Биз тобунун солисти Бактияр Токторов

Бактияр Токторов: "Буй-буйду" ырдаганда көбү мени ичип алган окшойт дешет экен

(жаңыланган 10:34 12.12.2016)
1990-жылдан бери популярдуулугун жоготпой, хит ырларды жаратып келген ырчылардан уучубуз куру эмес. Кыргыз эстрадасында өзүнүн ырдоо стили, манерасы, өжөрлүгү менен "Биз" тобунун солисти Бактияр Токторов башкалардан айырмаланып турат.
Бактияр Токторов "Буй-буй" ырын аткарды

КР эмгек сиңирген артисти менен журналист Гүлдана Талантбекова маектешти. 

— Алгач эле КР эмгек сиңирген артисти наамын алышыңыз менен куттуктайм! Бул сыйлыкты сиз күттүңүз беле?

— Рахмат. Чындыгында күткөн эмесмин. Биринчиден, музыкалык билимим жок, экинчиден филармонияда, же драма театрында деле иштеген жокмун. Болгону политехти бүтүп, өз алдымча топ түзүп иштеп жүрдүм да. Алгач ардак грамотага эле документ жөнөткөнбүз. Кудайдын каалоосу менен чуркагандыкы эмес, буюргандыкы болду окшойт. Бүгүнкү күнгө чейин өзүмдү татыксыздай сезип жүрөм. Негизи биз жакшыбы-жаманбы 90-жылдары эл кыйналып, тамак-ашка жетпей турганда эмгектендик десем жаңылышпайм. Азыр жашоо кудайга шүгүр. Ар бир кафеде күндө той. Маселен, мен жаңы жылга чейин бош эмесмин. Мурун артист десе эл олуттуу кабыл алчу эмес. Азыр элдин табити бир топ өзгөрдү. Сыртыңдан башкалар баалабаса да эл баалайт деп жүрө бериши мүмкүн. Бирок өзүңдөн кичүүлөр сыйлык алып жатса ичиңден кызыктай болуп каласың. Ошондуктан убагында алган жакшы экен. Азыр өзүмө ынанып калдым. Наам деле сөз үчүн, намыс үчүн керек. 

— Дайыма гүлдүү көйнөк кийип жүрөсүз. Өзүңүзгө жагабы же ырларга ылайыктайсызбы?

— (күлүп) Азыр силерден чыккандан кийин тойго барам. Костюм менен ырдаганда өзүңдү ээн-эркин сезе албай калышың мүмкүн. Мындай көйнөктөрдү базардан эле сатып алам. Азыр курсагым чыгып кетип жакшынакай көйнөктөрүмдү, кооз костюмдарымды кие албай калдым. Билбейм, менде жасалмаалуулук деле жок. Камерага түшөөрдө гримди "алдыгыныңар мен бир тердегенде эле түшүп калат" деп койдурбайм. Чачымды да ак басты, боёбой эле жүрөм. Уялып, тартынуу деген менде жок. Өзүмдүкүн бербеген көк бет окшоймун. 

Певец кыргызской эстрады, участник группы Биз Бактияр Токторов во время интервью на радио Sputnik Кыргызстан
© Sputnik / Жоомарт Ураимов
Кыргыз эстрадасында өзүнүн ырдоо стили, манерасы, өжөрлүгү менен "Биз" тобунун солисти Бактияр Токторов: негизи биз жакшыбы жаманбы токсонунчу жылдары эл кыйналып, тамак-ашка жетпей турганда эмгектендик десем жаңылышпайм. Азыр жашоо кудайга шүгүр

— Бизден кийин тойго барам деп калдыңыз. Кайсы ырларды көп суранышат?

— Бүгүн бешик той экен. Андыктан "Атасынын баласы" деген ырды ырдайм. Анан, албетте, "Буй-буйду" ырдатышат.

— Тойдогу ставкаларыңыз бир топ эле болсо керек?

— Ортодон жогору турат. Көбү сүйлөшкөнгө жараша. Эгер бир ай мурун сүйлөшүп, даталуу күндү белгилесе же алысыраак жакка чакыртса кымбатыраак эле болот.

— Ырларыңыздын арасынан "Буй-буй" бүгүнкү күнгө чейин популярдуулугун жоготпой келет. Сиздин атыңызды таппай калганда "буй-буй байке" деп да калышат. Бирок мен бул ырдын тарыхы кайгылуу деп уктум эле…

