Модель Айсулуу Молдалиева и актриса Мээрим Атантаева

Нукура жүз: кыргызга таанымал кыз-келиндердин боёксуз жүзү сүрөттө

47230
(жаңыланган 16:42 10.02.2017)
Эгерде сиз атактуулардын боексуз сүрөтүн чет жердеги папарацилердей аркасынан кууп жүрүп, бак-дарактарга жашынып, ити чыга калса дубалдан шыпырылып же кечкисин күзгүгө каранып жатканда "чырк" эттирип алды десеңиз жаңылышасыз.

Sputnik Кыргызстан маалымат агенттиги өлкөдө аты чыккан адамдардын бетин боексуз ачуу менен "Нукура жүз" долбоорун сунуштайт. Биз боек адамды канчалык деңгээлде өзгөртө турганын байкаштырып көрдүк. Даяр болсоңуздар, кеттик! Катуу сындамай жок, сулууларды эки вариантта кабыл алабыз.

Алып баруучу Назира Айтбекова: Мен басканда сулуулугума суктанып, ай аңтарылып, күн коңторулуп кетет дебейм. Бирок жылдыздуумун. Көбү көзүм менен жылмаюума баа беришет. Жаратканга нааразы эмесмин. Кандай жаралсам, ошого ыраазымын. Боенгуч каражаттарына мен эмес, кесибим муктаж кылат. Эфирге макияж менен чыгуу шарт. Күнүмдүк жашоодо боегу жок деле жүрө берем.

Диктор, тележурналист Айтурган Сатиева: Жакын адамым жылуу сөзүн арнап турганда өзүмдү абдан сулуу сезем. Кудайдын берген келбетине ыраазымын, жүзүм толугу менен өзүмө жагат. Визажисттердин айтуусу боюнча жүзүмдү кашым ачат экен. Алар сизди боенткондо форма чыгарып убара тартпайбыз деп калышат. Эфирдин, сахнанын талабына ылайык боенгонго туура келет. Башка учурда боегучтарга муктаж деле эмесмин.

Модель, актриса Мээрим Атантаева: Бетимдеги меңимди көбү атайын боеп алган деп ойлошот. Мен апамдын белеги деп коем. Чоң апам жаштыктын өзү сулуу деп айтып калаар эле. Ошондуктар кирпикти узартып, татуаж кылбай эле, биринчиден бетимдин терисине көбүрөөк кам көрүп, ден соолугума караганда аракет жасайм. Убагында уктап, жакшы тамактансаң — бардыгы жүзүңдөн көрүнөт. Студент кезимде боенгуч каражаттарга кызыгып баарын ала берчүмүн. Кийин көбү колдонулбай эле ыргытылып кетти. Байкаштырып көрсөм, мага боенгучтун деле кереги жок экен. Боенуу дагы убакытты талап кылат. Бийге, машыгууларга барганда тердеп жүдөйм.

Алып баруучу Саната Жумакадырова: Өзүмдү сулуулардын катарына деле кошпойм. Болгону эл алдында жүргөн үчүн тыкан, таза, адептүү жүрүү керек деген ойдомун. Сулуулукту ар бирибиз аракетибиз менен жасап алабыз, сулуулуктун душманы — жалкоолук. Көздөрүң жылдыздуу деген сөздү көп угам. Мектепте окуп жүргөндө бетиң тултук деп айтышчу. Анан тоодон ылдый чуркаганда бетиңиз тоскоол болбойбу деп тамашалап калышчу. Бетим чоң деп аябай ойлоноор элем, азыр баары жайында. Чындыгында боенгуч каражаттарынан тажайм. Көп учурда көчөгө боегу жок чыгып кеткендиктен, курбуларым боенуп жүр деп сындап жиберишет.

Журналист Нуржан Найзабекова: Менин сулуулугум — жаштыгымда. Себеби, жаш кезинде бардыгы сулуу. Жаштыкты жана сулуулукту сактоо үчүн сергек жашоо мүнөзүн кармануу керек. Ошол эле учурда ички жан дүйнөнүн гармониясын сактоо керек. Бала кезимде эриндеримден улам ыңгайсыз болуп жүрдүм. Себеби, үстүңкү эриндерим чоң деп ойлочумун. Азыр болсо андай эмес экенин билем. Тескерисинче, жылмаюу жана күлкү адамдын ажарын ачып, аны жагымдуу кылат. Жашоодо көп бойонбойм, визажисттерге өтө зарыл учурларда гана кайрылам. 

