Кыргыз циркинин алпы Кадырбек Тажиевдин архивдик сүрөтү

Кадырбек Тажиев: маскарапозчулук кесип эмес, ал жашоо

379
(жаңыланган 17:39 03.06.2017)
Бүгүн мамлекеттик цирктин көркөм жетекчиси, убагында эң мыкты аталган кыргыз циркинин атчандар группасынын мүчөсү, таланттуу маскарапоз, актер, цирк режиссеру Кадырбек Тажиев 70 жашта.
Тажиев: маскарапозчулук — бул жашоо

Кыргыз циркинин алпы Кадырбек Тажиев журналист Гүлдана Талантбековага эмне себептен түркүктү сүзө берээрин, жашоодо өкүнгөн, сүйүнгөн нерсеси жана 70 жашты эмнеге сезбей жатканын айтып берди.

— Агай, мен кичинекей чагымда шартка байланыштуу циркке барбай калгам. Эми чоңойгондон бери кичинекей балдарды коштоп барып жүрөм. Сиздерге балдардын көңүлүн ачуу оңой болсо керек?

— Кичинекей балдарды алдай албайсың. Адамга кызыл-тазыл кийим кийгизип, мурун жасап, манежге чыгарып маскарапоз кылып коюу оңой. Бирок элдин кабыл алуусу түрдүү болот. Элди күлдүрүп, маскарапоз болуш үчүн көкүрөктө жаш бала жашаш керек.

52 жылдан бери циркте иштеп келе жатам. Манежге чыкканда элдин дуу кол чабуусунан, балдардын түртүп, кийимден тарткылаганынан, тентектерин акырын уруп, тээп кеткендеринен ырахат алам. Балдардын маскарапоз алдында өздөрүн бейкапар сезиши эң таттуу нерсе. Маскарапоз бул кесип эмес, ал — жашоо. 

Народный артист КР Кадырбек Тажиев в своем кабинете
© Sputnik / Гулдана Талантбекова
Кыргыз циркинин алпы Кадырбек Тажиев: маскарапозду элдин кабыл алуусу түрдүү болот. Элди күлдүрүп, маскарапоз болуш үчүн көкүрөктө жаш бала жашаш керек

Кичинекей кезимде Болливуд жылдызы Радж Капурду кумир тутчумун. Көчөдө жыртык батиңке, тегерек щляпа кийип алып индияча ырларын созуп жүрчүмүн. Мектепти бүткөндө жездем Политехникалык институтка тапшыртып койду. Мен кошумча циркке да барып жүрдүм. Кийин кайра дене тарбиялык окуу жайына которулдум. Гастролдорго чыгып, атчандар маскарапозун түздүк. Ошондо атчандар маскарапозу союз боюнча эң мыкты аталды. 1977-жылы айтылуу маскарапоз Никулин өзүнүн коллективине алып Финляндияга алып кетти. Никулинден кыймыл аракет, костюм, гримден тарта сүйлөгөнгө чейин көп нерсени үйрөндүм. Азыр жаштарга Никулин менен иштешкем десем, аксакал карып калыптыр дегендей түр көрсөтүшөт. Анан мына көргүлө деп кабинетиме киригизип сүрөттөрүмдү көргөзөм.

— Чындыгында кабинетиңизге кирген адамдын маанайы көтөрүлөт экен. Түркүн сүрөттөр, ар бир бурчта бирден клоун оюнчуктар…

— Жашоомдун баарын шаңдуулук ээлеп алган. Кайда жүрбөйүн адамдарды тамашага салгым келе берет. Көчөдө кетип баратып калп эле жыгылып, түркүктү сүзүмүш болуп калам. Анан жаштар жүрөгү түшүп чуркап келет. Анан акырын кучактап, жыттап "мобугул атырыңдын аты эмне" десем, ии "Кадырбек байкенин тамашасы турбайбы" деп калышат. Бир жолу машинеде кетип бара жатсам, көчөдө үч кыз айтышып жатат. Жакын барып "мендей болуп жылмайсаңар" десем, күлүп башка темага өтүп кетишти. Анан машиненин терезесинен акырын карасам, бирөөсү сөөмөйүн мээсине чимирип акылынан айнып калган го деп жатыптыр. 