— Тарыхы болбой туруп ыр жаралбайт экен. Мындан он жыл мурун ызалангандан, бук болгондон, жараткандын буйругунан чыга албай баш ийүүдөн улам бул чыгарма жаралды десем болот. Адам каалаган нерсе болбойт экен. Балким айткандарым уккандарга сабак болуп калаар. Өзгөчө жаш үй-бүлөлөргө. Мен 1994-жылдары үйлөнө электе "атасынын баласы, муйдусунан өбөйүн" деп уулдуу болууну самап ыр чыгаргам. Анан үйлөнгөндө кыздуу боло бергенимде келинчегиме "УЗИге түш, эгер кыз болсо алдырып салалы" дедим. Анан түшсө эгиз деп калышты, тийген жокпуз. Ошол убакта тыйын-тыпыр чогултайын деп Кытайга чыгармачылык менен кеттим. Султан Раев маданият министри болуп турганда "Кытайга барганда абайлагыла, ал жакта баары катуу тескелет" деп эскерткен. Анан ошол Кызыл-Сууга барганда жандуу үн менен ырдаганыбызды билдирели деген ой менен "Кыргызстан" аттуу ырыбыздын кайырмасын "Кызыл-Суустан" деп жибердим. Ошонун айынан бизди акчасы жок кетирип жиберишти. Бир жумалык иштегенибиз текке кетти. Ала турчу акчама үй-бүлөлүк абалымды бир аз оңдоп алууга болот эле. Камайбыз дегенинен түшүнүк кат жазып араң кутулганбыз. Келсем кыздарым ичтен өлүү төрөлүп жерге беришкен экен. Келинчегим да реанимацияда көзү көрбөй 13 күн жатып калыптыр. Мен да тигил жактан акчасы жок келгем. Ошондогу абалымды "күн караңгы, түн да караңгы, бизди ээрчиген ай да караңгы, бирге жүргөн бактылуу күндөр, тынчымды алат, козгойт санаамды, ыйлай ыйлай калдың сен дагы" деген текст аркылуу жараткам. Кыздарымды Алла Таалам өзү алып кетти. Мен дагы оозумдан жаңылдым окшойт. Ошон үчүн кыргызда "буюрса" деген сөз бар да. Мен бул ырды сахнада эмес, өзүмчө эле ырдап жүрчүмүн. Кийинчерээк эле белгилүү болуп кетти.

— Анан уулдуу боло алдыңызбы?

— Ошондон кийин дагы кыздуу болсом, ал да бир сааттан кийин чарчап калды. Кийин дагы кыздуу болуп атын Аяна койдук. Анан кудайым уул берди. Азыр төрткө чыкты. Балдарымдын улуусу жыйырмага, ортончулары 16-17, кичүүлөрү төрт-бешке чыгып калды. Баягы эгиз кыздарым тирүү болгондо онго чыкмак. Азыр эми күн ысып, суук болуп кетсе дагы тобо кылып турам. Бардыгы Кудайдын буйругу менен аткарылат экен. 

Певец кыргызской эстрады, участник группы Биз Бактияр Токторов во время интервью на радио Sputnik Кыргызстан
© Sputnik / Жоомарт Ураимов
Бактияр Токторов: ырдап жатканда Бактияр байке ичип алган го деп ойлошот экен. Образга кирип, ички-кыймыл аракетти кошуп, ырдын ичине сүңгүп киргенде ошондой көрүнүп калсам керек. Өзүм да сары болгондуктан бат тердеп, кызарып кетем

— Бирок көбү "Буй-буйду" тойлорго сурай беришет. Ага сиздин көз карашыңыз кандай?

— Ооба, абдан көп сурашат. Анан ырдап жатканда Бактияр байке ичип алган го деп ойлошот экен. Образга кирип, ички-кыймыл аракетти кошуп, ырдын ичине сүңгүп киргенде ошондой көрүнүп калсам керек. Өзүм да сары болгондуктан бат тердеп, кызарып кетем. Бул үчүн кайгыруунун деле кереги жок деп ойлойм. Түштүк тарапта "буй-буй" деп киши өткөндө бир туугандары ыйлап турушат. Биздин аксакалдар "бул жерин алып эле салбайсыңбы" деп айтып жүрүштү. Анан барып отуруп ырдын буй-буйу көп кишиге жагаарын байкадым. 

— Ырларыңыздын аталыштары байкасам "Адина", "Айнура", "Айгүл" жана башкалар. Булар чындыгында жашооңузда болгонбу?

— Негизи жигит болгондон кийин сүйүү да болот экен. Мен жашоомдо он бир кызды сүйдүм. Жөн эле сүйүп эмес, аруу сезимдер менен сүйүүмдү арнагам. Анан жетпей калган кыздарыма ыр жаза бердим. "Кыздар ай" деген ырымда сегиз кыздын аты айтылат. Өзүм да романтикмин. Айрым учурда ырлардын аттары өзгөртүлгөн. Негизи жетпей калган сүйүү барктуу болот окшойт. Азыр өзүм жазган эки жүздөн ашуун ыр бар. Бул ырлар элдин эсинде терең калды. Башында чыкканда акындар менен иштешпейсиңерби ырыңар анча болбой жатат деп айткандар болгон. Негизи биринчи обонун жаратып анан кайырмасына кайталанма сөздөрдү издейм. Мисалы "ылдам, ылдам, ылдам, поезд жүрүп барат" деген сыяктуу. Акындар стандарттуу түрдө алты, сегиз муундуу ырларды жазышат. Акындардан айланса болот, алардын да оюн сыйлайм. 

— Көп кызга арзууңузду арнап жүрүп анан жубайыңызды кантип таптыңыз?

