Евразия жылдызы Гүлжигит Калыковдун архивдик сүрөт

Гүлжигит Калыков: атамдан тартынып сахнада ачылып бийлей албай жүрөм

3052
(жаңыланган 15:17 13.11.2016)
"Евразия жылдызы" Гүлжигит Калыков эмне себептен кайрадан продюсери менен иштешүүнү каалаганын айтса, Канат Култаев балдары эмне себептен бир ырды талашып калганын кеп кылды.
Гүлжигит Калыков: басып өткөн жолум түйшүктүү болду

Журналист Гүлдана Талантбекова ата мекендик ырчылар менен продюсерлердин ортосундагы мамиленин жеңилдиктери, жеңиштери жана жыйынтыктары кандай болорун билип көрдү. 

— Гүлжигит мырза, буга чейин Канат мырза менен иштешпей калбадыңыз беле, чогуу иштешүүгө эмне түрткү болду?

— Чыгармачылыкка аралашып жаткан адамдын жол көрсөткөн адамы болуш керек деп ойлойм. 2010-жылдан тарта үч жыл чогуу иштедик. Расмий түрдө келишим бүткөндөн кийин өзүнчө иштеп көрөлү деп чечтик. Кийин ага-ини катары жакын болуп калгандан кийин чыгармачылыкта жолугушуп калып жаттык, мен жактан ката кетсе Канат байке кеңештерин айтып жүрдү. Ошону аркасы менен кайрадан чогуу ишешүүнү туура көрдүк. 

— Ырчынын чыгармачылыгында продюсердин таасири менен мааниси канчалык?

— Сахнага жаңы аттанган адам үчүн бардык нерсе кыйын болот. Чыгармачыл адам коомдун күзгүсү деп коет эмеспи. Элге таанылыш үчүн мыкты үндөн сырткары коомдо өзүн алып жүрүү, кийинүү маданияты, оозуңдагы сөзүң баары орду менен болушу керек. 

— Эмне себептен башында өз алдыңча иштешүүнү туура көрдүңүздөр?

Гүлжигит: Бул биринчиден тажрыйба болушу керек. Канат байкеден үйрөнгөн нерсени өз алдымча сынап көргөнгө туура келди. Башка ырчылардай келишим бүтө электе чуркай качкан жокмун. Андыктан пайдалуу жактарын да көрдүм. 

Продюсер эстрадного исполнителя Гулжигита Калыкова Канат Култаев во время интервью радио Sputnik Кыргызстан.
© Sputnik / Табылды Кадырбеков
"Евразия жылдызы" Гүлжигит Калыковдун продюсери Канат Култаев: негизи 2013-жылы Гүлжигит гана эмес Алихан, мени менен иштешип жаткан балдардын баары келишим бүткөнүнө байланыштуу кетишти. Көбү кайра түзгөн жок. Мындан Мирбек мени менен калды

Канат: Негизи 2013-жылы Гүлжигит гана эмес Алихан, мени менен иштешип жаткан балдардын баары келишим бүткөнүнө байланыштуу кетишти. Көбү кайра түзгөн жок. Чыгармачыл чөйрөдө ага-ини катары катташып, сураган кеп-кеңештерин берип турам. Мындан Мирбек мени менен калды.

— Ортоңордогу келишим кагаз түрүндө түзүлгөнбү?

Канат: Мен негизи балдар менен эркекче эле макулдашып алам. Кийинки иштешип жаткан балдар менен түзө баштадык. 

— Канат мырза, музыкалык продюсерлер чет мамлекетте ырчынын стилин, имиджин, керек болсо ырынын сөзү, обонунан бери жаратып берет экен. Бизде эмнегедир менеджерлик жагына көбүрөөк басым жасалгандай?

Канат: Мен албетте ыр жазып, обон чыгарбайм. Бирок ошондой болсо дагы ырчыларга башка жагынан жардам берип келем. Эгерде сиз айтып жаткандай продюсерлер болсо жаңы чыгып келе жаткан ырчыларга алда канча оңой болмок. Бизде жакшы композитор, аранжировщиктер бар, бирок башкаларды чыгарайын деген ою жок. Азырынча көрө элекмин. Музыкалык продюсерлер аз болгону өкүндүрөт. Мен кесиптештеримдин көп болуусун каалайм. Анткени атаандашуу бар жерде сөзсүз түрдө өсүп-өнүгүү болот. 

