Элетте бир нече китептин бет ачары өтөт

Жазылуу
Иш-чара Нарын шаарындагы Сагымбай Орозбаков атындагы облустук китепканада да уланат.

БИШКЕК, 15-окт. —Sputnik. Ата-Башы районунун Карыбек уулу Акматаалы атындагы орто мектепте "Манас сүрөттөрдө", "Тоо жаӊырткан чагылган", "Досторум конокко чакырат", "Үч жаштан кийин кеч" жана башка бир нече китептердин бет ачары болуп өтөт. Бул туурасында "Роза Отунбаеванын демилгеси" эл аралык коомдук фондусунун сайтында маалымдалды. 

Китептер аталган фонду тарабынан чыгарылган. Бул иш-чара ошол эле күнү түштөн кийин Нарын шаарындагы Сагымбай Орозбаков атындагы облустук китепканада да уланып, Китептердин бет ачары учурунда "Китеп көргөзмөсү" да уюштурулат.

Сүрөтчүнүн жабдыктары. Архивдик сүрөт - Sputnik Кыргызстан
Кыргыз эл сүрөтчүсү Жоомарт Кадыралиевге арналган китеп чыкты
Ошондой эле аталган иш-чара белгилүү акын, Алыкул атындагы сыйлыктын ээси "Ай жарыгында", "Жүрөктөгү шамал", "Эсимде", "Жолдо бастым ойлонуп" китептеринин автору Фатима Абдалованын музыкалуу поэзия кечеси менен да коштолот. 

Белгилей кетсек, "Роза Отунбаеванын демилгеси" эл аралык коомдук фонду 2016-жыл ичинде ай сайын өлкөбүздөгү эл сүймөнчүлүгүнө ээ болгон акындардын поэзия кечелерин ай сайын үзбөй өткөрүп келе жатат.

Бет ачарга райондук, шаардык билим берүү бөлүмдөрүнүн башчылары, мектеп, бала бакча директорлору, ата-энелер, поэзия сүйүүчүлөр чакырылган.

Жаңылыктар түрмөгү
0