Артист во время международного фестиваля клоунов в Кыргызском государственном цирке имени Абубакира Изибаева
© Sputnik / Табылды Кадырбеков
Кыргыз циркинин алпы Кадырбек Тажиев: көчөдө кетип баратып калп эле жыгылып, түркүктү сүзүмүш болуп калам. Анан жаштар жүрөгү түшүп чуркап келет. Анан акырын кучактап, жыттап "мобугул атырыңдын аты эмне" десем, ии "Кадырбек байкенин тамашасы турбайбы" деп калышат

— Анан ошентип жыгылып калганда көрмөксөнгө салып койгон учурлар болобу?

— Биздин жаштар абдан кайрымдуу. Жардам керек болсо чуркап келишет. Улуу-кичүүнү сыйлоо деген бизде жакшы сакталган. Ошол эле боордош казактар орус чалыш болуп кетти. Эл маскарапоз дегени менен бул жашоо өзү ошондой.

— Кандайча?

— Мисалы, сиз азыр мени менен башкача сүйлөшүп жатасыз, көчөдөн башкачасыз, ишке барсаңыз, үйгө барсаңыз таптакыр башкачасыз, туурабы? Мени маскарапоз дегендерге "ооба, бирок силерге салыштырмалуу дипломум бар" деп айтам. Мен жашоомо ыраазымын. Кайра төрөлсөм ушул эле жолду тандамакмын. Бирок айрым нерселерди өзгөртөт элем.

  • Кадырбек Тажиев менен СССРдин эл артисти Юрий Никулин
    Кадырбек Тажиев менен СССРдин эл артисти Юрий Никулин
    © Фото / из личного архива Кадырбека Тажиева
  • Кадырбек Тажибаев менен экс-президент Роза Отунбаева
    Кадырбек Тажибаев менен экс-президент Роза Отунбаева
    © Фото / из личного архива Кадырбека Тажиева
  • Артисттин иш бөлмөсүндөгү өздүк бурчунан көңүл көтөргөн маскарапоз оюнчуктарын көрүүгө болот
    Артисттин иш бөлмөсүндөгү өздүк бурчунан көңүл көтөргөн маскарапоз оюнчуктарын көрүүгө болот
    © Sputnik / Гулдана Талантбекова
1 / 3
© Фото / из личного архива Кадырбека Тажиева
Кадырбек Тажиев менен СССРдин эл артисти Юрий Никулин

— Мисалы эмнелерди өзгөртөт элеңиз?

— Бала кезде абдан тентек, бетке чаап сүйлөгөн бала болчумун. Бирөө бирдеме десе эле каным кайнап баса калчу элем. Андан да ачуум тарабаса аттын жалынын тиштеп алып ыйлачумун. Себеби жашоодо сүйүнгөн күндөр менен кошо пикир келишпестиктер, ызаланган, жер тепкилеген, ишенген достор сатып кеткен учурлар көп болду.

— Цирк эмне үчүн чоңдорго арналган эмес?

— Азыркы заманда балдарды да, чоңдорду дагы күлдүрүү абдан кыйын. Мурун маскарапоздор келе жатат дегенде, элдин баары колун жайып тосуп алышчу. Азыр кызыктуу нерсенин баарын интернет тартып алды. Кыргыз цирки десең эч ким келбейт. Анан эле чет мамлекеттен келишти десең өзгөчө кабыл алышат. Болбосо программабыз көп жагынан окшош. 

