Креативдүү теле алып баруучусу Эркин Рыскулбеков. Архив

Эркин Рыскулбеков: малина да тергем, тигүү цехинде да иштегем

2887
(жаңыланган 14:33 03.09.2016)
Учурдун жаш, дайыма перспективдүү идеялардын үстүндө эмгектенген, креативдүү теле алып баруучусу Эркин Рыскулбеков менен журналист Гүлдана Талантбекова маек курду.

— Сиз азыр алып баруучу катары таанымалсыз. Телевидениенин босогосун жаңы аттаганда бир топ эле кыйынчылык тартсаңыз керек. Маселен практика, стажировка, анан барып жумушка кирүү дегендей?

— Азамат деген дос балам бар. Экөөбүз тарткан кыйынчылыктарды азыр студенттер көрбөйт болушу керек. Экөөбүз орус кемпирдин батиринде жашап, бир нанды чогуу бөлүп жегенбиз. Азыр Азамат Жаманкулов Туризм департаментинин жетекчиси. Экөөбүз күндүзү окуп, түнкүсүн тигүү цехинде кийимдерди таңгактап иштечүбүз. Тигүү цехинде бир кийим бүктөгөнүңө 1,50 тыйындан алчубуз. Мен өзүм малина сатып да иштедим. Ал эми телевидениеге 3-курсумда кастинг аркылуу келип, төрт ай практика өтөдүм. Биринчи эфирге чыкканда эле Мелис Эшимканов "ушул баланы калтыргыла" деп айткан экен. Анан редакторум Лира Айтымбетова "Каникулда эмне кыласың?" деп калды. Мен "Көлгө барып официант болуп иштейм. Сиздердин 300-400 сом мага жетпейт" дедим. Анткени өзүм жакыр үй-бүлөдөн болсом, күзгүгө кийим-кечек алышым керек эле. Анда Лира эже "сага алты миң сом айлык болобу" дегенинен дароо "болот" дедим. Алты миң сом чоң эле акча болчу. Ошентип үчүнчү курсумда штаттык жумушка алындым. Чынын айтсам, бактым бар экен. Колдоочуларым көп болду.

— Канчалык колдоочуңуз болбосун сындагандар четтен чыгат да?
— Албетте мага нааразы болгондор кат жазып, сотко берген учурлар болгон. "Эфирди башыңарга кийип алдыңар беле, чыгып кеткиле" деген сөздөрдү укканбыз. Бир жолу эфирден "мамлекет эффективдүү менеджер эмес" деп айткам. Бул албетте коомдун пикири болчу. Эртеси бир айым даттанып, кат жөнөтүптүр. Бирок ошолордун болуп турганына рахмат. Алар болбосо дардаңдап кетмекпиз. Жакында эле Бексултан Жакиев агайдан "ай, сен көп сүйлөйсүң" деп сын уктум. Мен үчүн улуу инсандардын сыны жана кеңеши өтө чоң сыймык. 

Интервью с телеведущим Эркином Рыскулбековым
© Sputnik / Табылды Кадырбеков
Перспективдүү идеялардын үстүндө эмгектенген, креативдүү теле алып баруучусу Эркин Рыскулбеков

— Башка алып баруучулардан кандай артыкчылыктарым бар деп ойлойсуз? Айрым учурда тилдин универсалдуулугу да маанилүү эмеспи?
— Өзүм Жумгал районундагы Миң-Куш айылында төрөлгөм. Бирок үч жашымда Чүйгө көчүп келип, Воронцовкадагы жатак-мектепте окудум. Мен кыргыз мектепти, кыргыз тилдүү Манас университетин бүтүргөм. Бирок биринчи каналга келгенде эле орусча программаларга иштетип коюшкан. Анан көпчүлүктө кыргызча сүйлөп калсам "ай, сен кыргызча сүйлөйсүңбү?" деп таң калышчу. Анан продюсерим Көкүл Ариповага "эмне кылсаңыз дагы "Ой ордонун" кыргызча бөлүмүнө которуңуз" дегем. Түрк тилдүү иш-чараларды дагы алып барам. Бирок бул башка алып баруучулардан артыкчылыгым деп эч качан айтпайм. Анткени азыр тил үйрөнүү чоң деле маселе эмес.

— Кечелерди, чоң иш-чараларды алып барганда өнөктөш тандоо маселеси жаралат. Сизде бул жагы кандай?