— Биринчиси Оксана Матисакова деген болгон. Экөөбүз бир жыл чогуу жашап, кыздуу болгонбуз. Азыркысы Лейлектен болот. Ал убакта тиш доктур болуп иштеген карындашым "сизге ылайыктуу кыз бар" деп калды. Сүрөтүн сурасам издеп таппай коюшканынан айылга өзүм бардым. Таанышып, анан онду бүткөндө эле ала качып алдым. Анын да көңүлү бар экен (күлүп). Экөөбүздүн мүнөзүбүз, жадакалса тамакка болгон табитибиз да окшош. Буюрса бизде баары жакшы, бактылуубуз. 

— "Биз" тобунун көп ырлары популярдуу десем жаңылышпайм. Кайсы ырларды жаратууда кыйынчылыктар жаралган? 

— Илгери жылына он ырды бириктирип бир альбом чыгарчу элек. Биринчисин ийгиликтүү чыгарып, экинчи альбомду чыгарууда аябай кыйналып, көпкө издендик. Биз Бек борбиев, Мыктыбек Арстанбек, Мухтар Атаналиев болуп Политехникалык институтта чогуу окуганбыз. Анан "Беки (Бек Борбиев. Автор.) сенин ырларың кандай болуп жатат, меники такыр чыкпай жатат" десем, "меники да жакшы болбой жатат" деди. Ошондо радиодон белгилүү ырчы Высоцкий ичкенде илхамы келет экен деп угуп калдык. Анан бир бөтөлкө, калем сап, гитараны көтөрүп алып Ататүрк паркынын үстүнө тизеден өйдө болгон чөпкө бардым. Кечке отурдум, ичсем ыр деле чыккан жок. Бул илхам келиш да өтө татаал экен. Көрсө ошондо аябай ыр жазгым келиптир. Окшош ырлар болсо да ичим жылыбайт. Дайыма өзүмдөн жаңычылыкты, өзгөчөлүктү талап кылам. Ошол учурда кыйналганым эсимде. Буйрутма берип ыр чыгарган ырчыларга таң калам. Жан дүйнөсүндө тынчтык болсо, кайгылуу ырды аткарышы мүмкүнбү? Мен маселен бирөөгө ыр жазып бере албайм. Бирок айрым учурда актердой кылып куюлуштура ырдын образын ачып бергендер бар. Аларды азаматтар демекчимин. 

Певец кыргызской эстрады, участник группы Биз Бактияр Токторов во время интервью на радио Sputnik Кыргызстан
© Sputnik / Жоомарт Ураимов
Бактияр Токторов: мен ырдап чыккан жаштарды сындай албайм. Бул өтө назиктикти талап кылган эмгек. Ким таланттуу экенин эл өзү тандап алат

— "Биз" тобу тууралуу да айта кетсеңиз. Азыр деле чогуу иштешип турасыңарбы?

— Ортодо анча-мынча тыным болгону менен биргеликте эле келе жатабыз. Азыр үч студиябыз бар. Ыр жазалы десек студия, тарталы десек аппарат бар. Колдо бар алтындын баркы жок деген ушул экен. Мурда башкаларды карап "ии менде ушундай аппарат болсо кана, тигилерди карачы, кандай бактылуу адамдар" дечү элек. Жалкоолукпу же эмне, билбейм…

— Ырларыңызды азыр жаштар аткарып жатканына күбө болуп келебиз. Алардын аткаруусу өзүңүзгө жагып атабы?

— Силердин ырларды ырдоо татаал деп жүрүшчү. Азыр жаштар сонун эле кылып ырдап жатышат. Маселен Кайрат Примбердиевди "Поезддеги махабатты" жакшы ырдаган деп айтышат. Мен мисалы ырдап чыккан жаштарды сындай албайм. Бул өтө назиктикти талап кылган эмгек. Ким таланттуу экенин эл өзү тандап алат.

— Ортодо кандайдыр бир макулдашуу, финансы жагы да эске алынабы?

— Мен ырларыма акча албайм. "Эгер кимде ким "Биз" тобунун ырларын ырдагысы келсе алып ырдай берсин" деп бүгүнкү күнгө чейин айтып келем. Ага болбой эле уруксат сурагандар бар. Чоң сүйлөп алсам кечирим сурайм. Бирок акырындык менен "Биз" тобунун ырларынын автору унутулуп, элдик ырга айланышын каалайм. Элдик ырларды деле убагында бирөөлөр чыгарган да. Баары чогулуп алып бир ырды чыгарган деген түшүнүк болгон эмес.

Белгилер:
шоу-бизнес, эстрада, Бактияр Токторов
Тема боюнча
Гүлжигит Калыков: атамдан тартынып сахнада ачылып бийлей албай жүрөм
Бийчи Атай: ушунча жыл сахнада жүрөм, бирок, мен таланттуу эмес экенмин
Дизайнер Замира Молдошева: ырчылардын талантына карап туруп стилине киришем
Төкмө акын Амантай Кутманалиев

Атама 20 жаштан өтүп жолуккам. Саргашка акын Амантай Кутманалиев менен маек

(жаңыланган 23:03 20.04.2021)
Бүгүн кыргыздын ак таңдай акындарынан жаштайынан сабак алып, аларды устат туткан Амантай Кутманалиевдин туулган күнү. КРдин эмгек сиңирген артисти мындан 34 жыл мурун айылдагы мектепти бүтүрүп келип, 18 жашында филармониянын босогосун аттаган.