— Гүлжигит мырза, чачыңыз тууралуу суроо бергим келип турат. Сиз узун кылып алып жүргөн жылдары, бизде корей сериалдары байма-бай көрсөтүлүп жатты эле?

— Ошол сериал чыккан мезгилге төп келип калды окшойт. Негизи Канат байке менен таанышканга чейин эле чачым ушундай болчу. Жакын арада кыскартып деле көрдүк. Эл аралык конкурстарга барып жүргөндө узун чач менен жүргөнгөбү "өстүрүп эле алыңызчы" дегендер көп болду. Жеке өзүм үчүн узун чач ыңгайлуу. Кыска болгондо кам көрүп жүрүүгө туура келет. 

Певец отечественной эстрады Гулжигит Калыков во время интервью радио Sputnik Кыргызстан.
© Sputnik / Табылды Кадырбеков
"Евразия жылдызы" Гүлжигит Калыков: кашыма өмүрүмдө тийген эмесмин. Кичинекей кезимде эжем баса калып "кашыңды терип, колуңду боеп берейинби" деп чырылдата берчү. Эркектин эркектей эле болгону жакшы

— Эл алдындагы адамдар өзүнө бөтөнчө кам көрөт деп айтып калышат. Салондорго барып, сулуулаган адистердин кызматынан пайдаланасызбы?

— Кудай сактасын, өзүм ал нерсени колдобойм. Андай жигиттерге да каршымын. Кашыма өмүрүмдө тийген эмесмин. Кичинекей кезимде эжем баса калып "кашыңды терип, колуңду боеп берейинби" деп чырылдата берчү. Эркектин эркектей эле болгону жакшы. Эркектердин өзүн таза, тыкан алып жүргөнү жетиштүү. 

— Кыргыз шоу-бизнесинин "скромный" жигиттеринин катарын толуктасаңыз керек?

— Ар дайым эле олуттуу эмесмин. Айрымдар мени ачык мүнөз, шайыр адам катары билишет. Көп жерден, анын ичинде интервьюга барганда суроого эмне деп жооп берсем деп ойлонуп отуруп, олуттуу көрүнүп калат окшойм. 

— Акыркы жылдары чыгармачылыгыңызда бир аз тыным болгондой сезилет?

— Үй-бүлө оңой нерсе эмес экен. Көпкө ойлондум. Алгач каражат топтоп, анан кайсыл ресторанда той берем, калың канча берем деп жүрдүм. Негизи тоюма көп убакыт даярдандым. Чыгармачылыкта эле жүрө берсем жеке жашоомо көп көңүл бура албай калмакмын деп ойлойм. Үч жылдай сүйүүмдү куруп жүрүп, чыгармачылыгым бир аз басаңдагандай туюлса керек. 

— Үй-бүлө курганыңызда сизге карата күйөрмандардын мамилесин байкадыңызбы? Бизде үйлөнүп алышса эле жүз үйрүп кетишчү эле?

— Тескерисинче, үй-бүлөнүн фанаттары көбөйдү. Интернет булактарында баракчалар ачылып, сүрөттөрүбүздү сурап жатышты. Фан-клубдар топтолуп жолугалычы деген сунуштар көп болду. Чыныгы фанаттар аягына чейин туруктуу болоруна ишенем. 

— Евразия жылдызында ырдалган "Жамгыр төктүнү" мыкты ырдагандардын катарында экениңизди элдин көбү билсе керек. Ырдаганыңыз өзүңүзгө жакты беле?

— Азыр ошол маалда ырдаганым көп жага бербейт. Андан да жакшы ырдасам болмок деп ойлоп калам. Ал кезде ырга импровизацияны көбүрөөк кошуп салгандай сезиле берет. Мен "Жамгыр төктүнүн" 38-аткаруучусу экенмин. Улуу муундагылар бул ырды кыяк менен укчубуз деп калат. Биз болсо ырды эстрадалык-классикалык стилде алып чыкканбыз. 