Модель, сулуулар сынагынын катышуучусу Айдана Калыкова: Менин сулуулугум жан дүйнөмдө деп ойлойм. Өзүмө көздөрүм, сырттагыларга жылмаюум жагат. Кичинекей кезимде укмуш боенчумун. Убакыт өткөн сайын нукура сулуулукка ыктап калат экенсиң. Учурда тоналдык крем менен кирпик боегучту эле колдоном.

Клиптерге көрк кошкон сулуу Айсулуу Молдалиева: Менин сулуулугумду тегерек көздөрүм ачат. Мурун бетимдеги кемчилик катары алыс жайгашкан чекемди эсептечүмүн. Эми кандай болсом өзүмдү ошондой кабыл алам. Боенгуч каражатарына көп деле муктаж эмесмин. Бетиме бет майдан сүйкөп, кашымды болор-болбос чийип алып жүрө берем.

Актриса Альбина Имашова: Мен өзүмдү сулуумун деп эсептебейм. Күнүмдүк жашоодо такыр эле боенбойм. Өзүмө көздөрүм жагат. Бетимде сепкилдерим арбын болгондуктан көп жактырчу эмесмин. Азыр көп кабатырлана бербейм.

Гимнаст, буту менен жаа атуу боюнча чебер Аида Акматова: Алты жашыман баштап цирк дүйнөсүнө аралашкандан тарта боенуп келе жатам. Бош убакыт болгондо аз да болсо теримди эс алдырганга аракет жасайм. Өзүмдүн кашым анча билинбегендиктен беш жыл мурун татуаж чийдиргем. Терим бир беткей кара тору болгондуктан көбү "тоналдык крем коюп алгансыңбы" деп сурай беришет.

Автору: Гүлдана Талантбекова
Фотограф: Табылды Кадырбеков
Визажисттер: Альбина Амандыкова, Гульрух Атамурадова, Кундуз Маматова, Нургиза Турсунбаева, Айша Талантова.

47230
Белгилер:
нукура жүз, макияж, долбоорлор, Гулдана Таланбекова
Тема боюнча
Эң сулуу өрт өчүрүүчү айым Норвегияда жашайт
Кыргызстандык кыз Россияда өтүп жаткан конкурста эң сулуу аталышы мүмкүн
Кара-Балталык кара тору модель бийкеч: 100 кг салмакты көтөрө алам
Тасма тартуу учурунда оператор. Иллюстративдик сүрөт

Мыкты көркөм жана даректүү тасмалардын долбооруна сынак жарыяланды

57
Сынакка катыша турчу долбоорлор инсандын руханий, адеп-ахлактык өнүгүүсүнө түрткү берген, патриоттуулукка үндөгөн жана эгемендүүлүктүн 30 жылдыгына арналган темаларды камтуусу зарыл.

БИШКЕК, 17-май — Sputnik. Кыргызстанда көркөм жана даректүү тасмалардын долбоорлорун кабыл алуу үчүн "Эң мыкты кинодолбоорлор" сынагы жарыяланды. Бул тууралуу Кинематография департаментинен кабарлашты.

Ага ылайык, сынакка катыша турчу долбоорлор инсандын руханий, адеп-ахлактык өнүгүүсүнө түрткү берген, патриоттуулукка үндөгөн, социалдык маанилүү маселелерди чагылдырган, Кыргызстандын эгемендүүлүгүнүн 30 жылдыгына арналган темаларды камтуусу зарыл.

Автор КР жараны болушу керек. Долбоор кыргыз жана орус тилдеринде кабыл алынат.

Талаптар:

  • Долбоордун синопсисинин берилген темага ылайыктуулугу (1-2 барак);
  • Сценарий;
  • Өтүнүч (автордун тасма аркылуу берейин деген ою);
  • Календардык план;
  • Долбоордун бюджети;
  • Кинодолбоордун режиссёрунун, сценаристтин өмүр баяны, атайын окуу жайын же режиссёрдук курсту бүтүргөндүгү тууралуу документ;
  • Режиссёрдун фильмографиясы, эл аралык кинофестивалдарда алган сыйлыктарынын көчүрмөлөрү;
  • Кино тармагында жетишкендиктери бар адистин көркөм жетекчи болууга макулдук каты;
  • Тарта турган кинокомпаниянын же студиянын фильмографиясы.