Народный артист КР, клоун Кадырбек Тажиев в своем кабинете
© Sputnik / Гулдана Талантбекова
Кыргыз циркинин алпы Кадырбек Тажиев: мурун маскарапоздор келе жатат дегенде, элдин баары колун жайып тосуп алышчу. Азыр кызыктуу нерсенин баарын интернет тартып алды. Кыргыз цирки десең эч ким келбейт

— Силердин тамашаларга күлбөй да калган учурлар болобу?

— Чыккан программаларга эл күлбөй койсо, сыр бербей өзүбүз күлүп алып чыгып кетебиз. Экинчи-үчүнчү жолу койгонубузда дагы күлүшпөсө алып салабыз. Даярданып жатканда бардыгы укмуштуудай сезилет. Көрөрман биз жасап жаткан иштин жыйынтыгын гана көрөт. Маселен, Никулиндин жумуртканын үстүнө келип отурган номери бар. Алар ошону 55 жыл даярданып ишке ашырышкан.

— Алдыда кандай ой-максаттар бар?

— Элдин баары 70 жаш деп жатышат. Бирок мен аны сезе элекмин. Азыр ошо жетимиштин нөлү жоголду. Башкача айтканда бала кыял болуп калдым. Майда-барат нерсени көңүлгө алып калат экенсиң. Жаш кезде жыргап эле жүрчүбүз, азыр таң калып жатам. Ошондой эле цирктин ишин дагы да улантам.

379
Белгилер:
цирк, Юрий Никулин, Кадырбек Тажиев
Тема боюнча
"Ак Маралдын" жетекчиси: көйнөктөрүбүздүн жупунулугуна карабай суктангандар көп
Малика-Дина Акулова: өз жолумду тандадым деп ишенимдүү айта алам
Кыргызстандык виолончелистка Нурмира Салимбаева

Музыка менен АКШны багынткан кыргыз кызы: ыйлаган күндөрүм көп болду

1142
(жаңыланган 17:33 17.10.2020)
Азыр дүйнөнүн ар бир бурчунан кыргызстандыктарды табууга болот. Кай бирлери жумуш издеп кетсе, айрымдары минтип койгон кыял-максаттарынын артынан барып, ийгиликти багынтып отурат. Арасында бактысын тапкандар да аз эмес.

Sputnik Кыргызстан агенттиги музыка менен Американы багынткан кыргыз кызы Нурмира Салимбаевадан маек алган.

Нурмира Салимбаева виолончелде мыкты ойнойт. АКШдагы музыка жана искусство жаатында дүйнөгө белгилүү университеттин магистратурасын аяктаган. Учурда үй-бүлөсү менен Нью-Йорк шаарында жашайт.

— Өзүңүз тууралуу кыскача окурманга маалымат берсек?

— Бишкек шаарында туулгам. Апам көп жылдан бери Мамбет Мамакеев атындагы республикалык ооруканада врач болуп эмгектенет. Атам кесиби боюнча инженер. Тогуз жашымда ата-энем мени Мукаш Абдраев атындагы музыкалык мектеп-интернатка алып келип киргизишкен. Ал жактан үнүмдү текшерип "музыканы кабыл алып, байкоосу жакшы. Манжалары узун, колдору чоң экен. Чоңураак музыкалык аспапта ойносун" дешип колума виолончелди карматып коюшту. Алгач виолончель көзүмө менден да чоң көрүнүп, ыйлаганым эсимде. Бирок бул аспаптын жагымдуу үнүн угаарым менен аны сүйүп калгам. Мугалимим Фёдор Якунин азыр деле Мукаш Абдраев атындагы музыкалык мектеп-интернатта сабак берет. Бул адамдын колунан 17 жашыма чейин билим алдым. Алгачкы устатым абдан мыкты окутуучу. Кийин Улуттук консерваторияда окудум. Ал жактагы окутуучум Зинона Бегалиева да музыканы сүйүүгө чоң түрткү берип, бар күчүн жумшап аябай мыкты билим берди. Консерваториянын акыркы курсунда окуп жүргөндө "Мээрим" фондунун стипендианттары фонд менен бирге Москваны, Түркияны, Швейцарияны кыдырып концерт койгон элек.