— Баса, продюсериңиз менен кантип таанышып калдыңыздар эле?

Гүлжигит: Бишкектеги студиялардын бирине барып ырдап турчумун. Азат, Изат деген эгиз байкелер бар болчу. Ал жакка Канат байке дагы жумуштары менен келчү экен. Алар "сенин ырларыңды көргөздүк, жолугуп көрбөйсүңбү" деп айтышкан. 

Канат: Азат менен Изат Гүлжигитке боор тартып турушчу. Угуп койсоңуз деп жанды койбой компьютерлерин чукулап калышчу. Анан кийинкисинде Гүлжигит студияда өзү отуруптур. Группа ачып жаткам курамына кир десем, жеке ырчы болот элем деди. Үгуп көрүп, жүрүм-турумун, анан адамгерчилигин байкап иштеше баштадык. 

Певец отечественной эстрады Гулжигит Калыков во время интервью радио Sputnik Кыргызстан.
© Sputnik / Табылды Кадырбеков
Гүлжигит Калыков: мен сахнага далдаңдап чыгып бийлей албайм. Атам абдан сынчы киши. Атам улуу муундагылардын сахнада бийлегенин көрсө "буга жарашпайт" экен дей берет

— Чыгармачылыкта ар кандай кызыктуу дагы, оор дагы учурлар көп болсо керек?

Гүлжигит: Түйшүктүү учурлар көп болгон. Өзгөчө Евразия жылдыз сынагына түн уйкудан калып даярданганбыз. Конкурс бүткөндө Канат байке менен кетип баратып, марштутук таксинин терезесинен Түркиянын шаарларынын кооздугуна суктанып бара жатсам, "сен бул жакта көпкө эле жүрбөдүңбү, эми байкап жатасыңбы" деген. Көрсө ошол маалда оюмдун баары конкурс болуп жүрүптүр. Ар кайсы мамлекеттен талантыбызды тартуулап отуруп, финалга араң жеткенбиз. Ыр тандап, кайра аны жаттаганга эки-үч күндөн гана убакыт берилип жатты. Айтор түйшүктүү учурлар көп болду. Андан сырткары "Кайрылбаймын" деген ырымдын клибинде кыштын кыраан чилдесинде майкачан ырдаганга туура келген. Кээде чачым бузулуп, концерттерге чукул шымым айрылып калган кызыктуу күндөр өттү. 

Канат: Евразия жылдызын жеңгенде элдер биздин жеңишти аябай майрамдашыптыр, биз болсо бирден гамбургер жеп мейманканада отурдук. Анан мен "Гүлжигит, көзүңдү ачсаң эле ушунун баары түш болсо эмне кыласың" десем, "коюңузчу" деп жүрөгү түшүп калды. Финал күнү элдин баары көзүнө жаш алыптыр. Бизге болсо билинген жок. 

— Маселен, Гүлжигитке бир ыр жазып бердиңиз, бирок эмнегедир ал ыр башка ырчынын үнүнө туура келип калган учурларда эмне кыласыз? Азыр сиз Гүлжигиттен башка дагы балдарды тарбиялайсыз да?

— Мындай бир учур эсиме түштү. Алихандын "Кыялымдан кетпес" деген хит ыры эсиңизде болсо керек. Ошол ырды укканы баратканда Мирбек, Даниелдерди да ээрчитип алгам. Барсак эле ал ыр Мирбекке абдан жагып калып "Байке, мен бул ырды жакшы алып чыгам" дегенинен бир аз тартыша кеттик. Бирок мен башында жаңы ыр Алиханга жазылып атат деп айтып койгом, ошол себептен ыр ага буюрду. Мындай учурда калыстык керек деп ойлойм.

— Бири-бириңерге жаккан жана жакпаган сапаттарыңардан айта кетсеңиздер. Биринчи жакшысынан баштайлы?

Канат: Гүлжигит аракетчил. Айканын өз убагында аткарат. 

Гүлжигит: Канат байке ар бирине калыс мамиле кылат. Жаман сапаттары ишти көбүрөөк ойлоп, өзүн унутуп калат. 