Департамент тизмедеги талап кылынган иш кагаздардын беш экземпляры болушу керектигин эскертти. Иш кагаздар толук болбосо кабыл алынбайт.

Суроолор болсо (0312) 300265, 312 301046 телефон номерлерине кайрылыңыздар.

57
Белгилер:
кино, талап, долбоор, сынак, тасма, Кыргызстан
Тема боюнча
Кыргызстандык "Месси" Гүлжигит Алыкулов тууралуу даректүү тасма тартылды

Эл ырчысы Эстебес Турсуналиев 90 жашка чыкмак. Акындын сүрөттөгү элеси

103
  • Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында өнөрпоздордун үй-бүлөсүндө туулган
  • Төкмө акындын энеси Арпаян элдик оозеки чыгармачылыгын мыкты билген жомокчу жана кошокчу болгон
  • Эстебес Турсуналиевдин жубайы Райкүл Деркембаева кыздары жана неберелери менен
  • Улуу талант төкмөлүктөн тышкары балык уулаганды да абдан жакшы көрчү
  • Турсуналиев фольклордук топ менен бирге Индия, Бельгия, Швеция, Франция жана Япония сыяктуу ондогон өлкөлөрдө гастролдо болгон.
  • Эстебес Турсуналиев менен Токтосун Тыныбеков экөө элүүдөй айтыштарды жараткан
  • Жубайы Райкүл апа менен сегиз баланын ата-энеси болушкан
  • Улуттук филармонияда эмгектенип жүргөн кезинде Эл ырчысы Эстебес фольклордук тобун уюштуруп, жетектеп, кыргыздын бир топ таланттуу уул-кыздарын тарбиялаган
  • Төкмө 1967-жылдан бери СССР Жазуучулар союзунун мүчөсү болгон. Токтогул Сатылганов атындагы мамлекеттик жана эл аралык Руханият сыйлыктары, Кыргыз ССРинин Жогорку Советинин Ардак грамоталары ыйгарылган.
  • Улуу жазуучу Чыңгыз Айтматов менен да пикирлеш болгон
  • Акын Кыргыз ССРинин жана СССРдин эл артисти. Жогорку Кеңештин биринчи чакырылышында депутаттыкты аркалаган
  • СССРдин эл артисти Эстебес Турсуналиев көзү тирүү болгондо быйыл 90 жашка чыкмак. Залкар акын 2005-жылы 11-октябрда 74 жаш курагында дүйнө салган.
Кыргыз элинин залкар төкмөлөрү Калык Акиев, Осмонкул Бөлөбалаев, Алымкул Үсөнбаев баштаган акындардын шакирти аталган төкмө Эстебес Турсуналиев көзү тирүү болгондо быйыл 5-майда 90 жашка чыкмак.

Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында туулган. Атасы Турсуналы мыкты комузчу, апасы Арпаян укмуш кошокчу болгон. Бул киши тогуз жашынан комуз черте баштаган экен. Атасы да мыкты комузчу болгондуктан айылдагы комузду жакшы чапкан кишиге айтып, уулуна атайын комуз чаптырып берет.

Апасы көп бала төрөсө да, балдары токтобой жүрүп, акыры бир уул, бир кыздуу гана болушкан экен. Ошондон улам Эстебес Турсуналиевдин жалгыз бир тууганы, эжеси гана болгон.

Акындын бала чагы согуштан кийинки кыйын заманга туш келет.

"Апасы кырманда иштеп, Эстекем кенедейинен атка минип мала тартыптыр. Бир жолу Алымкул Үсөнбаев айылга барып калып, Эстекемди ырдатып көрүп жактырат. Ошентип 14 жашында филармонияга алып келген экен. Ошол убакта филармонияда Осмонкул Бөлөбалаев, Шекербек Шеркулов, Ысмайыл Борончиев, Токтоналы Шабданбаев, Абды Байсабаев өңдүү залкарлар иштеп турат. Алымкул аксакал Эстебести алардын алдында ырдатат. Осмонкул Бөлөбалаев ырын угуп эле "ой Алыке, бул балаңды мага бер" деп сурап, шакирт кылып алат. Алымкул Үсөнбаев ал кезде депутат болуп, командировкага да көп чыкчу эмес да. Осокем ырдап жатканда Эстекем көрүүчүлөрдүн алдыңкы сабына отуруп алчу экен", — деп эскерет жубайы Райкүл Деркембаева.