Өмүрүнүн басымдуу бөлүгүн куттуу жайга байлаган 52 жаштагы талант менен Sputnik Кыргызстан агенттигинин кабарчысы маек курду.

— Сөздү балалыгыңыздан баштайлы. Атаңызды бой жеткенде гана көргөн экенсиз.

— Адамдын турмушу өйдө-ылдый, ар кандай болот. Биз боор көтөрө элек кезде атам менен апам эки башка жолго түшүп, өз-өзүнчө жашап калган. Мен 90-жылдардын башында эл алдына чыгып калганда атам мени телевизордон көрүп бир күнү филармонияга издеп келиптир. Ал кезде Улуттук филармониянын алдындагы эки жылдык студияны аяктап иштеп баштагам. Бир күнү режиссёр "Амантай, сага аябай окшош киши келиптир, атаң эле окшойт" деп айтып калды. Анан эшикке чуркап чыксам эле атам кучактап калды, көз жашы мойнуман ылдый агып койнума кирет десең... Аябай сагыныптыр. Экөөбүз ээрчишип алып жолдун аркы өйүзүндөгү ашканага барып тамактанып сүйлөшүп отурдук. Каякта турарымды сурап, "элге таанылып келе жатканда мени пайда болуп калды деп ойлобогун. Биздин санжыра, тарыхыбызды билип калсын деп ошолорду кеп кылганы атайы келдим" деди. Мен аталап эле аны жатаканага ээрчитип жөнөдүм. Ал кезде Элмирбек Иманалиев экөөбүз бир бөлмөдө жашачубуз, ал айттырбай эле сыртка чыгып кетти. Атам узак убакыт көп нерсени сүйлөп отурду, мен болушунча көңүл буруп укканга аракет кылдым. "Балам, акты-көктү билип калдың, Эстебес Турсуналиевдей залкарларды атадай көрүп этегин кармап, чачпагын көтөрүп ээрчип жүргөнүң жакшы. Биздин тукумда жамакчылык, ырчылык өнөр болгон. Чоң атаң Кутманалы комузу жок эле той-топурларда жар чакырып ырдачу" деп айткан эле.

Акын-импровизатор Амантай Кутманалиев
© Sputnik / Мирбек Сакенов
КРдин эмгек сиңирген артисти Кутманалиев эки уулдун атасы

— Ошондо канча жыл такыр көрүшпөй жүрүп жолугуп жатасыздар?

— Апам "атаң жок, өлүгүңдү көрөйүн, өлүп калган" деп койчу. Аны кийин түшүндүм, бала куса болбосун, түңүлүп чыйрак өссүн деп ошентчү экен да. Себеби кичинекей кезимде атама өзгөчө жакын экенмин. Биз жолукканда атам 62 жашта болчу. Анда атам "апаңа кайра чогуу эле турмуш улайлы деп канча жолу бардым, бирок макул болбой койду" дегени эсимде. Филармониядан жолукканга чейин атамды 2-3-класста көргөм. Кийин мага латын арибинде ыр түрүндө кат жазып да жүрдү, ал каттары азыркыга чейин сакталып жүрөт.

Филармонияда кезиккен соң көпкө чейин амандаша албай, таштап кеткен дарегине бара албай жүргөм. Бир күнү кайтыш болуп калганын филармонияда иштегендер угузушту. Атамдын байбичесинин улуу баласы менен сүйлөшүп, ага атамды өзүмдүн айылыма алып барып жерге береримди шак эле айттым. Андан соң эмне кыларымды билбей апама чалып угузуп, ал кишини көндүрүш үчүн "атамды Кара-Балтада акыркы сапарга узаталы деп жатышкан экен. Анан мен өзүм акын болом деп жүрсөм, кийин бир акын менен айтышып жатканда "сенин атаңдын сөөгү талаада калган" десе мен эмне кылам деп апамды эптеп көндүргөм. Атамды Таласка айылга алып барып жерге берип, аксакалдардын алкоо сөздөрүн уккам.

— Апаңыз дагы акылман жан экен да...

— Апам атамдын экинчи аялы эле. Биринчи жубайынан бала көрбөгөндүктөн күйөөсү каза болуп төрт баласы менен калган апама жолугуп баш кошкон. Экөө кийин бала-бакыралуу болуп жашап жүрүп, эки башка жолго түшкөн экен. Ошентип апам жалгыз тогуз баланы чоңойтуп өстүрдү. Ал кишинин акылмандыгынан эки атанын балдары болгонубузга карабай ынтымактуу, бири-бирибизге жаман сөз айтпай эрезеге жеттик.