Виолончелистка из Кыргызстана Нурмира Салимбаева, которая проживает в Нью-Йорке
© Фото / из личного архива Нурмиры Салимбаевой
Нурмира Салимбаева: Алгач виолончель өзүмдөн да чоң көрүнүп, ыйлаганым эсимде. Бирок бул аспаптын жагымдуу үнүн угаарым менен аны сүйүп калгам.

— Америкага кандайча барып калдыңыз?

— Котормочу болуп иштеген тууган агам АКШга бир конференцияга кетип жатып, барып "виолончель ойноп бересиңби?" деп сурангандан дароо макул болдум. Ошол кезде 21 жашта болчумун. Америкада мага атайын тур уюштуруп беришип, виолончелим менен көп концерттерге катыштым. Кийин менин музыкалык аспапта ойногонум жергиликтүү музыканттарга жагып, Америкада калып билим алуума сунуштар түштү.

— Окууга өттүңүзбү?

— Алгач Нью-Йорктогу музыка жана искусство чөйрөсүндө дүйнө жүзүнө белгилүү Жульард (Juilliard School — ред.) музыкалык консерваториясына сынак тапшырдым. Виолончель жана музыка боюнча эки сынактан өтүп, англис тилинен TOEFL тапшыра албай койдум. Тил билбесең бардык эшиктер жабык экенин түшүнүп, ошондон кийин болгон күчүмдү тил үйрөнүүгө жумшадым. Башында кыйналдым. Төрт жыл англис тилин аябай окуп, күнүнө алты-жети сааттан курстарга барып турдум.

Беттеги бырышты кетире албай убарасызбы? Скульптуралык массаж тууралуу маек

— Өзүңүз концертке катышууга барып эле АКШда калып калсаңыз. Чоң шаар, бөтөн элде кантип жан бактыңыз?

— Ал убакта жанымда акчам да жок, бөтөн жерде эч кимди тааныбайм же тил билбейм. Колумда виолончелим менен бир чемоданым эле боло турган. Баарын башынан башташ керек болду. Албетте кыйналдым. Бир гана кудайга ишендим. Мени чоң музыкант болуу кыялым жана талбаган эмгек абалдан сууруп кетти деп ойлойм. Курска баруу үчүн алгач бала багуучу, ит сейилдетүүчү, театр жана үй тазалоочу болуп иштеп жүрдүм. Кичинеден окууга акча чогулта бердим. Бир күнү Жульард мектебинин мугалими чалып: "Нью-Йорк абдан кымбат шаар. Бул жактан сегиз сааттык аралыкта жайгашкан Рочестер шаарындагы Рочестер университетинин Истмен музыка мектебине (Eastmen School of Music— ред.) барып тапшыр. Ал дагы дүйнөгө белгилүү жана музыкалык аспаптар жаатында абдан күчтүү консерватория", - деген кеңешин берди. Албетте, бул сунушту туура кабыл алдым, анткени Жульард мектебинин окуусун төлөөгө менде каражат жок болчу.

Виолончелистка из Кыргызстана Нурмира Салимбаева, которая проживает в Нью-Йорке
© Фото / из личного архива Нурмиры Салимбаевой
Нурмира Салимбаева: Кыргызстанда музыканттарды баалап, көңүл бурушпайт. Музыкант болуу чоң эмгекти, казып окууну, терең билим алууну талап кылат.

— Анан кантип Америкада ийгиликтүү музыкант болууга жетиштиңиз?

