Стамбулда даңазаланган шырдак. Студент Аселдин телебаяны ири сынакта байге алды

© Фото / Асел АкматалиеваСтудентка Асел Акматалиева
Студентка Асел Акматалиева - Sputnik Кыргызстан
Жазылуу
Фестивалга Түркиянын 40 жогорку окуу жайынан 1000ден ашуун студент катышкан.

БИШКЕК, 22-фев. — Sputnik. Студент Асел Акматалиеванын кыргыз шырдагын даңазалаган эки мүнөттүк телерепортажы Түркиянын Стамбул шаарында өткөн "Жаш медиачылар" фестивалында үчүнчү орунду ээледи. Сыйлык тапшыруу аземи кечээ, 21-февралда болуп өттү. Бул тууралуу сынактын катышуучусу өзү маалымдады.

Фестивалдын биринчи этабы онлайн түрүндө болуп, ага Кыргызстандан жыйырмага жакын студент эмгегин жөнөткөн. Бирок финалга Асел гана өтүп, өлкө намысын коргоого жалгыз өзү аттанган.

"Былтыр июнь айларында сынак жүрүп жатканын угуп, эки мүнөттүк телерепортаж даярдап жөнөткөм. Андан алты ай өткөн соң финалга жолдомо берип, Стамбулга чакырышты. Бул менин чет өлкөдө катышып жаткан алгачкы сынагым. Тизмеден мени менен финалда ат салыша турган 17 студентти көрүп, алдыңкы орундарга жетериме шек санап калгам. Анан сыйлык тапшыруу башталып "үчүнчү орун Асел Акматалиева, Кыргызстан!" деп чакырганда, чынын айтсам жеңишиме эмес, чоң залдан өлкөнүн атын укканыма аябай кубандым", — деди сүйүнгөн Акматалиева.

Фото с социальной сети Facebook пользователя Guzel Kerimkulova. Начинающий режиссер из Кыргызстана Касиет Джолдошбекова завоевала первое место на международном фестивале документальных фильмов в Стамбуле - Sputnik Кыргызстан
Кыргызстандык студент кыздын тасмасы Стамбулда өткөн кинофестивалда мыкты аталды
Ошондой эле ал фестивалга Түркиянын 40 жогорку окуу жайынан 1000ден ашуун студент катышканын кошумчалады.

Акматалиева — Кыргыз-түрк "Манас" университетинде үчүнчү курста окуйт.

Айдын Доган (Aydın Doğan) атындагы "Жаш медиачылар" фестивалы 1996-жылы негизделген. Учурда Түркиядагы абройлуу фестивалдардын катарында турат. Анда түрк мамлекеттериндеги ЖОЖ студенттери маданият, санат, адабият, билим жаатындагы кино, телерепортаж, радиорепортаж жана гезиттик макалалар боюнча күч сынашат.

Жаңылыктар түрмөгү
0