  • Акын-импровизатор Амантай Кутманалиев
    Төкмө акын Амантай Кутманалиев мындан 34 жыл мурун айылдагы мектепти бүтүрүп келип, 18 жашында филармониянын босогосун аттаган
    © Фото / предоставлено Амантаем Кутманалиевым
  • Акын-импровизатор Амантай Кутманалиев
    Төкмө акын Амантай Кутманалиев: апам "атаң жок, өлүгүңдү көрөйүн, өлүп калган" деп койчу. Аны кийин түшүндүм, бала куса болбосун, түңүлүп чыйрак өссүн деп ошентчү экен да
    © Фото / предоставлено Амантаем Кутманалиевым
  • Акын-импровизатор Амантай Кутманалиев
    Төкмө акын Амантай Кутманалиев: Ашыраалы Айталиев, Тууганбай Абдиев, Эстебес Турсуналиев, Замирбек Үсөнбаев — бардыгы тең устаттарым. Ошолор менен жүрүп калганыма сыймыктанам
    © Фото / предоставлено Амантаем Кутманалиевым
1 / 3
© Фото / предоставлено Амантаем Кутманалиевым
Төкмө акын Амантай Кутманалиев мындан 34 жыл мурун айылдагы мектепти бүтүрүп келип, 18 жашында филармониянын босогосун аттаган

— Биринчи устатыңыз ак таңдай акын Эстебес Турсуналиев, айылда ал кишинин көзүнө кантип илинип калдыңыз эле?

— Биздин айылга Эстебес Турсуналиев концерт коюп барып, менин чымынымды байкап филармонияга чакырган. Эстекем дегенде бүт айыл клубга түп көтөрүлө барчу. Мен ал кезде комуз билчү эмесмин. Концерт бүткөндөн кийин мени сахнанын артындагы бөлмөгө агам жетелеп барды. Устатым ырда деди, мен адатымча эле көзүмдү жумуп алып ырдап кирдим. Соңунда төкмө акын "мына бул балаңарды сөзсүз борборго алып келгиле, бирдемеси бар экен. Армияга чакырып кетсе ысык-суукта үнү, ою өзгөрүп кетиши мүмкүн, сөзсүз алып баргыла" деп айылдын клубуна табыштап кеткен. 1987-жылдын аяк ченинде Фрунзеге келип шак эле филармонияга жумушка алынгам. Ал жылдары улуу муундун өкүлдөрү Замирбек Үсөнбаевден кийин эл арасынан жамактап, оюнан чыгарып ырдаган балдар чыгабы деп караштырып жүрүшкөн экен.

— Айылдагы мектепти бүтүп эле 18 жашыңызда филармонияга келип, куттуу жерге өмүрүңүздү байлап койгон экенсиз да?

— Филармониянын тарыхында айылдан түз эле келип жумушка алынган мен элемин. Жаш акындар жок болуп, Эстекем шак эле штатка киргизип койгон. Ал кезде командировкалар көп болуп Алматы шаарына Кызыл-Аскерге баргандай эле каттай берчүбүз. Өзбекстандагы, Тажикстандагы кыргыздарга чейин барчубуз. Менимче, акын, ырчы көбүнчө ошондой сапарларда, эл арасында жүргөндө такшалып, чери да жазылат. Алыстан автобус менен борборго жакындап калганда элдин баары сүйүнчү, менин Фрунзеде там-ташым деле болбогондуктан кайра аймактарга кетип калгым келчү. Жалпы 35 жылга чукул бул жакта иштеп келем, анын 16 жылын жатаканада, батирлерде жашап жүрдүм. Ошол жылдары Жаңыл Абдрахманова деген жеңең менен Искусство институтунун жатаканасында табышып үйлөндүк. Азыр ортобузда Эмир, Байтур деген эки уулубуз бар.

— Башкаларга салыштырмалуу улуу муундагы залкар акындар менен сиз көп иштешип калдыңыз. Алардан алганыңызды кийинки муунга өткөрүү вазийпасы мойнуңузда болсо керек?

— Ашыраалы Айталиев, Тууганбай Абдиев, Эстебес Турсуналиев, Замирбек Үсөнбаев — бардыгы тең устаттарым. Ошолор менен жүрүп калганыма сыймыктанам. Алар бизге "балдар, силердин оозуңарга ыр салып бере албайбыз, өзүңөрдүн ары жагыңарда бир нерсе болуш керек. Бизден ырдоо манераны, акындык обондорду, тарых, санжыраны гана ала аласыңар. Шакирти устатына аябай окшош болбошу керек. Сабак алган адамдарынын көлөкөсүндө калып калат. Бир эле адамды устат катары көрүү туура эмес" деп калышчу. Биз ошол залкарлардан үйрөнгөнүбүздү азыр колдон келишинче жаштарга берип жатабыз. Азыр арабызга таланттуу жаштардын кошулуп жатканына абдан сүйүнөм. Бүгүнкү күндө 30-40тай акын бар. Ар бири өзүнүн орду, салмагы, табылгасы менен айырмаланып турат. Мен филармонияга жаңы келгенде төрт эле төкмө калды, ошолор менен бул өнөр токтоп калабы деген сөздөр жүрчү.

Акын-импровизатор Амантай Кутманалиев
© Sputnik / Мирбек Сакенов
Ак таңдай акын устаттык кылып бош убактысында жаш акындарды тарбиялоо менен алек

— Кесиптик ишмердүүлүк же чыгармачылыкта сөзсүз изденүү талап кылынат. Сиздер кантип изденесиздер?