— Америкада ийгиликтүү музыкант болуу үчүн белгилүү бир окуу жайын аяктоо өтө маанилүү. Ошол себептен мыкты университетке өтүүгө болушунча жан үрөдүм. Буга чейин Кыргызстанда деле чоң концерттерде ойноп, бир нече мамлекетти кыдырып концерт берсек да бул жактан баарын башынан баштоого туура келди. Нью-Йоркко дүйнө жүзүнөн менмендеген музыканттар келет. Андыктан көп эмгектенүү абзел. Анан да сонун адамдардын моралдык колдоосу болду. АКШдан таанышкан Эний жана Лима Күнөрдүн үй-бүлөсү менен абдан жакындашып, өз кишилердей болуп калдык. Окуумдан эс алууга чыккан сайын алардын үйүнө барчумун. Ошондой эле классикалык музыканы баалаган көп адамдарга жолуктум. Алар мага жаңы виолончель сатып алуума да жардамын аяган жок.

— Жолдошуңуз менен кантип таанышып калдыңыз?

— Истмен музыка мектебинин магистратурасында окуп, оркестрда ойноп жүргөндө жолдошум бизге дирижёр болуп келди. Ал мени биринчи көргөндө эле жактырып калыптыр. Бирок япон кызы деп ойлоп, өз алдынча япон тилин үйрөнүп жүргөн экен. Бир жолу орусча сүйлөп жатканымды угуп, Борбордук Азиядан экенимди баамдаптыр. Себеби кичинесинде балдар хорунда ырдап көп мамлекеттерди кыдырган. Кыргызстан тууралуу да билчү экен. Андан кийин таанышып, сүйлөшүп кеттик. Жолдошум америкалык еврей. Абдан таланттуу музыкант жана англис тилинен тышкары үч-төрт тилде эркин сүйлөйт.

Ошол магистратураны аяктап жатканда апам АКШга үч айга келип, мени Кыргызстанга алып кетмек болгон. Ата-энемдин Кыргызстандан турмушка беребиз деген ойлору бар эле. Бирок Клей (жолдошу Клей Гринберг) апамдан колумду сурап, калтырып кетүүсүн өтүнүп туруп алды. Акыры ата-энем макулдугун берип, апамдын кетерине үч күн калганда тоюбузду бердик. Дароо эле Нью-Йоркко көчүп келип, Манхэттен Чембр Мюзик (Manhattan Chamber Music — ред.) оркестринде, Опералык Хауста (опералык театр), Бродвей шоуларда (англ. Broadway theatre же жөн гана Бродвей — ред.) виолончель ойноп жүрдүм. Ошондой эле Нью-Йорктогу эки белгилүү музыкалык мектеп жумушка алышты. Балдарга виолончелден жана скрипкадан сабак берип иштедим. Клей Кыргызстанды абдан жакшы көрөт. Эли меймандос, мээримдүү деп көп айтат.

Google, Amazon, Apple компанияларына кирүүдө үч этап бар. Кыргыз жигиттин маеги

— Үч баланын ата-энеси болупсуздар...

— Ооба, улуу кызыбыздын аты Софья-Айсулуу 10 жашта, уулубуз Элайже-Ильяз сегиз, ал эми кичүү кызыбыз Амилия-Сайкал бешке чыкты. Апамдын аты да Сайкал болгондуктан небересине таенесинин ысымын ыйгарганбыз. Балдарым абдан жайдары, боорукер. Балдарды тарбиялоодо кыргызча менталитетти да колдонуп алгач улууларды жана өзүн сыйлоого үйрөтөбүз. Экинчиден, бирөөгө бой көтөрүү жаман адат экенин билишет. Күйөөм экөөбүз балдарды башка балдарга салыштырбайбыз. Бул, менимче, туура тарбия. Анан да биз, ата-энелер, балдарды көбүнчө "ыйлаба" деп урушабыз. Бул бир аз туура эмес. Себеби балдардын ыйлап алуусуна, оюн айтуусуна мүмкүнчүлүк беришибиз керек. Мен өзүмдү балдарымдын адвокатымын деп коём. Аларга дайыма жакшы көрөрүмдү айтып турам.