Канат: Гүлжигит уйкучу. Анан дагы сахнага чыкканда бийле десем тилимди албай жүрөт. Жашоодо негизи ачык эле адам. Сахнага чыккандагы жоопкерчиликпи же улуу муундан уялабы билбейм, айтор, өзүн токтотуп коет. 

Гүлжигит: Мен сахнага далдаңдап чыгып бийлей албайм. Атам абдан сынчы киши. Атам улуу муундагылардын сахнада бийлегенин көрсө "буга жарашпайт" экен дей берет. Бир жолу бейтапканадан аксакал жолугуп "Гүлжигит, сен олуттуу ырларды ырда, эч качан сахнанын чаңын чыгарып талпаңдап бийлебе" деген. Анан ушундай сөздөрдү эстегенде бийлейин деген жаным кайра эле тартынып калам. Бирок акыркы учурда бийлеп коюп жатам ээ, Канат байке?

Канат: Качан?

Гүлжигит: Акыркы жолу чыгармачылык кечемде бийлебедимби? Ал жакта жаштар көп болду. Балконду карасам Канат байке мени сынап карап туруптур, анан болушунча бийледим. Бир маалда Канат байке өзү дагы бийлеп жатыптыр.

3052
Белгилер:
шоу-бизнес, сахна, эстрада, ырчы, Канат Култаев, Гүлжигит Калыков
Тема боюнча
Гүлнур Сатылганова: кыялымдагы мырзаны жолуктура алган жокмун
Мерген Турган: жакында кайната болом деп толкунданып жүрөм
Маданияттын мыкты кызматкери, Алыкул Осмонов атындагы адабий сыйлыктын ээси, акын Акбар Кубанычбеков

Кубанычбеков: адабиятчылар аймактарды аралап элге көп чыгышы керек

47
(жаңыланган 14:36 05.03.2021)
Маданияттын мыкты кызматкери, Алыкул Осмонов атындагы адабий сыйлыктын ээси, акын Акбар Кубанычбеков учурда поэзия тармагы өнүгүүгө багыт алып жатканын белгиледи.
Кубанычбеков: адабиятчылар аймактарды аралап элге көп чыгышы керек

Адабиятчылар маданий ротацияга муктаж болуп турат. Өзгөчө, акындар аймактарды кыдырып, чыгармаларын элге жеткирсе жакшы болмок. Мындай пикирин Акбар Кубанычбеков Sputnik Кыргызстан радиосуна маек куруп жатып билдирди.

Анын айтымында, чыгармалардын сынга кабылуусу анын окулуп жатканынан кабар берет.

"Поэзия тармагы элдик фольклордон чыныгы жазмага өткөнү жакшы эле өсүш болгон. Андан бери көптөгөн залкар акындар чыгып адабий айдыңда өз ордун ээлеп калды. Ал эми эгемендүүлүккө келе турган болсок, ортодо поэзия каралбай калган. Башкача айтканда, чыгарманын окурманы болуусу шарт. Алар жазуучунун өсүүсүнө түрткү болот. Көз карандысыздыктын алгачкы жылдары китеп окулбай калган. Азыр эми акырындап китепти кубалап окугандар пайда болуп келе жатат. Эгемендүүлүк алгандан бери 30 жыл болду. Бул аралыкта жакшы чыгармалар жазылды. Ошолорду иргеп, тандалмаларды топтоо зарыл. Анан адабий тармак маданий ротацияга муктаж болуп турат. Өз кезегинде Байдылда Сарногоевдин барбаган айылы калбаптыр. Азыр деле Маданият, маалымат, спорт жана жаштар саясаты министрлиги тарабынан акындарга аймактарды кыдыруу боюнча демилгеленсе, чыгармалар элге жетет эле", — деди Кубанычбеков.

Акын учурда жазылып жаткан чыгармалардын сапаты көбүнесе орто заар болуп жатканын кошумчалады.

