Жан Воинов: Крис Браун менин видеом менен бөлүшкөнүн досумдан уктум

© Sputnik / Табылды КадырбековТурнир, посвященный открытию Федерации ММА в Кыргызстане
Турнир, посвященный открытию Федерации ММА в Кыргызстане - Sputnik Кыргызстан
Жазылуу
Воиновдун Крис Браун бөлүшкөн видеосу 1,5 жыл мурда америкалык компаниянын суранычы менен тартылган.

БИШКЕК, 15-мар. — Sputnik. Кечээ америкалык айтылуу ырчы Крис Браун өзүнүн Instagram баракчасынан кыргызстандык бийчи Жан Воиновдун бийлеп жаткан видеосу менен бөлүшкөн. Жан Воинов үчүн бул чоң сыймык экенин бийчи өзү Sputnik Кыргызстан агенттигине билдирди.

"Браун менин видеом менен бөлүшкөнүн билген эмесмин. Кинотеатрда отурсак, досум өз телефонунан көрсөттү. Албетте, кубандым, сыймыктандым. Анткени, Крис Браунду өз орду бар, чоң артист катары абдан сыйлайм. Мен сыяктуу жаштар анын соцтармактардагы видеолорун калтырбай көрөт, андан үлгү алышат", — деди Воинов.

Публикация от Jan Voinov (@jan_voinov) Мар 13 2017 в 11:16 PDT

Бул видеону бийчилер Жан Воинов, Поппин Джон жана Boogie Frantick болуп 1,5 жыл мурда америкалык компаниянын суранычы менен тартышкан.

Снимок с социальной сети Instagram пользователя imjika. Жибек Алиева, исполнявшая роль Бемы в проекте Большие люди - Sputnik Кыргызстан
"Большие люди" долбоорундагы "Бема" америкалык жылдыздардын клибине тартылууда
"Видео бир компаниянын заказы менен тартылгандыктан, аны биз интернетке жарыялаган эмеспиз. Бирок бир аз мурда эле өз баракчабызга жайгаштырууга уруксат беришкен. Мен аны менен эки күн мурда бөлүшкөм", — деди бийчи.

Крис Браун видео менен бөлүшкөндөн бир сутка өтпөй эле аны 800 миң адам көрүп, 2 миңден ашуун киши комментарий жазган. Алардын арасында россиялык рэпер Тимати дагы бар.

Эске салсак, былтыркы жылдын аягында Воинов менен жакын досу Миша Ем биргелешип, башкы каармандардын бирин ырчы Айым Айылчиева аткарган тасма тарта башташкан.

Бийчинин айтымында, тасма тартуу иштери аяктап калды. Кыргызстандыктар фильмди апрель айынын аягында көрө алышат.

Жаңылыктар түрмөгү
0