— Изденүү — жашоонун бир бөлүгү. Ал токтоп калса адам муздап, жашоого көңүлү тартпай калат. Токтоп калган суудай болуп сасып, бака чардаган көлчүккө айланат.

— Буга чейин Кыргыз Республикасынын Ардак грамотасын, КРдин эмгек сиңирген артисти наамын алган элеңиз. Эл артистин алганга убакыт келип калган экен да?

— Сыйлыкты берсе алып, бербесе эч качан кейибеш керек. Анткени сыйлык чыгармачылыкка абдан чоң таасир бере албайт, балким, дем-күч болор. Менимче, сыйлык бергенде адамды өкмөт расмий тааныды деп билсек болот. Анан сыйлык руханий эмес, материалдык нерсе. Эң негизгиси, туура ыйгарылып, аны татыктуулар алганы жакшы. Мен деле эл артисти болгонго жарап калдым окшойт.

Белгилер:
маек, төкмө акын, Амантай Кутманалиев
Тема боюнча
Ашыраалы Айталиевдин небереси: чоң атам футбол, бильярд ойночу, романтик эле
Кубанычбеков: адабиятчылар аймактарды аралап элге көп чыгышы керек

Элмирбектин жаштыгы, тагдыры, өксүткөн өлүмү... Акындын сүрөттө калган элеси

(жаңыланган 13:31 20.04.2021)
  • Элмирбек Иманалиев 1993-жылдан тарта төкмө акындардын республикалык, эл аралык конкурстарына, фестивалдарына катыша баштаган. Сүрөт 1993-1994-жылдары Ак таңдай сынагында тартылган.
  • 20 жыл мурунку сүрөт. Алп акындардын жаш кези.
  • Элмирбек Иманалиев устаты Тууганбай Абдиев жана башка теңтуштары менен
  • Бул кадрда Элмирбек Иманалиев кинорежиссер, жазуучу жана коомдук ишмер Дооронбек Садырбаев жана азыркынын белгилүү төкмөсү Азамат Болгонбаев менен
  • Элмирбек Иманалиев ар тараптуу талант эле. Ал төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон.
  • Иманалиев айтылуу Токтогул акындын эң жакын үзөңгүлөш өнөгү Эшмамбет Байсейит уулунун жээн чөбөрөсү экендигин белгилей кетели
  • Акын Элмирбек Иманалив ырчы Гүлбү Ороскул кызы менен. Эки өнөрпозду чыгармачылык гана эмес, турмуштук жол дагы бириктирген.
  • Эки таланттын күлгүндөй жаш кези. Сүрөттө алар группалаштары менен.
  • Элмирбек акын Бүбүсара Бейшеналиева атындагы искусство институтун бүтүрсө, Ороскул кызы Муратаалы Күрөңкеев атындагы училищеден билим алган.
  • Өнөр адамдары Айзуура жана Сезим аттуу кыздуу болушкан. Жубайлар кийинчерээк эки ача жолго түшкөн.
  • 2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.
  • Жубайы Нурзат медицина кызматкери. Өзү өнөрдөн алыс болсо да күйөөсүнүн айтыштарын калтырбай көрүп, күйөрмандык кыларын айтканы бар.
  • Нурзат айым Элмирбек экөө башында байке-карындаш катары эле сүйлөшкөнүн, кийин билинбей жүрүп эле жакын болуп кеткенин баяндап берген
  • Жубайлар үч уул, бир кыздуу болушкан
  • Элмирбек Иманалиев улуу жана кичүү муундагы шакирттери менен
  • Акын 2016-жылы маданиятка кошкон салымы үчүн КРдин эл артисти наамына ээ болгон
  • Ак таңдай акын 42 жашында каза тапты. Өзү өтсө дагы өнөрү түбөлүк экени шексиз. Туугандары анын атындагы коомдук фонд негиздеген.
  • Иманалиев ооруканадан көз жумган, анын кант диабети менен жабыркап жүргөнү айтылган.
  • Акындын иш бөлмөсү бош калды... Сүрөттө комуздары, чапаны жана сыйлыктары.
  • Жубайы Нурзат Абдрашитова редакцияга берген маегинде жашоо жолдошу бардагыдай эместигин, сагынычы күч алганын айткан.
  • Элмирбек Иманалиев жубайы Нурзат жана жакын досу, белгилүү акын Зайырбек Ажыматов менен. Тилекке каршы, Ажыматов Иманалиев көз жумгандан 9 күндөн кийин каза болгон.
Алп акын Элмирбек Иманалиев былтыр 20-апрель күнү дүйнө салган. Дал ушул күндөн тарта улуу таланттын экинчи өмүрү башталып, эл оозунан түшпөй келет.

Иманалиев ооруканадан көз жумган, анын кант диабети менен жабыркап жүргөнү айтылган.

Sputnik агенттиги өнөрпоздун жаштыгын, сүйүүсүн, үй-бүлөсүн, чыгармачылык жолун баяндаган сүрөттөрдү сунуштайт.

