БИШКЕК, 17-ноя.— Sputnik. АКШда өтө турган "Дүйнө сулуусу-2016" сулуулар сынагына Перизат Расулбек кызы көптөн күткөн визасын алып, бармай болду. Бул тууралуу Sputnik Кыргызстан сайтынын кабарчысына моделдик долбоорлор компаниясынын директору Таттыбүбү Самидин кызы билдирди.
18 жаштагы Перизат Расулбек кызы бул сынакка катышуу укугун "Кыргызстан сулуусу-2016" сынагын жеңгенден кийин алган. "Дүйнө сулуусу" 110дон ашык өлкөдөн келген сулуулардын катышуусунда 26-ноябрдан 18-декабрга чейин АКШнын борбору Вашингтондо өтөт.
Таттыбүбү Самидин кызынын берген маалыматына караганда кыргыз сулуусу АКШга 23-ноябрда учуп кетет.
Ошондой эле сынактын расмий сайтында кыргыз желегинин Казакстан өлкөсүнүн желеги менен алмаштырылган сүрөтү оңдолуп, кыргыз желеги коюлган.