Виолончелистка из Кыргызстана Нурмира Салимбаева, которая проживает в Нью-Йорке
© Фото / из личного архива Нурмиры Салимбаевой
Нурмира Салимбаева: Котормочу болуп иштеген байкебиз АКШга конференцияга жөнөп жатып, “барып, виолончель ойноп бересиңби?” деп суранганда дароо макул болгом.

— Кыргызстанда музыканттар анча бааланбайт эмеспи. Америкада бул жагы кандай?

— Кыргызстанда музыканттарды баалап, көңүл бурушпайт. Музыкант болуу чоң эмгекти, казып окууну, терең билим алууну талап кылат да. Эсимде 17 жашымда Кыргызстанда өткөн республикалык сынакты утуп алдым. Анан ошол эле жылы мугалимим Зинона Бегалиева Москвадагы консерваторияга алып барып, өзүнүн окутуучусу Мария Чайковскаяга музыкалык сынак (прослушивание) тапшырткан эле. Кыргызстандан барган үчөөбүз тең өтүп кеттик. Кайра келгенде материалдык жактан мүмкүнчүлүк жоктугунан окууга барбай калгам. Апам жардам сурап барбаган жери калган жок. Маданият министрлигине барса, жардам берүүдөн баш тартып коюшуптур. Натыйжада ошол үчөөбүздүн ичинен бирөө эле Москвага окууга кеткен. Ошондо аябай ызаланып ыйлап, биздин өлкөдө өзүңө гана ишенүү керек экенин түшүнгөм. Үч-төрт жылдан кийин аталаш агам "Америкага жүрү" дегенде эч нерсени карабай, бир-эки саатта эле чемоданымды чогултуп кете бергенимдин себеби да ошол болду окшойт. Бирок чет жерде кыйынчылыктар көп эле болду. Башында Кыргызстанды, нанынын жытын, абасын, эл-журтту сагынып жүрдүм. Ыйлаган күндөрүм көп болду. Азыр дагы музыка тармагында гана эмес, Кыргызстандагы кырдаалга да жүрөгүм ооруйт. Өлкөдө реформа болушун каалайм.

Бизге ызы-чуунун кереги жок! АКШдагы кыргызстандыктар менен маек

— Кыргызстандык жаш музыканттарга эмне айтар элеңиз?

— Музыкасыз жашоо — бул караңгыда калгандай. Кандай күнгө туш болсоңор да токтоп калбагыла. Кыялыңарга карай эмгектене бергиле. Музыканын жараатыңды айыктыра турчу сыйкыры бар. Алгач эмне үчүн музыканы тандап алганың тууралуу ойлон, өзүңө суроо бер. Бирөөгө жагуу же белгилүү болуу үчүн эмес жан дүйнөнү толтуруу үчүн тандасаң ийгилик болот.

Виолончелистка из Кыргызстана Нурмира Салимбаева, которая проживает в Нью-Йорке
© Фото / из личного архива Нурмиры Салимбаевой
Нурмира Салимбаева: Кыргызстандык музыканттар Нью-Йорктогу белгилүү маданий жайларда кыргыз композиторлору Калый Молдобасановдун, Муратбек Бегалиевдин, Абдылас Малдыбаевдин классикалык музыкаларын ойноп турабыз.

— Нью-Йоркто Азамат Сыдыков аттуу кыргызстандык белгилүү пианист жигит да жашачу эле...

— Ооба, азыр Азамат (Сыдыков) кыргызстандык музыканттарды колдоо боюнча атайын фонд ачкан. Ошол фонддун иштерине катышып турам. Кыргызстандык музыканттар Нью-Йорктогу белгилүү маданий жайларда кыргыз композиторлору Калый Молдобасановдун, Муратбек Бегалиевдин, Абдылас Малдыбаевдин классикалык музыкаларын ойноп турабыз. Америкалыктарга кыргыз обондору абдан жагат. Анткени назик, терең, тарыхы бай, кооз болот. Кыргыз күүлөрүн ойногондо эл кээде туруп алып кол чабышат. Америкада дагы бир мыкты музыкант, комузчу Перизат Копубаеванын атын айта кетким келет. Ал дагы Мукаш Абдраев атындагы мектепти бүткөн. Жолдошу белгилүү ырчы Эрлан Андашев. Мындан тышкары, Кайыр Кошоева деген пианист, Назгүл Бектурова аттуу виолончелде ойногон кыз бар. Баарыбыз катышып, бирге концерт коюп, кыргыз күүлөрүн Америкада жаңыртып турабыз.

