БИШКЕК, 28-ноя. — Sputnik. "Кыргызстан кыска метраждуу тасмалардын өлкөсү" эл аралык кинофестивалдын улуттук конкурсунда 12 тасма мыкты эмгек наамына ат салышаарын уюштуруучулар билдирди.
Аталган кинофестиваль — эл аралык жана улуттук болуп эки багытта өтөт. Эл аралык сынакка 200 билдирме келип, анын ичинен 14 тасма тандалып алынган.
Фестивалдын расмий ачылышы 12-декабрда "Манас" кинотеатрында болот.
15-декабрда "Мыкты тасма", "Мыкты режиссура", ""Калыстардын атайын сыйлыгы" жана "Көрүүчүлөрдүн симпатиясы" номинациялары боюнча жеңүүчүлөр аныкталат.
Улуттук конкурска катышып жаткан тасмалар:
- "Битик" (даректүү тасма, режиссер Таалайбек кызы Алтынай);
- "Инсомния" (драма, режиссер Тимур Искаков);
- "Кызыл короз" (көркөм тасма, режиссер Флора Газиева);
- "Лунатик" (драма, режиссер Кубандык кызы Зирегүл);
- "Тегирмен" (драма, режиссер Кенжебек Шайлообаев);
- "Олжо" (режиссер Таалайбек уулу Болсунбек);
- "Адамдын пейили" (анимация, режиссер Кубандык кызы Сырга);
- "Кошуналар" (анимация, режиссер Батыркан Илясов);
- "Үч күн" (драма, режиссер Нурила Умарова);
- "Бир катанын азабы" (даректүү тасма, режиссер Жекшенбай уулу Токтомуш);
- "Шляпа" (драма, режиссер Дастан Мадалбеков);
- "Бул жашоо" (комедия, режиссер Женк Демиркыран).
