Тимати менен Галустяндын мактоосуна татыган кыргызстандык mc_doncha

© Фото / Alina ShaimkulovaВайнер из Кыргызстана Данияр Токтомамбетов
Вайнер из Кыргызстана Данияр Токтомамбетов - Sputnik Кыргызстан
Жазылуу
Бир суткада эле mc_doncha деген ат менен кыргызстандык жигит интернет жылдызына айланды. Анын чыныгы аты Данияр Токтомамбетов. Ал Sputnik Кыргызстан сайтынын кабарчысына интернет жылдызына кантип айланганын айтып берди.

Пользователь Instagram со смартфоном - Sputnik Кыргызстан
КРдеги Instagram тармагынын эң популярдуу 10 колдонуучусу
Анын Instagram баракчасына жүктөгөн оригиналдуу видеороликтерин Россиянын белгилүү артисттери Тимати, Михаил Галустян, Кэти Топурия бөлүшүп, жагымдуу пикирлерин калтырган.

— Сизге көптөн бери чала албай же жаза албай, соцтармактардан байланыша албай жаттык?
— Белгилүү болсоң ошол экен да (күлүп). Бардык соцтармактардан кечээтен бери аябай көп кат келүүдө. Окуганга жетишпей жатам.

— Сиздин видеоролигиңиз менен Михаил Галустян, Тимати, Кэти Топурия бөлүшсө кандай сезимдер болот экен?
— Мен үчүн чындыгында күтүүсүз болду. Бүгүн дагы бир топ интервью берем. Баракчама катталгандардын саны да өстү. Кечээ эле Instagram баракчама беш миң адам жазылса, бүгүн алардын саны 60 миңге жетти. 

Когда слезы текут вверх, это 💔

Видео опубликовано Black Star (@timatiofficial) Ноя 2 2016 в 12:41 PDT

— Мындай роликтерди качантан бери тарта баштадыңыз?
— Биринчи ролигим "Первый трак спесална для маей Бэйбы" деп аталат. Аны 24-октябрда салгам.

— Жашоодо орус тилин жакшы эле сүйлөйсүзбү?
— Ооба. Апам мектепте окуу бөлүмүнүн башчысы, атам профессор. Алар мага эки тилде тең ойду так билдирүүйгө үйрөткөн. Мен окуганды жакшы көрөм. Есенин менен Ницшенин күйөрманы экенимди видеороликтеримден көрүүгө болот. 

Грустный рэп для той самой 😰 #mcDoncha #DonchaRap

Видео опубликовано MC DONCHA (@mc_doncha) Окт 24 2016 в 8:27 PDT

— Апаңыз сиздин интернет жылдызына айланууңузга кандай реакция кылды?
— "Азаматсың" деди. Азыр туугандарым телефон чалып куттуктап жатышат.

— Жашоодо дагы ушундай тамашакөйсүзбү?
— Менин кесибим юрист болгону менен рекламалык компанияда иштейм. Роликтерди тартып, монтаж жасайм. Монтажды деле жакында үйрөнүп кызыгып кеттим. Жакшы тамашалашам, бирок жумушума олуттуу мамиле жасайм. 

© Фото / Alina ShaimkulovaБир суткада эле mc_doncha деген ат менен кыргызстандык жигит Данияр Токтомамбетов
Вайнер из Кыргызстана Данияр Токтомамбетов - Sputnik Кыргызстан
Бир суткада эле mc_doncha деген ат менен кыргызстандык жигит Данияр Токтомамбетов

— Мурдагы сүйлөшкөн кыздарыңыз мындай атак-даңктан улам кайра кайтып келүүңүздү суранышкан жокпу?
— Жок, алардан дайын жок. Азыр бирөө менен мамиле куруп жаткандыктан аларды ойлогон да жокмун.

— Эмне себептен роликтериңиздин бардыгы ушул багытта?
— Кандай болушу керек анан? Мен сүрөтчү болгондуктан аларды ушул багытта көрөм. Сүйүү — бул бүтпөс тема. Ал боюнча баары жазып, тартып бүттү. Мен болсо жаңы, өзгөчө юмор менен бир нерсе чыгаргым келет.

Жаңылыктар түрмөгү
0