Убагында залкарларга шакирт болгон Эстебес Турсуналиев кичи мекени Таластан төкмө акын Амантай Кутманалиевди жана ырчы Малик Аликеевди борборго алып келген. Бала кезинде филармонияга келген таланттар учурда КРдин эмгек сиңирген артисти болууга жетишти.

Эстебес Турсуналиев филармониядагы 60 жылга чукул чыгармачылык өмүрүндө төкмөлүк өнөрдү айкалыштырып, "Акындын үнү", "Айтыштар", "Заман жарчысы", "Эскерүүлөр", "Ыр өмүрүм", "Кайыңды" аттуу китептерин жарыкка чыгарган.

Ага "Кыргыз мамлекеттик консерваториясынын фольклор бөлүмүнүн профессору" деген наам ыйгарылган.

"Ардак белгиси" ордени, "1941-1945-жылдардагы Улуу Ата Мекендик согуштагы каарман эмгеги үчүн", В.И.Лениндин туулган күнүнүн 100 жылдыгынын урматына "Каарман эмгеги үчүн" медалы, Кыргыз ССРинин Жогорку Советинин Ардак грамоталары менен сыйланган.

Жубайы Райкүл Деркембаева экөө алты уул, эки кызды тарбиялаган. Балдары да чыгармачылыкка жакын.

Төкмө акын 2005-жылы 11-октябрда кан басым оорусунан 74 жаш курагында дүйнө салган.

 

103
  • Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында өнөрпоздордун үй-бүлөсүндө туулган
    © Sputnik / Георгий Зельма

    Эстебес Турсуналиев 1931-жылы 5-майда Талас облусунун Манас районуна караштуу Кара-Арча айылында өнөрпоздордун үй-бүлөсүндө туулган

  • Төкмө акындын энеси Арпаян элдик оозеки чыгармачылыгын мыкты билген жомокчу жана кошокчу болгон
    © Фото / из семейного архива Турсуналиевых

    Төкмө акындын энеси Арпаян элдик оозеки чыгармачылыгын мыкты билген жомокчу жана кошокчу болгон

  • Эстебес Турсуналиевдин жубайы Райкүл Деркембаева кыздары жана неберелери менен
    © Фото / из семейного архива Турсуналиевых

    Эстебес Турсуналиевдин жубайы Райкүл Деркембаева кыздары жана неберелери менен

  • Улуу талант төкмөлүктөн тышкары балык уулаганды да абдан жакшы көрчү
    © Фото / из семейного архива Турсуналиевых

    Улуу талант төкмөлүктөн тышкары балык уулаганды да абдан жакшы көрчү

  • Турсуналиев фольклордук топ менен бирге Индия, Бельгия, Швеция, Франция жана Япония сыяктуу ондогон өлкөлөрдө гастролдо болгон.
    © Фото / из семейного архива Турсуналиевых

    Турсуналиев фольклордук топ менен бирге Индия, Бельгия, Швеция, Франция жана Япония сыяктуу ондогон өлкөлөрдө гастролдо болгон.

  • Эстебес Турсуналиев менен Токтосун Тыныбеков экөө элүүдөй айтыштарды жараткан
    © Фото / из семейного архива Турсуналиевых

    Эстебес Турсуналиев менен Токтосун Тыныбеков экөө элүүдөй айтыштарды жараткан

  • Жубайы Райкүл апа менен сегиз баланын ата-энеси болушкан
    © Фото / из семейного архива Турсуналиевых

    Жубайы Райкүл апа менен сегиз баланын ата-энеси болушкан

  • Улуттук филармонияда эмгектенип жүргөн кезинде Эл ырчысы Эстебес фольклордук тобун уюштуруп, жетектеп, кыргыздын бир топ таланттуу уул-кыздарын тарбиялаган
    © Фото / из семейного архива Турсуналиевых

    Улуттук филармонияда эмгектенип жүргөн кезинде "Эл ырчысы Эстебес" фольклордук тобун уюштуруп, жетектеп, кыргыздын бир топ таланттуу уул-кыздарын тарбиялаган