— Мен өнөктөш тандабайм. Эгерде кечени уюштурган тарап "өнөктөшүңдү өзүң тап" десе Салтанат Саматовага, Нурзат Токтосуновага, Айгүл Курмановага байланышам. Себеби дуэт ырдоодо деле эки кишинин үнү бири-бирине туура келиши керек да. Ошол сыяктуу алып баруучулардын бири-бириңе сөз өткөрүүсү — чоң жоопкерчилик. Мен атын атабай эле коеюн, белгилүү бир орус тилдүү алып баруучу айым бар. Бирок аны менен алып баруу эч мүмкүн эмес экен. Бир жолу сахнага чыксам сөздүн баарын айтып салып, мен жанында жөн эле туруп калгам. Сага жок дегенде эки сөз калтырышы керек да. Эми мындайлар болуп турат. Кээ бир алып буруучулар айтканың менен болот. Маселен Санжар Мыкыев менен өнөктөш болгондо абдан ыраазы болдум. 

— Азыр сиз алып барып жаткан "Ой ордо" программасы эс алууда экен. Эмне пландарыңыз бар?
— Адал эмгек менен кумурска сымал эмгектене берсең дөөлөт дагы ырыскы да өзү куралат. Дарак бир жерден көгөрөт деп коюшат эмеспи. Анан арыдан бери секирип, тигил каналдан экинчисине которула берсең баарын чаташтырып аласың деп ойлойм.

— Адамдар кээде ар тараптуу болушу үчүн түрдүү тармакта иштеп көрүшөт эмеспи?
— Бул сөзүңүзгө кошула албайм. Анткени бир эле учурда алып баруучу, психолог, ырчы, актер болуп жүргөндөр толук бир адис болуп жетүүлүүсү күмөн деп эсептейм. 

— Сиз өзүңүздү кайсыл жагынан адис катары көргүңүз келет?
— Азыр алып баруучулукттун өтөсүнө чыгып алайын. Калганын дагы ойлонуштурам. 

— Канчалык бир деңгээлде өзүңүздү ийгиликтүү мырзамын деп эсептейсизби?
— Жок. Мен жете турчу ийгиликтер али алдыда. Ийгилик багындырдым деп айткандай эч кандай мамлекеттик сыйлыктын ээси эмесмин. Же болбосо бир чоң көйгөйдү чечип жиберген жерим жок. Менин жасап жаткандарым кадимки жумуш процесстери. 

— Тажрыйба топтоо иретинде кимдерди көрүп таасирленип, ишмердүүлүгүнө баа бересиз?

— Менден улуурак Алтын Камчиев, Салтанат Саматова, Эрнис Кыязов, Шайырбек Араповдор иштин майын чыгарган инсандар. Булардын эс-тутумуна, алып баруучулук чеберчиликтерине баа берем. Маселен, Элмара Турсуналиева кимдин кандай илимий даражасы, наамы бар экенин кагаз кармабай жатка билет. Турусбек Жумалиев болсо ар бир ырчынын чыгармасынын обону, сөзү кимге таандык экенин билет. Менден кийин чыккан балдарды көрүп абдан ыраазы болом. Мисалы Нурсултан Майназаров ар бир чыккан сайын ыймандуу, тартипүү, маданияттуу болууга өз нугунда үлгү болуп берет. Өз курагымдагы кесиптештерден Максат Тынаев, Эрмек Нурбаев, Нурзат Токтосунова — өтө күчтүү талантттар. Ушуларды көрүп таасирленем. 

— Сизди Ургант менен Малаховго катуу таасирленет деп айтышат?
— Ооба туурайм, туурагым келет. Урганттын ар бир передачасын калтырбай көрөм. Иван Ургант, Владимир Познер, Ксения Собчак, Андрей Малахов — булар орус журналистикасынын өзөгү деп айта алам. Жаңы нерсени ойлоп табуунун кажети жок. Азыр жакшыга жанашыш керек.

— Сизге иш жаатында азыр эмне жетишпейт?
— Мага азыр билим, убакыт жана тандоо мүмкүнчүлүгү жетишпейт. Себеби бизде алып барүүчулар тажрыйбаны өстүрүп машыккандай иш-чаралардын жана программалардын саны аздык кылат. Мындай учурда баарына тандабай эле бара бересиң. 

