"Азия MIX" командасындагы Ситора бир жылдан соң Өзбекстанда сахнага кайтты

© Фото / Дмитрий МакуринУчастница "Азии MIX" Ситора Фармонова
Участница Азии MIX Ситора Фармонова - Sputnik Кыргызстан
Жазылуу
2016-жылы июлда "Өзбекнаво" эстрадалык бирикмеси ырчыны лицензиясынан ажыраткан.

БИШКЕК, 4-июл. — Sputnik. Ырчы жана актриса Ситора Фарманова Өзбекстанда сахнага кайтканын өзү Sputnik агенттигине билдирди.

"Өзбекнаво" эстрадалык бирикмеси 2016-жылы июлда ырчыны лицензиясынан ажыраткан. Ага ылайык, ырчы лицензиялык келишимдин талаптарын бузганы үчүн Өзбекстанда маданият тармагында иштөө мүмкүнчүлүгүнөн айрылган. Ошентсе да аталган бирикме кайсы талаптарды бузганын түшүндүрүп берген эмес.

Бул тууралуу маалыматтар келип түшпөгөндүктөн Sputnik Кыргызстан агентигинин кабарчысы Ситора менен байланышканда ал лицензиясын ушул жылдын май айында калыбына келтирип бергенин билдирди.

"Мага эки ай мурда лицензиямда кайтарып беришти. Эми мен Өзбекстандагы маданий иш-чараларга катыша алам", — деди ырчы.

Белгилей кетсек, Ситора Фармонова Кыргызстандын "Азия MIX" шайырлар жана тапкычтар командасында оюн көрсөткөн. Былтыр июль айында команда "Голосящий КиВиН" фестивалында "Алтын чоң КиВиН" утуп шайырлар жана тапкычтар клубунун жогорку лигасынын финалында жеңишке жетишкен.

Жаңылыктар түрмөгү
0