  • Төкмө 1967-жылдан бери СССР Жазуучулар союзунун мүчөсү болгон. Токтогул Сатылганов атындагы мамлекеттик жана эл аралык Руханият сыйлыктары, Кыргыз ССРинин Жогорку Советинин Ардак грамоталары ыйгарылган.
    © Фото / из семейного архива Турсуналиевых

    Төкмө 1967-жылдан бери СССР Жазуучулар союзунун мүчөсү болгон. Токтогул Сатылганов атындагы мамлекеттик жана эл аралык "Руханият" сыйлыктары, Кыргыз ССРинин Жогорку Советинин Ардак грамоталары ыйгарылган.

  • Улуу жазуучу Чыңгыз Айтматов менен да пикирлеш болгон
    © Фото / из семейного архива Турсуналиевых

    Улуу жазуучу Чыңгыз Айтматов менен да пикирлеш болгон

  • Акын Кыргыз ССРинин жана СССРдин эл артисти. Жогорку Кеңештин биринчи чакырылышында депутаттыкты аркалаган
    © Фото / из семейного архива Турсуналиевых

    Акын Кыргыз ССРинин жана СССРдин эл артисти. Жогорку Кеңештин биринчи чакырылышында депутаттыкты аркалаган

  • СССРдин эл артисти Эстебес Турсуналиев көзү тирүү болгондо быйыл 90 жашка чыкмак. Залкар акын 2005-жылы 11-октябрда 74 жаш курагында дүйнө салган.
    © Фото / из семейного архива Турсуналиевых

    СССРдин эл артисти Эстебес Турсуналиев көзү тирүү болгондо быйыл 90 жашка чыкмак. Залкар акын 2005-жылы 11-октябрда 74 жаш курагында дүйнө салган.

Белгилер:
сүрөт, төкмө акын, Райкүл Деркембаева, Эстебес Турсуналиев
Тема боюнча
Ашыгына алоолонуп араң жеткен акын. Жолон Мамытов тууралуу 7 факты
Сууга түшкөн автоунаа. Архив

Өзгөндө дарыяга унаа кулап, эки адам каза болду. Жеринен тартылган сүрөттөр

0
(жаңыланган 17:43 17.05.2021)
ӨКМдин алдын ала маалыматы боюнча, айдоочу рулду башкара албай калган. Окуядан 56 жаштагы эки адам көз жумган.

БИШКЕК, 17-май — Sputnik. Ош облусунун Өзгөн районунда автоунаа дарыяга кулап, эки адам каза болду. Бул тууралуу ӨКМдин маалымат кызматы билдирди.

  • Упавшая в реку машина в Узгенском районе Ошской области
    Ош облусунун Өзгөн районунда автоунаа дарыяга кулап, эки адам каза болду
    © Фото / пресс-служба МЧС КР
  • Упавшая в реку машина в Узгенском районе Ошской области
    Кырсык райондун Ана-Кызыл айылында болгон
    © Фото / пресс-служба МЧС КР
  • Упавшая в реку машина в Узгенском районе Ошской области
    Алдын ала маалыматтар боюнча, Toyota Ist маркасындагы унаанын айдоочусу рулду башкара албай дарыяга түшүп кеткен. Окуядан 56 жаштагы эки адам көз жумган
    © Фото / пресс-служба МЧС КР
1 / 3
© Фото / пресс-служба МЧС КР
Ош облусунун Өзгөн районунда автоунаа дарыяга кулап, эки адам каза болду

Кырсык райондун Ана-Кызыл айылында болгон. Алдын ала маалыматтар боюнча, Toyota Ist маркасындагы унаанын айдоочусу рулду башкара албай дарыяга түшүп кеткен. Окуядан 56 жаштагы эки адам көз жумган.

Куткаруучулар кишилерди жана унааны суудан чыгарышкан.

0
Белгилер:
ӨКМ, өлүм, Өзгөн, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Кызуу болчу. Иса Өмүркуловдун уулу себепкер болгон жол кырсыгынын чоо-жайы
Алайда 6 киши менен бараткан унаа оодарылып, айдоочу мүрт кетти. Сүрөт
Ош: үч ай ичинде жол кырсыктарынан 23 адам каза болду