— Эфирден ойду топтой албай, суроо түгөнүп калганда кырдаалдан чыгуу үчүн кандай ыкмаларды колдоносуз?
— Ката кетирген учурларым көп эле. Менин суроом бүтүп калды, ал эми режиссер дагы он минута эфирди узартып койду. Илгери журналист Фил Донахью эртең мененки программаны алып барып жатып суроосу түгөнүп калганда эмне кыларын билбей "кимде кандай суроо бар" деп көрүүчөрдүн жардамын алыптыр. Мына ушинтип ток-шоу программасы пайда болгон экен. Мен да башкалардай эле ушул ыкманы колдоном. 

Интервью с телеведущим Эркином Рыскулбековым
© Sputnik / Табылды Кадырбеков
Эркин Рыскулбеков: илгери журналист Фил Донахью эртең мененки программаны алып барып жатып суроосу түгөнүп калганда эмне кыларын билбей "кимде кандай суроо бар" деп көрүүчөрдүн жардамын алыптыр. Мына ушинтип ток-шоу программасы пайда болгон экен. Мен да башкалардай эле ушул ыкманы колдоном

— Алып баруучулуктан сырткары эмне кыласыз? Досторуңуздан Эркин жакшы ырдайт деп угуп калам…

— Ооба, жакындарымдын жакшылыктарында ырдап калам. Бирок ырчы болуп, клип тарттыруу оюмда жок. Өзүмдүн эле ишимди кылганым оң. Көлгө караганда айылга барганды жактырам. Убактым болгондо багажга коон-дарбыз жүктөп алып Беловодскиге барам. Ал жактагы балдардын баары мен барганда сүйүнөт. Аларга кошулуп алып керек болсо чана тебем. Апам "Эркин келгенде көчөдө майрам" деп калат. Себеби дарбазанын ачып, тапчанда отуруп алып өткөн-кеткендерди "кандайсыңар, келгиле, чай ичкиле" деп чакыра берем. Үйдөгүлөргө "дарбазаны эмнеге жабасыңар, кыргыздарда мындай деген жок" деп айтам. Мен керек болсо шаардагы квартирамдын эшигин жаппайм да. Анан жеңем апама "үйгө Эркин келгенде элге чай берип атып эле тажайбыз ээ" деп тамашалап айтыптыр. Ыраматылык атам ушундай киши болчу, мончо жакканда элдин баарына "ай баскыла" деп жарыя кылып чакырчу. Мен үйгө канчалык бут кирсе, ошончо кут кирерине ишенем. 

Анан ыраматылык тайкем автокырсыктан каза болгондон кийин жарым жылдан соң келинчеги кайтыш болгон. Ошонун эки баласынын милдети, жоопкерчилиги менин мойнумда. Атасынын арбагы ыраазы болсо деген ойдомун. Улуусу үчүнчү, кичүүсү биринчи курста окушат. 

— Сиз саясий, коомдук берүүлөрдү алып барып жатып тойлордо да кызмат кыласыз. Айрымдар мындайды туура көрбөйт экен.
— Эгерде жумуштагы айлыгым жетиштүү болсо, мен өзүмдү чектемекмин. Айлык деген азыр бирдиктен чыкпайт. Бул деген аргасыздык. 

— Жашоодо жеке принциптериңиз барбы? Деги эле өзүңүз принципиалдуу мырзасызбы?

— Айрым учурларда болот. Мындан үч жыл мурун той ээси мага "кайсыл белгилүү тойлорду алып бардыңыз эле?" деп чиренген суроо узаткан. Эми бул эмне деген суроо? Анан мен "биринчиден албетте, Уэльс канзааданын тоюн алып барган эмесмин, экинчиден мага ар бир адамдын тою баалуу. Тилекке каршы, ушуну менен биздин сөз аягына чыкты окшойт" деп бурулуп алып кетип калгам. Анан кайра чалып кечирим сурашканда, тоюн алып барып бергем. Мындай караганда принципиалдуулук кечиримдүүлүккө алмашып кетет. Менин азыр жашоодо бир эле принцибим бар, ал — таза жана ак жүрүп, башкаларга зыяныңды тийгизбөө.

2887
Белгилер:
алып баруучу, маек, Эркин Рыскулбеков
Тема боюнча
Ишкер Чихун Чжонг: Кореяда деле "эл эмне дейт" деген түшүнүк менен жашайбыз
Дудук жигит менен маек: Сүйүктүүмдү башка менен көрүп, кыздарга жүрөгүм муздап калды
Тасма тартуу учурунда оператор. Иллюстративдик сүрөт

Мыкты көркөм жана даректүү тасмалардын долбооруна сынак жарыяланды

55
Сынакка катыша турчу долбоорлор инсандын руханий, адеп-ахлактык өнүгүүсүнө түрткү берген, патриоттуулукка үндөгөн жана эгемендүүлүктүн 30 жылдыгына арналган темаларды камтуусу зарыл.

БИШКЕК, 17-май — Sputnik. Кыргызстанда көркөм жана даректүү тасмалардын долбоорлорун кабыл алуу үчүн "Эң мыкты кинодолбоорлор" сынагы жарыяланды. Бул тууралуу Кинематография департаментинен кабарлашты.

Ага ылайык, сынакка катыша турчу долбоорлор инсандын руханий, адеп-ахлактык өнүгүүсүнө түрткү берген, патриоттуулукка үндөгөн, социалдык маанилүү маселелерди чагылдырган, Кыргызстандын эгемендүүлүгүнүн 30 жылдыгына арналган темаларды камтуусу зарыл.

Автор КР жараны болушу керек. Долбоор кыргыз жана орус тилдеринде кабыл алынат.

Талаптар:

  • Долбоордун синопсисинин берилген темага ылайыктуулугу (1-2 барак);
  • Сценарий;
  • Өтүнүч (автордун тасма аркылуу берейин деген ою);
  • Календардык план;
  • Долбоордун бюджети;
  • Кинодолбоордун режиссёрунун, сценаристтин өмүр баяны, атайын окуу жайын же режиссёрдук курсту бүтүргөндүгү тууралуу документ;
  • Режиссёрдун фильмографиясы, эл аралык кинофестивалдарда алган сыйлыктарынын көчүрмөлөрү;
  • Кино тармагында жетишкендиктери бар адистин көркөм жетекчи болууга макулдук каты;
  • Тарта турган кинокомпаниянын же студиянын фильмографиясы.

Департамент тизмедеги талап кылынган иш кагаздардын беш экземпляры болушу керектигин эскертти. Иш кагаздар толук болбосо кабыл алынбайт.

Суроолор болсо (0312) 300265, 312 301046 телефон номерлерине кайрылыңыздар.

55
Белгилер:
кино, талап, долбоор, сынак, тасма, Кыргызстан
Тема боюнча
Кыргызстандык "Месси" Гүлжигит Алыкулов тууралуу даректүү тасма тартылды

Эл ырчысы Эстебес Турсуналиев 90 жашка чыкмак. Акындын сүрөттөгү элеси

101
  • Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында өнөрпоздордун үй-бүлөсүндө туулган
  • Төкмө акындын энеси Арпаян элдик оозеки чыгармачылыгын мыкты билген жомокчу жана кошокчу болгон
  • Эстебес Турсуналиевдин жубайы Райкүл Деркембаева кыздары жана неберелери менен
  • Улуу талант төкмөлүктөн тышкары балык уулаганды да абдан жакшы көрчү
  • Турсуналиев фольклордук топ менен бирге Индия, Бельгия, Швеция, Франция жана Япония сыяктуу ондогон өлкөлөрдө гастролдо болгон.
  • Эстебес Турсуналиев менен Токтосун Тыныбеков экөө элүүдөй айтыштарды жараткан
  • Жубайы Райкүл апа менен сегиз баланын ата-энеси болушкан
  • Улуттук филармонияда эмгектенип жүргөн кезинде Эл ырчысы Эстебес фольклордук тобун уюштуруп, жетектеп, кыргыздын бир топ таланттуу уул-кыздарын тарбиялаган
  • Төкмө 1967-жылдан бери СССР Жазуучулар союзунун мүчөсү болгон. Токтогул Сатылганов атындагы мамлекеттик жана эл аралык Руханият сыйлыктары, Кыргыз ССРинин Жогорку Советинин Ардак грамоталары ыйгарылган.
  • Улуу жазуучу Чыңгыз Айтматов менен да пикирлеш болгон
  • Акын Кыргыз ССРинин жана СССРдин эл артисти. Жогорку Кеңештин биринчи чакырылышында депутаттыкты аркалаган
  • СССРдин эл артисти Эстебес Турсуналиев көзү тирүү болгондо быйыл 90 жашка чыкмак. Залкар акын 2005-жылы 11-октябрда 74 жаш курагында дүйнө салган.
Кыргыз элинин залкар төкмөлөрү Калык Акиев, Осмонкул Бөлөбалаев, Алымкул Үсөнбаев баштаган акындардын шакирти аталган төкмө Эстебес Турсуналиев көзү тирүү болгондо быйыл 5-майда 90 жашка чыкмак.

Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында туулган. Атасы Турсуналы мыкты комузчу, апасы Арпаян укмуш кошокчу болгон. Бул киши тогуз жашынан комуз черте баштаган экен. Атасы да мыкты комузчу болгондуктан айылдагы комузду жакшы чапкан кишиге айтып, уулуна атайын комуз чаптырып берет.

Апасы көп бала төрөсө да, балдары токтобой жүрүп, акыры бир уул, бир кыздуу гана болушкан экен. Ошондон улам Эстебес Турсуналиевдин жалгыз бир тууганы, эжеси гана болгон.

Акындын бала чагы согуштан кийинки кыйын заманга туш келет.

"Апасы кырманда иштеп, Эстекем кенедейинен атка минип мала тартыптыр. Бир жолу Алымкул Үсөнбаев айылга барып калып, Эстекемди ырдатып көрүп жактырат. Ошентип 14 жашында филармонияга алып келген экен. Ошол убакта филармонияда Осмонкул Бөлөбалаев, Шекербек Шеркулов, Ысмайыл Борончиев, Токтоналы Шабданбаев, Абды Байсабаев өңдүү залкарлар иштеп турат. Алымкул аксакал Эстебести алардын алдында ырдатат. Осмонкул Бөлөбалаев ырын угуп эле "ой Алыке, бул балаңды мага бер" деп сурап, шакирт кылып алат. Алымкул Үсөнбаев ал кезде депутат болуп, командировкага да көп чыкчу эмес да. Осокем ырдап жатканда Эстекем көрүүчүлөрдүн алдыңкы сабына отуруп алчу экен", — деп эскерет жубайы Райкүл Деркембаева.

Убагында залкарларга шакирт болгон Эстебес Турсуналиев кичи мекени Таластан төкмө акын Амантай Кутманалиевди жана ырчы Малик Аликеевди борборго алып келген. Бала кезинде филармонияга келген таланттар учурда КРдин эмгек сиңирген артисти болууга жетишти.

Эстебес Турсуналиев филармониядагы 60 жылга чукул чыгармачылык өмүрүндө төкмөлүк өнөрдү айкалыштырып, "Акындын үнү", "Айтыштар", "Заман жарчысы", "Эскерүүлөр", "Ыр өмүрүм", "Кайыңды" аттуу китептерин жарыкка чыгарган.

Ага "Кыргыз мамлекеттик консерваториясынын фольклор бөлүмүнүн профессору" деген наам ыйгарылган.

"Ардак белгиси" ордени, "1941-1945-жылдардагы Улуу Ата Мекендик согуштагы каарман эмгеги үчүн", В.И.Лениндин туулган күнүнүн 100 жылдыгынын урматына "Каарман эмгеги үчүн" медалы, Кыргыз ССРинин Жогорку Советинин Ардак грамоталары менен сыйланган.

Жубайы Райкүл Деркембаева экөө алты уул, эки кызды тарбиялаган. Балдары да чыгармачылыкка жакын.

Төкмө акын 2005-жылы 11-октябрда кан басым оорусунан 74 жаш курагында дүйнө салган.

 

101
  • Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында өнөрпоздордун үй-бүлөсүндө туулган
    © Sputnik / Георгий Зельма

    Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында өнөрпоздордун үй-бүлөсүндө туулган

  • Төкмө акындын энеси Арпаян элдик оозеки чыгармачылыгын мыкты билген жомокчу жана кошокчу болгон
    © Фото / из семейного архива Турсуналиевых

    Төкмө акындын энеси Арпаян элдик оозеки чыгармачылыгын мыкты билген жомокчу жана кошокчу болгон

  • Эстебес Турсуналиевдин жубайы Райкүл Деркембаева кыздары жана неберелери менен
    © Фото / из семейного архива Турсуналиевых

    Эстебес Турсуналиевдин жубайы Райкүл Деркембаева кыздары жана неберелери менен

  • Улуу талант төкмөлүктөн тышкары балык уулаганды да абдан жакшы көрчү
    © Фото / из семейного архива Турсуналиевых

    Улуу талант төкмөлүктөн тышкары балык уулаганды да абдан жакшы көрчү

  • Турсуналиев фольклордук топ менен бирге Индия, Бельгия, Швеция, Франция жана Япония сыяктуу ондогон өлкөлөрдө гастролдо болгон.
    © Фото / из семейного архива Турсуналиевых

    Турсуналиев фольклордук топ менен бирге Индия, Бельгия, Швеция, Франция жана Япония сыяктуу ондогон өлкөлөрдө гастролдо болгон.

  • Эстебес Турсуналиев менен Токтосун Тыныбеков экөө элүүдөй айтыштарды жараткан
    © Фото / из семейного архива Турсуналиевых

    Эстебес Турсуналиев менен Токтосун Тыныбеков экөө элүүдөй айтыштарды жараткан

  • Жубайы Райкүл апа менен сегиз баланын ата-энеси болушкан
    © Фото / из семейного архива Турсуналиевых

    Жубайы Райкүл апа менен сегиз баланын ата-энеси болушкан

  • Улуттук филармонияда эмгектенип жүргөн кезинде Эл ырчысы Эстебес фольклордук тобун уюштуруп, жетектеп, кыргыздын бир топ таланттуу уул-кыздарын тарбиялаган
    © Фото / из семейного архива Турсуналиевых

    Улуттук филармонияда эмгектенип жүргөн кезинде "Эл ырчысы Эстебес" фольклордук тобун уюштуруп, жетектеп, кыргыздын бир топ таланттуу уул-кыздарын тарбиялаган

  • Төкмө 1967-жылдан бери СССР Жазуучулар союзунун мүчөсү болгон. Токтогул Сатылганов атындагы мамлекеттик жана эл аралык Руханият сыйлыктары, Кыргыз ССРинин Жогорку Советинин Ардак грамоталары ыйгарылган.
    © Фото / из семейного архива Турсуналиевых

    Төкмө 1967-жылдан бери СССР Жазуучулар союзунун мүчөсү болгон. Токтогул Сатылганов атындагы мамлекеттик жана эл аралык "Руханият" сыйлыктары, Кыргыз ССРинин Жогорку Советинин Ардак грамоталары ыйгарылган.

  • Улуу жазуучу Чыңгыз Айтматов менен да пикирлеш болгон
    © Фото / из семейного архива Турсуналиевых

    Улуу жазуучу Чыңгыз Айтматов менен да пикирлеш болгон

  • Акын Кыргыз ССРинин жана СССРдин эл артисти. Жогорку Кеңештин биринчи чакырылышында депутаттыкты аркалаган
    © Фото / из семейного архива Турсуналиевых

    Акын Кыргыз ССРинин жана СССРдин эл артисти. Жогорку Кеңештин биринчи чакырылышында депутаттыкты аркалаган

  • СССРдин эл артисти Эстебес Турсуналиев көзү тирүү болгондо быйыл 90 жашка чыкмак. Залкар акын 2005-жылы 11-октябрда 74 жаш курагында дүйнө салган.
    © Фото / из семейного архива Турсуналиевых

    СССРдин эл артисти Эстебес Турсуналиев көзү тирүү болгондо быйыл 90 жашка чыкмак. Залкар акын 2005-жылы 11-октябрда 74 жаш курагында дүйнө салган.

Белгилер:
сүрөт, төкмө акын, Райкүл Деркембаева, Эстебес Турсуналиев
Тема боюнча
Ашыгына алоолонуп араң жеткен акын. Жолон Мамытов тууралуу 7 факты
Өспүрүм балдар. Архив

Туугандары изделүүдө. РФтен кыргызстандыктар таштап кеткен 5 бала алып келинди

0
(жаңыланган 16:02 17.05.2021)
Министрлик бөбөктөрдү кайтарып берүү үчүн тууган-туушкандарын издеп жатат. Азырынча кичинекейлер балдар үйүнө жайгаштырылган.

БИШКЕК, 17-май — Sputnik. Кыргызстанга Москва шаары менен Москва облусунан эки жашка толо элек беш бала алып келингенин Саламаттык сактоо жана социалдык өнүктүрүү боюнча министрликтин маалымат кызматынан кабарлашты.

Бул бөбөктөрдү кыргызстандык кыз-келиндер Россиядагы төрөт үйлөрүнө таштап кетишкен. Кичинекейлер мекенине алып келингенден кийин балдар үйлөрүнө убактылуу жайгаштырылган. Маалыматта министрлик бөбөктөрдү кайтарып берүү үчүн тууган-туушкандарын издеп жатканы айтылды.

2021-жылдын башынан тарта Кыргызстанга 11 бөбөк алып келинген. Алардын алтоосун ата-энеси таштап кеткен.

0
Белгилер:
балдар, Россия, Кыргызстан
Тема боюнча
Чүйдөгү балдар үйүнөн качып кеткен өспүрүм изделүүдө. Сүрөт