47
Белгилер:
маданият, ротация, адабият, Акбар Кубанычбеков
Тема боюнча
Эгембердиева: аялзатынын адабиятка келишин жигиттер өздөрү шарттаган
Манасчы Дөөлөт Сыдыков. Архив

Сыдыков: калпакты кезегинде дүйнө эли таажы катары кабыл алган

31
(жаңыланган 13:58 05.03.2021)
Манасчы Дөөлөт Сыдыков кыргыз эли эзелтеден баш кийимди барктап, жаман же ылдый жерге койбой, боз үйгө киргенде кереге, уукка кыстарып коюшканын айтты.
Сыдыков: калпакты кезегинде дүйнө эли таажы катары кабыл алган

Чындыгында чет элдик адамдар кыргыздын калпагына кызыгып, суктанат. Илгери кырк уруу болуп көчүп-конуп, ар элге аралашып жүргөндө кийип жүргөн калпагынан улам кыргыз экени таанылган. Ар кандай чабуул, согуш болгондо башында калпагы бар адамдар бир атанын балдарыбыз деп бири-бирине тийген эмес. Бул тууралуу Дөөлөт Сыдыков Sputnik Кыргызстан радиосунун эфиринде маек куруп жатып билдирди.

Анын айтымында, айрым учурда адамдар өзүнүн уруусунун эн тамгасын түшүрүп кийишкен.

"Калпактын философиясын ар ким ар кандай чечмелеп келет. Алсак, төбөсүндөгү чачыгы кыркылып, кырк уруунун ынтымагын, биримдигин билдирген. Өңү ак мөңгү Ала-Тоого, жээгиндеги кара кыргагы тоонун айланасына конгон элге салыштырылган. Баш кийим төрт тилкеге бөлүнүп, аны төрт тарабың кыбыла деп түшүндүрүшкөн. Калпак Манаста өтө жогору бааланган баш кийим катары айтылат. Улуу Манас, Бакай, Кошой атабыз кийген. Аны дүйнө эли таажы катары кабыл алган. Баш кийимдин төбөсүн көрсөтпөйт дейт эмеспизби. Ошондуктан кыргыз эч качан эңкейип, жүгүнүп же бирөөгө тизелеп кошомат кылган эмес. Азыр улуттук баш кийим терең изилденип, анын тарыхы тээ илгерки фараондорго чейин жетип жатпайбы", — деди Сыдыков.

Манасчы ушу тапта калпакты барктап, даңазалай албай жатканыбызды кошумчалады.

31
Белгилер:
философия, манасчы, баш кийим, калпак, Дөөлөт Сыдыков
Тема боюнча
Парад, жарманке. Бишкекте Калпак күнүнө карата иш-чара өтөт

Тегеренип тээп, намысын бербей кармашып... Соңку UFC турниринен кызыктуу видео

0
(жаңыланган 16:57 07.03.2021)
UFC уюмунун кезектеги турниринде айрым мушкерлер күтүүсүз жерден чемпион аталса, кээ бири карьерасында биринчи жолу жеңилүү ызасын тартып, дагы бири ишенимдүү түрдө утту.

Эл көптөн күткөн Лас-Вегастагы UFC 259 турнири жыйынтыкталды. Кеченин башкы беттешинде польшалык Ян Блахович жаңы зеландиялык Исраэль Адесаньяны утуп, наамын коргоп калды. Адесанья биринчи жолу утулду (20:1).

Аманда Нуньес азырынча ага татыктуу атаандаш жок экенин тастыктады. Ага караганда бойлуу, сөөк-саактуу келген Меган Андерсон биринчи раундда эле өзүн көрсөтө алган жок.

UFC чемпиону Петр Ян наамын коргогон кармашта атаандашына тыюу салынган соккуну колдонгону үчүн беттештен четтетилип, ордуна америкалык Алджамейн Стерлинг чемпион болду.

Спорттук кечедеги дагы башка кызыктуу учурларды видеодон көрүңүз.

0
Белгилер:
видео, беттешүү, мушкер, Петр Ян, Аманда Нуньес, UFC
Тема боюнча
UFC мушкерлери Нуньес менен Андерсондун көз караштар таймашы. Видео
Спортко кайткыс кылып сабаган! Нуньес Роузини уткан беттеш толугу менен жарыяланды