Акын 1978-жылы 17-январда Токтогул районунун Өзгөрүш айылында жарыкка келген. 15 жашынан төкмө акындардын республикалык, эл аралык конкурстарына, фестивалдарына катышып таанылган. Казак-кыргыз журтчулугуна төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон. 2016-жылы ага КРдин эл артисти наамы берилген.

  • Элмирбек Иманалиев 1993-жылдан тарта төкмө акындардын республикалык, эл аралык конкурстарына, фестивалдарына катыша баштаган. Сүрөт 1993-1994-жылдары Ак таңдай сынагында тартылган.
    © Фото / предоставлено Айзуурой Иманалиевой

    Элмирбек Иманалиев 1993-жылдан тарта төкмө акындардын республикалык, эл аралык конкурстарына, фестивалдарына катыша баштаган. Сүрөт 1993-1994-жылдары "Ак таңдай" сынагында тартылган.

  • 20 жыл мурунку сүрөт. Алп акындардын жаш кези.
    © Фото / предоставлено Айзуурой Иманалиевой

    20 жыл мурунку сүрөт. Алп акындардын жаш кези.

  • Элмирбек Иманалиев устаты Тууганбай Абдиев жана башка теңтуштары менен
    © Фото / предоставлено Асылбеком Маратовым

    Элмирбек Иманалиев устаты Тууганбай Абдиев жана башка теңтуштары менен

  • Бул кадрда Элмирбек Иманалиев кинорежиссер, жазуучу жана коомдук ишмер Дооронбек Садырбаев жана азыркынын белгилүү төкмөсү Азамат Болгонбаев менен
    © Фото / предоставлено Азаматом Болгонбаевым

    Бул кадрда Элмирбек Иманалиев кинорежиссер, жазуучу жана коомдук ишмер Дооронбек Садырбаев жана азыркынын белгилүү төкмөсү Азамат Болгонбаев менен

  • Элмирбек Иманалиев ар тараптуу талант эле. Ал төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон.
    © Фото / предоставлено Айзуурой Иманалиевой

    Элмирбек Иманалиев ар тараптуу талант эле. Ал төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон.

  • Иманалиев айтылуу Токтогул акындын эң жакын үзөңгүлөш өнөгү Эшмамбет Байсейит уулунун жээн чөбөрөсү экендигин белгилей кетели
    © Фото / предоставлено Айзуурой Иманалиевой

    Иманалиев айтылуу Токтогул акындын эң жакын үзөңгүлөш өнөгү Эшмамбет Байсейит уулунун жээн чөбөрөсү экендигин белгилей кетели

  • Акын Элмирбек Иманалив ырчы Гүлбү Ороскул кызы менен. Эки өнөрпозду чыгармачылык гана эмес, турмуштук жол дагы бириктирген.
    © Фото / предоставлено Айзуурой Иманалиевой

    Акын Элмирбек Иманалив ырчы Гүлбү Ороскул кызы менен. Эки өнөрпозду чыгармачылык гана эмес, турмуштук жол дагы бириктирген.

  • Эки таланттын күлгүндөй жаш кези. Сүрөттө алар группалаштары менен.
    © Фото / предоставлено Айзуурой Иманалиевой

    Эки таланттын күлгүндөй жаш кези. Сүрөттө алар группалаштары менен.

  • Элмирбек акын Бүбүсара Бейшеналиева атындагы искусство институтун бүтүрсө, Ороскул кызы Муратаалы Күрөңкеев атындагы училищеден билим алган.
    © Фото / предоставлено Айзуурой Иманалиевой

    Элмирбек акын Бүбүсара Бейшеналиева атындагы искусство институтун бүтүрсө, Ороскул кызы Муратаалы Күрөңкеев атындагы училищеден билим алган.

  • Өнөр адамдары Айзуура жана Сезим аттуу кыздуу болушкан. Жубайлар кийинчерээк эки ача жолго түшкөн.
    © Фото / предоставлено Айзуурой Иманалиевой

    Өнөр адамдары Айзуура жана Сезим аттуу кыздуу болушкан. Жубайлар кийинчерээк эки ача жолго түшкөн.

  • 2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.
    © Фото / предоставлено Айзуурой Иманалиевой

    2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.

  • Жубайы Нурзат медицина кызматкери. Өзү өнөрдөн алыс болсо да күйөөсүнүн айтыштарын калтырбай көрүп, күйөрмандык кыларын айтканы бар.
    © Фото / предоставлено Нурзат Абдрашитовой

    Жубайы Нурзат медицина кызматкери. Өзү өнөрдөн алыс болсо да күйөөсүнүн айтыштарын калтырбай көрүп, күйөрмандык кыларын айтканы бар.