1142
Белгилер:
Кыргызстан, жумуш, музыка, АКШ
Тема боюнча
Студенттерди чет өлкөгө окууга даярдаган ишкер: 5 нерсени эстен чыгарбаш керек
Кыргыз кыздар чет элдиктерден эмнеси менен айырмаланат? Суктандырган жигиттин маеги
Дарыгер-клиникалык фармаколог, косметолог Перизат Салянова

Адис скульптуралык укалоонун артыкчылыгын айтып берди

154
Дарыгер-клиникалык фармаколог, косметолог Перизат Салянова скульптуралык укалоонун жыйынтыгы дароо билинбегендиктен аялдар ийне сайдырууга кетип калышарын айтты.
Адис скульптуралык укалоонун артыкчылыгын айтып берди

Скульптуралык массаж бетинде жарасы, безеткиси барларга, артериалдык кан басымы жогоруларга, мээден жаракат алгандарга, гормоналдык көйгөйлөрү, көзү чалыр же көз оорулары барларга жана богок менен ооругандарга сунушталбайт. Бул тууралуу Перизат Салянова Sputnik Кыргызстан радиосунун эфиринде маек куруп жатып билдирди.

Эндокринолог: уйку гормону бузулган адам бат картаят

Анын айтымында, скульптуралык укалоонун жашартуучу лимфодренаждык, миофасциалдык ыкмалары бар. Ар бир техникага жараша массаж май менен же май колдонулбай жасалат. Азыр майсыз укалоо жакшы жыйынтык берип жатат.

"Биз адамдарга ден соолугуна кам көрүү үчүн багыт берүүчүбүз. Массажга келген адам эгер өзү да аракет кылып, ден соолугун, келбетин жакшыртуу боюнча адистер менен чогуу иштесе, анда жакшы натыйжа болот. Бул ошол эле туура тамактануу, уктоо жана дене тарбия менен машыгуу. Укалоо дегенди укканда "ой жөн эле массаж турбайбы, кантип бырышты кетирмек эле" деп ийне сайдырганга ашыгышат. Албетте, укалоо дароо жыйынтыгын бербейт. Ал үчүн бир нече процедурадан өтүү керек. Бирок анын кийин кесепети жаман болбойт. Ал эми ботокс, филлер бул зыяндуу нерсе. Ал депрессияга алып келет. Булчуңдун иштешин жокко чыгарып, аны тоңдуруп салгандыктан канчалаган кан айлануучу жана лимфатикалык кан тамырлар иштебей калат. Булчуңдардын арасында толтурулган гель 3-6 айдан кийин күчүн жоготуп, беттеги булчуңдар мурдагы эле калыбына келет. Жаш кыздар келечекте эне болушат. Ботокс балалуу болууга канчалык зыяны бар экенин аңдап биле беришпейт. Ооба, бизде жакшы косметологдор бар, бирок алардын баары эле ботокстун зыяндуулугун айта беришпейт", — деди Салянова.

Дарыгер адамдардын сулуулугуна аппараттык косметология менен кам көрүүгө билими, мүмкүнчүлүгү болгонуна карабай табигый укалоону тандаганын кошумчалады.

154
Белгилер:
скульптура, ботокс, укалоочу
Тема боюнча
Дерматолог жаш кезде бырышты алдын алуунун сырын ачып берди
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

109
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

109
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы