БИШКЕК, 4-окт. — Sputnik. Эки ай мурун тартыла баштаган "Саякбай" тасмасы тартылып бүткөнүн "Саякбай манасчы" коомдук фондусу билдирди.
Эскерте кетсек, тасма тартууну демилгелеген фонддун жетекчиси Самат Ибраев долбоорго жүз миллион сом бөлүп, жыл башында сценарийге сынак жарыяланган.
© Видео / Эдиль Мелисбеков
Натыйжада белгилүү режиссер Эрнест Абдыжапаровдун жазган сценарийи мыкты деп табылып, тасма Саякбай Каралаевдин мекени Тоң районунда тартыла баштаган.
"Тасманын акыркы эпизоду "Айтматовдун түшү" деп аталат. Бет ачары 2017-жылы болот", — деп айтылат билдирүүдө.
29 Баш оона 2016, 15:21
Улуу манасчынын өмүрү менен өнөрүн баяндаган тасма баштан аяк Саякбай манасчы менен атактуу Чыңгыз Айтматовдун маегинен, эскерүүлөрүнөн турат. Залкар манасчынын жаш кезин кичинекей Үмөт манасчы аткарса, улуу курагын актер Марат Жанталиев ойногон. Байбичеси Бейшекан апанын образын актриса Тынара Абдразаева жаратты. Ал эми Чыңгыз Айтматовду жазуучунун кичүү уулу Элдар Айтматов, эпостогу Манастын жубайы Каныкейдин ролун Элина Абай кызы ойноду.