  • Нурзат айым Элмирбек экөө башында байке-карындаш катары эле сүйлөшкөнүн, кийин билинбей жүрүп эле жакын болуп кеткенин баяндап берген
    © Фото / из семейного архива Иманалиевых

    Нурзат айым Элмирбек экөө башында байке-карындаш катары эле сүйлөшкөнүн, кийин билинбей жүрүп эле жакын болуп кеткенин баяндап берген

  • Жубайлар үч уул, бир кыздуу болушкан
    © Фото / предоставлено Нурзат Абдрашитовой

    Жубайлар үч уул, бир кыздуу болушкан

  • Элмирбек Иманалиев улуу жана кичүү муундагы шакирттери менен
    © Фото / предоставлено Нурланом Темирбек уулу

    Элмирбек Иманалиев улуу жана кичүү муундагы шакирттери менен

  • Акын 2016-жылы маданиятка кошкон салымы үчүн КРдин эл артисти наамына ээ болгон
    © Фото / из личного архива Элмирбека Иманалиева

    Акын 2016-жылы маданиятка кошкон салымы үчүн КРдин эл артисти наамына ээ болгон

  • Ак таңдай акын 42 жашында каза тапты. Өзү өтсө дагы өнөрү түбөлүк экени шексиз. Туугандары анын атындагы коомдук фонд негиздеген.
    © Sputnik / Табылды Кадырбеков

    Ак таңдай акын 42 жашында каза тапты. Өзү өтсө дагы өнөрү түбөлүк экени шексиз. Туугандары анын атындагы коомдук фонд негиздеген.

  • Иманалиев ооруканадан көз жумган, анын кант диабети менен жабыркап жүргөнү айтылган.
    © Фото / из личного архива Элмирбека Иманалиева

    Иманалиев ооруканадан көз жумган, анын кант диабети менен жабыркап жүргөнү айтылган.

  • Акындын иш бөлмөсү бош калды... Сүрөттө комуздары, чапаны жана сыйлыктары.
    © Фото / Нурзат Абдырашитова

    Акындын иш бөлмөсү бош калды... Сүрөттө комуздары, чапаны жана сыйлыктары.

  • Жубайы Нурзат Абдрашитова редакцияга берген маегинде жашоо жолдошу бардагыдай эместигин, сагынычы күч алганын айткан.
    © Sputnik / Табылды Кадырбеков

    Жубайы Нурзат Абдрашитова редакцияга берген маегинде жашоо жолдошу бардагыдай эместигин, сагынычы күч алганын айткан.

  • Элмирбек Иманалиев жубайы Нурзат жана жакын досу, белгилүү акын Зайырбек Ажыматов менен. Тилекке каршы, Ажыматов Иманалиев көз жумгандан 9 күндөн кийин каза болгон.
    © Фото / из семейного архива Назыма Зайырбек уулу

    Элмирбек Иманалиев жубайы Нурзат жана жакын досу, белгилүү акын Зайырбек Ажыматов менен. Тилекке каршы, Ажыматов Иманалиев көз жумгандан 9 күндөн кийин каза болгон.

Белгилер:
эскерүү, сүрөт, чыгармачылык, төкмө акын, Элмирбек Иманалиев, Кыргызстан
Тема боюнча
Элмирбек Иманалиевдин жубайы: жашоо атабыз бардагыдай эмес, сагыныч күч алды...
Ооруканада палатадагы капельница. Архив

Бишкекте уу коргошунга ууланып төртүнчү бейтап ооруканага түштү

(жаңыланган 22:48 20.04.2021)
Учурда бейтап Бишкектеги Травматология жана ортопедия илим-изилдөө борборунда жатат. Абалы туруктуу экени айтылды.

БИШКЕК, 20-апр. — Sputnik. Бишкек шаарында уу коргошунга ууланган төртүнчү адам ооруканага түштү. Бул тууралуу кабарды Саламаттык сактоо жана социалдык өнүктүрүү министрлигинин маалымат кызматы тастыктады.

Билдирүүгө ылайык, бейтап тундурманы беш күндөн бери үйүндө ичип жатканын айткан. Учурда ал Бишкектеги Травматология жана ортопедия илим-изилдөө борборунда жатат. Абалы туруктуу.

Кыргызстандын президенти Садыр Жапаров
© Пресс-служба президента КР / Султан Досалиев
Ушуну менен борбор калаада уу коргошунга ууланган төртүнчү бейтап катталганы маалым болду. Бүгүн аталган ооруканага 71 жана 67 жаштагы жубайлар түшүп, алдын ала диагнозу "аконитке уулануу, аритмогендик шок" деп коюлган.

Андан мурдараак Тез жардам кызматы уу коргошунга ууланган киши ооруканага жеткирилгенин билдирген. Министрлик ал белгисиз затка ууланганын айтып, каны менен заарасы экспертизага жиберилгенин маалымдады. 

Уу коргошун чуусу

Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй мамлекет башчы өзү аконит (уу коргошун) кайнатып жасап жатканы белгилүү болду

Ал эми саламаттык сактоо министри Алымкадыр Бейшеналиев түз эфирде уу коргошун ичип, мындан ары коронавирустан дарылоого колдонуларын жар салган. Ошол эле учурда бул тундурманы адам муздак ичип алса беш мүнөткө жетпей өлөрүн эскерткен.

Белгилер:
Бишкек, уулануу, бейтап, оорукана, Ысык-Көл тамыры, уу коргошун
Тема:
Уу коргошун чуусу
Тема боюнча
Уу коргошун ичкендерден кагаз жүзүндө уруксат алган эмеспиз. Министрдин маеги