мамлекеттик идеологиянын негизинде талаптар коюлуп, дасыккан режиссерлер менен ийине жеткире иштелип чыккан гана номерлер тартууланышы керек", — деди Абылов.

Ал сатирик жазуучулар менен куудулдардын башын бириктирип иш алып баруу маселесин тез арада ишке ашыруу зарылдыгы турганын кошумчалады.

123
Белгилер:
сатира, көйгөй, күлкү, Күмөндөр Абылов
Тема боюнча
Ниязов: Асанкул Шаршеновдун 16 улуттун өкүлүн жалгыз ойногон спектакли бар
Шайлоо участогундагы добуш берүүчү кабина. Архив

АШК Бишкек шаардык кеңешине аттанган үч партия, бир талапкерге эскертүү берди

0
(жаңыланган 12:48 25.06.2021)
Шайлоо алдындагы үгүт өнөктүгүн көзөмөлдөө боюнча жумушчу топ түшкөн арыздарды, социалдык тармактарга чыккан постторду караган.

БИШКЕК, 25-июн. — Sputnik. Бишкек аймактык шайлоо комиссиясы үч саясий партияга жана бир талапкерге оозеки эскертүү берди. Бул туурасында БШКнын маалымат кызматы билдирди.

Бишкек АШКнын шайлоо алдындагы үгүт өнөктүгүн көзөмөлдөө боюнча жумушчу топ түшкөн арыздарды, социалдык тармактарга чыккан постторду караган.

Анын натыйжасында үгүт иштерин мөөнөтүнөн мурда баштап жибергени үчүн "Ата-Журт Кыргызстан" партиясынан талапкер Кубанычбек Конгантиевге эскертүү берүү чечимин кабыл алган. Ал эми үгүт эрежелерин бузгандыгы үчүн "Ишеним", "Реформа" жана "Столица" партияларына да оозеки эскертүү берилген.

Белгилей кетсек, Бишкек шаардык кеңешинин депутаттарын кайра шайлоого 17 партия талапкерлигин көрсөткөн. Добуш берүү күнү 11-июлга белгиленген.

0
Белгилер:
эскертүү, үгүт, шайлоо, Бишкек
Тема:
Бишкек, Ош жана Токмок шаарларында кайрадан өтө турчу шайлоо
Тема боюнча
Бишкек, Ош жана Токмоктогу шайлоо кайра жылабы. Расмий органдардын жообу